Casky (已搬遷) 新店位置

朋友推介嘅whiskybar,裝修風格比較特別 好似入左個酒桶入面咁,入到去牆上放左好多唔同whisky今次同朋友試左tasting set,店員都好耐心咁同我地介紹唔同嘅tastingset,我地揀左beginner set ,個set可以試到三款唔同嘅whisky佢地會介紹埋每枝酒嘅年份酒廠風味,可以更加深入了解枝酒,適合同朋友黎放鬆下傾下計小食方面都特別,每款小食都有whisky係入面,值得一試,今次試左whisky漬蜜糖培根同蜜桃香煎鴨胸,兩款小食一食落去就已經有酒香散發出黎

今日晏就個陣經過見到呢個好似酒桶嘅西餐係門口見到今個星期嘅menu都好似好吸引 就入左去試,晏就lunchset唔洗收加一頭盤今個星期係西班牙蕃茄凍啫喱,啱夏天同埋都比較少見,但食得太快唔記得影相最後揀左乾炒蒜片蝦乾蟹膏鮮蝦意大利粉,大概等左十幾分鐘就有野食,一上枱就見到有幾隻大蝦係上面,意粉原來用左蟹油去炒食落好香口,入面仲蝦乾配埋一齊食,咸香感更加出入仲有甜椒,洋蔥所以食落唔會覺得油膩Lunch set 係包埋餐飲,但估唔到呢到有coldbrew coffe果斷就叫左,同事仲介紹埋今次用左咩咖啡豆,話係比較偏花香,甘草,檸檬嘅豆飲落都同佢介紹嘅一樣,coldbrew cofffe就要加$8

午餐餐牌報稱有四個選擇：芝士pizza魚意粉豬肉眼扒牛柳午餐未夠1點去到，姐姐話冇晒豬鞍，意粉剩一，望下餐牌，乜有豬鞍咩？原來係冇晒豬，揀完嗰一客意粉，即係得返pizza同牛柳🤦🏻‍♀️OK咁牛柳啦～落order時姐姐先話冇晒牛柳轉左做牛嘅橫隔膜下面舊肉，咁即係又唔係牛柳嚟😐究竟呢度仲咩食不如唔好叫我揀直接俾我食算啦……前菜係少少沙律加兩隻唔知煎定炸餃子，餃子好似唔熟咁嘅硬度魚意粉係湯上咁樣，食食下仲有錫紙包裝碎屑牛乜乜筋脈纏身，配菜清水烚嘅，俾牛乜乜攪到暖暖地嘅Parma ham口感有啲嘔心食食下有walk in客入嚟，見到佢地有得叫意粉，唔係話剩一咋咩？乜咁嘅？

早排行過覺得裝修幾靚就入去試下個午餐☺️同staff傾開先知原來餐廳裝修既概念係源自於whisky既木桶☺️佢既午餐有4-5款選擇 同埋會成日轉👍🏻有個沙律前菜 main 配野飲🍽🔸蕃茄牛脷扁意粉🍝扁意粉有同蕃茄醬輕輕炒過 令到每條掛汁都均勻☺️牛脷比我想像中大塊同厚切😂但係個人覺得切細少少 會好d～但味道係唔錯！🔸千島海鮮pizza 🍕本身諗住係4塊 點知原來有6塊甘多🤣好彩Pizza係薄身個種 但都食到同事濟左🙈味道中規中矩～坐得幾舒服 食物質素都對得住個價錢 唔錯😄下次可以試下happy hour~話晒佢都係一間飲whisky既地方🙂

今日試咗Casky呢間灣仔小店，我同同事選擇左兩個午市套餐share。分別係焗西班牙豬鞍 $198同埋鴨胸意大利飯 $188前菜首先有一個煙三文魚沙律，味道好清新。焗豬鞍真係好有驚喜，肉質嫩滑之餘又彈牙，真係做得好好。鴨胸意大利飯也做得好出色，鴨肉好嫩，意大利飯好香又有𡁻頭，兩個套餐我哋都好滿意。最後餐飲我叫咗一杯cappuccino, 拉花好靚，但係咖啡香味仲欠一點，不過呢杯咖啡係套餐包埋唔使加錢，所以我都唔敢有太多要求。

食呢間同事早一日book都竟然book到枱😎，平時早幾日book都未必有bar枱坐…呢間夜晚係酒吧，午市就普通西餐。坐位好舒服，樓底極高無壓逼感，環境好好，店員都好nice 👍🏻。🔅日式燒鰻魚 & 胡麻醬田園沙律鰻魚都幾大條，同埋可能我少食西餐(睇我ig多都知我食頹野多😂)，覺得鰻魚做前菜好新奇🤣。沙律都幾新鮮爽口。🔅香煎安格斯肉眼扒 (10oz) ($188)之前食就好正，今日有啲失水準，塊扒熟左少少，少少痴牙同埋有啲筋。🔅茄蓉香草牛柳粒螺絲粉 ($178)螺絲粉呢個反而幾出色，唔會太腍，都算大碟。蕃茄味酸酸甜甜幾開胃，牛柳粒唔痴牙，大細切得啱啱好，加埋啲香草好正。💬午市無加一，食物質素大路，最緊要環境好，推薦灣仔區番工想悠閒食個lunch，chill下既同路人。

呢度中午時段係餐廳，會有定期轉換既午市餐牌😛夜晚先會化身酒吧🤨晏晝十二點幾黎到，好多張檯都已經被人訂左，只係淨返吧檯位置😲望住金黃色系既裝潢，酒架陳列左出各式各樣既酒，樓底夠高既關係，環境感覺舒適無咩壓逼感😗▪️ 黑毛豬豚肉眼拼羊架 💲178 (Lunch Set)前菜係日式芝士年糕配沙律，配搭都幾Fusion🤣個芝士年糕做得唔錯，入口暖笠笠，口感煙煙韌韌，咬開富有流心香濃芝士🧀沙律菜帶點藍莓醬同埋黑醋，可以解芝士既膩🫐主菜要左黑毛豬豚肉眼拼羊架，好大盤相當邪惡🤫個豬扒肉質就比較乾身嚡口，相比下羊架會出色得多，切開會似三至五成熟，質地嫩滑保留到唔少肉汁，有香草同椒鹽調味又唔會羶，仲有我唔點嘅薄荷醬🤪伴碟既有翠玉瓜同埋薯仔有少少令我失望，個人覺得翠玉瓜既外層有點兒苦，而薯仔就過生頗為硬身🥴最後就包杯餐茶，同埋唔駛加一既🔎 整體評分（7/10）

灣仔嘅的確好多酒吧，但係黃既就少之又少。我知你地一定會話我戇居㗎啦，去間威士忌吧度飲啤酒，但係呢間的確係灣仔鮮有嘅選擇。我哋嗰晚去到客人唔太多，好快就有位。佢更典型嘅威士忌吧，吧枱擺着各式各樣嘅威士忌，都好有氣派。而且室內設計方面都有一種好舒適嘅感覺。我同朋友都唔太好威士忌，所以堅決揀咗啤酒。的確佢哋啤酒嘅款式唔太多，唔會有普通酒吧嘅draught beer，主要都係手工啤。雖然啤酒唔係佢哋嘅主打，但係佢哋嘅啤酒都係出色嘅，我揀咗咩就唔講啦因為佢哋啲名都好過癮，留返俾你地慢慢發掘。

和舊同事來到這家位於駱克道既wisky bar食lunch，見佢每日既lunch menu都唔一樣，就襯星期一冇咁多人黎試一試佢。-前菜: 煙三文魚蘆筍．中華沙律．胡麻豆腐好普通，冇乜特別，煙三文魚唔腥，蘆筍都算新鮮。-香煎牛柳．帶子配薯菜  $188比較細份，牛柳都煎得可以，有medium既熟度，帶子得一粒，好少，薯塊都係得幾舊，女仔食都覺得唔夠飽，更何況男仔。-忌廉汁香煎鱈魚天使麵 $148完全唔得，天使麵煮得太淋，調味係零，要叫waiter拎黑椒狂加先有味，鱈魚有兩舊，份量都叫多，但煎得太乾身太硬了，唔好食。-Casky灣仔駱克道20-24號金星大廈地下1號舖

在這餐廳食過兩次lunch，食物質素穩定，品質不錯，午餐設有前菜及飲品，沒有加一服務收費。環境舒適安靜，適合幾個朋友或同事傾計。雖然前菜有少量沙律，唯提供的主菜的選擇多偏向肉類 （不好肉類的朋友可選擇魚）， 如果於午餐牌提供多一款沙律或素菜作主菜會更好，會再次光顧。

位於灣仔嘅whisky bar, 設計別出心裁，入面望出去係一個木酒桶。加上bar 台display 左一排酒，感覺classy. 對於whisky 唔太認識又想初嘗都可以叫set basic testing, 幾款細細杯。店員都會介紹Testing既先後次序。食物都唔輸蝕，有main course ，但最欣賞佢既多國小食-台式鹽酥雞🐔，外皮唔會好多炸粉，細細粒，雞肉好嫩！（有d似台灣食既香香雞）-德國腸拼盤 有四款唔同類型嘅腸。叫下小食，飲酒之餘亦可過口癮

呢度係酒吧，相信個模式係serve drinks為主，食物為副，所以menu都唔係太多食物嘅選擇。你會見到啲食評指出 *午餐係有main dish（rice or pasta)，但想提醒返夜晚menu係得啲小食同Pizza，當晚我哋都失左預算。Pizza可揀嘅配料非常港式，例如五香肉丁，聽落實在太奇怪但都試咗，其實味道幾香🤣，餅底薄薄地夠脆。另外估唔到串燒牛肉都燒得唔錯，唔會太乾之餘有肉汁。其實食物唔差，如果menu可以更多選擇就好了。好欣賞呢度每一款craft beer都會配返唔同嘅酒杯，飲嗰陣心情都好啲！有HH。

今日去左Casky食晚餐，渡過了一個愉快的夜晚。晚上730pm到，店內沒有人，用餐開始都結束，全店只有2檯客人。餐廳是可以飲酒或食飯，價錢中等，食物質素幾好。羊架：叫左5成熟，都有點兒太熟，底部得汁有點太鹹，但整體不錯腸：本來以為是原條上，但原來是切好片的，切好片的好處是方便。旁邊的蜜糖芥末醬很好味，與腸很夾。但建議多人聚餐才點，因為2個人食都小滯鹽酥雞：好食，有d似台灣味但又有d唔同，份量剛好，2人小食剛剛好。

每每諗住食西餐嘅時候，呢間都會係公司飯腳間嘅首選，因為食物水準平均，價錢合理，環境舒適。不過一定要book位，如果唔係多數無位或要坐bar 枱。 今日食芝士鶏扒意粉🍝，意粉有𡁻口不會太𣺉，我最怕茶餐廳貨式，雞扒肉質嫩，味道剛好，不會太重口味。同事食pizza係黑松露漢堡扒意粉，仲有午餐肉，fusion菜，由於我唔好黑松露所以無試，同事話幾有創意，味道OK，呢間餐廳有個特點就係我食咁多次佢嘅前菜都無重覆，睇得出廚師有用腦。環境唔錯，唔會太嘈吵，乾淨，不過坐bar枱就辛苦D。

餐廳在公司附近，大概隔星期都來食一次午餐。廚師幾有心機，前菜未重複過。最鍾意食佢地pizza.今日好彩同事有訂位，但menu冇pizza.唯有叫意粉。前菜沙律唔錯，但腸就甜左D。意粉上時係錫紙包，已經有D奇怪。打開望個色好似麻麻，雖然夠熱，但意粉有D淡，唯有加ketchup. 早知食羊架。好彩奶茶保持水準及夠熱。希望下次有pizza吃。