Cafe de Tiffany (已結業)

之前有人同我講我share得太多銅鑼灣嘅餐廳，今次我終於跳出銅鑼灣喇🤣 朋友住係粉嶺，所以就一齊去左聯和墟食飯，發現左有間小店，係新嘅港式扒房，價錢好平，性價比超高🙌🏻黎到港式扒房，當然要試下佢嘅牛扒啦！揀左肉眼扒set，配有餐包，餐湯，主食，飲品同甜品，真係好多野啊！餐包黎到暖笠笠，好香🤤 我地揀左嘅牛扒有15oz咁多，真係非常厚身！牛扒建議揀5-7成熟咁就啱啱好喇，如果太生會好難切開！呢塊扒牛味香濃，配上黑椒汁，粟米粒同薯菜，真係好正好飽，完全足夠兩個人食，係超大滿足💛而carbonara意粉都同樣大兜，有煙肉，洋蔥等配料，唔算好creamy，但食完都唔覺得膩，味道不過不失！意粉set同樣配有相同前菜，飲品，真係好抵😍 有時間想再去試埋佢其他扒😆

港式西餐依家係香港真係買小見小，執得一間又一間。冇意中係粉嶺聯和墟依個美食小鎮搵到間CP值爆燈嘅餐廳。門面唔太起眼，唔會知道係食豉油西餐嘅地方menu 唔算太花巧，一次過影哂比大家睇。先上餐湯，今日係羅宋湯。個湯正常，小小辣，個黑糖包出面食唔到。有小小似outbxxk 果個。跟餐可以加$28 有個煙三文魚沙律，想健康d 都不妨係一個好選擇。煙三文魚正常，冇壞，都係果番黎。個沙律dressing 汁好開胃，仲有d 麵包粒+$2 凍飲，冇理由唔加。鋁杯，夠哂凍主角到，紐西蘭肉眼扒（15oz)$148 依個價平過出面花園xx好多。咁嘅份量，咁嘅質素。真係好大塊，同d 肉好冧，個汁好match正宗嘅港式鐵板餐，質素好過快餐同連鎖店+$10 意粉十分後悔加左，冇預計到係咁大份兩個人食都夠哂。出面加飯加意粉都係比小小地，依間係起個大碟上，好恐怖總結，住係北區嘅朋友有福了，唔洗出市區都已經有好多好野食。只要細心發掘一下就有。

[ #caloriefoodie粉嶺 ]• 𝙲𝚊𝚏𝚎 𝚍𝚎 𝚃𝚒𝚏𝚏𝚊𝚗𝚢 •-🦐火焰七打牛柳大虎蝦 💰$168牛柳有手掌咁大 啲肉唔韌不過有少少筋有薯條粟米洋蔥做伴菜 薯條再脆啲會更好👍🏿-🍝黑松露忌廉野菌意粉 💰$88呢個好creamy 菇嘅份量都幾多！欣賞佢全部野食都好夠熱😙-提子餐包意外地有啲驚喜 個包熱熱地 食落軟熟又幾香甜品係芒果味雪米糍(´-ω-`)-呢個價錢包餐湯、餐包、餐飲、甜品 性價比好高！不過位置就真係隔涉咗啲><咁啱去開附近嘅話 呢間都係個唔錯嘅晚餐選擇😗-📍粉嶺聯和墟聯發街26號地舖-#caloriefoodie

⭐️Cafe de Tiffany⭐️📍:粉嶺聯和墟聯發街26號地舖⏰:7:00am-10:00pm💰:人均$100-$200 (設加一)⭕️: 現金👉🏻鐵板二人晚餐(有11款)(任選兩款)💰248🔥火焰七打牛柳🔥🔥紐西蘭肉眼扒🥩🔥🌜以上套餐配薯條 另加白飯或意粉 +10🌜咖啡/茶及雪糕(凍飲+2)🌜忌廉湯✔️/羅宋湯配黑糖餐包🥖🌜自選汁:黑椒汁/洋蔥汁/蒜蓉汁✔️/燒汁🌜可免費加生蒜🧄🌟紐西蘭肉眼扒超大塊 好厚身！份量十足！我地叫左7成熟 再係鐵板上慢慢燒 啲肉質都唔會韌🤣鐵板餐配左薯條、洋蔥同粟米 海量既薯條😂 三個人都食唔晒！！屋企人話粟米🌽好甜好好食！我地推薦食火焰牛柳 除左有火焰既效果睇 牛柳啲肉質都唔好冧好嫩！好好食👍🏻🌟餐廳重有好多扒選擇:牛脷扒、雜扒、豬肋骨、燒春雞、三文魚扒、羊扒、牛仔骨等 留反下次試😋 餐廳比較暗 再加上梳化位好闊落 坐得好舒服 霓虹燈招牌 成間餐廳好有格調🤣性價比都好高 二人套餐大份到三個人都夠食👍🏻重點係唔貴👍🏻人均大約$100左右 經濟抵食！#香港美食 #平民美食 #粉嶺 #粉嶺美食 #香港 #美食 #高質 #hkfood #hongkong #hkf

大埔粉嶺自駕一天遊 👫首先先到大埔白鷺湖互動中心水上充氣競技場 FLOW ACADEMY AQUA PARK玩，玩完就渣車到粉嶺食鐵板餐😋為大家推薦平民抵食夾大件既西餐廳Cafe de Tiffany 📍粉嶺聯和墟聯發街26號地舖7 點鍾去到坐左陣就爆場啦full house，我地點左鐵板二人晚餐$248，可以任選兩款，餐牌上都有好多不同既選擇。前菜會配有黑糖餐包同湯（忌廉湯或羅宋湯），我就各左一個，味道都不錯。你地都可另外加配煙三文魚沙律或香煎法國鵝肝。👉🏻火焰燒豬肋骨（配美式醬汁，會有火焰效果）塊豬肋骨超大舊，有一把間尺甘長，成2-3 cm厚，仲有火焰效果，好鬼正。咁個配菜有洋蔥、粟米、薯條，一份餐勁多野食😍不過塊豬肋骨比較多骨，鍾意食肉既朋友可以食肉眼扒比較理想。👉🏻紐西蘭肉眼扒（店長推介） 塊肉眼又係勁大舊仲好厚，又係有3cm甘厚🤣🤣女仔一定食唔哂。一開始小編無倒到黑椒汁落去塊肉眼扒度，都已經好有牛肉味道，但倒左黑椒汁後就少少蓋過左d牛味，要睇睇大家鍾意點食。另外小編叫左個免費生蒜，點落牛上味道都會有唔同，為左保持神秘感，大家自己試下😋D扒餐都有自選汁可選：黑椒汁/洋蔥汁/蒜蓉

⭐️紐西蘭肉眼扒 15oz有幾隻汁揀 我就揀左蒜蓉汁有跟埋粗薯條😍😍😍塊扒係超大塊😂 2個女仔食都夠哂 真係可以share😛嗌左7成熟 都ok👍🏿入面仲有少少粉嫰 呢個真係好飽 好抵食✨食肉獸必點 淋汁個時渣渣渣聲 好療癒😚-⭐️香辣蒜片大虎蝦欖油意粉呢個超推介‼️好好食‼️首先係勁足料 有蝦有蜆肉仔有好多菇蒜 所以係勁惹味❤️❤️同事係意粉控都話好食👍🏿-上面兩個都跟餐 有餐湯餐飲仲有黑糖麵包 我覺得黑糖味就唔重 但好重麥香味👍🏿偏煙韌🤔 餐廳環境都闊落 有懷舊feel卡位坐😍 住附近 可以一戰🥳🥳🥳

星期六六點，咁啱黎開呢頭 ，平時好少行開E頭，不過今日過尼搵人所以就係附近食埋野先走，想食西餐，咁岩經過見到就入咗去呢間度試吓 入邊有幾張梳化位，梳化位會舒服少少，係可以坐六個人 廚師精選嗰張Menu都，好少見鐵板都有得揀魚 我地叫左點左鐵板鴛鴦魚扒，挪威三文魚同比目魚 兩塊扒都好大塊，應該每塊都有200g，幾抵食，有充足既蛋白質 兩塊魚都炸過，出面好脆，個人中意比目魚多啲 兩塊魚下面有好多薯條同埋洋蔥同粟米另外想食多啲菜加咗$28煙三文魚沙律 三塊煙三文魚都充滿沙律醬，有時餐另外加既沙律會好細碟，不過佢唔係餐湯揀咗忌廉湯 質地比較傑，飲品好想叫特飲但係又驚自己會好飽所以就揀咗熱朱古力 最尾仲有個雪米糍做甜品

今日同朋友尼粉嶺行下 見到e間西餐好似唔錯就入左去試下 估唔有個餐有兩個主食再加兩杯嘢飲都係二百零蚊 都幾抵食 所以就揀咗個鐵板二人晚餐 個餐首先會有餐包（黑糖） 食落甜甜地 餐湯我地揀咗羅宋湯忌廉湯各一 羅宋湯嘅黑椒味比較重 仲會有啲辣 唔食得辣的要留意火焰燒春雞上碟之前佢會喺隻雞度點火 啲火會燒5秒到 太快影唔切🤣 啲皮燒到好香 啲肉比較實 因為係成隻雞所以份量都大 同埋會等耐少少 又會食耐少少因為要慢慢切火焰七打牛柳個人建議可以揀生少少 因為鐵板上 塊肉會越來越熟 個牛柳係唔un嘅 飲品揀咗雪糕朱古力 鍾意甜嘅朋友就一定要叫啦 但係食咗主菜再食包再飲咗個湯再飲埋杯朱古力其實真係好飽雖然個二人餐寫住個甜品係Oreo雪糕 其實係雪米糍 芒果味

Happy Friday去左粉嶺嘅Cafe de Tiffany食晚飯。餐廳都幾大，中間通道好闊落，坐得舒服~我地叫左一個二人餐，一個厚切牛脷扒配燒汁，另一個叫左火焰燒春雞配蒜蓉汁，兩個都配薯條，加左個煙三文魚沙律。兩個鐵板餐都好大份，牛脷扒餐有四大塊厚切牛脷，肉質都唔錯，有d跟位有d咬口，燒汁唔算重味，加埋底墊左洋蔥同粟米，加埋燒汁都幾香。火焰燒春雞都幾大隻，雞肉好嫰滑，蒜蓉汁好香。薯條夠脆，份量正常。沙律菜都新鮮。佢地嘅鐵板餐真係大件夾抵食，仲有唔少款揀。另外仲叫左個卡邦尼蛋汁意粉。份量正常，偏乾身，意粉芝士味濃郁，但食落都唔會覺得好膩，加埋裏面煙肉，甜鹹甜鹹幾好食。餐湯我就試左忌廉湯，味道不算濃，但都有忌廉香味，中規中矩。餐包就幾有驚喜，擺上枱就問到陣香味，仲熱熱地，食落軟熟又好香~飲品就叫左奶茶，茶味都夠濃亦都幾滑。整體 Cafe de Tiffany 性格比高，環境清潔都做得幾好，係家庭或者朋友小聚嘅好地方~

同朋友嚟咗粉嶺聯和墟嘅cafe de tiffany 食平價西餐晚餐❤️晚餐每個人都會配有餐湯同埋餐包 幾豐富加咗 $28加大大碟煙三文魚沙律 菜味道清新 配嘅係沙律醬好少見有鐵板所以叫咗個鐵板二人餐 $248叫咗燒春雞配薯條 醬汁係蒜蓉汁 一倒汁落嚟就「咋咋」聲咁🤤 雞肉份量好多 亦都唔會話好「鞋」 薯條份量都好多 仲好香脆🤤另一份扒係厚切牛脷扒 配燒汁 牛脷嘅份量都好多👍🏼 味道突出 下面仲有好多粟米同洋蔥比你做配菜另外仲叫咗卡邦尼意粉 $78卡邦尼汁濃郁 都幾creamy 而且份量啱啱好唔會過多漏汁咁👍🏼 味道幾好 配有唔少煙肉 蘑菇 仲有洋蔥 意粉軟硬度適中 焗飯叫咗芝士忌廉焗龍脷柳飯 $78龍脷柳味道唔腥👍🏼而且份量充足 配有滿滿嘅忌廉汁同飯 食埋焗芝士就仲好 好食

上次同屋企人食飯，一路行聯和墟都揀唔到食邊間好，行行下見到呢間好似幾靚幾特別嘅餐廳，就入去試下。入到去好似好懷舊咁，重有個牛頭係正中間，幾有特色。坐低左睇餐牌有個2人餐幾抵食，就直接揀左佢。套餐入邊都幾多選擇下，一開始驚個套餐會唔會細份過散叫，點知出到黎又幾大份下，我覺得飽到岩岩好，份量十足。首先講下我揀呢份牛柳，一上枱前重要有火係上邊燒，未知食唔食得但一定睇得跟住食落好好味又唔會咬落太韌，最緊要係佢用洋蔥同埋粟米墊底，岩哂我呢d唔鐘意人地幫我淋汁嘅人同埋塊牛都幾厚下。我屋企人就揀左肉眼扒，我覺得份量都多但牛柳更吸引，所以都係推薦牛柳多d。除此之外要介紹下餐包，唔係平時果d餐包，係麥包黎，既健康又唔會好難入口，反而幾好味，有喜出望外。套餐包埋飲品

我地今日黎咗粉嶺一間經典西式餐廳食飯，由於係平日既關係，唔洗點等位就入到黎喇。呢間餐廳既職員都十分好態度，餐廳裡是一個工業風的設計，感覺幾chill，最啱用黎係社交平台打卡用。而且裡面衛生幾好，職員又會fill番d水，唔似飲人口水尾，感覺唔錯。我地見佢既二人餐相當抵食，平日食一個鐵板都200+既價錢，於是乎我地就嗌咗佢既二人餐裡面既美式醬汁豬肋骨，同埋肉眼扒配薯條，另外加咗個煙三文魚沙律，飲品就嗌咗熱檸水同埋熱咖啡。主菜除了味道很好外，份量也十分足夠。肉眼扒配以燒汁把牛肉的味道逼了出來，不會搶去肉的質感。而豬肋骨配以美國醬汁，與平日食開既豬肋骨有點不同，味道更強裂，有飽滿既感覺。我地最後埋單around $300內，係一間唔錯既隱世西餐，將來有機會一定會再去。

去開粉嶺行行下見到間餐廳裝修幾靚，望一望個餐牌，價錢平民化睇落幾抵食就入左去😂😂我相信試過既人都應該得一個comment 就係大件夾抵食😆😆😆食完再食👍入正題拉首先個環境好舒服唔會話坐得好迫，坐得好舒服，餐廳個feel 仲幾浪漫😂😂首先要讚下佢個餐湯，比起其他餐廳既足料，尤其係個羅宋湯，好明顯有落檸檬落去煮，因為有種好清新既感覺，唔會一味得個酸，幾有層次，其次個黑糖餐包真係好正，好有口感😍😍之後我地嗌左個澳洲燒牛肉雜菜沙律🥗真係估唔到咁大份同咁多塊牛😍😍佢個澳洲牛燒到岩岩好，勁嫩口，一啲都唔似食緊牛😲而且配埋個油醋汁簡直絕配👍之後到主菜拉😬😬我地分別嗌左個all day breakfast 同鐵板紐西蘭肉眼扒。個all day breakfast 唔洗我講睇相都知個餐勁足料拉，淨係睇個黑松露就知咩料，好似唔洗錢咁，而佢個雞扒真係煎得好出色，個皮超脆，啲肉又唔鞋，仲有多汁🥳而個鐵板紐西蘭肉眼扒，唔知仲以為我食緊出面三四百蚊個啲餐，塊扒大過我成個手掌，目測有2-3cm 厚😅我真係唔明點解可以呢個價錢有咁既質量😲到底個老細賺咩😂😂個味道仲要超好味👍👍救命，如果我住附近一定三日唔埋兩日就去一次

今日出左粉嶺聯和墟搵美食一日遊，好耐無食鐵板牛扒，晚餐就揀咗呢間以鐵板餐為主嘅餐廳一試。menu 第一版見到呢個鐵板二人晚餐 (包括餐包，餐湯+兩款主菜+飲品+雪糕）好抵咁就叫左喇。▧ 火焰燒春雞半隻雞加香腸一條，唔好以為半隻雞好少，其實份量岩岩好，雞皮好香口，簡單調味有入味到雞肉部份，揀左配燒汁都幾夾。▧ 紐西蘭肉眼扒上枱時，哇左聲出黎，因為塊扒超級厚兼好大塊，size大過男士手掌呀o(≧v≦)o而且比一般扒厚一倍，未切嘅時候擔心佢做唔到7成熟，但切開又見啱啱好，咬落又唔會韌，肉味都ok。▧ 總括而言，呢個餐真係好抵食，特別係塊扒份量其實足夠2個女生食，同朋友飽到配菜薯條都食唔哂，最後仲有一個甜品 - 雪米糍做結尾，滿足。

之前同同事嚟過食lunch，覺得啲食物唔錯，而且大件夾抵食，所以今次嚟試吓晚市。跟餐有烘過嘅黑糖麵包，好鬆軟，熱熱地搽啲牛油食，唔錯。揀咗紅湯白湯各一，推翻羅宋湯，多料而且酸酸辣辣幾惹味。紐西蘭羊架(3支骨)　$148呢份羊架好有驚喜！叫咗七成熟，羊架肉質嫩滑，口感軟腍，肉汁豐富juicy，而且有肉香得嚟一啲都唔羶！點埋啲蒜蓉汁食真係好好食伴碟嘅薯條都好有誠意，係我鍾意嘅粗薯，薯味濃郁又香口。可以加$10加飯/意粉，不過淨係食羊架同薯條都好夠飽。卡邦尼蛋汁意粉　$78之前lunch食過呢度嘅卡邦尼意粉，幾好食所以今次又encore。意粉煮得好彈牙，好有蛋香，加咗蛋汁令意粉好creamy！份量好多，食落係滿腔嘅芝士味同蛋味，非常滿足餐飲揀咗最基本嘅檸水檸茶，睇食評見到雪糕阿華田都好似幾正，下次又試吓先最後仲有雪米糍做甜品，飽足。整體嚟講，呢度食物同環境都幾好，座位乾淨闊落，價錢公道，值得下次再幫襯。