Chok 雞

營業中

休息中

連儂牆多到連舖頭名都遮埋💛💛💛黃店既力量係不容忽視CHOK套餐B 🐤4隻雞翼，2隻雞槌 店員好sweet咁用兩個紙袋裝住，廢事啲雞油滲出黎。唔單止味道一流，價錢又平，服務仲好周到添，值得一提既係單骨雞翼，岩哂啲好似我咁懶既人haha有6種調味料比你自由添加，避風塘蒜香、香濃芝士、五香孜然、紫菜、特級麻辣、日式奇珍，中意食辣既可以試下特級香辣🌶🌶而我就揀咗避風塘香蒜🌞香脆既炸蒜再配埋炸雞簡直雙重享受，真係超級惹味🙆🏻‍♀️🔥即叫即炸🔥雞皮脆卜卜，仲好juicy！憑收據去對面Silence Universe 買野飲有discount

元旦遊行，無理被腰斬！聽聞維園好多人企左3/4個鐘，係到聽民陣戴頭盔同播歌。唔緊要！一日香港人未死，一日要人都會出黎！葵廣果個角落近期多左好多小食店，曾經有啲真黃假黃既謠言，都幾真假難分架，要做好功課。Chok雞唔止出面貼滿連儂，擺義賣，仲有捐錢比立場，IG同FB都睇到佢立場好鮮明。搞笑既係港中大戰果日佢賭波：守和就平9折，贏波7折。$40 A餐 （4雞翼2雞件2雞鎚）$20 薯條炸雞自己揀落咩粉落幾多，個人覺得最好味係避風塘蒜香，溝埋紫菜同孜然又幾好。薯條未炸透，入面濕淋淋，外面唔上粉。

#中意嘅請分享請點讚🍻----------#黃店 💛💛損錢到立場+參與三罷+黃到金連儂牆+Pepe手繪紙袋+單據印有相關字句-黎緊想繼續介紹黃店，但人手有限，有黃店推介可以inbox我，要大大力推薦比更多人去懲罰佢！！！----------🐣美式Chok雞 每件$6.5話明Chok雞，呢應有好多味粉比你任落，有紫菜/香濃芝士/避風塘炒蟹/香濃芝士/粟米濃湯/五香孜然，全部都好香好濃味，我今次落咗紫菜+避風塘炒蟹+芝士，好濃味好食。可以揀雞鎚/雞件/雞翼，雞件好大舊，即叫即整，炸粉好薄，肉嫩多汁，啖啖肉非常滿足，最低消費4件。----------🔎Chok 雞🚩葵芳葵富路7號葵涌廣場3樓TOP世界3069-T18號舖

Chok雞🐥🐥🐥主打炸物加Shake Shake粉, 佢有唔同調味粉任你揀任你落, 有蒜香/孜然/芝士/紫菜/麻辣etc..由於有啲熱氣, 所以淨係叫雞軟骨試試呢到所有炸物都係即叫即整, 熱辣辣炸起既雞軟骨, 再加少少孜然粉就已經好夠香平時$10幾蚊先一串4,5粒, 🧐🧐🧐而家$30已經有一大包勁多粒,食極都有, 真心抵!👍🏻👍🏻👍🏻👍🏻仲炸得好脆,好有口感, 好好味!😋😋ps:由於心急食,唔記得相機食先🙈🙈🙈下次再試下其他炸物會記得影番💛 店外有兩大幅連儂牆💛 收據有抗爭字句💛 捐錢比立場新聞

葵廣多小食是常識吧通常我哋都係喺出面買，好少入TOP嗰邊買突然一日行過去，發覺呢條路原來好多間良心店呢間店門面啲Memo紙多到我差啲連個名都睇唔到係咩專賣炸雞嘅佢有幾款炸雞部位任揀我只揀咗啖啖肉嘅幾件炸雞件雞髀雞胸其實已經好夠6件雞件$32，平均每舊$5左右等咗一陣就有啦最爽皮係佢有幾隻調味粉任你加貪心少少樣樣都加都無問題有蒜香/孜然/芝士/紫菜我都係覺得紫菜同芝士最夾炸雞孜然/蒜香味會搶咗炸雞味紫菜/芝士本身同炸雞好夾其實唔需要貪心，輕輕加上調味粉就已經好夠香最後拎到返屋企有少少涼咗擺返入焗爐焗一焗，啲皮仲好香脆，雞肉都算軟嫩

難得放假，嚟支持下黃店。去咗葵芳廣場食呢一間chok雞。 呢間嘢都好易認嘅，佢有好大個連儂牆。係有黃色米豬蓮認證嘅餐廳嚟嘅。佢全部都係炸雞，有套餐，我哋嗌咗一個四十蚊嘅餐，都有8件雞。 仲附送咗一大堆口號。咁啲雞就唔係好大件嘅，但係即刻整嘅，所以係要等㗎。而且人手唔係好多，但客人唔少，所以要等一段時間。但新鮮滾熱辣啦，同埋佢係可以自己加啲粉嘅，有紫菜粉， 孜然粉，仲有我加咗覺得好好食係粟米粉！即係粟米薯片嗰隻粉！ 大家下次行街可以一試！

收工之後好肚餓呀！即刻行入葵廣醫醫肚先一入到去梗係直上三樓，今次特登行入少少，揀咗呢間「chok雞」黎試下。行到去門口已經聞到好香炸雞味，吸引咗唔少人係門外排隊。我同朋友點咗「6件雞件」（$32），價錢好抵！因為老闆即叫即炸，所以都等咗5-10分鐘，但一食落去就知係完全值得！雞件雖然得六件，但份量都幾大，女仔絕對可以當正餐嚟食。而且雞件啱啱炸完熱辣辣，炸粉好薄，入面啲肉汁又夠多，雞肉嫩滑，簡直完勝豪XX同繼光XXX呀！加上雞件啖啖都係肉，十級滿足！推介唔鍾意lur骨嘅朋友仔。鋪頭門口有好多唔同口味嘅粉俾客人自己落，我地揀咗特級香辣、紫菜同芝士粉，三隻味道都勁推介！尤其係特級香辣，個辣粉真係夠辣，辣得好過癮，但又唔會搶走炸雞原本嘅鮮甜，啱晒食得辣嘅朋友。至於芝士粉個奶味都幾重下，鍾意芝士嘅朋友，我覺得落半匙就夠，唔係芝士味就會太濃冇咁好食～總括嚟講，呢間chok雞已經成為左我嘅No.1炸雞店，聽聞佢嘅炸燒賣都好出名，下次黎一定要試下！

🇭🇰 懲 罰 時 間．．．．ヾ(๑╹◡╹)ﾉ”．6件雞翼 $32推薦分數：◆◆◆◇◇購買所有炸物都可以自行加配不同的調味粉，真是有辣有唔辣，任君選擇。小店舖面「黃到金」，不得不懲罰一下。看似所有單都即叫即造，需耐心等待。雞翼是單骨的，方便進食。整體肉質、味道都不過不失(⊙v⊙)

朋友在葵涌廣場擺檔，當然要順道支持良心小店，一起掃「黃」。上到三樓，轉個彎就找到fb網友大大力推介的「Chok雞」。我的朋友很怕肥，但聞到店內的炸香味就忘記了什麼減肥計劃，一口氣點了炸燒賣（$20）和香脆午餐肉（$23），好味！兩款炸物都非常邪惡，好彩有朋友陪我一同分擔罪惡感，哈哈！雖然經油炸，但口感不會太硬或太乾身，而且炸粉夠薄，香脆度高。始終少吃多滋味，如果每款炸物平DD，份量少DD，那就可以多試幾款美食！據聞老闆是SUPREME友，潮人必去！

去葵廣掃街，次次經過都來想試下，今次就終於食到，都有好多組合同選擇揀左6件雞塊點完等左陣就攞得，櫃檯有唔同既調味粉好似shake shake薯條咁，我就揀避風塘蒜香+小小芝士，點知芝士味都幾突出，唔錯下次試埋其他味先得

葵涌廣場多好嘢食 呢個說話係真㗎 今日同朋友行過呢邊買咗個炸雞食 啲雞肉好香脆 鬆軟有肉味即叫即整 我叫咗個紫菜味 如果你哋係都朋友嘅話可以食佢哋個套餐都係$40 $50左右 好平好低食 佢哋個位置喺top世界內！下次經過呢邊嘅朋友仔可以入嚟試下 3樓唔淨止得出面條大街唔講唔知原來top世界入邊有好多嘢食！例如有買台灣小食啦意粉啦布丁啦 泰國奶茶啦咩都有！ 不過佢哋鋪頭淨係買炸雞🍗 總之記得要落佢地既粉。係靈魂鹹鹹地咁真係好好味！吹卜卜熱辣辣正！

係葵廣都開左好一段時間既炸雞店，但次次行我都被某台式香香雞店吸引左而無食佢，今次黎試下。我地揀左自選chok雞餐，可以自選六件雞件/雞翼/雞槌加一款小食，但因為👧🏻👦🏻都大懶吐骨所以揀左雞件，加炸燒賣。🔸自選chok雞餐 $40所有野都係即叫即炸，所以都要等一陣，但炸到出黎就真係好新鮮熱辣。然後就可以係加料區自己加唔同口味既粉喇，我地加左芝士粉、紫菜粉同少少辣粉去混合。🔸炸雞件雞件皮脆，但入面仲好嫩滑juicy!!🤤🤤加左芝士粉超正，我覺得仲好食過kxx個三重芝士雞!!仲有少少香辣味加埋落去，超夾!🤩🔸炸燒賣炸燒賣就略嫌個皮太厚，食落有啲硬! 同埋可能燒賣圓身，啲粉感覺難啲沾到上去啊😣相對遜色一啲，果然賣雞既舖頭都係叫返炸雞好啲🤣🤣.重點！個店員打完單叫我望一望，我仲心諗有咩好睇? 原來佢打左 #香港人加油！所以，各位真.香港人之後記得識做，好好支持喇🌟

🍗燒雞翼，我鍾意食😋真係不得之了！雞翼嘅受歡迎程度，大到可以有一個屬於自己嘅節日，就係葵廣雞翼節 ！我呢個吃貨當然唔會錯過，一齊慶祝普天同慶嘅日子🎉等我試吓有幾正先！🍗美式chok雞套餐 ($45/9pcs) 套餐A包括左九件雞3件雞翼、3件雞鎚、3件雞件佢嘅特色係，有好多款唔同味道嘅調味粉，自己揀鍾意嘅味道，shake 一shake，就變Shake Shake炸雞🤣炸雞即叫即炸，熱辣辣脆卜卜，而且係一字骨，唔識lun骨嘅都可以食得好方便👍🏻如果懶到連骨都唔想有，可以選擇雞件，啖啖肉，精選finger food 👍🏻

美食勝地的葵廣是學生的集中地，因為食物款式夠多，價錢便宜。今日不用上班，與朋友到葵廣逛逛，散散心，當然少不了滿足一下咀饞的我地倆。這一間位於葵廣的3/F Top世界的Chok Chick是必食之一的，因為很少地方有炸燒賣，炸餐肉。更特別之處是調味粉是自已配搭的，有七款口款，實有一款適合你! 食物炸好後，食客加上調味粉後，便要chok整袋食物，如其店名，Chok雞! 今日就買了一份炸燒賣，$20有7粒的價位好合理。炸燒賣最重要的是炸得外脆內軟，而今日的水準似乎差了些，外表不夠香脆，不夠吸引☹️

呢間炸雞都幾成日食，貪佢有得落自己鐘意既粉，夾自己鐘意既味，選擇都算多：有芝士味，奶油味，炸蒜味，5香，辣,特辣一向落芝士同炸蒜，其他人可以參考下不過間野炸雞水準幾飄忽，有時食落好似番炸炸雞，唔知真係番炸定炸得耐先會咁，但平時無返炸果d,d雞係炸得好食既,入面有肉汁而出面係脆既總結一句,睇運啦