Cafe de Tiffany (已結業)

星期五打算食一餐豐富嘅西餐，見到呢間小店，門口擺放住menu 2人餐價錢都幾吸引 ，就入去幫襯下啦！先嚟嘅就係餐湯、餐包同埋沙律，會highlight返個沙律，佢係用黑醋調味而且上面都有雞肉做配料，非常開胃同豐富。歐陸式雜扒～ 一向嘅認知，雜扒都係每款扒細細塊，樣樣都有啲，但係呢度完全係full size， 真係超級大胃王先會食得曬呀！而且仲有薯條墊底，3個正常食量嘅女仔食都完全冇問題！！ 而且每一樣嘅肉質都非常好！超級低食！！紐西蘭厚切牛肉眼 ~牛肉味超濃，而且非常厚切，完全冇over cooked，仲要加上免費嘅蒜，真係非常之啱胃口！！到最後當然有餐茶同埋甜品啦！！甜品係獨立包裝嘅雪糕糯米糍， 夠曬衛生乾淨！！good!! 相信不久嘅將來，絕對會翻兜呢間小店!! 大推！！

諗番起細細個每逢大節日，爸爸媽媽就會帶我哋去鋸扒✌🏻好開心，今日係Mother’s day 🎉嚟到粉嶺聯和墟揾食，所以都食鐵板餐先😋我同老公仔仔一行三人，我同老公叫咗兩個鐵板set lunch ，叫咗個精選意粉set lunch 給仔仔品嘗🥳卡邦尼煙肉蛋汁意粉，仔仔勁鐘意食鐵板紐西蘭肉眼扒，黑椒汁跟薯菜鐵板鴛鴦扒有豬扒雞扒太陽蛋，洋蔥汁跟意粉跟餐有兩個湯我哋叫咗兩個南瓜忌廉湯，一個羅宋湯，另外仲包飲品甜品，真係好味又抵食呀，大滿足

見聯和墟開左新餐廳就去食下啦，點知伏哂🤮🤮🤮晚市時段去既，人就唔叫好多，燈光都好足夠，問題係☠️食物質素☠️1️⃣由餐湯講起啦，紅湯黎既🏴‍☠️湯太稀好似水咁🏴‍☠️料唔多🏴‍☠️餐包竟然唔記得上2️⃣主菜係火焰豬肋骨🏴‍☠️又嚡又硬🏴‍☠️好似醃製左好耐，無肉味3️⃣另一個主菜係紐西蘭厚切牛肉眼（15oz）🏴‍☠️叫5成變左7成🏴‍☠️口感好差🏴‍☠️同豬肋骨一樣醃得太耐無味4️⃣甜品就迷你雪糕糯米糍，買返黎既都無野講啦總結：真係有待改善🤮（表示唔會想再去😀

今日假期，探完朋友可愛BB，就去附近呢間港女打卡西餐 Café de Tiffany 試下，享受下me time。餐廳🍴環境企理，夠乾淨，氣氛有情調，午餐選擇多，食肉獸的我梗係試牛扒啦。鐵板紐西蘭牛肉眼扒 $78鐵板好夠熱，上枱芝芝聲，香氣撲鼻，牛肉眼扒份量十足，厚身但肉質細嫩，7成熟又非常香嫩，牛肉味濃，肥肉少，啖啖肉好滋味。配以香脆薯角，雜豆和香甜洋蔥，大滿足。餐包鬆軟，羅宋湯料多又夠濃味，甜而不辣。套餐加$12 有特飲 雪糕有香脆朱古力碎，香濃幼滑，配阿華田好夾。坐得舒服，職員熱情有禮，好抵食，下次會再嚟！

今次揾食揾到去粉嶺嘅聯和墟😁我哋兩個人叫咗兩個set lunch ,另外加咗個沙律🌟羅宋湯🌟忌廉湯🌟牛油餐包🌟凱撒沙律，👍🏻啲菜好新鮮，加個汁好醒胃🌟鐵板紐西蘭牛肉眼，七成熟，黑椒汁，個鐵板咋咋聲架，食慾大增呀🌟鐵板冰島比口魚扒，蒜蓉汁，皮脆口魚肉嫩滑🌟滴漏咖啡☕️，好香好濃郁🌟黑牛，嘩嘩嘩，好有懷舊feel ，唔係到到都有得飲㗎，chocolate ice cream加上冰凍可口可樂，爽呀😋

今晚做乖女陪媽咪拎野入粉嶺比佢的朋友，之後就找附近餐廳食晚飯再回家，比我見到呢間 。Cafe de Tiffany係門口睇餐牌都唔錯就入去食了。入到餐廳裝修有feel 加分。我們先叫了個二人餐有以下食物:羅宋湯加餐包 ～ 個湯夠酸小辣好開胃火焰美式豬肋骨 ～ 好有驚喜，侍應在我旁邊那張枱倒出火焰，豬肋骨超淋每條骨都滿滿醬汁。美國Angus Prime Grade牛西冷 （要另加100）～ 估唔到另上的生蒜放在牛扒上再點一點黑椒汁會係咁夾咁好味的。熱檸茶和雪糕阿華田 我們還加了一客煙三文魚凱撒沙律和白酒忌廉藍青口超豐富。青口超抵食仲要排得咁靚影相一流。下次有機會再拎野來，我一定會再來食。

我自己係一個好鍾意捐窿捐罅搵嘢食嘅人所以今次就去咗粉嶺嗰度食飯之後見到呢間好似幾吸引所以就入咗去呢間舖頭就叫Cafe de Tiffany—————————————我哋嗌咗二人套餐（$248）我朋友係揀咗A4:歐陸式雜扒（牛扒、雞排、豬扒、法蘭克福腸、火腿、煙肉）（黑椒汁）而我就揀咗A5: 紐西蘭厚切牛肉眼（15安士）（燒汁）（加咗$5要意粉）不過我建議你哋真係唔好亦都唔洗意粉唔係佢唔好食，而係主食份量已經多到爆炸我第一眼見到我嗌嗰個已經覺得好多🤔🤔完全feel到自己一定唔會食得曬（好彩最後都叫食得曬）同埋佢嘅牛扒真係勁厚勁抵食牛肉嘅口感都幾豐富肉質都幾唔錯、好juicy😋😋最重要係牛肉味好濃郁當我以為我嗰個已經好誇張嘅時候之後我見到我朋友嗰個完全係勁驚訝幾乎完全見唔到嗰個鐵板有任何嘅空位🤣🤣雖然我朋友係幾大食嘅但係佢都食唔曬呢個嘅牛扒雖然唔及我揀嗰個但係其實我自己感覺都算唔錯😄😄我試咗少少雞扒都整得幾入味同埋好滑我覺得呢間舖頭最值得讚一定係份量😅😅幾乎兜兜都勁大碟真係值得一試

位於粉嶺聯和墟，呢度一向有粉嶺美食天堂之稱，入面有唔少民間正野，今次黎左呢間cafe，雖然附近都係車行，唔少車都停左係舖門口，見到有tesla，但呢間野就萬綠中一點紅，裝修得好有歐陸度假氣氛，同附近車房格調完全唔同。價錢，食物都係走高級茶記方向，有牛扒，燒春雞，豬肋骨食下，飯意大利粉薯菜都當然唔少得喇，最特別係佢連T骨扒餐都有得叫，仲要係30oz咁大，真係好吸引呀，唔錯！！燒春雞，雖然細細隻，但食落好香口，雞肉都好嫩滑，外皮又夠曬脆，夠曬juicy好味。豬肋骨，整得幾有咬感，夠曬彈牙，同平時食果d肉可以離骨既唔同食法，又有口感。牛扒叫左個安格斯7成熟，牛味又okay，都算幾大塊，食落有口感，唔錯！

粉嶺聯和墟都幾多嘢食，今日就去咗間西餐廳試吓。餐廳裝潢幾有美式風格。二個人食唔想諗咁多，叫咗個二人餐【Café de Tiffany二人晚餐$248】。【精選沙律】司華力腸加沙律菜，開胃之選。餐湯揀咗【粟米蘑菇忌廉湯】，湯料比較少。主菜【冰島比目魚大虎蝦】預期之外嘅大份量。比目魚兩大件，兩邊煎到金黃色，外脆內嫩，魚肉好軟滑兼juicy，十分高質。大虎蝦肉質爽彈，煎得好香口。仲配大量熱辣辣薯角，食完好飽～【美國Angus Prime Grade牛西冷 (+$100)】西冷扒幾厚幾大份，我哋叫五成但出嚟就七成左右，還好肉味濃郁。配青豆、紅蘿蔔粒、粟米同沙律，營養均衡。【即磨咖啡】咖啡味香濃。【雪糕阿華田(特飲+ $12)】阿華力配朱古力雪糕球，味道又幾夾。最後食埋甜品雪米糍。如果唔係加咗$100食靚牛，唔駛$300就由沙律食到甜品，街坊價認真抵食。

📍 Cafe de Tiffany (粉嶺)平價西餐.今日收工去粉嶺食一間Cafe，估唔到聯和墟都有呢啲類型嘅Cafe！價錢不貴$200左右已經有一個二人套餐！總括來講環境都OK平平哋食個西餐，冇乜特別要求， 都係一個好選擇！經濟之選！.✅選擇嘅種類都算多，有平有貴的套餐！我簡左一個2人套餐，$198有牛扒同意粉,餐包餐湯同飲品。意粉好大碟，個人比較喜歡吃軟身同有d汁既意粉。.✅白酒忌廉藍青口$42味道不錯，幾鮮的，價錢好平，大大碟！✅凱撒沙律$38又係勁抵，大大碟，最鍾意食佢鋪面嘅麵包脆脆好好食！如果多啲沙律醬就有好d😀.環境:💡💡💡💡💡💡💡7/10分服務：👩‍🍳👩‍🍳👩‍🍳👩‍🍳👩‍🍳👩‍🍳👩‍🍳👩‍🍳8/10地址：粉嶺聯和墟聯發街26號地舖

好耐冇同朋友出去食飯喇～今日黎左呢間喺粉嶺新開既Cafe。我地兩個人叫左二人晚餐（$248）。晚餐包括兩個主食、餐湯同飲品。主食方面揀左歐陸式雜扒同澳洲巨型T骨牛扒(30oz)。另外我地仲叫左一份芝士肉醬薯條。歐陸式雜扒今餐最欣賞既係雜扒中既雞扒。平日唔食雞皮既我地，都忍唔住食晒啲雞皮，因為雞皮煎到好香脆，而且不膩。澳洲巨型T骨牛扒（晚餐價錢另加$80）T骨牛扒真係好巨型！啖啖肉，鍾意食肉既朋友不妨試試。記得食埋伴碟既沙律菜，平衡返營養所需。芝士肉醬薯條（$34）原來雜扒本身都配薯角，我地唔知仲點多左份薯條。不過，薯條其實都係薯角上，仲要係連皮薯角！個人係鍾意食薯仔皮，所以我食左好多～兩份主食都超大份，唔好忘記仲有餐湯、餐包同飲品，多到我地兩個都食唔晒。抵～

今日港女去左打卡西餐廳Cafe De Tiffany同朋友預早祝生日！餐廳門外招牌用上木材料製造，感覺文青~入到去餐廳環境似酒吧多d。我哋倆人叫左美國Angus Prime Grade牛西冷，黑松露忌廉野菌意粉，煙三文魚凱撒沙律，芝士肉醬焗薯條。野食好快到齊，個沙律菜好新鮮，菜好清甜！黑松露忌廉野菌意粉有好香嘅牛油忌廉同野菌味，個意粉硬度適中！我本身唔太鐘食意粉嘅都想食多幾啖！而個肉醬焗薯條，個醬汁好惹味味配薯條一齊食一流！到重頭戲牛西冷，伴碟都會有薯角同蔬菜，醬汁揀選左蒜蓉汁，西冷牛脂分佈平均，好juicy。整餐飯都好滿足，生日嗰位都好開心呀！

一至星期日以間都非常多人排隊，有幾次都放棄左排隊，今日特登早D黎，終於唔駛排隊直入。餐牌有扒餐、二人晚餐、意粉、焗飯、馬來咖喱、小食，價錢合理，二人套餐都好抵食，任選兩款扒。二人晚餐配忌廉湯冰島比目魚大虎蝦（燒汁）比目魚好大條，成隻碟咁長，比目魚全部都係大骨，比目魚肉質好滑，油脂含量豐富，鮮味十足，另外虎蝦都好大隻，煎到好香，爽口彈牙 美國 Angus Prime Grade 牛西冷（黑椒汁）點了5成熟，牛味濃郁，肉質豐厚帶點嚼勁，薯角份量都好多，伴碟仲有新鮮沙律菜雪糕朱古力&凍檸檬茶

朋友說這邊的侍應非常有禮，聲線悅耳，所以經常來吃午餐。有見及此，於是約了我來試試晚餐鐵板餐，飯餐，意粉餐一應俱全感覺很ＣＨＩＬＬ，座位也滿闊落的煙三文魚沙律＄４８不算很便宜，但意大利黑醋，雜菜的質素不俗，滿開胃的，意想不到地跟九龍區的沙律有得拼餐湯紅湯，甜甜的味道帶微酸，滿開胃卡邦尼意粉＄７８不算很美的擺盤，不過份量很大，而且很ＣＲＥＡＭＹ！煙肉跟磨菇的份量超慷慨，帶點甜甜的味道，不計賣相的話很不錯！份量很大的七打牛柳加虎蝦＄１６８虎蝦一隻還不錯，但牛柳真的很不錯，五分熟也沒有太多根，厚度十足，又帶牛肉香，亦不像西冷那麼油膩。薯條熱辣滿好吃，還有少量沙律，光吃這一份已經飽了。檸茶的檸檬不會太老太乾，可以～最後兩顆雪米滋作結

聯和墟出名多小店，經過見到一間有格調嘅餐廳，見到裝修的確又落過心思！！除咗室內有一個寬敞嘅空間之外，門口都有兩張枱，都係welcome帶寵物既客人。喺門口睇Menu, 發覺一啲都唔算貴， 就決定晚餐入內解決😆同老公點咗兩個一人餐， 飲品方面就豪少少，加$12叫特飲。左：雪糕阿華田右：黑牛雪糕帶有朱古力碎片， 非常有口感❤️火焰七打牛柳大虎蝦 $168 好有噱頭地喺我哋面前用火燒牛柳，真係好精彩。即場用黑椒汁淋上鐵板， 發出嘅滋滋聲，的確無比吸引！！大蝦非常有睇頭絕無欺場， 牛柳都非常大件厚肉 ， 既有牛香又夠淋，可以講係cp值極高！！ 美式bbq醬烤豬肋骨及半邊燒春雞$138豬肋骨有五條骨嘅份量，比想像中還要大， 配合埋燒烤醬的確惹味， 另外，春雞非常嫩滑，好正呀！跟餐亦都有小甜品 ，係雪糕糯米糍，仲咁啱係我最鍾意嘅荔枝味❤️Lucky❤️