can‧teen

營業中

休息中

今日要去金鐘做野送完阿仔反學仲早當然又係要搵間早餐食下坐下🔆牛扒．炒蛋 配厚多士牛扒size都適中，唔會太細份，有牛味而且肉質都㵉，黑椒汁正常味，炒蛋夠滑唔會過老，仲有蛋汁，值得一讚，最後塊厚多士脆卜卜，好味道！🔆加錢再配多份雪菜肉絲米粉湯底夠濃，雪菜都幾多、肉絲正常份量，食落口夠曬入味，米粉爽口唔太淋，唔會一堆堆！🔆凍奶茶（少甜少奶）茶底香濃，就算叫左少奶少甜，味道都唔差！ 不錯不錯，令人即時叉足電！

LUNCH食飯時間得一個鐘💦一定要揀間快出餐嘅餐廳✌🏻第二 💦工作咁攰 當然想食得開心味道好緊要～第三 💦價錢都係重點，最好係性價比高😍💛招牌去骨海南雞配油飯 •蒿筍絲 • 中湯海南雞肉好嫩滑，去骨啖啖肉萵筍絲口感清爽是日南瓜甘筍栗子豬骨中式湯火喉十足又多料YUMMY YUMMY

-早餐對打工仔嚟講，真係好緊要有時都會去快餐店揀中式西式、通粉麵食麵有今次揀咗食邪惡嘅公仔麵餐肉、煎蛋、出前一丁餐蛋係同出前一丁最夾嘅配料間唔中過吓口癮都OK架😝

以金鐘黎講係唔錯的選擇，附近餐廳選擇唔多，坐得舒服，快餐得黎又好食。芒果🥭沙律系列好多選擇，可以配西多士，公司三文治🥪等等…我就選擇左炸雞🍗髀。沙律🥗唔會好多沙律醬，當中有薯仔、蘋果、青瓜、番茄🍅、芒果肉🥭等等，清新健康又好足料。炸髀就油膩左少少，皮好脆好香口，肉質粉嫩好滑，入味又大大舊。當日食燒味無晒瀨粉，唯有要河粉。油雞同燒鵝好多舊好多肉，湯就唔算濃，有菜又有配姜蓉，合格。下午茶有埋餐茶又可以任坐。

I've been coming here for a long long time now. I'd gotten used to eating here and though I applaud innovation when people try new things, I think themenu change here in the past couple months have been for the worse.1. They've removed the tabasco sauce which I've loved2. Many breakfast items which I liked in the past (such as 五香肉) is now gone3. they've changed the bread vendors, so the bread has changed4. they no longer put tartar and baked beans in a small container for youThese are just some

在金鐘那麼貴的地段，lunch hour已很難找位子食飯，想食$50-$60以下的set更加困難，推介canteen, 平價但食物質素不錯的快餐店。今次我tea time, 以 $45有迷你叉燒飯 + 上湯菜心（仲有紀子），凍咖啡（ + $3），total $48, 50蚊都唔洗食到飽，簡直難得。凍咖啡大大杯，男仔飲都夠飲。點餐時我向廚房表示想要肥叉燒，廚房姐姐都盡量配合，肥叉燒是特別好食，不會太干和過硬，整體味道不錯，環境清潔又舒適。

是日又到金鐘工作，金鐘呢個地段對我呢啲窮人嚟講搵地方食晏係一件好難嘅事。要飽肚又要價錢唔貴。雖然係放飯時間。但人唔算多。基本上一入到去就有位。呢到有個自助點餐機。既方便又唔洗排隊。今日叫咗燒味食。油雞叉燒配瀨粉。盛為45元正。配熱飲加十蚊，凍飲13元。由我點餐到拎餐再坐低成個過程都唔需要5分鐘。對於要快食嘅朋友嚟講係一件好事。叉燒偏瘦，而且味道普通。而油雞都係普普通通，係呢個地段嚟講。呢個價錢真係唔可以要求啲乜。好又一餐唔好又一餐🤷🏻‍♀️

以canteen 黎講幾好食，雖然佢已經唔係’canteen’ 價份量有啲少，但用料都唔算吝嗇（可能因為飯唔多所以relatively 料多？🤣），個炒飯係ok 嘅，可以乾身少少炸雲吞就有啲太油快脆就腳食一餐都okay

這美心旗下間招牌雲吞還不錯吃，算是可以暫時填飽肚子。店裡座位很不多，桌子也挺寬敞的。剛開始看到價格都覺得還好，價錢合理。我超喜歡吃上海菜肉雲吞。雖然弄【菜肉雲吞】其實也不複習，只是要花上一點時間和氣力去剁白菜，以猪肉搭配切丝的青江菜，通常体积较大，而且去美心吃自家製的大大份的【雲吞】餡料新鮮，正宗皮薄餡靚。雲吞即叫即淥，一咬爆汁，菜及豬肉比例剛好，另一款【魚卷】，味鮮順滑，有水準，吃到覺得很鹹，點了【凍檸檬茶】，但瀨粉份量略嫌太少 ...... 完全吃不飽。

自己好少寫快餐店食評，不過這個北寄貝滑蛋叉燒飯卻是令人回味無窮。平時在這裏食，大部份都是食燒味飯和無骨海南雞飯，其實都唔錯的，不過不失啦， 勝在夠快之餘，這裏都坐得舒服。自己其實本身都好鍾意食雞蛋，難得見到餐牌有這個北寄貝滑蛋叉燒飯，當然要試下啦! 不過當然$78蚊的北寄貝不會鮮甜得去邊，不過勝在夠彈牙和大粒。最正係個滑蛋! 滑蛋非常滑溜，而且煮得剛剛好，雞蛋蛋味好香，鹹甜適中， 有少少蛋汁拌飯~叉燒切成粒,容易入口，與滑蛋拌飯一流! 好快就食哂成碗飯喇! Yummy! 有時候最簡單的食材是最好味! 😋😋😋

對於不常在港的我，每次回來也必定到各茶餐廳拜訪，雖然知道全都是嚴重卡路里超標，吃後長肉長脂肪，但是仍然是本著食完再減的過份樂觀心態，食完先有氣力減肥既想法，一直食食食！今日係金鐘呢邊辦點公事，所以黎左呢度，其實都係美心集團旗下（應該係，或者係大家樂集團？不太清楚），係中環個邊既Canteen也常去，但呢份早餐真係十分非常好難吃。不能對連續鎖式快餐有過高要求，這點我是絕對明白。但係沒有過高也是還須要有一點點要求吧！？‼️炒蛋是涼的‼️多士是凍的，又軟又稔，吾知放左幾耐‼️雞扒當然也是凍的，而且肉連汁都是凍的，仲已經凝結一舊舊完全不能理解這種質素的食物仲可以照常供應？注意⚠️是平日上班日的早上九時！金鐘地段可能沒太多競爭對手，所以咁既低質素仍然安好，仍可維持，但確實可悲！香港地，寸金尺土，良心小店又被加貴租的逼害，無法經營，被逼結業；就只有這些只懂向錢看的大型連鎖店能扛著這些升得不可理喻的昂貴鋪租繼續維持，又為了減低成本，開源節流，無視食物和服務質素，不提升也擺，更不要奢望能夠保持。香港實在可悲，表面風光，實際都是虛假的！

今日拎野去朋友學校喺金鐘，發現有food court就同朋友一齊去左食~ 佢學校落黎好方便，我本身以為下面food-court係俾員工既，因為佢寫住Can-teen，所以就以為俾員工既🤣🤣見佢既餐牌都好多選擇，我就揀咗魚香茄子杏鮑菇飯，本身鍾意食魚香茄子✌🏻✌🏻我朋友話呢度係上面鋪頭員工既天堂🤣😂 我就笑咗～ 個飯又真係幾大既，魚香茄子杏鮑菇都好多，不過就唔似小炒一煲魚香茄子既味道，但Food court黎講都算ok 飯好多，一個女仔食唔哂！但整體幾好，坐得幾舒服😍

夜晚金鐘依頭搵野食，見到米粉餐連野飲$36蚊，抵啊，仲要平時lunch 都無咁平，咁就決定食米粉餐啦～我揀左雙拼揀左魚肉春卷貢丸米，配熱奶茶～點知一望兜粉.....我以為叫左大腸米線！！！心諗魚肉春卷個樣應該似南記粉麵出品差吾多款&顏色，點知...一見到個碗當堂呆左一下，4舊仔咁偏深啡色既...竟然係魚肉春卷！！！食落係翻炸又翻炸又翻炸個d味雖然貢丸同奶茶味道都正常，但整體賣相同魚肉春卷既味道真心失望😞

因爲不同的公事，間中也會到金鐘！這天也不例外，時間尚早，所以找個地方先吃早餐！Can-teen是其中一間，在這裡會光顧早餐的地方！無他的！地理位置方便是主要的因素！此外，不知道是否每次的時間都比較晚，店內沒什麼人，店內亦有很多的位置，可隨便的挑位置坐，安靜地享受自己的早餐！坦白說，看到餐牌，沒什麼想吃！都是典型的快餐店早餐！惟一吸引我的，便是那個龍蝦湯通粉！有好幾次經過看到都沒點，因感覺早上喝龍蝦湯有點重口味！吃一口後，比想像中感覺良好！有蝦味（雖然不知道怎樣整成）！濃淡適中！不會過重口味！雜菌量亦多！通粉閃一般「滑身」沒坑紋通粉！軟硬度適中！連龍蝦湯一起吃！可藏著很多湯！此外，店內選擇的是麥包，加上應該放了一段時間！包有點冷和淋！最後奶茶亦是一般水準之作！始終對美心選用的茶底有偏見，選用的茶底單調亦不濃厚！奶茶還是大家樂的好！

今日LUNCH落好大雨呀，過唔到灣仔食LUNCH，跟住同事話食美心CANTEEN!!其實超唔想，又唔好食又貴又難搵位。但係因為落雨都冇得揀啦，去到已經好多人排緊隊買餐。好不容易等到個4人位，跟住去買餐，好在佢出左啲自助機，自助機通常都冇咩人用，所以好快都買到餐。揀左個全城最平既餐，就係燒味單拼，可轉瀨粉，冇野飲$41，都真係貴貴地，不過拎左餐之發覺都冇想像中咁HEA，碟雞仲幾靚仔。鹽香雞瀨粉 $41雞都好大碟下，有10件8件，而且雞肉好嫩滑，又唔會好油，鹽香雞個鹽都唔算太咸，算係好好既燒味。至於瀨粉個份量就唔算好多，食完一陣風咁，如果要飽一定要叫返飯。但係個清湯都幾好味，唔會係清水咁，仲食左朋友幾舊叉燒，叉燒都係好味既，半肥瘦，仲好軟林林，未到入口即溶，但係好易咀嚼，而且個蜜汁味好正。