Catio (已結業)

無法成為貓奴的我又去貓貓café啦！😍呢間位於荔枝角的店只有10餘隻貓，但每隻各有性格，有貪玩活潑的🐈‍⬛，有貪睡可愛的🐈。好欣賞店舖有足夠室間俾貓貓活動，除了成個貓架仲有好多貓洞俾佢哋藏身瞓覺！又懂得分開擺放俾貓貓食飯和飲水的位置！玩貓貓之餘，餐廳提供不同款式西式輕食選擇，有意粉🍝、漢堡🍔、pizza🍕今次要咗「芝心洋蔥漢堡」飲「凍朱古力」漢堡包亦幾特別地烘烤到脆卜卜漢堡扒好厚，而且仲要爆芝心🥰配搭洋蔥芥末醬，惹味得黎又令芝心不太膩朱古力凍咗後仍無影響到奶香味，淡淡朱古力味，質感都幾滑身富有泡泡，味道不算太甜但無假朱古力味！

星期日同朋友去左荔枝角工業大廈嘅貓CAFÉ，下畫4點幾都幾多人，好在地方都幾大，而且成間舖有10幾隻貓，唔會覺得好迫，大家可以喺唔同角落同可愛嘅貓貓影相同玩。除左玩貓，CAFÉ都有唔少輕食選擇，飽肚嘅有意粉Burger 果D, 想食少D亦有炸物甜品。飲品有唔同口味嘅咖啡、朱古力、花果茶。想食咩可以用QR Cord落單。食物用白色餐盒裝住，方便食用，同貓貓玩果時又可以蓋番住D食物，唔怕整到污糟邋遢。玫瑰朱古力好香花味，濃得嚟唔會太甜，非常唔錯。三文魚貓包有我最鍾意嘅三文魚同煙煙韌韌嘅Bagel，飽肚又好味。呢度好適合一家大細嚟，等小朋友都學習下點同小動物相處，多D愛錫佢地。

朋友想養貓貓但家裡暫時不容許，放假就和他來荔枝角億利工業中心的貓貓Café【Catio】玩。店內裝潢簡約舒適，白色質感牆身掛有多幅貓咪卡通，淺木色桌椅、木質地板，加上明亮光線，感覺寬敞開揚。Café內有十多隻不同品種的貓貓駐場，每隻頸上面都掛有名牌。大部份活潑好動穿梭在貓奴之間，也有些慵懶睡在角落悠然自得，十分治癒。顧客入場之前除了要消毒雙手，也要脫鞋或者換上鞋套，注重衛生玩起來也更安心。店內供應西式輕食如All Day Breakfast、Bagel、沙律、意粉、蛋糕等，以QR core 下單。紐約三文魚喵包 ($85)Bagel口感結實煙韌，煙三文魚鹹香得宜，配上沙律菜口感豐富。如果Cream Cheese可以多一些定更美味。芝心洋蔥漢堡 ($128)配有薯條和沙律，份量充足。漢堡扒肉質鬆軟，咬下有流心芝士，濃郁滋味。漢堡內加入大量芥末沙律醬及醃青瓜，中和了芝士的膩，整體感覺清新。薯條炸得香脆不油膩，要趁熱吃。玫瑰皇家伯爵奶茶  ($64)用上明治4.3特濃牛奶，奶味香濃。伯爵奶茶茶味幽香，甜度適中帶輕盈花香，喝下感覺清新。玫瑰朱古力 ($64)朱古力奶香與朱古力味道平衡，加上玫瑰

打八號波無得出去打卡 最好梗係留返去室內啦🤣今次熊熊姐妹來到荔枝角貓cafe 係荔枝角站D1出口過條馬路就係 交通都算幾方便～-🌟-大家收看既仍然係吃貨熊熊！但今次真係忍唔住要講左環境先😍餐廳乾淨企理 做足消毒清潔程序先可以入（包括大家見到既藍色即棄鞋套）保障自己之餘 最重要都係保護貓貓🫶🏻 餐廳入面都有好多超得意既貓貓插畫😆餐廳分開左食野既位置 門口放左大大棵貓樹比D貓玩 上面仲有(假)櫻花超ig-able 🤪入面既主子隻隻都肥肥白白超可愛😍雖然我地stay左個幾鐘頭時間已經可以見到佢地唔同既性格🤣見到有一隻係咁追擊另一隻 然後其他貓係度食花生勁好笑😂D貓貓都無話好高竇完全唔理人 都好鍾意玩逗貓棒同爬樹🤣當然見到佢地訓緊覺就唔好搞佢地啦～-🌟-雖然貓貓太搶fo 不過都要講下食物既部分～▪️芝心洋蔥漢堡 （$128）個樣平平無奇 但裡面有流心芝士超肥仔😈D薯條係我地最鍾意既粗薯 我地都忍唔住食曬🤣▪️菠蘿鮮茄免治豬肉意粉 （$98）味道有D似白熊媽咪煮既意粉 我地仲話啊媽係咪偷偷地黎左呢度返工🤣 酸酸地都幾開胃～呢度係有$60入場費 但就包左野飲😆我地嗌咗兩杯都係玫瑰系列🌹都算唔錯～凍飲既

聽聞Catio裏面有隻貓貓王子叫Anson，為見王子一面，今個週末即刻約埋朋友仔去先。今次貓貓cafe地點非常就腳👍🏻，荔枝角站D1出口步行1分鐘就到啦，岩晒路痴🙈咁近就可以留番d腳骨力被主子放電啦⚡️，場地提供逗貓棒比大家隨便同主子玩，店內既貓貓活躍好動，拎起貓貓玩具棒，貓sss會前後飛撲過來😍佢地都好乖架。而且場地空間寬躺，有足夠空間比奴才與主子嬉戲，環境舒服，場內仲有棵好靚嘅櫻花樹，比貓貓攀爬，可見店內設計為貓貓喜好而設，值得讚賞👍🏻打卡仲好令添入到場店員會比一張Meun既QR code，坐係座位舒服輕鬆下單，meun豐富，由輕食/主食/意粉/漢堡都提供，亦滿足你第二個胃既甜品都有😍惹味冬蔭燉雞意粉（微辣）$93份量適中，加埋沙律/配菜，薯仔香甜，健康之餘又飽肚，清新開胃。意粉帶出淡淡既冬陰功香味，岩晒吾太食辣既朋友。雞肉嫩滑，不會過老Rose Chocolate 玫瑰朱古力（凍）$64飲品用透明膠杯蓋住，放便飲用，朱古力香濃，不太溜，加上濃濃玫瑰香味，有特式，必叫之選。記得要自己放好餐具同愛護貓貓🐱

位於荔枝角億利工業中心裏面的貓貓CafePizza即叫即整，好好味！場內更有多隻貓貓陪大家，滿足貓奴，每隻貓好乖，只要不要太緊張及大聲，牠們會好乖好定比大家摸。

［荔枝角休閑貓cafe🐈Catio]-我同朋友都好鍾意貓🐈❤️咁啱見到呢間位於荔枝角嘅貓cafe好似唔錯於是就嚟咗🐱Catio🐱渡過左一個休閒😛俾貓貓包圍🥰幸福嘅下午🤣-Catio係荔枝角站D1出口過個十字街口就到幾方便👍餐廳走木系簡約風😛牆上有幾幅貓貓圖畫😍非常可愛仲有棵櫻花樹🌸貓貓攤晒喺度瞓覺💤幫主子打卡一流📷值得一讚嘅係餐廳環境良好😗地方闊落可以俾貓貓四圍走貓貓嘅伙食好好😆有得食雞肉罐罐🍗睇得出店主好錫啲貓💖衛生都做得非常好😚完全唔會有異味貓毛打理得好好😛店內亦都擺放空氣清新機連有鼻敏感嘅我一滴鼻水都冇流😀真係抵讚👍主子們各有唔同性格😚慵懶嘅粘人嘅高傲嘅都有😍全部都唔怕三埗人😆仲有唔同品種🥰隻隻都咁得意！同埋佢哋每隻頸上面都有個鐺鐺同名牌🔔非常可愛😛-💲收費：每小時$60💁🏻‍♀️頭一個小時送一杯嘢飲🧃✔️玫瑰系列+$10✔️玻璃樽飲品+$20食物另外收費😛-食物選擇多👍pizza🍕bagel🥯意粉🍝all day breakfast 🍳 同甜品應有盡有😛😋玫瑰皇家伯爵奶茶🌹$64（首小時包埋 加$10）香滑伯爵奶茶帶有淡淡玫瑰香味😛味道清香😚唔會太濃烈仲有好可愛嘅貓貓貼紙😋玫瑰朱古力🍫

鐘意貓貓嘅就唔好錯過啦😽🫶 圖中可見呢度嘅貓真係有好多 環境闊落 黎呢度除左可以填飽個肚仲可以同friend子黎chill下 同貓玩同影相 玩完下就3 個鐘lu🥰💞#mkeats_laichikok #mkeats_cafe______________________________主子最愛炸魚薯條 $108份量適中🙌 沾上泰式甜酸醬後食起嚟開胃好多😆 薯條都炸得香脆☺︎︎ 𝙮𝙪𝙢𝙢𝙞𝙣𝙚𝙨𝙨好食指數 : 7/10玫瑰皇家伯爵奶茶 $64有淡淡玫瑰花香 奶茶比較稀 ☺︎︎ 𝙮𝙪𝙢𝙢𝙞𝙣𝙚𝙨𝙨好食指數 : 7/10______________________________𝘀𝗲𝗿𝘃𝗶𝗰𝗲 𝗰𝗵𝗮𝗿𝗴𝗲: ❌ 有入座費𝘀𝗲𝗿𝘃𝗶𝗰𝗲: 8/10 𝗲𝗻𝘃𝗶𝗿𝗼𝗻𝗺𝗲𝗻𝘁: 9/10𝘃𝗮𝗹𝘂𝗲 𝗳𝗼𝗿 𝗺𝗼𝗻𝗲𝘆: 8/10🖇 荔枝角長沙灣道883號億利工業中心1015室(荔枝角地鐵D1 exit)

難得放下電，人地話動物能夠治愈人的心靈，自己平時工作太忙，又冇時間照顧小動物，所以揀左間貓貓既cafe去放鬆下心靈。 一入門口就消毒雙手，套上鞋套/除鞋，入到去用qr code嗌野食，都幾方便。可能今日係星期日，見到好多一家大細上去玩，貓貓連小朋友都唔怕。 ⦁入場費每人 $60/小時，每人會包一杯飲品。如果做會員仲享有首小時九折優惠。（我梗係做左會員啦！） ⦁玫瑰拿鐵（凍）$68玫瑰拿鐵入口有一陣淡淡的玫瑰香，加上用奶去沖泡的咖啡，入口非常順滑，而且奶味較重。 ⦁桂花烏龍茶（凍）$56烏龍茶入面有陣淡淡桂花香味，岩晒減緊肥的朋友仔。 ⦁主子最愛的炸魚薯條 $108炸魚同薯條都係即叫即炸，兩塊魚柳都勁脆口，而薯條係幼身果種，食落都脆卜卜。隔離仲配左蔬菜沙律可以解一解油膩感。 ⦁莎樂美喵包 $85即香草蕃茄軟包，淡淡香草味，蕃茄味勁濃。配埋莎樂美腸味道一流。 整體來講，地方光猛乾淨，都幾多打卡位。每隻貓貓都有名牌，有d主子會主動過黎同我地玩，有d會訓系貓樹度抖下，的確幾治癒。間唔時上去探下貓貓主子治癒一番都系一個唔錯的選擇。

最近見到網上介紹有間貓貓cafe 於是約埋鍾意🐱嘅朋友一齊去同主子們玩下🥰 地點幾方便 就喺D2 place附近 上到去門口會先除鞋/著鞋套 然後搓手進入 地方好闊落 而且呢到佈置得好靚🤭近門口佈置咗有棵櫻花樹 樹上有隻白色貓咪訓左係到超耐 冇郁過 訓得超甜超可愛😻樹下都有好多貓咪係到休息/玩樂 右邊係餐桌區 俾客人坐低進食 四周靠牆係貓貓嘅屋仔 佢哋會成場走 間中會跳上嚟望住人哋食嘢😆場入都提供一啲逗貓棒 等我哋可以同貓貓們玩☺️☺️ 每隻貓貓頸上都戴咗名牌 但有啲keep住趴係到 有啲又跳嚟跳去 所以我都冇睇清楚佢哋個名😹其中一隻印象最深嘅係<柑金> 因為由我哋入場至走嗰時佢都好好動 成日都會走過嚟 被我摸咗好耐 仲好乖咁同我自拍😻仲有隻灰色貓貓佢好鍾意爬樹咁 之後仲上咗樹上瞓覺🌴😴貓貓們都一貫地好有性格 會鄙視眼神望住呢班人類 應該心諗“你哋煩夠未 唔好阻住大爺我休息”😹 嚟到貓貓cafe 玩貓當然係最重要😎但都要食下野嘅 入場包咗一杯飲品 我哋加錢upgrade咗 又叫咗啲野食 估唔到貓貓cafe呢到都幾多野食 burger, sandwich, salad, AD

玩人地嘅主子貓就玩得多，去貓貓 cafe 都真係第一次~~呢度嘅貓有好多唔同品種，聽老闆講因為呢度嘅貓年齡都比較細，所以都鍾意不停挑其他貓機係度追來追去，我當然就係搵個靚位，坐係度．食．花．生！結果就係我逗留嘅粒半鐘我睇左幾場show~D貓貓好似D security咁左望又望，非常凶狠玩怒bear，其實幾好笑~一望準時機就會撲過去追佢個pat pat~每隻貓貓都有自己獨有性格，仲有名牌，我見到有花姐同anson.. XDDD好攪笑好得意！好彩都捕捉到隻乖乖喵同我影左張相！愛喵之人可以上去朝聖呢~主子最愛炸魚薯條係最經典fish & fries~ 見到係主子愛食的就試下囉~外脆內熱~ 配泰式辣醬食唔錯~ 炸得好香口！仲有伴碟沙律菜，夠晒fresh，魚都好大份，2大條！Iced Rose Latte杯見到有個喵喵貼紙，帶點淡淡的玫瑰花味，奶味香濃香滑，唔錯啊！

超可愛貓貓約會，而且仲有不少食物飲品選擇 @ 荔枝角 Catio 叫左食物就和貓貓互動，每隻都好可愛，佢哋的花紋不同而且性格不同，看到佢哋吵架好搞笑， 另一些就休閒訓瞓同周圍行，即時影下不少相片 食物和飲品在窗口取，我叫的是加$10玫瑰咖啡，玫瑰味好香，咖啡味都保持到而且泡沬幼細味道不錯 芝心洋蔥漢堡竹炭芝麻包 配薯條沙律，仲有醬汁選擇當然要酸瓜同芥末醬，沒想到幾大份勁飽，竹炭包微煎好香帶點脆口，漢堡啖啖肉配芥末醬更惹味。薯條熱呼呼配有芝麻醬的沙律最夾 Café一入門口有鞋套用幾衛生，入面空間十足而且好企理，裝潢以木色為主幾舒服，每小時$60，我就坐咗一小時再加叫食物和飲品，可以一路食嘢看到佢哋活潑玩耍的確不錯

難得放假當然要出去relax吓啦，但每次都係行街食飯真係有啲悶🥱 今次專登搵咗個特別少少嘅活動🫣 就係去貓貓cafe玩貓打卡加食tea啦！一次過滿足三個願望😜Cafe嘅環境非常闊落而且十分乾淨同企理😚 裝修係偏向日式木質帶點小清新嘅feel❣️客人要先套上即棄鞋套或脫鞋先至入得，然後掃QR code就可以落單～等緊嘢食嘅同時當然唔可以浪費同貓貓玩嘅時間啦💛 店內有十幾隻貓貓🐱 而且隻隻嘅性格同特徵都好唔一樣！有啲超級活潑會跑嚟跑去甚至衝上枱落嘢食🤣 有啲就攤喺度郁都唔郁😎 而呢隻蘑菇湯就完全地征服咗小妹嘅心🤭🍝 惹味冬蔭燉雞意粉（微辣）$93事源之前都有去過其他寵物餐廳😊 覺得食物質素一般所以都冇抱有太大期望😛 估唔到呢間cafe竟然有驚喜！一打開個蓋已經聞到好濃郁嘅冬蔭味🫣 雖然話微辣但唔太feel到，唔食得辣嘅朋友都可以叫！燉雞超級嫩滑，入口即溶而且份量都唔少😙 意粉偏淋但好索味，配埋新鮮嘅沙律菜同芝麻醬都幾match！營養均勻，十分推介～ ☕️ 玫瑰拿鐵（熱）$65 非常可愛嘅貓貓杯造型🫣 打開杯蓋仲有心心拉花添❤️ 咖啡香濃幼滑，同時散發著淡淡嘅奶味～ 玫瑰唔出但整體唔錯😋

作為一個出色貓奴我經常會去貓貓Cafe今次去咗長沙灣有棵signature櫻花樹既catio🌸位置好方便 係地鐵站附近依度有12隻貓貓大部份都好活潑好動🐈跑來跑去 勁Cute 有啲就會好乖喺度瞓覺 任人摸🤭依度除咗有得同貓貓玩之外仲有得食嘢飲野🤤消磨時間一流😍我地都有啲肚餓 叫左啲野食流心芝士漢堡依個包好邪惡 😆係漢堡扒裡面有流心餡🤤仲配埋蛋黃醬同酸瓜 ☺️小食拼盤包括有炸魷魚 炸魚柳 雞翼 洋蔥圈同薯條 樣樣都有d 啱晒貪心既我 😆🌹凍玫瑰朱古力🍫凍玫瑰朱古力咖啡☕️朱古力配淡淡玫瑰花香氣 唔會太甜 😋吸引到貓貓都忍唔住想食🤭

星期日帶小朋友過嚟同貓貓玩，環境比想像中乾淨舒服，場內都有唔少貓貓，隻隻都超級可愛，任摸唔嬲每人包一杯飲品，飲品選擇都唔小，而且味道唔錯。可惜食咗飯先嚟，見到同場點嘅嘢食賣相唔錯，下次可以嚟食埋嘢