CHiLL-i (已結業)

今日小編同男朋友嚟咗食一間樓上高質嘅西餐廳💗知道觀塘駱駝漆工廠大廈附近都有好多好好食嘅嘢，但係呢一間就非常之特別啦因為係朋友推薦我食咁所以呢我自己都非常之開心💛首先呢就講吓佢嘅唔通前菜同埋湯啦首先啦我就食咗佢嘅一個沙律啦你呢都非常之新鮮和而且爽口清新💛💛💛然之後呢我同男朋友就叫咗個魚食啦首先魚呢非常之香滑剪得好有牛油香我同佢呢都覺得非常之好食呀而且呢係非常之大份嘅絕對飽肚我同佢每人都叫咗一杯嘢飲飲男朋友呢就叫咗個水果嘅嘢飲羅子我呢就叫咗個咖啡咁我就覺得我個不嬲都非常之好飲然後最後講吓個環境啦，因為你呢間餐廳都非常之受歡迎咁所以呢都好多人會WhatsApp所以呢如果大家要想食嘅話就記住早少少去啦

Waiter 好nice, 個牛扒5成熟煎得好靚，另外叫左all day breakfast 都好食，西餐晚餐呢個質素算係性價比高，如果晚餐多加d意粉選擇會更好，我同朋友都覺得可以再黎

Cafe喺觀塘工業大廈，餐廳嘅室內裝修非常得意，又靚。環境唔錯，cafe地點方便，喺地鐵站行10分鐘就到。食物嘅價錢非常平，又有好多唔同嘅選擇，有好多套餐，非常之抵食。仲有好豐富嘅全日早餐，意大利飯，價錢都非常抵食，又唔貴。仲有豪華定食，真係好抵食。飲品都好多選擇，真係一個唔錯嘅選擇。大蝦意粉，味道幾好食，意粉非常香濃，蝦肉非常新鮮，味道都好食。綠茶latte，熱情果特飲，味道都好清香,好有夏天的感覺，清涼解渴。牛扒煎得啱啱好，又香又滑，肉質彈牙爽口，入口即溶。薯條同配菜都非常好食，條揸得好爽脆。帶子蛋卷餅，佢個餡好好食，好彈牙，帶子又剪得好香脆。好好味。呢個都係值得推介嘅菜式之一。

觀塘駱駝漆大廈出名多餐廳小店，一到食lunch時間，樓下排搭lift人數多不勝數今日就同左個朋友lunch去駱駝漆一試夠竟😂我地黎左11樓既 CHiLL-i 午餐價錢$68-$128不等，可加$30轉套餐（餐湯、小食兩款、甜品），餐飲優惠價加配嘩，一上枱好靚靚🤭轉左套餐係唔同D成個擺盤都好靚，盲曹魚柳煎得香脆，魚肉細滑，啖啖肉😍配菜茄醬加上蛋白醬 味道豐富食埋薯仔沙律 真係好滿足另一份叫左青咖喱雞扒飯，青咖喱微辣帶點椰香，雞扒煎得岩岩好 保持肉汁完全唔鞋口👍🏼牛油果🥑剛熟👍🏼正餐飲點左熱朱古力咖啡、青檸薄荷梳打食埋個套餐小甜點-芝士蛋糕🍰今餐真係食左餐高質午餐👍🏼👍🏼👍🏼

駱駝漆大廈一向都好多野食，今次見到呢間café幾得意咁，就入左去~ 入面裝修都幾得意，有貓貓既插畫。菠蘿肉眼串燒 串燒仲有蕃茄仔，青椒，蕃茄仔超多汁，好juicy，肉眼粒都唔會UN，個汁係類似黑椒汁咁，所以食落幾惹味架麻辣海鮮意大利飯呢個幾有驚喜，比較fusion，平時食意大利飯都好膩，好creamy，不過呢到個飯係麻辣味，辣辣地，幾過癮，冇左平時食risotto個陣飽飽濟濟既感覺，呢個推介!! 而且海鮮份量都好多，有青口，帶子，墨魚，蜆等等。煎魚柳配意大利茄醬燴菜薯仔沙律魚煎得好香，個皮係脆，肉就係嫩滑。意大利茄醬燴菜都好好食，可以解膩。薯仔沙律又幾好食!!野飲就叫左棉花糖可可，好濃朱古力味，朋友叫左熱情果梳打，好大杯，又可以打卡好靚!

駱駝漆呢度幾多餐廳，諗唔到食咩，見到呢間叫做Chill-i 嘅餐廳外面財落幾光猛幾小清新，就揀左佢。入到去見到有d貓貓嘅poster喺牆上面，好得意呀！食物方面，非常有驚喜呀！我叫左份菠蘿肉眼串燒，覺得好好味！肉眼嘅肉質好稔，好多肉汁，一d都唔靭。配埋菠蘿同埋蕃茄仔酸酸甜甜，好fresh!主菜方面叫咗蒜蓉豆豉汁蜆肉意粉同埋法國野生珠雞。蒜蓉豆豉汁嘅意粉好似第一次食，呢個配搭好新奇，好似豉椒炒蜆咁。好惹味。法國野生珠雞賣相好靚，雞嘅皮好香脆，蒜蓉味好香。我覺得最值得一讚係食物同飲品賣相都好靚，嘢飲非常適合打卡影相。叫咗杯星辰大海同埋朱古力咖啡。通常飲品方面我都淨係會揀咖啡，好少會揀有汽嘅飲品。但係因為呢杯星辰大海實在太靚，結果真係冇令我失望。實物隻色好靚，又大杯，係荔枝同檸檬味，唔會覺得太多汽，適合一啲平時都唔鍾意飲汽水嘅人。朱古力咖啡味道濃郁，都係又睇得又好飲！下次再黎都會叫佢d飲品🥰😍

今日同朋友嚟到觀塘駱駝漆，呢間餐廳麻雀雖小，五臟俱全🤣鋪面唔大，但開放式廚房幾特別，裝修上都有啲心思😝天氣咁熱，就梗係嗌返杯凍飲chill chill🥵薄荷青檸梳打酸酸甜甜夠清新🤙🏻而玫瑰鮮奶咖啡都幾香甜～小食方面叫咗個菠蘿肉眼串燒～牛肉整得啱啱好，唔會太韌又夠肉味，加埋菠蘿同醬汁chill juicy😝主菜叫咗個意粉同雞一齊share😝蝦球蒜香意粉炒得好香～食到橄欖油、蒜、同香草爆香之餘，啲蝦亦都幾大隻，夠晒足料🤩法國野生珠雞擺盤有心思、肉質嫩滑～整體嚟講算係幾抵食嘅一餐，食物都有水準，可以靜靜哋同朋友chill吓～份量嚟講個人就覺得啱啱好，對得住個價錢亦都可以試多幾樣嘢🤣但大食啲嘅男仔就未必夠飽🫣🤣

明明係旺區，又唔想叫佢隱世，但又真係少人知同少人食。平日夜晚食都係得2台客，但食物出品真係相當唔錯，值得encore!🫶🏻菠蘿肉眼串燒 4串熱到出煙，要小心粒爆汁車厘茄。肉眼燒完都唔會un，夾埋菠蘿食，好正。🫶🏻香煎盲曹魚柳 意大利茄醬燴菜 薯仔沙律是日MVP！首先擺盤已經靚，睇得出好用心。個魚肉滑之外，好鐘意個調味，平時好怕魚會腥或者無咩味，呢碟唔會，側邊仲有啲honey mustard可以點。薯仔沙律同意大利茄醬燴菜都係一流。好推薦🫶🏻法國野生珠雞 羅馬菜 凱撒醬第一次食珠雞，原來有啲似竹絲雞。雞肉保持到嫩滑，亦都夠入味。最搞笑係下面條羅馬生菜，有輕輕燒過，又幾夾。🫶🏻熱情仲夏有熱情果我就愛，呢杯唔會太甜，加上有soda，夠爽。🫶🏻Ice Mocha咖啡味同朱古力味都幾平衡，但有cream，飲曬都有啲膩。店員係位叔叔，好有禮貌，唔該前唔該後。同層有2間人氣好高嘅餐廳，生意應該都唔易做，食完之後好想幫佢推廣下。

✨香煎．盲曹魚柳.意大利茄醬燴菜薯仔沙律真係超級適合打卡，個擺盤好精緻！盲曹魚柳非常新鮮，而且煎香左嘅魚皮卜卜脆！盲曹魚柳一啲都唔腥味，就算朋友平日唔鍾意食魚都大贊超級好味！薯仔沙律非常開胃！✨泰式青咖喱.烤雞扒.牛油果．泰國香米白飯呢個咖喱都有啲辣度！鍾意食辣嘅朋友唔可以錯過！牛油果非常新鮮，一啲黑都冇，而且係天然嘅熟味，充滿牛油果嘅香味！烤雞扒好多汁 ，而且好柔嫩！加$30會有餐湯.小食兩款 ． 甜品❤️粟米湯超級熱辣辣，而且好濃郁同creamy ❤️炸魚手指/炸雞手指朋友嗰個隨機就跟咗炸魚手指，而我嗰個套餐就跟咗炸雞手指！❤️蟹柳沙律/雞蛋沙律朋友嗰個隨機就跟咗蟹柳沙律，估唔到蟹柳做沙律咁好食！而我嗰個套餐就跟咗雞蛋沙律，真材實料好棉密❤️brownie 甜品唔算太甜！✨ 朱古力咖啡個杯超級靚，而且朱古力咖啡好絲滑✨ 薄荷青檸梳打好大杯真係好抵飲，味道好似mocktail mojito!感覺好清新！最值得一讚就係餐廳有自己嘅廁所，仲好乾淨❤️❤️

當日去駱駝漆同朋友去睇傢俬，之後想同場搵嘢食，傢俬店老闆話樓上11樓有餐廳，之後上去樓上揀咗呢一間西餐廳入去食。出奇地有意外驚喜，上盆好靚，睇得出係用心整嘅食物。使落去乾牛扒出奇地十分好食，有炭燒味，好腍，有肉香。朋友點嘅意粉亦十分出色。細問之下原來個廚師係酒店出身，怪唔之得食物咁有水準。服務態度十分好，食物亦都好有水準好有心製作，環境亦都好舒服，價錢我覺得一啲都唔貴每個人圍起都係百七蚊左右，有甜品有嘢飲有餐湯，我覺得好值得喇，完全冇諗到駱駝漆可以食到呢種質素嘅西餐值得推薦畀大家。

相信大家都知道觀塘有唔少隱世嘅餐廳，今日介紹呢間啦Chill-I，喺味道同賣相上邊都非常有驚喜！☺️☺️☺️.一嚟到餐廳，服務員已經好殷勤咁招待我哋，雖然餐廳唔算好大，但坐枱都算舒服！😁😁😄.今次試咗佢哋嘅午市套餐，價錢合理，味道都值得一讚！👍🏻👍🏻👍🏻.全日早餐（$108）呢個全日早餐夠晒豐富，有齊三文魚、蕃茄、大啡菇、香腸、煙肉、薯餅、沙律菜、煎蛋等！份量非常多，連埋嘢飲，其實好抵食！👍🏻👍🏻👍🏻今次我就叫咗平時飲開嘅Cappuccino，估唔到咖啡質素都有水準！食完呢個咁大份嘅早餐，飲杯咖啡即刻醒神曬！😁😁😁.泰式青咖喱雞扒飯（$98）呢個咖喱飯感覺好清新，好似去咗泰國咁😍不單止有烤得好靚嘅雞扒，仲有我最鍾意嘅牛油果。味道非常之配合！成個夏天海灘嘅感覺返晒嚟😍😍😍.薄荷檸檬梳打（$38）今年去到九月天氣仲係非常之熱，所以今次專登揀咗薄荷青檸梳打，估唔到口味非常清新消暑，薄荷嘅味道仲非常之提神！大家一定要試吓！😋😋😋.總括而言，呢間位於工廠大廈人嘅餐廳，味道服務都值得大家前來品嚐，附近仲有唔少outlets 同APM商場，食完飯可以周圍行吓街！😆😆😆

之前網購嚟咗呢一層攞貨😙 見到呢間餐廳已經好想食㗎啦 今次就終於嚟咗試吓佢😺 星期六日等呢部lift真係好攞命 但係11樓嘅呢間餐廳絕對值得等lift上嚟食😂兩個餐仲加咗$30要套餐 即刻多咗一款湯兩款小食再加一個甜品☺️ 最開心嘅係$30已經有晒咁多樣嘢 雖然份量少少哋但係絕對夠食呀 今日個湯係甘筍忌廉湯 飲落口好creamy 而且食到好足料 小食方面有個蟹柳沙律同埋椒鹽豆腐粒 我就幾鍾意佢個椒鹽豆腐粒啦🤓 甜品就係芝士餅🍰 細細件唔會太濟香煎盲曹魚柳 意大利茄醬雜菜 薯仔沙律 呢碟好啱我口味 食煎魚感覺比較健康🐟 魚皮部份煎得好脆 魚肉就比較實淨 意大利茄醬雜菜有翠玉瓜等等嘅配料🥰 最鍾意就係佢面頭嘅薯仔沙律 份量少少哋而且唔會太多沙律醬泰式青咖喱烤雞扒牛油果 泰國香米冇諗過個雞扒會有兩大塊😨 配埋半個牛油果成件事好Fresh🥑 青咖喱味道唔會太辣 送埋啲飯食就啱啱好啦凍朱古力咖啡配埋頂頭嘅cream真係打卡一流🍫 呢杯mocha唔會太甜 朱古力味同埋咖啡味balance得好好薄荷青檸梳打相對兩杯來講我會比較鍾意呢杯 因為真係好Fresh 夏天來講呢杯更加適合我🍋工廠大廈都真係隱藏咗

週末放假去咗觀塘行街，Shopping前去咗駱駝漆大廈的「CHiLL-i」食午餐，係一間多國菜西餐廳，店內環境簡約舒適午市套餐選擇多元化，另加$30可升級豪華定食，包括餐湯、小食兩款及甜品餐湯及小食是日餐湯係蕃茄湯，好濃稠，充滿鮮茄甜香🍅小食分別係椒鹽豆腐&蟹柳沙律豆豉蒜蓉椒絲忌廉汁燴蜆肉意粉蜆肉大隻又飽滿，鮮甜味美～扁意粉軟硬適中，加咗大量蒜蓉、豆豉及青紅椒絲一齊爆炒，色香味俱全，香口惹味香煎盲曹魚柳伴意大利茄醬燴菜及薯仔沙律盲曹魚柳連魚皮煎香，外脆內軟，魚肉鮮嫩多汁又美味！伴碟的茄醬燴雜錦蔬菜，色彩豐富，健康又滋味✨日式薯仔沙律加咗青瓜粒同洋蔥粒，增添口感甜品跟餐甜品有草莓醬芝士蛋糕，口感軟滑，甜而不膩凍朱古力咖啡咖啡味濃郁芳香，同時有香濃朱古力可可味蜂蜜柚子梳打柚子梳打酸酸甜甜，帶陣陣蜂蜜甜香，冰凍解渴

同事推介食西餐的好地方，於是去了觀塘開源道60號駱駝漆大廈3座11樓B號舖 ~ CHiLL- I樓上西餐廳港鐵觀塘站B2出口，步行4至5分鐘，交通相當方便。店內裝修以簡約風格為主，清潔整齊，工業水泥牆襯托使環境舒適自然，餐桌不多，室內面積也不大，相信繁忙時間也需訂位。服務員禮貌細心招待，推介當天新鮮食譜，各樣食材的配搭，令人客稱心滿意。香煎法國鴨肝伴甜酸雜啤梨子金寶$138擺盤吸睛，鴨肝表面煎至甘香，肉質鮮嫩滑溜，入口即溶。配上厚切啤梨片，有多粒藍莓、士多啤梨粒伴碟，還有酸甜的果醬，豐富了味蕾更令口腔來了陣陣水果香味。烤法國野生珠雞伴羅馬菜配凱撒醬$168入口即被吸引，濃郁的香草醃得雞肉非常入味，肉質嫩而多汁。凱撒醬放在新鮮的羅馬菜上，爽脆又鮮甜，真是剛柔的配搭，值得一讚。蒙古香草羊扒配沙律及意粉$186這間店的廚師用香草醃肉已是出神入化，一點羊羶味也沒有，羊架肉質鬆軟，羊脂均勻多汁調味剛好。還要一讚扁意粉彈牙浸入羊脂肉汁，非常惹味。鮮嫩甘筍、椰菜花、露筍和車厘茄及沙律，更覺鮮味可口。薄荷青檸梳打 & 棉花糖可可(跟餐)清香薄荷味加上青檸的酸甜味，在這炎夏的確可消暑解渴的飲料。香濃朱古

觀塘親民樓上cafe今日同朋友行完apm搵達地方坐低傾下計食晚餐，嚟到駱駝漆大廈。餐廳採用開放式廚房，用餐區唔算好大但係光猛整潔。前菜我哋試左菠蘿肉眼串燒， 上菜時用一個熱鐵板裝住， 確保串燒熱辣辣， 除咗菠蘿之外仲有蕃茄仔同青椒呢啲蔬菜， 菠菜同牛肉都唔會笑到好乾裏面都有肉汁。法國野生珠雞， 地獄又好香嘅香料味燒到外皮香脆， 內裏雞肉鮮嫩，個醬汁都可以釣到雞肉嘅甜味出嚟， 係唔錯嘅配搭。蜆肉意粉配椒絲蒜蓉豆豉忌廉汁， 第一次食到咁特別嘅意粉醬汁，有少少中式fusion西式嘅感覺， 意粉除咗蒜蓉嘅香味仲有豆豉嘅鹹香。飲品試左玫瑰鮮奶咖啡同檸檬西瓜梳打， 都係啲特色嘢飲， 唔算太甜。