影片
港鐵啟德站C出口, 步行約1分鐘
繼續閱讀
電話號碼
59650594
營業時間
今日營業
08:00 - 22:00
星期一至日
08:00 - 22:00
以上資料只供參考, 請與餐廳確認詳情
相關文章
位於啟德ᴀɪʀꜱɪᴅᴇ的西餐廳。自從新一段的啟德海濱花園開放後，由於是次開放的段落毗鄰維港，可飽覽維港景色，因此明顯前去啟德的人流也變多了，而貪新鮮的我當然也是去湊熱鬧的其中一份子了。.當天和朋友閒逛完後，才發現原來在這附近默默地開了很多新餐廳。而其中這一間的西餐廳，每次經過都被門口的麵包所吸引到；便決定不如就試試這間了。 ⋆_____ᴛᴏᴛᴀʟ ᴏʀᴅᴇʀ______⋆ ❅ ʟᴏʙꜱᴛᴇʀ ᴍᴀᴄ & ᴄʜᴇꜱꜱᴇ $198焗龍蝦芝士通心粉味道豐富，層次分明。軟滑的通心粉吸收了龍蝦和芝士的精華，口感奶香濃郁加上微焦的芝士，更添香氣；龍蝦未算大隻，但肉質細緻，為整道菜增添了高級感。.❅ ꜱᴜᴄᴋʟɪɴɢ ᴘɪɢ $288身為乳豬達人(?，看到餐牌上有乳豬便立即秒選。乳豬比想像中大隻，上菜時有哇了一聲，以這個價錢這個份量，在似樣ᴅ的西餐廳，算是超級划算了。乳豬外脆內嫩，入口脆卜卜，爽脆不油；肉質也夠嫩滑，整體鹹香惹味。.❅ ꜱᴛɪᴄᴋʏ ᴛᴏꜰꜰᴇᴇ ᴘᴜᴅᴅɪɴɢ $85這是一款經典英式甜點。濃郁的焦糖醬搭配濕潤及天然甜味的棗泥，入口帶有淡淡果香； 拖肥香氣未見突出，甜度適中； 而蛋糕配上雲呢拿雪糕，增添清爽感，甜而不膩。.❅ ʜᴏᴜꜱᴇ ꜱᴀɴɢʀɪᴀ $72餐廳自製的ꜱᴀɴɢʀɪᴀ，果香與酒香平衡，清爽解膩。
繼續閱讀
好一段時間無出嚟AIRSIDE食飯啦。喺AIRSIDE食午餐，每人平均消費接近$200，唔可以成日食🙈不過一大班人出去食，又或者揸車的話，AIRSIDE就一定有位泊車，沿路又唔會塞車，而且大部份餐廳都一定有位。食過咁多次，都無試過要等位。今次已經係第二次食哩間餐廳。餐廳岩岩開嘅時候，晏晝時間係無套餐。直到上一次食嘅時候，發現餐廳晏晝時段都開始推午市套餐，今日帶埋啲同事陪我食多次😋套餐包前菜、主菜 同 飲品。前菜有湯 或者 巴馬火腿。主菜有8款，好多嘢揀，有沙律、薄餅、飯、意粉、漢堡、牛扒。當日餐湯係忌廉粟米湯，再配一片麵包。湯就麻麻地，似普通罐頭忌廉湯，而且粉漿好重手。麵包我估係餐廳嘅sourdough🥖Scallop Mushroom & Risotto ($188)帶子蘑菇意式燴飯意大利飯好香。飯面鋪咗3大粒帶子，帶子熟度煎得岩岩好。意大利飯醬汁濃稠度適中，唔會好漿口，亦唔會太creamy，食落唔會覺得好滯。Wagyu Beef Burger ($198)和牛芝士漢堡配薯條遠遠已經聞到香噴噴😋漢堡有芝士、生菜，仲有......酸瓜😖偏食人第一時間拎走佢🤪漢堡扒好juicy，肉汁仲滴緊出嚟。薯條係粗薯條，條條飽滿，炸得好脆，好食😋Naughty Girl Pasta "Puttanesca" Spaghetti With Prawns ($188)海蝦蕃茄橄欖意大利粉見到餐牌上有個辣椒公仔🌶️，不過落單嘅時候職員話唔會太辣。食落又真係唔辣，只係有微微辣味。就算唔食得辣嘅人，應該都可以食到。蝦有4-5隻，肉質彈牙。整體味道都唔錯，微微嘅辣味帶出蕃茄醬嘅香。US Black Angus Sirloin ($268)美國黑安格斯西冷牛扒牛扒上面放咗香草牛油，旁邊有菇同薯條，淨係賣相都攞哂分。牛扒煎得好香，好靚，肉質唔硬。同事要求3成熟度，職員話會盡量整😝黎到大約係5成，都係預計之內，唔錯。推薦🌟👍🏻除咗漢堡、牛扒比較 heavy 嘅主菜，飯 或者 意粉類份量睇落都係偏少，但係有前菜 同 飲品，食完都夠飽。食完離開餐廳嘅時候，記得要參觀佢個麵包櫃🍞🥖🥐有各式各樣嘅酥皮麵包、甜品，仲有超巨型嘅sourdough，我諗成個sourdough成2磅🥖不得不提佢個麻糬酥皮蛋摓，之前食過一次，好正，好好味👍🏻，價錢又唔貴。值得一試👍🏻環境方面，餐廳偏嘈，唔知係咪有一個開放式嘅bakery，夾雜住啲機器聲。而且 lunch hour 餐廳內部比較繁忙，同時又好多人買麵包、外賣咖啡，就算樓底好高，都係聽到好多人聲同嘈音，大家傾計就要大聲少少，但係整體氣氛都係唔錯。
繼續閱讀
一入商場就會見到嘅餐廳每次都見到門口好多麵包好吸引今次終於入嚟坐低試吓 環境大又寬敞坐得舒服 裝修都好有特色✨✨.西班牙風味烤八爪魚辣肉腸 ($158)八爪魚彈牙可口 非常入味而且好開胃配鹹香惹味的辣肉腸 | 橄欖 | 車厘茄及薯仔估唔到咁夾 真的好好吃！大推大推！手切生牛肉他他 ($178)切得不太碎 保留口感之餘 更能吃到肉味肉質細嫩牛味濃 日本蛋令牛肉質感更順滑配黑蒜蛋黃醬 及 香脆鬆化多士北海道帶子海膽醬墨汁意大利麵 ($198)帶子大大粒好juicy 配海膽醬烹煮醬汁意大利麵掛汁而且毫無海膽腥味 唔錯乾式熟成黑安格斯肉眼扒 600g ($628)品嘗到經過長達21 天乾式熟成過程肉眼🤩牛肉特別軟嫩 減少了肌肉組織內多餘水份令肉味更豐富濃郁 帶骨又有份量配薯條及什菇 焗原粒蒜頭軟糯又香甜煙燻火腿羊奶芝士西班牙薄餅 ($168)香脆煙靭餅底 結合咸香十足的風乾火腿小量火箭菜等 羊奶芝士味道不會過於強烈拖肥布甸蛋糕 ($85)上面淋了拖肥醬 還有一球雲呢拿雪糕第一次試 意想不到原來好好吃 加上有冰熱口感 整體感覺有啲似心太軟
繼續閱讀
Chef’s Cuts Restaurant & Bakery (九龍城)九龍城啟德協調道2號AIRSIDE 2樓L201號舖呢間餐廳主打地中海風味，仲有自家烘焙嘅甜品，真係好啱鍾意試新嘢嘅食客！SPICED MEDITERRANEAN CHICKEN KEBAB with Pomegranate Couscous- 呢個烤辣雞真係好正！雞肉串燒到啱啱好，外皮香脆，入面仲好嫩滑，帶少少辣味同埋地中海香料嘅香氣，食落好開胃。 個石榴庫斯庫斯（Couscous）好有驚喜，加咗杏脯、花椰菜同埋車厘茄，酸酸甜甜，口感好豐富。 最正係個檸檬薄荷乳酪醬，清新得嚟又帶少少酸，同辣雞好夾，食完一啲都唔膩！ 特色西班牙素菜薄餅，Spanish Vegetarian Flatbread呢個薄餅係素食者嘅恩物！餅底脆卜卜，上面鋪滿牛油果醬（Guacamole）、洋薊、橄欖、番茄、茄子同埋火箭菜（Arugula），每一啖都充滿地中海風味，牛油果醬好滑，洋薊同茄子帶少少煙韌，加埋火箭菜嘅微苦，成個配搭好平衡，食完覺得好輕盈，唔會好滯。如果鍾意食素或者想試吓清新啲嘅薄餅，呢個絕對係首選！ 檸檬柚子撻配白朱古力，雲呢拿雪糕。甜品控一定要試吓呢個檸檬柚子撻！撻皮好酥脆，內餡係檸檬同柚子嘅酸甜組合，味道好清新，完全唔會過甜。白朱古力嘅甜味同檸檬柚子嘅酸味好夾，加埋雲呢拿雪糕嘅香滑，一冷一熱嘅口感真係好正！ - 食完主菜之後，再嚟呢個甜品，真係完美嘅結尾！ 將地中海風味同現代烹飪技巧結合得好好，食材新鮮，配搭創新，而且份量都幾足。餐廳環境仲好舒服，好啱同朋友或者屋企人一齊嚟慢慢食、慢慢傾。
繼續閱讀
今日去咗啟德Airside食早餐。一直都好想試呢間Chef’s cut restaurant and Bakery。一入到去就俾嗰啲三文治同蛋糕吸引，有好多選擇。 有果撻，三文治，曲奇餅等等。全部都好吸引。
繼續閱讀