125
13
4
| 餐廳: | Casa Lisboa Gastronomia Portuguesa |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
電話號碼
29051168
開飯介紹
位於中環的葡菜館，設有吧枱，提供正宗葡國菜，例如Leitao a bairrada 即是葡式燒豬，皮脆肉嫩。餐廳氣氛浪漫，適合情侶享用晚餐。
繼續閱讀
營業時間
今日營業
12:00 - 14:30
18:00 - 22:00
星期一至五
12:00 - 14:30
18:00 - 22:00
星期六至日
11:30 - 14:30
18:00 - 22:00
公眾假期
11:30 - 14:30
18:00 - 22:00
以上資料只供參考, 請與餐廳確認詳情
有關獎賞計劃
相關文章
🇵🇹🍷🍽️Enjoy的葡國菜▫️每位$388+10% 🛎️環境好好，燭光晚餐，而服務都好好，侍應好有禮貌，好主動加水及收碟，上菜時亦會介紹菜式🍴前菜✅自家製肉醬、醃製橄欖、鄉村麵包麵包每人有兩塊，用布袋裝住上，配咗橄欖油，橄欖，同埋自家製嘅魚肉醬，個醬真係好特別，有少少似吞拿魚蓉，幾好味。✅紅菜頭沙津配羊奶芝士呢個沙律好特別，除咗有好多紅菜頭粒，仲有啲蘿蔔粒、牛油果醬、芫荽碎，加上鹹香嘅羊奶芝士，清新得黎都幾特別✅炸馬介休球一份有兩粒，但係都好大粒，新鮮炸起，外皮又薄又脆，而裏面嘅魚肉撈埋薯蓉，好滑，配埋個醬，簡直冇得頂！✅傳統葡萄牙白酒蒜蜆隻蜆好大隻，啲肉好飽滿，個汁特別調配嘅都好好味，除咗有少少白酒味牛油味都好香。✅香烤伊比利亞黑毛豬豬肋眼呢個同樣好出色，烤得剛剛好，外皮有少少焦脆嘅感覺，但係肉咬落就會爆汁，配搭咗個酸酸辣辣嘅醬，好得意。🍽️主菜✅招牌焗鴨飯焗鴨飯真係好香口，用砵仔上，面層嘅飯粒好似飯焦咁脆卜卜，裏面有好多鴨肉，完全融合喺啲飯裏面，上面更有臘腸同埋豬腩肉。✅葡式烤乳豬一份有4件，外皮烤得好脆，但係肉好嫩，易咬，配埋個汁幾好味，仲有個油飯做配搭。🍰甜品✅傳統葡萄牙餅乾朱古力蛋糕超好食😋侍應會成盤拎出嚟再鏟一舊喺你隻碟上面，鍾意嘅可以添，因為係無限量供應！味道有少少似Tiramisu, Creamy得來又有蛋糕口感，咖啡味同朱古力味都好香濃，又唔會好甜，值得推薦😆
繼續閱讀
係中環食lunch唔想下下都係中餐、意粉、拉麵，搵日食啲特別啲嘅菜式，試吓呢間葡國菜餐廳🇵🇹午市套餐$288，有頭盤、主菜、甜品、咖啡或茶，價格稍高，但質素都幾好👍🏻加上充滿葡國風味嘅裝修同氛圍，嚟聚會慶祝都可以考慮下。🥖餐包配雞肉醬幾香口。🥂傳統葡萄牙白酒蒜蜆蜆肉肥嘟嘟好飽滿多汁💦吸盡蒜蓉牛油汁香味😋🐙葡萄牙八爪魚沙律清爽開胃，酸酸咪咪嘅醬汁配八爪魚都唔錯😛🍖招牌葡式烤乳豬必點主菜之一，乳豬皮雖然唔係玻璃皮，但都夠薄脆，乳豬好厚肉，啖啖肉勁juicy💦配菜有薯片同炒飯，完全還原葡萄牙滋味👍🏻👍🏻🍛招牌焗鴨飯上碟時見到焗飯有少少疑惑鴨肉到底係邊，原來內有乾坤🤣面頭一半係焗飯，底下一半都係滿滿嘅鴨肉😻鴨肉幾香，唔乾柴，飯粒夠乾爽，面頭仲有啲飯焦😚而且幾入味。🍰傳統葡式木糠布丁、葡萄牙傳統餅乾及朱古力蛋糕木糠布丁層層相間，忌廉奶味幾香，加上木糠碎唔算太膩😛😛朱古力蛋糕同木糠布丁有啲相似，不過蛋糕比較腍身。☕️咖啡或茶人均消費：$310推介指數（10分為滿分）：8分
繼續閱讀
見到有朋友介紹話呢間葡國菜可以一試就book咗•點完野食好快就上咗麵包，個人覺得無乜特別跟住就上酒包都未食個炸馬介休球就到，感覺好似炸定咁，但食落味道係ok既，唔算太特別$35/件，最少要叫2件傳統葡萄牙白酒蒜蜆 ($168)又係轉頭就到🤣，比我哋既感覺好似好趕時間咁要上晒d野🤔蜆肉好肥美，好大粒，佢個汁都好正，呢個反而幾有驚喜👍🏼食葡國野點可以唔叫乳豬葡式烤乳豬 ($390)上菜嗰時已經覺得好香，d皮烤到脆卜卜，d肉好juicy，好味👍🏼另外叫咗朋友話食過好食既招牌焗鴨飯 ($290)上面d飯焦勁靚，有食煲仔飯既feel下面有好多鴨肉，鴨油好香2條友太弱食唔晒🤣但係甜品都係要食🤣朱古力曲奇餅乾蛋糕配雲呢嗱雪落 ($90)上面係好滑既朱古力，下面個質感幾似Tiramisu 夾埋一齊食唔錯😋食咩都好，最緊要就係飲返杯先😆雖然覺得Green Wine同平時既White Wine好似分別唔大，不過都好飲👍🏼•職員都好friendly有禮貌只係開頭上菜太快 感覺唔係幾好
繼續閱讀
今次試咗Casa Lisboa嘅6大經典菜式set，只係$388，真係好抵食！可惜我發現得太遲，個set好似就完。🍽麵包，麵包我已經好鐘意，佢個自家製既醬好好食，一d 都唔腥🍽炸馬介休球，裡面嘅魚肉算幾多，夠咸香，mix 埋軟綿綿既薯蓉，外層炸得金黃酥脆但一d唔油🍽白酒蒜蜆，蜆肉肥美飽滿，個汁都好香濃蒜同海鮮味，如果有麵包剩可以用黎點麵包🍽伊比利亞黑毛豬豬肋眼，醬汁酸辣開胃，肉質軟淋🍽招牌焗鴨飯，廚師用鴨熬製濃郁嘅鴨湯煮飯，每粒飯都有濃郁嘅鴨香。而鴨肉就撕成絲，份量都好多，一d 都唔鞋，呢個飯相對濃味，不過都唔會過咸🍽葡式烤乳豬亦好出色，廚師選用優質嘅乳豬，焗到皮脆肉嫩，一點要點個醬汁同橙汁，咸咸酸酸好好食。配乳豬既飯就冇咁濃味同乾身，配埋乳豬一齊食就冇咁油膩。🍽甜品方面，無限量嘅傳統葡國甜品餅乾朱古力蛋糕真係好正！呢款香濃綿密嘅餅乾蛋糕有少少似tiramisu，同樣有淡淡咖啡味。而且服務態度都超級好！友善、主動但唔打擾～
繼續閱讀
[ Casa Lisboa Gastronomia Portuguesa ]其實係香港都食到正宗傳統葡萄牙🇵🇹菜式，唔使專登去澳門！中環呢間葡國菜餐廳，由即日起至2024年7月18日，逢星期一至星期四 (公眾假期除外)晚上6點起推出限定菜單，每位$388就食到6道正宗葡萄牙傳統菜式，更可以無限追加甜品！✿「Taste of Portugal」晚市菜單 $388/位 (最少兩位用)有前菜、4款小食、主菜以及無限追加甜品𝐵𝑜𝑙𝑜 𝑑𝑒 𝐵𝑜𝑙𝑎𝑐ℎ𝑎餅乾蛋糕😍！飲品🍷食葡國菜點少得飲返杯經典葡萄牙🇵🇹果酒Sangria(+$58/杯)。紅酒加水果、糖漿及少量白蘭地，非常易入口，對於消化都好有幫助。前菜🍞自家製肉醬、醃製橄欖及橄欖油 配鄉村麵包4款小食（1）紅菜頭沙津配羊奶芝士🥗🧀葡萄牙南部傳統菜式，紅菜頭及紅蘿蔔粒混合牛油果醬及羊奶芝士，面層放上薄荷葉，清新開胃又健康。（2）炸馬介休球🐟🥔馬介休即係鹽漬鱈魚，係葡國菜代表。馬介休混合薯仔形成馬介休球，外層炸至金黃薄脆，內裡味道鹹香，有一絲絲魚肉質感。沾上蒜蓉蛋黃醬更加香口惹味。（3）傳統葡萄牙白酒蒜蜆用橄欖油炒香大蒜再加入大蜆、牛油、白酒等，蜆肉肥美厚肉，鮮甜多汁帶點酒香。（4）香烤伊比利亞黑毛豬豬肋眼🐖🥓一片片嘅黑毛豬豬肋眼烤得外焦內嫩，加上烤椒蛋黃醬等，惹味帶點微辣。主食（每人選一款）（1）招牌焗鴨飯🦆🍚焗飯表層放有葡萄牙臘腸及慢烤五花腩，米飯焗到金黃微脆有飯焦😋。下層除咗有米飯仲有大量鴨肉絲，每口飯都盡吸鴨肉肉汁精華，好特別嘅焗飯。（2）葡式烤乳豬🔥🐷呢道烤乳豬做得好出色，乳豬外皮烤得超脆口，肉嫩多肉汁🤤。上桌時乳豬已切成件狀，方便進食👍。甜品🍰無限追加傳統葡萄牙餅乾朱古力蛋糕 (Bolo de Bolacha)！材料有可可粉、咖啡、牛奶、餅乾、奶油等，質感綿滑，每啖都散發陣陣咖啡香氣，味道唔算好甜，食多幾件都唔怕🤣。總結🫦 晚市菜單價錢親民，一個價錢食哂前菜、小食、主菜以及無限追加甜品。餐廳環境以藍白色為主調，用餐環境舒適，適合聚會或者慶祝節日。當晚有客人慶祝生日，店員為客人唱生日歌好有氣氛🥰。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Casa Lisboa Gastronomia Portuguesa地址：中環雲咸街63號巴力大廈2樓電話：2905 1168✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
繼續閱讀