Cafe Paradise (東寶大廈) (已結業)

夜晚同朋友嚟咗北角嘅呢間food paradise食，一入嚟裝修唔錯嗰mood 幾有feel，但嗰啲五顏六色嘅隔板真係破壞晒成間舖頭嘅mood，我覺得餐廳可以考慮吓換翻淨色嘅膠板，之後試左佢哋嘅紐西蘭牛柳，口感唔錯，好多肉汁，佢跟嘅三個汁我覺得蒜蓉汁比較出色，但黑椒汁就冇乜黑椒味，跟餐仲有湯同甜品，但佢個甜品可以考慮翻轉返普通雪糕。

放工想搵個舒服嘅地方慢慢食下野，西餐係最好嘅選擇🙈呢間餐廳仲要好近地鐵站，啱晒我呢啲放工之後郁都唔想郁嘅人。餐牌望落幾多選擇，仲要價錢唔貴！煙三文魚凱撒沙律($78)食正餐前緊係要食個沙律頂頂肚先，佢啲菜都算新鮮，落咗少少芝士粉喺上面，配左一個酸酸地嘅醬點落幾好食唔會好漏。上面仲有兩大舊煙三文魚，咬落都幾厚肉身。麵包細細粒脆脆地幾有咬口。蒜香雞翼($38)雞翼出面包左炸粉，一咬落去勁酥脆同埋好濃蒜香味，肉都好厚身。食完雞仲可以食返啲沙律菜中和返啲罪惡感🙈芝士焗帆立貝($58)一上菜就聞到勁香，不過可能我哋隔得耐左先食，所以啲芝士已經冇咁熔，下次要一上菜就食先得。帆立貝幾鮮甜，夾一啖芝士包住佢成個擺入口勁滿足。兩款小菜都好食，不過如果真係要二選一就會揀蒜香雞翼🤤辣肉腸pizza($98)雖然話係辣肉腸不過其實唔辣，本身以為佢只係細細舊，上菜先發現原來咁大個，夠曬兩個人分。食落去第一啖係好濃嘅洋蔥味，洋蔥愛好者表示好正，餅皮屬於薄身嗰款，食落去會feel到番茄醬既甜芝士既香同肉腸既鹹味match係同一舊pizza到🤩卡邦尼意粉($63)抵到傻咗！咁大碟仲要晚市先$63，仲要勁好食。佢嗰醬溝

放工女朋友話想食完飯行一陣北角匯先番屋企，咁就喺北角附近食埋晚飯先啦！見到港運城對面地舖開左間新嘅西餐廳啵，試業期間仲會全單免加一添，梗係把握機會即刻試試！睇睇openrice原來cafe paradise喺太子同杏花邨都有分店~ 餐廳舖面仲有個霓虹燈嘅翅膀打卡位，好似韓國某地方咁，幾得意~Cafe Paradise嘅食物選擇非常豐富，有Pizza、扒類、鐵板系列、沙律、焗飯等等，意粉類都仲有天使麵、寛條麵同意粉揀。除左set dinner之外，見到餐廳仲有個新系列係石燒排類，咁啱今晚想食排嘅我就合哂合尺！我地大約7點就入座，餐廳仲有卡位，坐耐少少入座嘅人越黎越多，疫情下嘅平日好熱鬧。餐廳嘅牆身掛上用霓虹燈造嘅聖經金句，連隔板都用彩色，色彩繽紛～============================== 套餐 (另加$30) 有蕃茄湯同沙律石燒美國安格斯殼飼西冷牛扒 $208 食完前菜冇幾耐石燒牛扒就到啦，超大塊牛扒放喺熱哄哄嘅石上，店員好細心地解釋因為石嘅熱度會另牛扒好快煎熟，所以另外附上一隻碟俾我將差唔多煎好嘅牛扒放喺碟避免過熟，同埋避免將醬汁放上熱石怕彈。好彩有細心提醒，塊扒先

之前同朋友去過Cafe Paradise太子分店，食物唔錯幾抵食~ 放工行過見到北角都開咗分店，一於試吓。整體來講，食品種類選擇多，侍應幾細心，值得再訪👍🏼餐牌除咗有dinner set，仲有all day breakfast, pizza, 石燒牛扒，意大利粉焗飯，鐵板系列…Drink menu有活乳酸特飲、梳打、沙冰、花茶，有兩頁咁多選擇=========================慢煮挪威三文魚配芒果蛋黃醬 $208Set dinner有田園沙律同餐湯蕃茄湯濃稠微微酸開胃主菜賣相有心思，三文魚魚皮脆卜卜，魚肉僅僅熟嫩滑唔鞋口個人覺得唔洗點醬更清爽，更食到原汁原味。石燒美國安格斯穀飼西冷牛扒 $208 +$30升級套餐上枱時牛扒約三成熟，可以自己控制放喺石上嘅時間，幾多成熟，牛扒冇筋唔柴。不過黑椒汁味道稍嫌唔夠濃，旁邊嘅蒜蓉汁相對突出啲。上枱時侍應哥哥細心提醒牛扒唔好放喺石上太耐，以免過熟，值得一讚！估唔到塊石到食完嘅時候仍然熱👍🏼食完準備買單嘅時候，侍應提醒仲有甜品😂是日甜品芒果布甸=========================Cafe Paradise (北角)📍北角英

Cafe Paradise咁啱黎到港島，今次就同朋友嚟試吓呢一間新開嘅餐廳。 無論出面定入面佢個裝修都好靚，望落去有種好舒服清新嘅感覺，一定有唔少人人會想喺呢度打卡。- 石燒紐西蘭牛柳 $120 (+30 升級套餐) 呢隻紐西蘭牛柳口感軟嫩，肉汁豐富，石燒上牛肉香味撲鼻，因為唔係西冷等嘅部位，食落唔算太大牛味，如果好牛味嘅食肉獸就要識揀啦，一開始都會驚舊石去到後面唔夠熱，但總括黎講好夠熱，食到最後都好夠熱，200g 加埋套餐最平$108，有沙律西湯同餐飲，對比外面嘅石燒好抵食。- 套餐 (+$30) 配有 沙律 餐湯 野飲 甜品真系要讚讚佢嘅西蘭花忌廉湯 夠曬香 同入味 一開始仲同朋友估估下係咩黎 最後發現係西蘭花 有驚喜 甜品係提子啫喱 裝飾得好靚- 玫瑰花 花茶 $52 呢個真係打卡之選 玫瑰花好香 個玻璃杯同埋啲蠟燭都好靚

最近屋企附近開咗間新嘅西餐cafe，講真開頭覺得港式西餐廳質素應該麻麻地，但見佢新開有咁多嘢食揀，都想試一試。Menu上面基本上係好多選擇，有意粉，意大利飯， burger，pizza，牛扒，鐵板等等。同朋友揀咗一份牛同一個pasta。《石燒美國頂級榖飼牛肩胛肉眼扒》🥩價錢只係$78 ，加$30就有湯沙律同飲品。以為份量係好細，點知份量真係唔細中要係石燒板上，可以自己控制個生熟程度，仲配埋薯角。重點係佢係後設嘅肉眼扒，所以就算自己最後控制得唔太好變咗medium well，都唔會鞋，入邊仲好林同Juice，真心讚。仲要好細心咁跟咗三種source。 下次我會小心啲未到medium就好離開件石唔好等佢overcook 🥲加咗$30有湯，沙律，餐飲同甜品。餐湯係蕃茄忌廉湯，質素都OK，不過如果再熱啲就好啦。而個雜菜沙律份量都唔細，整體來講呢個set非常抵食🙂《煙三文魚黑松露海蝦意大利闊條麵》🍝本身對呢個Pasta係冇咩期望，點知呢個pasta 絕對係中上水準之作。煙三文魚份量唔算少，落足黑松露醬去煮呢個pasta所以好夠味，但又唔會過鹹，海蝦份量雖然唔多得三隻，但一人份量嚟講都呢個價錢都算

今日同朋友仔去北角試呢間新開既餐廳呢間係太子試過幾次都覺得不錯，北角新店裝修就更加好睇，裡面有霓虹燈既裝飾，門口仲有天使霓虹燈打卡位添～由於宜家疫情關係啲台會用班隔開，但係地方都係好闊落，乾淨整潔！食物方面，價錢親民但味道不俗。叫左主打既石燒牛柳同石燒肉眼扒，配飯/意粉或者薯菜。如果+30蚊跟餐仲送湯，沙綠，飲品同甜品，超級抵啊！石燒肉眼扒，食落好多汁，肉質唔會太韌 太鞋，好味！另外既牛柳就更加出色，肉好軟，咬落口好多肉汁，而且肉質鮮嫩。每個扒送2個汁，燒汁和洋蔥汁，個人覺得燒汁更加好味。除左用來蘸肉，仲可以倒入意粉裡面調味。跟餐個湯我都好鍾意，係薯仔忌廉湯，飲落好似薯蓉，喜歡食薯蓉的我超級喜歡。最後甜品就係提子啫喱，用一個類似雪糕既杯仔裝住，用黎打卡一樓呀🤣最後值得一提就係呢間鋪頭服務態度好好！每一個職員都好nice好有耐性，值得比個like呀！下次會再幫襯！

今晚諗緊食乜嘢，見到cafe paradise好似係間新開業嘅餐廳，好啦就入去食個靚西餐啦。入面嘅空間都幾大。微暗嘅燈光，加埋霓虹燈裝飾，兩個人撐枱腳幾有格調～仲有啲聖經金句播住詩歌，個人都特別peaceful. 就算連啲間板都用埋彩色。老公話：彩色先至paradise吖嘛！餐廳D Staff都好好人，好有耐性同細心。 (餐牌選擇都好多)餐牌有好多選擇而且好欣賞：真係平有平食，想食grand啲又有Main  set dinner可以揀。好快畀呢個 stone grill 吸引咗唔係呀嘛78蚊200 gram，加埋30蚊，都係$108，就可以有齊忌廉雜菌蘑菇湯、凱撒沙律、是日甜品同埋餐飲，仲可以選配薯菜、意粉或者飯。真係唔使諗即刻嗌番個試下！Ｍenu上面仲有好多其他選擇，嘢飲甜品嗰啲都可以用升級價錢加。可惜心太軟今日賣曬冇得試。餐湯蘑菇味都幾重。忌廉湯味濃、稠身，唔會水汪汪，又唔會覺得好重麵粉咁，唔錯。 凱撒沙律本來嫌佢太多醬，食下食下，又幾開胃。而且用嘅係沙律菜，個心形碟亦令成件事upgrade咗。餐飲叫咗熱咖啡有驚喜咖啡似係機沖，好香濃咖啡味。而且送嘅奶有打過泡，更加creamy。 

又黎北角啦記得之前一直都係呢頭番工日日都經過都唔係好覺眼見到呢間餐廳聽住音樂好快就過左1個下就餐廳好整齊，好干淨企理隔板好colorful...eye catching餐廳橫樑位，都係童話式既擺設Menu 都好心思，入一次食野就記得呢個旋轉木馬天氣咁熱，要飲下特飲lemon soda，夠冰震出黎食左好多餐，都冇見過薯菜係薯蓉format...係炸薯菜唔洗1分鐘，但薯蓉要花點心機，所以好感動，今日食到smashed 薯蓉六分厚切西冷牛扒配燒汁配薯菜 88hkd真係6分厚好大塊，呢塊同我手板一樣長，抵食鐵板黑椒豚肉飯 68hkd好好食飯焦，金黃色，剛剛好，脆口，有口感鐵板燒既重點我最欣賞呢個餐既地方係佢可以自己控制咸度想食咸d就加多d汁想食淡口味就加少d黑椒汁