CHI Tachinomi (屯門市廣場) (已結業)

📍屯門 -#CHI Tachinomi——-晚市套餐 鰹蒜味噌漬 鰻魚飯 京蔥 豬腩葡萄卷 凍麥茶-雞髀肉-鹽燒牛舌-蜜糖西班牙午餐肉-芝士年糕-Takara蘋果酒——原來屯市都有居酒屋 佢嘅位置有啲隱蔽但裡面坐位都算多 差唔多30個位左右蠻適合同朋友傾計食嘢 放鬆下🍻講下佢哋嘅野食先 我哋叫左一個晚市套餐再加小量串燒 前菜鰹蒜味噌漬 味道唔錯 原來生蒜可以咁好食😂佢嘅鰻魚飯 鰻魚燒得剛剛好 配上鰻魚汁熱辣辣 好味😋而豬腩葡萄卷 我覺得蠻特別的 豬腩片包住葡萄一齊燒 味道甜鹹甜鹹 意想不到會咁夾 推介👍🏻個人覺得鹽燒牛舌,蜜糖西班牙午餐肉,芝士年糕呢幾款串燒都唔錯 可以叫嚟試試😋

已經三點幾四點，餓到死，諗住冇乜可能食到日式店，點知上openrice找到這間無休的，當然要光顧啦。店員給我們晚飯套餐$158menu，我們兩口子 諗住叫個套餐加小食。加30蚊的磯煮鮑魚，十分入味，易入口。加20蚊的鰻魚飯，比較細碗，但鰻魚香口，唔錯。選秋葵因為另外兩款（香菇，京蔥）麻麻地興趣，不過都燒得唔差。加20蚊的鹽燒牛舌，十分香口肉嫩，必點。套餐後是另點小食，燒鱈魚缸，十分香脆。燒日本雞皮，十分邪惡，但不二之選。燒油甘魚鮫和燒蠔，正常。食到這裏我們兩個都略嫌未飽，所以叫多個套餐。前菜選了冰菜沙律，十分清爽。大阪牛肉飯，入味肉嫩，不過一樣比較細碗。跟餐豬腩和加單牛肉串都唔錯。今餐下午茶十分滿足，可以一餐頂三餐，整體味道唔錯，燒功一流（雖然第二碟秋葵失手），串燒店價錢一向偏貴，但食材唔差，值回票價，有機會可以再光顧。

去市中心食lunch，諗起呢間居酒屋。Lunch set有飯同串燒，但見到正常size都幾細個所以叫咗特盛。特盛大阪牛肉$98特盛鰻魚$138本身以為牛肉會係類似吉野家果種肥牛😂原來唔係，係似牛腩牛筋感覺都幾港式，牛腩煮得好淋，肥既部份又唔多，幾好食呀😙鰻魚幾肥美，唔多骨，但係就冇乜醬汁！串燒一定要試吓呢串雞皮，卜卜脆好邪惡😈😈玉子味道都唔錯。食物種類唔算多，但味道幾好環境坐得舒服，價錢合理！

屯門一間位於市廣場的日本菜小店，餐點精緻，裝修擺設也花了一點心思。胡麻蕃茄酸酸甜甜，入口爽脆，是口味非常清新的前菜。 串燒有約二十款選擇，即做即做，熱辣辣上桌色香味俱全。 鹽燒牛舌是厚切的，更有口感，加一點點鹽和黑椒調味已很出色。 豬腩葡萄卷，很新鮮的配搭，葡萄香甜多汁，配上半肥瘦豬腩，油潤得來又不會膩，推介。 京蔥雞脾肉，吃日式串燒必點，京蔥爽甜帶焦香，配上嫩滑雞脾肉百吃不厭。 燒三文魚鰭香軟嫩滑，油脂令魚肉更香口惹味，加一點點檸檬汁提鮮令味道更清新。 點了一個日本吉列蝦飯套餐，除了主食，還可搭配一款小食及飲品。 吉列蝦有４隻，炸粉不算厚，即叫即炸外脆內軟，搭配蛋黃醬加倍香口。 燒玉子蛋味濃郁，甜甜的味道加上鬆軟的口感，竟有點像芝士蛋糕。 餐飲選了凍麥茶，麥茶開胃又有助消化，不含咖啡因，多喝也不影響睡眠。

係居酒屋呀😍😍😍😍好難得屯門都有 緊係要試試佢🤪 好多清酒啤酒樽做擺設 ～ 上層係bar table 下層就4人一台左右 平日7點去到 人都唔算少👍🏻 睇黎大家都好掛住日本🇯🇵👅 套餐價錢都唔錯wor!! 包咁多野 😱😍 散點串燒之我黎啦😍😍😍🤣 套餐入面包既冰菜沙拉^_^ 冰菜冰冰涼涼又爽口 做前菜幾唔錯🤗 主食叫左饅魚饅😘 個饅魚汁好香好好食👍🏻👍🏻👍🏻 饅魚咬落啖啖肉👍🏻 雞皮同鹽燒牛舌之好耐無食過雞皮😢😢😢 好脆口同埋好香雞油味😄😚 一野就啪哂😂😂🤣🤸🏻‍♀️ 牛舌 夠厚身 唔會韌 好重牛味👍🏻必試😋 燒鱈魚🐟 要叫要叫！ 新鮮燒好 好脆口 又香魚味 用黎送酒一流😘😚 食返d甜野先🤗 甘粟紫粟餅 ～ 又係好出色呀大佬😱 炸粉唔會厚 新鮮出爐熱辣辣 好重紫薯味！！ 熱粉一定要試👍🏻👍🏻👍🏻 後面冬菇就幾juicy ☺️ 玉子燒蛋味好濃郁 過下口癮👅 唔少得緊係生蠔😍😍😍 正常一份兩隻～ 但店員話得返3隻 所以送埋比我地🤪🤪 好野！ 7點去到都賣哂 可想而知幾多人食🥺🥺🥺 雖然燒完會縮水 ～ 但食落1啲都唔會dry 都好香蠔味🥰 價錢又唔貴 如果佢仲有我都會再叫😢 留返下次😆 友人叫

入到嚟好有日本居酒屋嘅感覺，燈光小小暗，分上下層，我地就坐下層，自成一角，坐位都闊落，慢慢嘆下串燒，傾下計。晚市套餐 $158冰菜沙律冰菜好新鮮爽脆，第一次食呢款沙律，原來幾好食， 簡單加上胡麻醬已經好好味。大阪牛肉飯來到既時候比想像中細碗，哈哈。 牛腩係厚身，煮得好軟淋，好入味。碗飯索晒啲牛肉汁，好正。燒香菇好juicy，燒得好香，燒汁甜甜地， 但好似唔太熟。豬腩葡萄卷好得意，豬腩肉夾住粒爆汁提子。 呢個組合幾match， 提子可以減輕腩肉既油膩感。 細鰻魚飯 $78鰻魚燒得唔錯，邊位有微微焦香，肉質好軟淋，加上蛋絲， 賣相好靚，但鰻魚汁唔夠撈飯食。燒菠蘿 $38好甜，好juicy，來到好熱辣辣，出曬煙。煎茶食飽飽飲杯茶，清下個口。

屯門市廣場地下有間門面一般既日本餐廳 今日特登去同朋友食感受下日本既感覺佢以串燒 小食做主打 再配埋日式酒類 算係唔錯佢餐廳位置唔多 吧臺大約6-8人樓下有4人臺大約20人叫左冰菜沙律 鱈魚干 紫薯餅 燒蠔 玉除燒 牛舌 香菇 日式雞皮 鰻魚飯 同埋 清酒加梅酒各一杯每樣野食份量大約3-4份左右 冰菜沙律用左芝麻醬撈 菜係雪冰的 ！燒鱈魚干 呢個配酒飲一流 咸咸地又有魚味 玉子燒 都唔細隻 食到好滿足同埋好香蛋味紫薯餅 呢個係外炸內紫薯泥 食完有好飽既感覺 中意紫薯一定要食！燒雞皮同牛舌 雞皮係好香而且燒到剛剛好！牛舌係出奇厚切 淡淡肉香菇 3粒菇 燒完都好香同埋唔會乾身有菇汁燒蠔 其實得兩隻一客 不過師傅話剩左一隻當送埋比我地 太好運了吧 燒完蠔勁濃味 不過收乾左水就會細隻左個鰻魚飯係出色 好似我之前去大板食咁好食 又香鰻魚味 又有鰻魚汁加埋日本米另外一杯清酒加梅酒 一人一杯配上晚餐 就係咁chill

「在香港的日本🇯🇵小旅行」屯門市廣場不起眼的小布簾內有一間日式居酒屋風味的小餐廳裝修坐位好似去左日本由奇係bar枱位🍻我地今次叫左二個Lunch Set 分別係燒三文魚鰭🐟同日本咖哩炸雞🍛燒三文魚鰭炸得唔錯👍🏻脆卜卜得黎魚肉仲留有三文魚油🐟💦 炸雞咖哩飯正常發揮味道唔錯 但無咩特別飯量比三文魚鰭分飯上少我會比較建議試鰻魚飯 望到隔離食好吸引😛跟餐有玉子燒 全蛋足料另外加錢叫左燒雞皮同燒蠔🦪雞皮💯好脆 中間雞皮留有咬口燒蠔既蠔味道係好味略嫌燒得未夠火氣 🤏🏻🔥夜晚叫串燒飲啤酒應該會更有FEEL🍻

今日嚟到屯門巿廣場吃午餐，試一下這間串燒店，中環碼頭也有分店，評分不錯，很多人推薦鰻魚飯！❤️日本直送油甘魚餃(午餐set) HKD145 - 因為即燒製作需時，等了一會但不會很久，第一次試油甘魚餃，感覺似日式定食的魚，多點焦香味和十分新鮮！配一點檸檬汁和醬油加飯吃十分搭！價錢略高但十分值得，價錢已包串燒和飲品。❤️牛舌（午餐set)+ HKD22 - 賣相大大舊，是我喜歡的厚切，串燒即燒熱辣辣，咬下去很juicy ，厚切口感很好。❤️鰻魚 HKD 55 - 想吃多一點鰻魚建議叫一整份鰻魚，份量比丼飯較多，果然味道很好，燒汁香濃，魚燒得很香，配飯一流！❤️錦爽雞雞脾肉 HKD48 - 熱辣辣十分嫩，燒得香口！總括來說這間餐廳性價比高，午/晚飯價錢不貴，想吃丼飯串燒一定要試！

屯市最近新開左間Donki，得閒冇事就去打個白鴿轉。行完見到有間新開嘅居酒屋，順路就去醫埋個肚仔。舖頭仔細細但照足屋酒屋設計，有埋個屋台可以同師傳傾下計真係好有feel，樓下就做普通卡位，位置闊落坐得舒服😌鹽燒牛舌一共有4大塊，牛舌爽口，表面带焦香，調味唔重簡單鹽味已經可以带出牛舌嘅油香味。抵讚嘅係牛舌係厚切嘅，趙落有肉感！碳燒廣島蠔廣島蠔雖然唔叫large size，但燒得岩岩好，技術搭救！食落好juicy唔會燒得干爭爭，而且食到好重海水味，鹽都唔洗落！食得出有碳香味，而且上面有落蔥粒加添蔥香！燒牛柳粒牛柳粒係meun上推介，見佢有隻手指公就叫黎試下！牛柳粒好嫩好juicy牛味濃，有少少似夜市嘅鐵板燒牛柳粒，而且每一串串燒都係即叫即燒，所以大家要耐心等待！吉列炸蝦炸蝦大推！！！果然炸蝦係居酒屋必點嘅食物，炸漿夠薄夠脆，而且蝦夠大隻食落啖啖肉，好滿足！鰻魚飯鰻魚肉煮得好入味，而且燒得好香口，魚嘅油脂逼晒出黎，餸飯一流！

今日放假諗住hea食完就返樓繼續瞓覺 點知行經呢間餐廳 見佢嘅裝修好有日本居酒屋特色 突然就抽起旅行癮 決定入嚟試下食午餐都有唔少選擇我哋就揀咗呢個鰻魚盛同埋特盛串燒 午餐會包一個小食同埋飲品選擇 視乎選擇需唔需要加錢等食物期間其實我哋一路留意個環境真係好寫意 好有日本氣息 非常欣賞 始終真係太耐冇去旅行 而家簡直有如置身第二個空間鰻魚盛好快就送上嚟 雖然比想像中有啲細 但想講鰻魚質素都非常高 好好食 其實女仔嚟講就一定夠飽 串燒比較有驚喜午餐set有包括牛肉串,雞皮,葡萄豬腩肉,燒雞翼同埋香菇配有一個白飯午餐仲可以揀兩款小食 我地就揀咗一個玉子燒同埋牛肉粒 玉子燒比想像中大份仲要厚厚甜甜 啱我心水 串燒即叫即燒 熱辣辣 其次係食物都好美味 牛肉係好有牛味同埋多汁 食落嫩口 燒嘅時間啱啱好 燒雞皮就好夠脆 雞翼同香菇亦都係好夠嫩同埋多汁食物簡單加少少山椒同埋七味粉配搭嚟食就已經好好味 不得不提嘅就係呢個葡萄豬腩肉 葡萄直情好似加咗糖水咁甜 亦都冇估到佢同豬腩肉係咁夾 令到個豬肉食起嚟非常多汁 再加埋豬肉油脂香 口感味道一絕整體環境服務食物都非常唔錯 讚

牛舌講真…咬咗5分鐘都未咬得到仲彈過橡根😑😑失望其他例如牛肉飯雞塊等等正常發揮啦抵唔抵就見仁見智啦四條秋葵都冇我手指長就咁嘅價…err只會話我唔會回頭不過都飽嘅

呢間串燒店之前已經聽日講過話味道唔錯，咁啱約左個朋友去屯門行下順便到呢間日式風好濃厚既串燒店食晚飯。入去坐底見到呢款晚市套餐以一人套餐計夠晒豐富，包含5款選項，有前菜,飯類,兩款串燒及飲品。前菜-磯煮鮑魚當做前菜開胃得黎又豪華，原隻魚連殼鮑魚煮過後再以冷盤作為前菜味道入味得黎又口感又彈牙爽口。鮑魚味道甘甜帶住淡香鮮味。飯類-大阪牛肉飯牛肉煮得香軟嫩腍又夠入味，雖然牛肉煮得夠腍但唔會無晒肉既質感。牛肉經過燉煮後相當入味，牛肉汁鹹中帶微甜而且帶住一陣牛香。底下既珍珠米間帶住牛肉汁相當下飯。如果醬汁更多可以用黎送飯就更惹味。串燒A-秋葵秋葵香脆內裏順滑而且帶住秋葵獨有既清香味 串燒B-豬腩葡萄卷大大粒既原粒青葡萄被豬腩片包住再烤，帶黎外脆內爆汁口感。烤香既葡萄帶住一陣清香而且酸酸甜甜既味道化解左豬腩既肉膩感。凍麥茶帶住麥香，無糖冰涼夠晒解渴.

08.08.2021CHI Tachinomi 今日終於同朋友去屯門市廣場地下嘅「CHI Tachinomi 」，上次自己來幫襯過，食物、環境、招呼都好好，所以今次再來。除咗最初介紹餐單同落單之外，基本上兩位職員妹妹都好忙，雖然無主動添過水，但亦無騷擾過我哋傾計，所以坐得好自在舒適，一坐就傾了兩個半小時，真係坐到pat pat痛，嘻嘻。上次自己試過套餐唔錯，可惜沒有了「豬腩葡萄卷」，上次試過好有特式，豬腩加葡萄，食起嚟一啲都唔油膩，唯有下次再試過。套餐包前菜、串燒A、B各一，飯類、飲品，$158；可加特別食物和飲品，例如鰻魚飯加$20。午餐套餐：前菜：冰菜沙律、胡麻番茄冰菜沙律：卜卜脆，唔點沙律醬原味仲好食，朋友都話好好味！我專登叫了一碟大碟，但份量對我來講仍然唔足夠，因為我係菜精，平時食勁多菜。胡麻番茄：番茄份量好少呀串燒：香菇、京蔥雞脾肉、蜜糖西班牙午餐肉串燒冬菇，幾甜，但點解好似無燒過咁蜜糖西班牙午餐肉：朋友話咪就係厚切午餐肉囉😂京蔥雞脾肉：呢個反而幾香口，連平時我唔鍾意食京蔥，都覺得好夾飯類：大阪牛肉飯：上次試過鰻魚飯，今次試牛肉飯，肉質好甜美，正呀！飲品：凍麥茶，無乜麥茶，凍

donki係屯門開張當然要去shopping!shopping完梗係要係屯門周圍睇下有咩好西食！行行下經過呢間充滿日式風格既居酒屋已經比佢吸引左入去試下！一於黎個日本之夜.燒鵪鶉蛋細細粒一口size,燒過既鵪鶉蛋白彈牙而且內裏蛋黃綿密香軟.蛋香味濃郁細膩配上清酒好夾.吉列炸蠔吉列炸蠔好推薦比鍾意食蠔既人！外層炸漿炸得鬆脆又唔油膩,一咬落口聽到清脆利落既咔嚓聲.內裏蠔肉好juicy而且質感好creamy又唔會腥,入口帶住一陣蠔既鹹鮮香.玉子燒炙燒過後帶點焦香,蛋香甜美而且唔會過實.如果可以再整得鬆軟少少口感會更好.燒雞翼燒翼外層燒得香脆又唔會過乾身,整體醃得夠香又入味.雞翼外層灑上少少椒鹽令風味更香又帶點日式風格.日本雞皮烤得乾身酥香,口感卜卜脆.雞皮唔會油膩及濕潤,脆身香口好似食薯片咁.雞皮味道帶淡淡雞油香但又唔會好重膩感.豬腩葡萄卷豬腩片充滿豚脂香,加上葡萄香甜帶微酸既配搭化解左豬腩肥肉既油膩感.平時食車厘茄既配搭多,估唔到轉用葡萄後又帶出另一種果香風味.Very Good清酒店内將是日特選清酒分為good及very good.難得黎到咁有日本居酒屋風既餐廳當然要盡興一下.Very