Chef's Stage Kitchen (愉景新城) (已結業)

山長水遠去到荃灣 同朋友行完城門水塘之後 諗住搵個地方食個late lunch 補充下體力見到呢間評價好似好好 望落去環境又好舒服 所以就決定食呢間chef’s stage kitchen同朋友每人嗌左一個setSourdough toast w/ camemert & parma ham個酸種toast口感比起普通嘅麵包較軟綿綿 更加鬆軟 麵包既微酸味 再配埋芝士既奶香同parma ham既咸香 令到成件事冇咁膩之餘 味道都好豐富Pan-fried Australian rib eye (嗌左Medium Rare)份量好大 牛肉好新鮮 而且肉質好嫩 熟嘅程度啱啱好仲配埋岩岩炸好脆卜卜既甜薯薯條 諗咗好耐飲咩好 因為有好多特飲都好吸引最後決定嗌原味冰磚鴛鴦有啲冰係用咖啡整成 所以越飲越耐嘅時候 咖啡味就越出 而且仲唔會因為啲冰融左而令到成杯野淡咗最後埋單3百幾 以咁嘅食物質素 環境 同service黎計 性價比好高

今日早咗收工入荃灣愉景新城行吓見到呢間鋪想試吓西餐就入咗去好好食真係好好食😍未上菜之前嚟咗個麵包前菜個醬好好食😋先叫咗個黑松露牛肝菌蘑菇濃湯好好飲 稠稠地 好濃嘅菇味同黑松露味跟住就係芒果蝦肉沙律個汁好好味 甜甜地 啲汁同個沙律配合得好好 係有食完第一啖好想繼續食嘅感覺之後上主菜蒜香白酒紐西蘭蜆肉扁意粉蜆肉啱啱熟 唔會過老 漲卜卜嘅大蜆肉 真係好正 意粉都唔錯不過略嫌多油咗少少最後係1855西冷牛扒好鍾意佢嘅炭燒味 我地叫左3成好軟熟嘅肉 仲要充滿肉汁 真係好好食😋薯蓉都好好食 明顯係落左好多芝士同牛奶 係好邪惡 但真係忍唔住食哂😂飲品方面叫左兩杯雞尾酒 dirty chocolate 同white sangria 只要登記做會員就送架喇 仲要有好好嘅服務 食完每一道菜都幫我地換碟 等唔同餸菜啲味唔會混合 好細心今晚呢餐非常豐富 好滿足😄

今日係荃灣行街街，搵咗間餐廳食緊晏晝見到呢間餐廳裏面都好多人食緊，所以就同男朋友入去食lunch。行入去嘅時候就見到餐廳入邊多數人都係食緊burger套餐，咁我地都叫左一份食，我哋就帶咗兩個套餐，套餐前都會有個餐湯，今日嘅餐湯係忌廉蘑菇湯，好香濃而且好滑溜😋非常有口感😋仲有埋牛角包配上沙律菜👍好食😋牛角包可以點下個湯先食 😋個burger好大份😱成個burger裏面有好多唔同嘅蔬菜有蕃茄、生菜、洋蔥、燒雞☺️個賣相好吸引，食落味道唔錯，大份兩個人食非常足夠，薯條方便，即叫即製，熱辣辣而且好夠脆👍外脆內軟口感一流😛咁我自己就叫咗一個set lunch,燒春雞配薯仔西蘭花，佢配上自己調配的燒汁令到個雞肉唔會好乾身，食落口感都唔錯，而且好香，份量都係好大份😯薯仔煮得夠淋身🤤食落唔會覺得好乾的 係入口溶的感覺，接近薯蓉感覺飲品方面兩杯都好出色，我自己就叫咗芒果沙冰，夠芒果味而佢配上檸檬唔會太甜，另一半就叫咗榛子咖啡，用左咖啡冰嚟做冰感覺好特別而且咖啡好香醇嘅感覺，如果我自己唔係一早已經飲咗咖啡我都會飲返杯🤤

出到黎荃灣實在花多眼亂，因為實在太多好野食唔知食得邊間好。唯有問下住荃灣嘅朋友仔，佢極力推介chef stage，話d食物都好高水準，咁一定要黎試下先至得。🔹新鮮活藍青口伴意大利軟包龍蝦汁$188menu見佢係每日都由澳洲新鮮空運到港唔係用雪藏貨品，梗係要點嚟試吓啦青口夠新鮮，肉質彈牙，連埋d醬汁煮好入味，但唔會濃郁到蓋過左本身青口d鮮味，幾好味🔸炭燒美國天然極黑厚切黑豬鞍配薯菜$238呢到個豬鞍係非常之出色，厚身得黎煮得好嫩滑，真係食豬有豬味，未試過真係唔知原來豬味係可以咁正！🔹新鮮蟹肉及蘆筍燴意大利飯配鮮蝦頭膏$178意大利飯呢樣比較考起技巧，因為太乾身飯粒過硬就唔好食，而太多汁就變左飯糊咁，但呢到意大利煮到得粒粒分明，仲要吸收晒醬汁嘅精華，口感一流兼惹味好彩得到朋友推介，如果唔係就錯失左今次一餐高質嘅晚餐

超棒的生日飯老公說想食扒，立即上open rice搜尋一下見到這間非常好評，所以也決定透過open rice進行了訂座。叫了一個二人set, 有餐前包，有餐湯，前菜點了風火腿哈蜜瓜，可是風火腿應不是很多年那隻，但配合哈蜜瓜，的確好味。主菜點了一碟意大利飯，和一份龍蝦配牛扒，好好味呀！ 牛扒是最出色的！七成熟，仍好諗和好好味！最後再叫了一份炸雞翼小食，之前食評話好好食，所以專登單獨叫了一份，炸得好脆呀！ 可是不是十分令人眼前一亮。飲品叫了一杯餐飲玫瑰茶， 另外叫了兩杯香蕉巧克力，玫瑰茶超好飲， 巧克力令人增加了飽肚感。 下次叫返set的飲品已足夠了。由於在訂座時註明了是慶生，所以服務員一早打電話俾我，問我需唔需要訂甜品和寫字，所以我亦order了好多人都讚好的蛋糕。整得好靚呀！ 但唔知係唔係已食太飽，也不覺有評語中說的那麼好食。總體來說， 也是非常滿意的！

明白晚市係飲食業黃金時間之一，用餐限時1.5小時的可以接受的，入座前餐廳有再提醒，我和朋友亦表示ok。不過在我們1.5小時的用餐時間內，同一位侍應曾5次告知我們8時就要交枱。由「提醒」變成「煩擾」。我們一直都不停食⋯亦有依時結賬和離開。 有些比我們早到的客人仍在坐，有5-6張吉枱，又無人等位。食物味道可以，但如果想舒服或想坐耐一啲～都無咩可能。

週日午餐選擇了愉景新城的Chef’s Stage Kitchen ，等了大約15分鐘便可入座。侍應醒目有禮。餐廳座位比較開掦，有十多個weekend brunch set可供選擇，我們點了炭燒榖飼澳洲肉眼扒配燒汁伴南瓜蓉及花椰菜苗，上枱時已聞到很香的炭燒牛肉味，我點的是半熟的牛扒，上枱時仍很Juicy牛肉味香濃，沒有半點根，配上香滑的南瓜蓉及脆嫩的椰菜苗，還有板燒西班牙黑毛豬豬肩扒配燒汁伴南瓜蓉及花椰菜苗，有兩塊豬肩扒，也是用炭燒制的，豬肩扒煮得剛剛好沒有半點鞋口，套餐另可加錢叫特飲，我們叫了套餐餐飲凍咖啡（太甜）及接骨木玫瑰花茶（很香玫瑰花味及味道酸酸的頗醒胃），套餐亦可加$28配上餐湯及牛角包。總括餐廳環境服務及食物質素也很高。下次一定再來幫襯🥰。

終於可以出街食飯了！前兩個月真係stay at home, 完全冇出街食飯！ 最喜歡這間餐廳的地方就是半開放式，感覺空氣流通很多！商場本來很大，人流少，環境舒適！我們一行四人試了Burger 、香煎比目魚和12安士牛扒！香煎比目魚好好味，魚皮很脆，魚肉很鮮，最欣賞是個汁，很濃，忌廉味再混合薯粒和蔬菜粒，和比目魚很配！隻碟很熱，食到最後，比目魚依然很熱！

之前為咗個甜品特登約朋友過嚟食。 諗住食下午茶，不過原來佢五點九先至開，所以變咗食晚市啦。 朋友嗌咗個黑松露意粉 ，跟餐有湯+飲品+餐包。 同埋甜品可以減20蚊。我就食咗個意大利芝士蛋糕tiramisu 。我覺得個味道好過出面嘅好多。質地好正好滑呀。蛋糕浸嘅咖啡同埋酒唔會太多太少，濕度同味道剛好。 好香濃 。 分量都好對得住個價錢。 環境亦都坐得舒服嘅 。餐具都好靚 個餐湯嘅味道好濃郁, 好似係牛肝菌咁嘅味道 。意粉我亦都試咗少少 好香芝士味 同埋黑松露味 。

今日在愉景新城吃午餐，很有壓力想吃完午飯才叫飲品，我答未叫住 ，一陣才叫，期間三次被問叫什麼飲品。每次吃完一款食物，3秒內一定收走食物，甚至夾起洋葱圈，連蕃茄汁未點，已經被收起。未飲完飲品，已經拿張單叫我買單。唔知以為我霸住張枱好耐，但全程一定少於45分鐘。覺得像舊式的油尖旺茶餐廰，但chef stage 午餐是 超級一百元，可能因為疫情要增加利潤

這餐廳的西式意粉好有水準！好食！第一次食個「墨汁意粉」好驚喜！第一口食，便已經覺得好好食，有種令人不停想食的感覺，好rich!! 但，我估，應該都好肥下。因為feel 到有好多cream or butter 先會令碟意粉咁好食。另外佢個炸雞翼，都不錯！都大隻，而且外面炸到香脆，但肉質依然好滑，有肉汁。真係好食。佢個海膽燴飯都要讚讚！足料，好味！大大份海膽，一點都不欺場。雖然list price 接近$200。但我又覺得值得！最近都有食佢個牛扒，不太差。但沒想像中咁好食。都ok.另外想讚是佢個燉牛寬條麵，我一食，便覺得個旦面是餐廳自己整，個醬汁味道好好！牛肉好炆得好軟，好👌！佢個牛肉burger 都不錯！不乾，有肉汁，最美中不足的是，佢配「炸洋蔥圈」，但個洋蔥圈炸得麻麻地。比起佢嘅個炸薯條，差太遠，呢間的炸薯條都好食，粗粗的，口感非常好👍🏻。最後想一提是，這餐廳的甜品- Tiramisu!真係好好食😋！ 真係食完令人回味，想再食再食。哈哈😄！仲有好多未試。試完再分享多啲😋順帶一提，前台一男一女職員都好nice! 態度好好！讚👍🏻

我每次行過此餐廳都吸引唔到我 , 因可能覺得貴,但無意中發覺這間西餐廳既食評有好高既評價~所以今日放工黎到荃灣愉景新城既西餐廳食晚餐, 我們叫左2人晚餐~我們叫左2人餐包括餐湯,頭盤,飯或意粉(另有餐牌選擇),主菜,餐飲~餐湯 : 磨菇湯好香磨菇味 , 好飲好好味頭盤 : 美國炸雞翼🐔配炸金不文芝士🧀雞翼外脆,肉質嫩😋芝士🧀味濃郁, 不過不失飯🍚 : 黑松露磨菇飯 (全名忘了😝)好香好有黑松露味 , 飯🍚滲透左黑松露味主菜 : 炭燒美國牛腱扒配香草牛油焗波士頓龍蝦尾牛扒有d筋 , 味道不錯波士頓龍蝦尾就有d 韌此晚餐好滿意 , 有機會會再黎食

weekend brunch menu有14個set揀，好多選擇👍呢度荃灣店座位唔多，開門半個鐘就已經坐滿間餐廳，所以呢度有限時90分鐘要還台⏳元朗店比較大間，唔知有冇得坐耐啲呢😂----------炭燒穀飼澳洲肉眼扒 配燒汁 伴南瓜蓉及花椰菜苗 $158首先要讚下個燒汁，好濃郁，帶出肉眼扒既味道😍肉眼7成熟，中間略為粉紅，扒得好靚👍南瓜蓉幾香，花椰菜苗亦都夠腍😋板燒西班牙黑毛豬豬肩扒 配燒汁 伴南瓜蓉及花椰菜苗 $148黑毛豬juicy又腍，伴碟同肉眼扒一樣😊所有set都包飲品，當中最特別既係接骨木玫瑰花茶 (原價$38)飲落唔算好甜，茶味冇被蓋過，少少花既清香🌷南瓜湯 及 牛角包 Set+$28南瓜湯幾香同滑，牛角包微暖脆口，好彩唔係凍既😀脆薯餅 Set+$18(2塊)跟set嗌甜品可享$20折扣焦糖燉蛋 Set+$28其實燉蛋好香滑👍但係焦糖好厚，食落口感偏硬😔朱古力脆脆蛋糕 Set+$28朱古力味濃而不膩，脆脆又可以豐富口感😜

今日同幾個f四點到餐廳，等餐➕食一個鐘未到就趕我地走，搞到好呲自助餐廳限時咁，真係好差，我地食都未食完就一直趕，叫服務員摞個醬仲蟞我👍👍👍當時帶住bb冇反應過黎應該爆發噶

今天等朋友收工后，嚟愉景新城 Chef’s Stage Kitchen 享受星期六午餐疫情關係，先量度體溫，然後派紙袋俾客人放口罩，體貼服務態度先睇吓menu, 有 weekend brunch,meaty, kids 等等，套餐包飲品或者另加$28 有餐湯炭燒美國安格斯牛肉芝士漢堡配粗薯條$128 厚厚牛肉漢堡，保存肉汁，肉味更加香濃夾住番茄 🍅洋蔥、生菜芝麻面包，好香脆粗薯條，份量多，仍有開胃健康沙律🥗飽飽滿足了😋炭燒榖飼澳洲肉眼扒 配燒汁伴南瓜蓉 $158算係大塊，要求7成熟, 粉紅嫩，網紋，靚靚肉唔覺韌，香, 不油膩。美味南瓜🎃蓉 最後，來杯香濃咖啡☕️埋單 $315 😊完美的午餐，下次再嚟 😋