Cafe de Tiffany (已結業)

假期入咗粉嶺,晚餐係聯和墟呢間餐廳食。餐廳雖然吾算大,但大大張梳化位,感覺好舒服。見到餐牌都幾有特色,於是點咗挪威三文魚扒配薯條🍟意式茄茸芝士焗豬扒意粉🍝兩個餐都有餐包、餐飲、餐湯同雪糕🍞☕🥣🍦黑糖餐包和暖、鬆軟好味羅宋湯酸酸哋加少少辣味,開胃！忌廉湯都好滑！三文扒好鬼大塊,两邊煎到金黃色！薯條、粟米粒都係金黃色。“黃金滿板餐”🤭扒餐有四款醬汁,我哋揀咗洋蔥汁,waiter好細心幫我哋淋上醬汁。高温鐵板令醬汁發出滋滋聲,散發出陣陣洋蔥香味♨️。三文魚扒肉質厚實,魚皮香脆有魚油香,洋蔥汁增加味道！大大條薯條外脆內粉綿,粟米粒粒鮮甜！🐟🌽🍟意式茄茸芝士焗豬扒意粉🥩🧀🍅,先講個醬汁,真材實料鮮蕃茄茸酸酸甜甜加上芝士香,完全吾膩。豬扒係煎到金黃先拎去焗,吸收茄茸芝士好腍入味。醬汁濃稠適中份量足以令意粉掛醬。比起一哥豬扒焗意粉……難怪餐牌有👍店長推薦⭐⭐啦大大份两個餐加上香芋雪米糍,飽滿又滿足！仲有…仲有年輕服務員溫馨提示小心地滑、小心辣手、多謝……下次來點返個火焰餐先♨️♨️♨️

去左聯和墟探朋友，佢就同我食西餐，哩間餐廳採用黃光，令到餐廳氣氛柔和兼有情調餐廳以据扒為主，朋友點左個火焰美式豬肋骨配薯條，我就點左個大虎蝦海鮮茄蓉意粉，兩個餐都包左餐包、湯同飲品餐包同湯同時上枱，我地揀左紅湯(羅宋湯)，湯好濃同好多湯料係當中，餐包熱騰騰，好軟熟仲帶點甜甜地既味道，唔同一般普通既餐包之後上大虎蝦海鮮茄蓉意粉，隻虎蝦餐廳開邊焗，焗到金黃吸引加上青口和蝦仁無殼，方便食用又感覺衛生，個意粉好多茄蓉，伴埋洋蔥香菇蜆芥一起，食落唔係單單得意粉甘dry火焰美式豬肋骨配薯條，臨上枱前待應為免嚇親我地，先開聲提醒：我地既火焰豬肋骨到左，之後就快速地倒入火焰,火團突然出現包圍住豬肋骨，我地睇得都興奮期待起來待應放低後我地便切開豬肋骨分黎食，都幾大舊，共分到7格，加上薯條，同朋友share岩岩好,豬肋骨配美式醬好夾好好味，另外我地因為唔知豬肋骨有薯條跟，所以加左$10要多個意粉，意粉可以選配黑椒汁、洋蔥汁、燒汁、蒜蓉汁，我地選左黑椒汁，喜歡黑椒夠嗆，食完飲杯飲品消消氣，幫助消化。

我諗住喺上水粉嶺嘅朋友仔，都未必留意到呢間喺聯和墟嘅西餐小店，因為佢唔係位於聯和墟中心地帶。今晚偶爾去開附近，想食西餐，就黎咗呢度試試，估唔到都有啲驚喜。入到去，環境幾舒適，仲有大大張卡位。我哋點咗個鐵板二人晚餐，有成十一款主菜任選！忌廉湯/ 羅宋湯 配黑糖餐包好鍾意呢個黑糖餐包！個包暖暖地，好軟熟，微甜嘅黑糖味，好特別，好好味紐西蘭肉眼扒超。級。大。塊！真係唔講得笑，份量十足！七成熟嘅牛扒，成數啱啱好。牛扒好厚身，食落感覺好實在，好滿足。鐵板餐本身配薯條，另外有粟米粒同洋蔥，好豐富！挪威三文魚扒三文魚扒同樣係大大塊，煎得好香，配上蒜蓉汁一齊食，都幾夾。餐飲就點左凍奶茶同熱檸水。另外亦可選擇加$38配紅酒🍷下次嚟鋸扒都可以試吓點返杯我覺得呢度嘅性價比好高，一人百零蚊就食到個咁豐富嘅鐵板餐，非常經濟抵食。餐廳環境舒適，店員nice有禮貌，呢一餐整體都好滿意！

係聯和墟見到Cafe de Tiffany 人唔多，就入左去試下。餐廳門口有座位方便吸煙或者攜帶左寵物既食客， 裹面裝修都係行工業風，雖然唔係好新，但坐得舒服。見裹面既人多數叫鐵板餐，所以就叫左個紐西蘭肉眼鐵板餐，同牛魔王忌廉意粉。餐湯同餐包最先送到，跟住就凍檸水同熱朱古力。 睇menu 見佢話黑糖包，幾好味又soft, 但就冇某大集團餐廳既黑糖包咁黑。 個白湯就居然有豆腐做配料； 紅湯正常；杯熱朱就好濃，岩晒我！等左陣就上意粉同牛扒，waiter 重好好人幫我淋左汁先再上。首先個牛扒，我揀左5成熟，黑椒汁再加蒜，鐵板配菜有薯條，栗米粒，同洋蔥。 鐵板餐味道正正常常，係比較大塊。 反而個意粉對我黎講比較驚豔，幾彈牙同有掛汁既效果，好味同都幾大碟下。好似好多人都係叫外賣，所以冇人等位既情況下，我地可以傾計傾耐d。到最後重有甜品雪米糍添！飽！ 整體個份量都大，一個女仔應該食唔晒一個餐

下午茶諗住外賣叫雞髀薯條，落咗單5分鐘先至同我講冇雞脾。於是改咗做三份炸雞翼薯條，等成15分鐘，點知等到嘅係三份都炸到燶哂嘅非洲雞翼。咁樣都可以俾客人食嘅！請問餐廳嘅良心喺邊度？本來諗住唔食皮都算了。點知連入面啲肉都成陣燶味又乾到柴咁。無下次！題外話，個西多士，中間散哂，無咩花生醬。完

今晚約咗朋友喺粉嶺嘅聯和墟最近起咗啲新嘅豪宅靚樓，多咗朋友搬入嚟所以都多咗喺呢區度搵好嘢食🧚🏻‍♀️呢間鋪頭好容易搵喺一堆車房嘅中間氣氛唔錯，舖頭位置尚算闊落鐵板晚餐紐西蘭肉眼扒15安士咋 $148店長話推介，有三粒星一隻手指公也不錯！15安士震撼幾大塊肉質嫩，無筋隨餐送嘅餐湯都係嗰啲，忌廉或羅宋快餐黎講速度唔錯黎食個快飯嘅話幾好最美仲有雪糕做甜品！完美嘅一餐😍😍😍粉嶺特登再搭車入嚟聯和墟聯和墟嘅餐廳黎講 呢間晚餐嘅價錢唔算特別平但係算係呢佢難得有得坐低同朋友聚會食下嘅好餐廳餐廳入面都會播返啲英文歌幾浪漫店員亦都唱得兩嘴會跟住一齊唱，有feel嘅有機會再入嚟聯和墟會再幫襯😊

鐵板鴛鴦扒：這個雜扒是由豬扒和雞扒組成的，可以選擇飯，意粉和薯條，而我就選擇了薯條，配上黑椒汁。本人覺得這個鐵板餐非常有誠意，豬扒和雞扒的面積都非常大，不特止，鬆軟程度絕對能比得上一些很有名的餐廳，豬扒鬆軟沒有很韌的感覺，雞扒皮脆肉嫩，而且扒的下方，薯條和洋蔥的份量都很多絕對不是隨片放上的。所以我覺得這個扒餐的性價比非常高。馬來咖喱龍脷飯：這個飯餐的飯是分開另一碟上，所以不是咖喱泡飯。咖喱是正宗馬來咖喱有淡淡的花生味，魚柳是有脆邊的魚柳，所以吃起來很有口感又不會溶溶爛爛。而且還有新鮮脆口的薯條。每個餐都跟湯和飲品，只是幾十元就可以食一個西餐，而且餐廳服務不錯，店員有講有笑，CP值真的超高，會介紹朋友來吃。

我與友人因工作的需要「走入新界」，兩個九龍人想「搵食」都唔容易，而我們卻走進了一個看似豪華，實際價錢很親民的餐廳。其實一般餐廳都好少會有機會食到牛舌，你見到有就會忍唔住叫來吃吃。不過叫之前亦都自行做過期望管理，而可以expect geh 係佢係全熟的那種，但未至於好「un 」又或者無哂肉味，所以可以接受喎﹗！ 勝在經濟實惠得來，又可以取個平衡點。意粉本身是原味～xd 即是白灼的，不過有誠意地提供一個「神燈杯」給你按自己口味加醬汁。我個同行友人就說那個all-day breakfast 好ok geh，驟眼看起來$68來說都算是很足料。我想指出的是，這個價錢來說，能起到這些真的算是不錯！！👍🏻
煙三文魚凱撒沙律🥗 以tea set本說就都甚少有，而且份量都算是大份的。不過焗的麵包粒粒就唔係好多，但勝在有煙肉碎可以彌補上吃起來的口感，所以都算是很ok的～

Tiffany 特式全日餐Um..唔知點解，我另外三個朋友都食意粉🍝配肉的tea set。我就揀左All-day breakfast, 我覺得係出人意外的。因為無估到佢$68可以有咁的水平。1. 多士🥯係有烘過之餘仲有搽埋薄薄的牛油🧈不多不少2. 煙肉無太燶，係啱啱好的👌3. 漢堡扒係我中意食的程度，煎到係金黃色的，有啲似M記果種4. 香腸～唔知道係咩種類，但係感覺幾好，much better than 廚師腸5. 沙律🥗配菜都唔錯，有黑醋醬～6. 牛油炒蘑菇：其實咁樣整就基本上一定好食，但要有餐廳有心機肯整先得😂7. 雞扒：能夠保持到本身有嘅水份，唔會太乾身👍🏻 唔會醃得太鹹算幾好入口煙三文魚凱撒沙律雖然塊煙三文魚就得一塊，但成個餐都係$34， 物超所值囉～ 但我食過係大埔的餐廳⋯ $80幾蚊嘅凱撒沙律都係全綠色的生菜🥬 但呢度有紫色、仲有煙肉碎可以配襯。正, 入口有口感。

有朋友住喺粉嶺，一直都叫我試吓呢間價錢便宜又好食嘅餐廳，今日終於可以去試。今次叫咗佢嘅黑椒鐵板炒意粉，同埋佢嘅魚扒大蝦配薯條。黑椒鐵板炒意粉，果然冇令我失望因為鐵板炒出嚟嘅意粉，充滿着好香嘅鐵板風味，再配合埋黑椒牛扒，可以話10分惹味。另外區嘅魚扒大蝦，他十分之山先，充滿着鮮甜嘅哈哈味道，加埋魚扒有淡淡的魚油香味，估唔到魚同蝦都可以咁夾，一啲都唔會覺得好油膩，再配合埋薯條充滿着薯仔嘅香味，而且佢嘅薯條係曲面嘅薯條，令到口感更加豐富，而且脆卜卜。最後，佢嘅奶茶值得一讚，茶同奶嘅香味啊配合得啱啱好，茶味唔會太過龍，而且奶嘅鮮味都唔會太過突出蓋過茶嘅香味，充滿着港式嘅味道，對上一次飲咁好飲嘅奶茶已經唔知係幾時。

新年食左好多餐中菜，今日想食其他野，所以揀左呢間平平地既平民西餐廳。星期六午市時間人流唔多，入座同上菜都算快；午市餐牌都有唔少選擇，除左精選餐外，仲有焗飯/意粉、咖哩、大大份鐵板餐。身為食肉獸既我，當然揀左午市扒餐，抵食之餘又能夠滿足味蕾。套餐包餐湯同餐飲紅湯味道偏甜，少少辣，個人比較中意酸既湯，所以呢個湯唔係我杯茶；出去食野十次有八次都點咖啡，去茶餐廳必點，呢度杯咖啡無茶記咁濃郁、咁香，可以接受，但滿足唔到我對咖啡既慾望。脆皮雞扒、迷你漢堡配薯條 $49整體份量幾多，女仔食一定飽! 波浪薯條有薯味，但唔脆；漢堡同麥記豬柳蛋塊漢堡一樣味；雞扒皮好少脆，但我唔介意，因為我唔食皮😆。我個人覺得唔駛汁都得，1黎d食物本身夠味，2黎個汁好鹹。香煎豬扒、火腿配意粉 $48友人表示我個雞扒比佢個豬扒好，因為豬扒薄身，唔夠滿足。整體食物乎合價格，唔會好驚喜，亦唔會失望，耐唔耐食下港式扒餐都OK。

今日難得放假，辛苦左咁耐想大大份西餐扒餐，突然諗起朋友推介聯和墟有間餐廳唔錯，就即刻走左去食啦餐廳嘅環境裝飾幾特色，內外設計完全俾人有一種工業風嘅感覺，好特別而且座位好闊落，餐牌午餐都有幾版你揀，又俾我搵到個打卡食飯嘅好地方 至於野食方面，除左有份足料嘅忌廉湯外，我點嘅鐵板紐西蘭肉眼扒配薯菜大份都好驚訝，肉汁多得黎夠腍，容易切開，食得黎好方便，仲要食極都食唔完，對我哩個大胃王黎講都好有滿足感另外我仲點左個香脆雞翼，亦都無令我失望，即叫即炸，卜卜脆，好香口，食完一啖又一啖 🙈另外，我朋友有特別推介個特飲雪糕朱古力，話一定要叫黎飲，咁佢又無介紹錯 雪糕好大球，又朱古力唔會太死甜，兩樣夾埋剛剛好，係必點之選 ♥️總括而言，哩間餐廳，CP值好高，野食真係好大份，味道一流，下次會叫埋朋友黎，一次過叫幾樣野食，試曬咁多款野食，諗起都覺得正啊 😬

今日食咗咩？羅宋湯、牛油餐包 (麥包鐵板羊架配薯條(洋蔥、粟米做:夠健康)至愛凍啡(nice!)除咗鍾意去元朗食嘢, 我都鍾意去粉嶺聯和墟食、食、食！　鍾意嗰到好多細細間既鋪，沒有連鎖店，各有自己特色，食物質素好、價錢合理。我特別愛呢間ＣＡＦＥ既鐵板，豬、牛、雞、魚、羊都有得揀。新年食得太多中菜，今日黎整番個鐵板紐西蘭羊架先！鐵板一到你會好開心，成個板都放滿食物！　羊架我要了medium well, 煎得恰到好處, 而且我要了的黑椒汁都唔洗蘸，因為完全唔覺得膻！喜歡食羊的朋友ＧＯ啦！　另外呢，好讚佢墊底既onion同粟米，唔會吸哂啲油，好難得可以全部放心咁食哂，完全唔覺得膩，反覺好似食咗菜冇咁guiltP！　再講番佢個羅宋湯，難得飲番又濃、又酸、又辣的口感，再配埋個軟腍腍既餐包（唔係一般既甜餐包）真係好滿足！食嘢鍾意睇門面同內裝既我都另我對佢加分，門面大大個靚招牌，內裏主要係木色裝修，入到去有著好悠閒既感覺。

聽聞粉嶺聯和墟嗰頭好多好嘢食，掃街一流，趁平日得閒走過去行個圈！行過比店名吸引咗～Cafe de Tiffany咁啱有卡位坐，大大張坐得好舒服，環境系自然木系。黑糖餐包 跟餐店員熱辣辣送上，味道不錯！推薦：4.5/5羅宋湯&忌廉湯 跟餐推薦飲羅宋湯，相當有牛肉味，夠濃郁。推薦：4/5鐵板紐西蘭肉眼扒 $88超大塊牛扒，同鐵板個size一樣。呢個咁抵食嘅價錢，本來都唔會抱好大驚喜，但係呢塊牛扒真心有驚喜，雖然唔可以同啲高級西餐比，但係呢個價錢絕對比普通小店西餐百幾蚊牛扒更好吃！牛扒肉質相當軟淋，7成熟，一啲都唔鞋口，半肥瘦都適中！推薦：5/5 （必食之選）忌廉汁煙三文魚蘆筍意粉 $50大部份餐廳都係碟大份量少，呢間碟大份量都大。忌廉濃厚，無溝淡！煙三文魚成塊上，唔會整到碎晒，好大方。推薦：4.5/5 （必食之選）漢堡扒 跟餐+$5正常漢堡扒味道，鍾意食漢堡扒嘅$5好抵加！推薦：4/5特飲雪糕阿華田 跟餐+$12 & 凍檸茶凍阿華田上面配朱古力雪糕，雪糕有朱古力碎，是我很喜歡的一種雪糕。推薦：4.5/5 （必食之選）雪糕 跟餐送維記雪米糍整體：茶記價錢食到咁多野，加上食物一啲都唔Hea ！

這日來到聯和墟，見到呢間餐廳餐牌好吸引好抵食，所以我哋就入去吃午餐餐廳都坐得舒服，店員友善，感覺呢間店好多熟客仔，店員同佢地有講有笑，有氣氛良好親切。我哋見午餐都有鐵板餐，好耐冇食過啦，就叫咗一個紐西蘭肉眼扒鐵板餐，另外，都叫咗佢哋一個廚師精選嘅餐：黑椒汁香脆雞髀配煎蛋飯。先來餐湯連湯餐包。忌廉粟米湯都幾滑口，羅宋湯蔬菜都幾多以及味道酸酸辣辣，好開胃。黑糖餐包上枱嘅時候熱辣辣，好香，附上牛油，入口先感覺到黑糖味香甜，麵粉味香濃。好正！最喜歡吃鐵板餐時把洋蔥汁加在鐵板上，好香😊 這個餐的牛扒嘅份量好多！我地點左七成熟。加多左塊迷你漢堡扒，都幾好味。意粉係有新嘅意粉，軟硬度適中。香脆雞髀好大舊！啖啖肉！配太陽蛋及白飯食好滿足最後，鐵板餐房有兩粒雪糕糯米糍甜品。芒果味的，都幾好味。兩個跟餐餐飲分別點左熱奶茶及熱朱古力😊 飽飽的滿足的一餐😊