Chok 雞

營業中

休息中

揀左平日小人d既時間去葵廣，炸雞既野邊逃得過我個口，$20 有7大舊，D 雞炸得好脆，入面仲好juicy🤤🤤,Chok雞勝在多調味粉揀，仲諗住有牛油果粉添點知無呀😢，食一粒灑一隻味好瘋狂，孜然粉，日式粉，芝士粉都試暈，新果隻椰白奶油好正🤤仲有炸燒賣，平時bbq已經鍾意燒加雞醬🍢，而家炸左一樣係咁外脆內煙un😍😍😍

本身見到炸雞覺得勁熱氣 成日炸到勁乾 又鞋口 完全唔想食 但學生見到就話好好食咁又香 一定要買 咁就買左一人一舊試下 。 點知勁有驚喜，除左即叫即炸 熱辣辣外，佢仲可以任選香料自己shake 岩晒貪玩既我們。 shake 到跳舞咁 。 入口勁有肉汁 肉勁有咬口 好似食緊新鮮雞咁 好正好好食。 再教大家一句 教下一代環保的重要 堅持佢地自己帶餐具黎食 雖然佢都只帶左隻即棄杯同膠义 ，但都係個好開始 去教佢地數 咁樣我地要小左幾多即棄野 都真係唔小 好野要堅持。 （離題小小 但遊葵廣有感）

好多喺葵廣嘅舖頭都靠gimmick取勝 質素認真麻麻 老常試伏🤦🏽‍♀️真正高質既真係少之有少 而chok chick就係其中一間😋呢度主打美式炸雞🍗外層炸得鬆脆 炸漿又薄 咬落唔粉 仲好脆卜卜添❤️雞件啖啖肉 肉質嫩滑唔死實 而且仲好juicy😋 另外仲叫左雞軟骨($20) 份量夠多 而且粒粒都脹卜卜好有咬口!!!最正係客人可以自由配搭shake粉 我就揀左避風塘蒜香同日式奇珍粉😛原來奇珍粉就係七味粉 mix埋非常香口惹味 啲蒜粒好正呀😍Score: 8.5/10

收工飯都無食去葵芳行街， 行到三樓比陣炸物香吸住左XD 原來係好Chok o既炸雞， 都唔少人排隊買緊， 多人食明顯係好野啦！ 最鐘意價目表清清楚楚， 唔怕會睇到眼花繚亂兼選擇困難 炸雞用雙層紙袋包裝， 唔怕油分滲透會搞到雙手油油膩膩， 設計好貼心呀！ 店內提供各式味粉， 有芝士、香辣、孜然、蒜香等等， 可以自助加配自創不同口味， 紙袋包裝方便Shake勻味粉， 蒜香+孜然就最香口惹味！ 呢件雞唔止Chok， 仲好好味𠻹， 雞槌啖啖肉又滑又Juicy， 單骨雞翼皮脆肉嫩， 雞件一囗一件邊逛邊食勁方便， 逛街醫肚精明之選XD

👁‍🗨 CHOK雞套餐 B - 4隻雞翼 + 2件雞槌 + 2件雞件💲38呢個chok雞同麥當當既shakeshake薯條差唔多概念，之前見呢度係用盒裝，嗰日去到原來都變左紙袋，不過chok到既，同埋有兩個紙袋唔會話滲油😂調味料有多款選擇，店員推薦避風塘蒜香同埋香濃芝士，我地仲加埋日式奇珍粉，呢個配搭出到黎味道都幾夾😛啲雞熱辣辣，炸皮仲係脆，肉質頗為嫩滑，保留到肉汁，一字雞翼沾粉幾方便，係略嫌瘦弱左啲唔夠喉🍖🔛 整體評分（7/10）

熱烈地彈琴熱烈地唱 我終於考完試喇🙌🏼咁開心緊係要post啲小食賀賀佢雖然好耐之前食嘅 但遲到好過無到終於黎到葵廣試呢個Chok雞當日都幾多人排隊 但係餐就得返C餐揀C餐 ($32) 包括4件雞翼+2件雞鎚值得一讚嘅係即叫即炸的 因為都熱辣辣調味粉我揀左避風塘蒜香同特級香辣味道係Ok嘅 但有啲失望嘅係無雞件食雞翼得半邊 雞鎚都稍為細舊左啲無左個種想食啖啖肉嘅感覺🙎🏻‍♀️________________________裝修環境：✨✨✨✨服務態度：✨✨✨✨食物質素：✨✨✨(5個✨為滿分)________________________唔信我嘅可以自己去試試😂

There is always something new in Kwai Chung Plaza. This labyrinth of street snacks, sometimes creative, sometimes curious and sometimes down right scary. But one thing is for sure. There's something for everyone and it's super cheap. So, every once in a while, boyfriend and I go on a foodie adventure through this maze of food.Chok 雞 (English name: Chok Chick) is something new we came across. A small take away only counter that sold fried chicken.Menu is in Chinese only. But basically they sell d

葵涌廣場真係愈黎愈多好野食係掃食的好地方！上年月尾到就開左呢間shake shake炸雞新店朋友推介下就黎試下啦！店面係Tiffany Blue外牆亦貼滿Supreme貼紙富有美式嘅味道主打係有即叫即炸嘅美式炸雞可以自助加入不同的調味粉shake shake唔同口味嘅炸雞炸雞主要分為4種類別雞鎚、雞翼、雞件同雞翼尖全部都係前一晚醃好即叫即炸 熱辣辣新鮮脆口好味醃料和炸粉由店主調製唔加調味粉都好好味而且價錢便宜今次叫左2件一字骨雞翼$101份D餐 6件雞件$28食之前建議蓋實先shake6款自家製調味粉包括避風塘蒜香、香濃芝士、日式奇珍珠粉、印度咖哩、特級香辣、五香孜然我就加左避風塘蒜香唔食得辣嘅朋友建議加少少就好喇~亦加左少量芝士粉一打開超香呀！肉質鮮嫩唔會死死實實口感豐富 惹味可口炸得剛剛好！值得一試！

睇到有店員一路炸雞一路食煙！仲要唔戴手套！舖面員工態度好差！黑口黑面咁！貼錢買難受！買個D餐6件雞件，6件都唔熟！咬一啖見到裡面係紅色架！！仲要等15分鐘先有！好恐怖嘅經歷，以後blacklist !

尋日去左chok雞😍中午時段都人山人海‼️淨係雞既款式都幾款💓有雞鎚、雞翼、雞件，仲有好驚喜既雞軟骨🐔CHOK套餐B $38 套餐包括4隻雞翼、2件雞鎚、2塊雞件落單後店員將雞即叫即炸😚 好快就有得食六款shake shake粉‼️免費任加 任落唔嬲👏🏻有避風塘蒜香😋香濃芝士🧀特級香辣🔥印度咖喱👳🏿‍♀️五香孜然🤤仲有香濃可可粉🍫落完粉之後，合埋個蓋😍shake shake shake👐🏻一打開 超香😝 一咬 肉汁多到爆出黎🤤😭而且肉質嫩滑❤️ 無捻過小店出品可以咁高質🙈另外仲叫左炸餃子同雞軟骨～記住要shake到令d粉均匀呀😎😎😎雞軟骨$20 真係好好好好好味☺️ 平時食開的都是很細粒，呢道雞軟骨勁好咬口，而且食得出雞很新鮮😚份量勁多😧😧😧以後去葵廣又多一個選擇啦👐🏻 chok雞

最近係FB、 Insta都見到有呢間開左冇耐既小店既推介，概念同shake shake薯條差唔多只係呢度係shake雞，而唔係薯條啦 有唔同既套餐比大家揀，價錢都唔係好貴 唔建議單點啦，因為最低消費都要$20，甘不如比多小小買多幾件同friend子分享～ 無論你揀咩套餐，都有五款既味粉比你選擇，包括： 孜然味、印度咖喱味、特級香辣、避風塘蒜香、香濃芝士 呢度除左有得食雞之外，仲有幾款小食選擇 今次就試左呢間推介既 《招牌CHOK爆燒賣》 （$20） - 一兜入面有九粒，初嚐炸燒賣，所以都做唔多深入既比較：“（ - 選擇左孜然粉，味粉建議唔洗一開始落甘多，因為味道幾濃，大約一羹粉就夠啦 - 即叫即做，所以都要等一陣，小編我就等左10分鐘 - 拎上手個陣熱辣辣，外層好脆，有d似春卷既皮 - 至於燒賣本身味道就唔係好出，魚肉味唔多，所以落多少少粉都會蓋住 - Idea幾得意既，但就覺得佢冇薯條同味粉甘夾啦～ 唔知到雞件會晤會好d呢：P

已經好耐冇黎過葵芳，毫無意外地呢個地方又多左好多新野食，真係點食都食唔曬。😣今次見到個個都拎住桶野keep住shake，貪新鮮既我當然要試啦。😍今次我就嗌左個最正常既set D, 6件雞塊($28)🐣。雞塊比我想像中大舊，炸得岩岩好，外脆內嫩👍。不過其實佢既賣點係有好多調味粉比你任簡任加，有芝士🧀、咖哩、蒜香等，連可可粉🍫都有埋。尚存理性既我，淨係加左芝士、辣椒同蒜香姐。味道都ok，不過就覺得略貴😶，黎shake一次就夠喇。👅

Chok爆葵廣嘅天下第一雞出現啦🐥配合自選調味粉chok出獨一無二嘅口味！味道有印度咖哩，奶油洋蔥，香濃芝士，特級香辣，蒜香避風塘等！A餐有4隻雞翼，2隻雞鎚，2隻雞翼尖同2件雞件🤗，即叫即炸，好香脆，而且仲吾會好油，雞件夠大件肉嫩帶有肉汁，雞翼亦都細心咁切開一半，方便一路行一路食，抵讚🙂另外更加唔少得必叫嘅就係chok爆燒賣啦，加左調味粉食別有一番風味，略帶魚肉味吾會得舊粉😊難怪咁熱賣啦

掃街已經不再係旺角專利，葵芳而家聚集左好多好食小店，從魚蛋到打邊爐都有，今次食左呢個chok雞！當然係比個名吸引啦！但其實油煙都幾大，行過已經成身味道，呢度扣2分！我要左個炸雞塊，方便食之餘，亦好juicy！買左之後就有一個盒，載著雞塊，前台放住幾盒粉，避風塘蒜香、芝士、麻辣、孜然等！你可以自由配搭味道，我就要左避風塘蒜香加孜然，兩個味道都好濃，combine之後有d怪！其實chok完之後都幾核突，因為佢好多油，啲油會給付著啲粉，形成一舊舊狀態⋯⋯味道方面，其實個皮好薄好juicy，雖然比較熱氣，但係可以調校自己喜歡的味道，算係一個特別嘅食物，值得一試！ ＄28一碗，算係公道價錢！

之前網上見到不斷宣傳即管到葵廣試下有唔同款式，部位選擇價錢都合理等候時間都算快手眼見都多人去試等左陣收到食物店員教路自己揀味不斷chok果然係chok雞一食落口成口味粉雞肉好乾查問店員知道係翻炸用味粉搭救估計係抄人地菲律賓炸薯條但人地都係即炸真係試完一次唔會返轉頭仲要飲食男女都話呢間野伏我就中晒伏....唯一可取選擇多價錢合理但講真寧願俾多少少走出外面食 繼光香香雞人地始終係即炸係等耐啲咁食野最緊要係好唔好食寧願等耐啲好過點都好過翻炸....