CHiLL-i (已結業)

今日又係地頭蛇朋友帶我去搵食，依間店唔係熟路真係好難搵得到。入面唔大，但枱凳唔會逼。好欣賞店員會主動比個籃客人裝袋，食都食得舒服啲！因為好肚餓，所以其實我都冇好仔細睇究竟個餐係包啲咩就已經落咗order個餐盤一上枱嘅時候就覺得眼前一亮其實我好鍾意食呢啲有好多碟細細碟嘅小菜因為有可以食多啲唔同款式嘅嘢。而且佢個煮餐嘅份量都好足，雞扒煎得好香大大塊，雖然上面放咗個辣椒但係其實啲嘢唔辣。牛油果都好熟配埋一齊食好正雖然冇影到相，但朋友嗰一個蝦球意粉都好好食，意粉佢個質素幾高下，唔會煮到好軟淋，另外啲蒜香好入味，咬落好煙韌，蝦球份量都幾多！甜品識落似cheese cake，但口感又有啲似乳酪蛋糕😆一口size 細細件，伴碟吧生果我覺得佢一啲都冇馬虎，有士多啤梨、藍莓、仲有嗰隻金色嘅果子🙈🙈🙈小食有單骨雞翼同蟹柳沙律湯上面嘅蔥碎增添左唔少風味飲品方便我揀咗咖啡，幾消暑朋友叫嘅係梳打，打卡真係好啱，飲落仲好Fresh整體來講食材雖然唔係話特別貴，但以依個價錢有呢一種享受我覺得真係食得好開心，仲可以坐低慢慢同朋友吹水，翻兜之選

今日休息去朋友屋企玩，近排食得太多住家飯，想轉一下口味，朋友話有間西餐距經常幫襯，順便帶我去試下。我竟然五知原來呢間平價又高質的西餐廳係工廈入面，不過地理位置一滴都阻礙五到距發光發熱，短短的晚飯時間，好快就坐滿人。雖然人多，但係滴服務一滴都無差到，態度好好。先來個豆腐魚餅小食開下胃，講真，距真係外脆內嫩，仲五腥，加上滴醬更好味。蒙古羊排，煮得五會太熟，咬到既，同埋五太騷，好味既。呢個法國野生珠雞醃得好入味，滴肉五算柴。個沙律醬配羅馬菜第一次食！除左個菜頭有滴苦，其餘都好好味，比較健康呢個蜂蜜柚子梳打係我飲過最好飲的梳打。首先距個柚子味好重，有淡淡的甜味，適合五太好甜或者減肥中的人，距仲可以食到原粒柚子甘，真係好好味。朋友話個拿鐵都好五錯間鋪真心可以，下次去朋友度玩再去食

駱駝漆大廈美食多就大家都知，今次便來到Chill-i 。 點了2款午市套餐，加$30升級豪華定食，包括有是日餐湯，甜品及2款小食。由前菜、湯、主食、鮮果沙律都整整齊齊放在餐盤上，份量都是小碟形式，甚有日本風。日是餐湯是薯仔忌廉湯。小食有碎蛋沙律和煎豆腐餅。碎蛋沙律正常味道，而煎豆腐餅外層金黃香口，內層軟綿綿的。鮮果沙律新鮮的水果款式多，作為飯後甜品就最健康。蘑菇忌廉温泉蛋巴馬臣芝士鮮蛋麵鮮蛋麵充滿淡淡的蛋黃香味，而且帶煙韌，口感特別又掛汁，濃郁巴馬臣芝士配上忌廉汁和温泉蛋，沾滿麵條，非常驚喜。鰻魚滑蛋配意式蕃茄紅飯日式的鰻魚口感偏甜和軟腍加上滑溜溜的炒蛋，美味。飲品方便點了抹茶拿鐵和朱古力咖啡。抹茶拿鐵有淡淡的綠茶味，夏天炎熱喝一口就透心涼。

觀塘鱷魚恤中心一向都有好多隱世小店，通常我只會行頭三層，因為已經能滿載而歸。不過朋友最近介紹左一間不錯的西餐廳，服務好、味道好，所以一試。門面好chill, 好吸引，唔怕搵佢唔到。餐牌選擇唔算多，但好多圖片都好似好正。特別午餐好吸引，但我今次食晚市，所以揀單點美食。先黎兩杯飲品，外表chill吸引，蜂蜜袖子梳打不會好甜，袖子味好足，而且有粒粒新鮮袖子呢。朋友點了Mocha, 咖啡味比朱古力味重，所以不會甜，少少苦，也不錯。最重要賣相好！比較特別的是這個椒鹽甜粟米手指，有少少避風塘感覺，熱辣辣又香口，做小食一流。法國珠雞都整得好精緻，雞胸肉係嫩口既、雞脾超滑，仲有幾條大生菜配芝士碎，只是味道有少少咸。肉眼扒7成熟做得剛剛好，薯條份量好多，最後食唔晒，仲包沙律，配黑醋汁，好味。值得一提係服務好，店員主動幫我換左兩次碟，好細心呢。

今日接老公收工， 去咗駱駝漆搵食， 誤打誤撞入咗間西餐廳， 估唔到有驚喜喎。 🤭🤭前菜： 脆炸日本吉列🦪🦪賣相好靚仔，酥炸生蠔外表脆口，粉槳不會厚，內裏肉汁豐盛， 蠔味濃郁， 炸下面加了少許 蛋黃醬和檸檬片，配火箭菜墊底， 感覺不會太油膩，每人兩粒啱啱好。😛主菜: 烤法國野生珠雞伴羅馬菜配凱薩醬🦃🦃餐廳選用比較少有的法國野生珠雞，珠雞的味道很像野雞又像穀飼雞，肉質比普通雞肉或野雞都要嫩滑， 餐廳亦將雞肉醃得很入味， 濃郁既雞肉 配合清新的羅馬菜，恰到好處。慢煮豬鞍扒配溫泉蛋及飯🐷🍳豬鞍扒厚切，慢煮既豬鞍肉質一啲都唔會鞋，有肉汁，不用點醬料也非常入味，加埋溫泉蛋撈飯真係冇得頂。飲品: 凍抹茶蜂蜜拿鐵🍵🍵抹茶配蜂蜜各自味道突出， 配合少少咖啡喺口內作餘韻。🍯🍯薄荷青檸梳打🍋🍋本來一杯很普通的青檸梳打但係加咗薄荷之後，除咗味道層次提高咗之外，以今日嘅天氣36度來說， 飲完之後覺得全身都感到涼快，夏天一定要飲，解渴又清凉。🧊🧊值得一讚嘅係佢哋嘅擺盤， 每一碟食物嘅擺盤都有精心設計過， 見到咁靚嘅擺盤， 食都食得開胃啲

觀塘駱駝漆大廈隱藏著不同既美食✨所以樓下等𨋢都要預返d時間😂上星期六去嗰度買嘢，跟住去左12樓既Chill-I食lunch🍱佢哋既食物質素非常高👍🏻無論賣相同味道都相當有水準✨慢煮豬鞍温泉蛋飯$148比我手掌還要大塊既豬鞍扒🐖以慢煮方法再煎香表面🥩豬扒表面油香，而裡面肉質嫩滑🍖口感豐富。而温泉蛋十分百搭，點配襯都好味。😋蘑菇忌廉温泉蛋巴馬臣芝士鮮蛋麵$68剩係聽個名已經知道材料豐富🍝忌廉汁+温泉蛋再沾滿麵條🍜香濃好味，鮮蛋麵比意大利更有口感👍🏻簡單既配料已經夠出色。🍻佢哋既單點食品只需要加$30就有Premium set🍻包埋餐湯、兩款小食同埋甜品。🍨性價比十分高。✨最後套餐加點左兩杯飲品🍹熱情仲夏夠曬消暑解渴，而玫瑰鮮奶咖啡☕️夠曬香濃。🍵

是日返夜 , 公司做到7點零就同同事出去食個飯先返公司博殺之前見社交平台有人提過推介駱駝漆大廈3座一帶勁多食肆 , 順理成章兩人去果邊覓食3座樓下等lift上樓人山人海 , 各位預下時間 , 行左兩層後見到11樓chill-I 環境乾淨企理又唔駛等位就試試裝修走悠閒西式風格 , 雖然餐廳面積不大 , 約30餘座位左右 , 但都坐得舒服 , 店員待客亦殷勤有禮餐牌頗為精美 , 精簡為主大約有3頁香煎法國鴨肝伴甜酸雜啤梨子金寶 $138 - 啤梨及汁酸酸甜甜 , 開胃非常 , 鴨肝入口已經開始融化 盡顯細滑口感 , 味道濃厚而又不太油膩 , 相當唔錯紐西蘭一級肉眼牛扒+燒汁意粉 $158 - 牛扒order 7成熟 牛味濃厚 , 質地香嫩 , 肉質不會用梳打粉整到太過鬆軟 , 肉塊當中油花分布平均 , 沒有草腥味 , 配燒汁提高其層次 , 而意粉幼身 , 偏彈牙 , 幾出色鍚紙焗茴香,檸檬,香草牛油盲曹魚 $188 - 一開鍚紙 香氣四溢 , 檸檬,牛油,酸汁等香氣 撲鼻而來 , 全部均起晒骨, 岩晒懶人 , 配菜有少量蔬菜 , 魚皮香脆可口 , 魚肉更是新鮮細嫩 , 其烹調的魚汁神來之筆

公司攪了個小function, 有9位同事，去試這家的高汁晚餐😆。 Book枱後，餐廳打來確認，問有沒有budget大慨食幾）一位，因為如能到$400 budget, 可以要求廚師整特別餐單，不再只跟menu. 本來公司budget冇咁多，問了同事，自己貼少少可以試下喎。於是乎就訂咗斧頭扒，前菜炸蠔、芒果沙律軟殼蟹沙律（個醋針勁正）、鮮忌簾bb青口配欖油包（正到食完再encore個包點鍹汁）主菜先上魚，再來主角斧頭扒、然後麻辣海鮮飯，最後甜品大併盤畫上完美句號。酒我們自己帶，現場我們還點了很多杯特飲。最後每人$400幾，真的超值，小店大家當自己屋企咁，很愉快的一個晚上🥰🎉😆廚師還親自出來問我們意見，真的很有誠意的一間fine dining餐廳。

大多數去過觀塘嘅人都會去駱駝漆工業大廈尋寶 每次去都會有不同新商店同餐廳今次同朋友過去睇家俬就見到呢間開業不久的西餐廳 中午決定入去醫肚環境企理衛生 木系小清新開放式廚房都唔會覺得有油氣味同朋友每人叫咗一個主食配set +$30豪華定食上菜黎到有驚喜 感覺好似日式定食一個托盤裝曬一個餐 視覺豐富 加30絕對唔會失望 建議大家一定要加 入面有時令生果盤 蛋沙律🥗 酥炸一口豆腐仲有是日餐湯 -黑松露蘑菇湯 泰式青咖喱.烤雞扒 ． 牛油果泰國香米白飯 $98雞扒烤得表面酥脆香口 配青咖喱 白飯殺手唐楊軟殼蟹.蟹醬.扁意粉🍝$128 原隻軟殻蟹 用料足意粒粉掛滿蟹🦀️醬 每啖都食到份量足 同男性朋友食都唔怕唔夠食熱情仲夏 跟餐價 $28清涼解渴好飲 好多熱情果朱古力咖啡 跟餐價 $18滿滿的忌廉 我最愛走果陣見到門口有個雪櫃賣餐廳自家製己調味好嘅扒 原來可以買返屋企食 加熱食或者煎熟就得勁方便 價錢又唔貴

繼早兩天在觀塘覓食後，今天再接再厲，朋友介紹了這間Chill-I，我們便在午膳時到此店用餐。朋友推介了我吃青咖喱雞扒，而他自己則點了盲曹魚柳。我們均加了$30 ，把餐增值成豪華定食。一個餐盤上有兩份前菜，分別是蛋沙律，及炸魚手指，蛋沙律吃下去有種健康的感覺，因為沙律醬並沒有下太多；而魚手指不腥，我也能吃下去。南瓜湯一般都是甜的，但這裏南瓜湯卻帶着鹹味，味道特別，不中值得一試。至於主菜雞扒，雞皮脆脆的，配上青咖喱味道剛好，帶一點辣。有趣的是，我並沒有想過牛油果能配上青咖喱，這種吃法新奇卻好味，更能帶出牛油果獨特的香氣，但記住不要沾太多，否則只會有濃濃的咖喱味。朋友叫的盲曹魚柳，外皮十分脆，加上茄醬燴菜及薯仔沙律，吃下去鹹甜鹹甜的，朋友說是一道他會再來吃的菜哦！至於飲品，我叫了一杯抹茶拿鐵，而朋友則叫了一杯青檸梳打，抹茶拿鐵是我喝過最好的，一般街外的抹茶拿鐵不是奶味過龍，就是抹茶粉下得太多，有種澀澀的味，但這裏的是剛好，淡淡的綠茶味配上不太重的奶味，成為了一杯我想續喝的抹茶拿鐵。推薦你們去到此店時，飲品方面一定要叫綠茶拿鐵囉！

⌇ c h i l l - i “ 🐟 “ 香煎盲曹魚柳伴意大利茄醬燴菜及薯仔沙律 ( $ 9 8 )魚柳同其他配菜疊起一層層 齋睇賣相就睇得出好有心機 盲曹魚外皮煎得香脆 魚肉厚身亦幾香幾嫩 配埋薯仔沙律 同各款烤蔬菜 翠玉瓜 蕃茄 青瓜等等😙“ 🍝 “ 蒜辣欖油蜆仔扁意粉 ( $ 7 8 )意粉同蜆既份量好多 意粉軟硬適中 食落都幾鮮甜 意粉用橄欖油炒滑身得尼又吾會話覺得好油膩😍“ 🌊 “ 星辰大海 ( $ 4 8 )用上荔枝 檸檬 蝶豆花既手調飲品 外相幾靚 不過就有啲太甜了😥“ ☕️ “ Mocha ( $ 3 8 ) 朱古力醬係底 仲有個畫好靚既花紋 朱古力味較重 吾鐘意飲咖啡既都可以一試👍🏻餐廳係駱駝漆大廈 整潔企理 水泥工業風加上木紋既設計 而店員服務態度都好好 我地食既午市套餐價錢合理 加$30就可以升級豪華定食 有埋餐湯 兩款小食同甜品🍮Chill-i 🌿觀塘開源道60號駱駝漆大廈3座11樓B號舖

喺工廈發現新開嘅西餐，見無咩人一於試試~ 店內裝修唔算好特別，價格定位比其他附近店較高，希望係唔會令人失望！食物嚟到之後，同朋友第一句都係﹕「哇~」擺盤好精緻，而且每個餐具都好靚，非常適合打卡用！美中不足嘅係張枱相對細，放完個set之後就放唔落其他野XD蒜香辣椒炒意粉配香煎蝦球﹕唔算係好創新嘅菜式，但勝在穩打穩陣，蝦球都有蒜香味，意粉唔會太油膩~鰻魚滑蛋配意式蕃茄紅飯﹕飯底偏硬身，不過大大塊鰻魚補番晒數，蛋非常滑身！但最令我地驚喜係配菜，完係無後悔加30蚊套餐XD首先係有炸廣島蠔，就算留番最後先食，都保持到香脆。另外就係蘑菇湯好濃，啲蘑菇切成幼粒，容易入口，作為暖胃菜一流。最後係甜品，唔同生果配搭，除咗望落好豐富之外，亦都refresh成個人無咁滯~飲品我就比較鍾意朋友個杯朱古力咖啡，有好高嘅creamXD總括嚟講，雖然門面同環境唔算好吸引人流，但食物都有唔錯嘅水準，下次嚟呢座工廈時可以再戰！

同屋企人去觀塘行街，就搵到喺駱駝漆嘅Chill-i西餐廳， 環境乾淨企理，裝修整潔，價錢都公道。 我哋兩個人首先叫了一個法國白酒香草牛油藍青口，分量十分多滿滿一碟，藍青口十分鮮甜，配上濃濃的牛油味， 還滲出淡淡的酒香，係很好的開胃菜。主食方面就叫了低溫慢煮澳洲牛面肉法式勃艮地， 第一次食牛面肉的我們很驚喜，原來係這麼稔，一點也不韌，除了係牛面肉的特性，還要歸功於慢煮的功力，配上旁邊的牛肉汁， 香甜味充滿了口腔， 旁邊還有好綿滑的薯蓉， 同香脆的蘆筍，很好。慢煮豬鞍溫泉蛋飯係另一味主菜， 豬鞍表面煎得脆脆，十分香口，裏面的豬肉十分嫩滑，還有肉汁，配上溫泉蛋飯，味道同口感就更加多層次。飲品方面我哋嗌咗朱古力咖啡和熱情仲夏，朱古力味濃得嚟還有咖啡的甘香，有百香果味的熱情仲夏就很好地中和了食肉的膩感。整體來說，用餐體驗和食物都十分不錯，值得一去 。

想試佢好耐，終於到站。在一處不起眼的工廈，隱藏住一個（一班？）肯定是世外高人的廚師。無論食物質素、味道、擺盆都係絕對絕對高質！！每碟食品都看出廚師的用心制作。隻鴨脾已經好食到暈低，仲要配埋一個好味嘅黑醋汁, 簡直如虎添翼。煎三文魚下邊嗰嚿酸蘿蔔，絕對令人一試難忘。仲有嗰個最後出嘅甜品，靚到唔捨得食，點可以砌到咁靚㗎？仲以為自己入左米豬連！生日朋友開心到飛起。睇埋張單，吓老闆你唔係呀嘛，你的出品絕對值得更高。努力加油，我會回頭支持你！

晚餐。因為考試完畢，感謝老師幫忙補習，所以請老師夫婦二人吃晚餐作謝師宴。因為同住東九龍，想找處fine dining ，最後openrice 推薦此處。因為三人行，每度菜也想share，店員很貼心的幫我們加大沙律，每度菜也精緻，甜品建議先叫一份，上檯時份量大，如此良心及彈性真的很少見，也令我們有賓至如歸感覺。每度菜上桌時真的美到一個點，相機隨便就能拍到美照，味道也好極了，最難得是一點也不貴，（因為座上客不吃牛，完美避開最貴的，哈！）。這個餐廳很完美，可惜在我等lift等了15分鐘，有點破壞心情，幸美食有救回場面，非常值得encore。南瓜沙律黑松露醬薯條墨西哥薄脆主菜：脆皮豬卡邦尼脆皮三文魚甜品拼盤Openrice訂位有9折，食物，服務都一流，會再去。