Ciao Ristorante Italiano (已結業)

今日去了深井周圍行，肚餓就要搵食。見到有間西餐廳，Ciao, 諗住個名改得幾好入去試吓。其實入到去已經覺得怪怪地，有啲陳舊，枱櫈都唔係好得....不過又唔係貴，是但坐低叫咗個鴨肉意粉。真係omg.... 個意粉林到一個點...仲要係咩味都冇。係好差好差嘅意粉。我覺得大快活嘅仲好食過佢。鴨肉還可以，鴨皮算做得香脆，不過略嫌有點乾，鴨肉亦算處理得不錯，不過份量太少，可能因為意粉完全冇味，只係食咗個鴨胸所以覺得唔夠飽。 咁普通嘅意粉都可以做得咁差，真係十分驚訝。

最近夜晚天氣無咁熱 終於可以帶毛孩們坐室外食飯作為一間家庭式嘅餐廳泥講，Menu選擇都好多😆性價比亦都好高🙌🏻呢個酥皮湯係跟餐加+$78 有南瓜同黑松露雜菇，香港已經好小見酥皮湯 泥度見到有即刻叫 個雜菇湯好濃好好味😋洋蔥圈好抵食!!!鴨肝好大塊呀🙈龍蝦好食👍🏻豬手皮勁脆 份量超多 仲有3款腸 2個人泥食淨係食呢碟都夠飽😆

因仍在假期中，所以便想到附近逛逛。不經意的經過此小店，沒想到竟有意外收穫☺️由於我選擇室內座位，起初覺得有少侷促；但工作人員立即為我開啟多一部空調，令我有一個美好用餐的開始。到點餐的時候，工作人員不慌不忙的向我查詢我的喜好，及給予我足夠時間作出選擇，再次感覺良好。不禁再給一個讚！我今次選擇了比目魚作為我的午餐。先來一個南瓜湯加兩片蒜蓉包。蒜蓉包出奇的出色及軟硬恰到好處，這是驚喜的地方。比目魚份量亦足夠。值得再賺的是忌廉汁分開奉上。因此，我可按自己的喜好去選擇食用。若薯條可再炸多一點，這頓午餐便近乎完美了。

無味的牛扒⋯⋯咬不開的紅酒牛肋條，似水的紅酒汁⋯⋯非常失望😭😭😭如果是茶餐廳價錢不會有怨言，但如果用這個價，有點無言⋯⋯但見有不少人幫襯，是街坊還是街客？真奇怪🤔🤔

幾年前黎食過一次，對食物既質素老實講，已經沒有多大的印象，但肯定既係之前食完並沒有留下「冇下次」的壞印象，所以今次途經，決定進去再光顧，可惜，今天有點兒失望！意大利雜菜湯，不是我那杯茶白湯係野菌湯，不過不失啦這個ribs....侍應姨姨推介，滿心期待，點知....可能我地期望過高，佢乾硬肉鞋，絕不推介，非常失望這個賣相不錯，味道一般啦，蝦冇鮮味，蜆冇蜆味經過今次一試，相信未必會再有下一次，有點後悔食之前冇上openrice先望一望食評

喺深井住左幾年，次次經過呢間餐廳都冇人，所以唔敢入去，點知今日心血來潮，突然想試下究竟點解仲會做得住，小試食個lunch,點知真係貼錢買難受...1.：遲來先上岸，早早黎到等極都冇嘢食，遲黎嘅反而有嘢食，偷聽到原來佢等有多張同一菜式嘅單先煮...2.：冇樣嘢係熱，湯，意粉，連咖啡都唔熱...3. 食完即刻肚痛，可能因為好多嘢都係翻熱，仲要翻得唔夠熱，所以食完唔多舒服...總括而言，伏中一次都太多了，一定冇下次，但係點解佢仲可以喺深井屹立不倒呢？真係一個謎...

$188一位包一杯野飲一個甜品再加一服務費，任叫相中的食物。只可講非常差，不會再來，浪費我肚空間，只是翻熱食物給客人，同時大部分食物都系加工食品，翻熱食物都可以有好幾樣不夠熱，求其煎一煎個面，食物裏面竟然凍，牛扒未熟邊邊還有血，意大利飯味道奇怪，完全沒心做的一間餐廳，沒有一樣食物可以讚，沒有下次。

需然要預早預訂，但每次都可保持水準，另人再三回味😋巳再次encore的美國斧頭扒，牛味濃邊位爽，原全係牛迷嘅至愛。另一至愛香菌意大利飯，菌香飯有口感，係每次必食。第一次食嘅海鮮意粉，有多羔嘅花蟹仔，飽滿多汁的白蛤，彈牙嘅意粉，已經另我會再次光顧👍🏻今日仲食到法國’C欽‘，炒得好香又入味，但又食到鮮爽嘅‘C欽’肉，好特別好味道👍🏻其實深井係有d遠，但係諗起d野食，都會被吸引過來😋😋😋

今日入嚟深井訂左呢度食自助餐。 小舖環境都唔錯，有小店經營賣溫馨嘅感覺。 今日係星期日又係母親節，所以人特別多，全店滿坐，門口都要坐埋。 今日一味掛住食，好多嘢都唔記得影相沙律吧選擇唔算太多，不過幾好食， 我嘗試一隻碟裝哂畀大家睇下唔同嘅款式！頭盤方面, 必食 ~~ 炸生蠔、炸蝦、鮮茄蒜蓉包、 生牛肉！main dishes，必食 ~~ 牛尾骨、美國燒排骨。 其他就一般般啦。pasta，carbonara 同 蜆肉天使麵, 兩樣都唔錯。反而 意大利飯就唔係好得， 非常之淋完全冇意大利飯嘅口感， 味道亦麻麻今日真係好忙，樓面似乎係老闆娘， 態度非常之好…… 忙到咁佢都有啲無可奈何 依然盡量保持有好嘅態度，good!整體嚟講食物就一般啦.... 不過呢個價錢節日同媽咪慶祝絕對係抵! 大家坐埋一枱 開開心心食一餐！

一直想知深井住咁多人點解會無商場無野食啲住戶點過，睇食評無幾多間正餐推介，本來想去Kcal但好似無呢間咁多人，怕死就試左呢間。入到去得一張二人啱啱好。侍應問食set定其他先發現原來有得自助餐。但我答左set,都好多選擇。望到人地枱啲野食都幾大碟好似賣相唔錯，放心晒。一打開餐牌就見到我喜歡既牛尾就二話不說要呢個，但食落未煮夠出唔到肉汁只有鹹味，份量ok既。仲有兩條牛仔肉腸，但就俾個汁掩蓋左陣味，只係食到個質地。另一個叫左安格斯肉眼扒配黑椒汁，8安士，碟上呢～就叫左半熟都係煮過左，都明既怕人食唔到熟啲穩陣啲。牛肉都幾冧嘅，不過本身個人鍾意食嘅肉味濃啲，佢地得肉眼無牛柳，都ok既。原本熱氣唔想食薯條，點知伴碟薯條仲好食，外脆內軟真係正唔停口，不過芥辣汁俾得好少好少。唔記得講個頭盤，係幾條沙律菜加普通雜菜湯，應該就冇落茄汁煮嘅，因為都幾清。仲有個蒜蓉包面頭就脆，但個底係林嘅，只烘個面⋯⋯食完飲緊凍檸茶嘅時候佢哋送咗細細杯奶凍，反而杯奶凍有驚喜，好滑好軟。侍應服務幾好，環境呢因為坐出邊，都算唔錯好彩天氣未係好凍，都有啲閃燈有情調既都OK 。

Buffet option is not recommended. ~200hkd per person* Buffet section not well stocked.  For the duration of the meal, nothing was restocked.* Mains were more like micro tapas.  Uneeded portion control combined with poor plating exacerbated the negative experience.  If the mains are micro size then plate them accordingly OR don't call them 'mains'.* Slow service and delivery.  My dining companion and I had to leave and eat elsewhere.  It just took too long.To owner:* I recommend getting rid of th

本來朋友接我去深井食燒鵝, 突然轉軚, 話想試吓呢間餐廳, 可能佈置浪漫, 好有情調!環顧四周, 餐廳中間放了幾張桌子, 似係就half buffet咁, 朋友問了侍應後, 証明了是buffet 的餸, 但可能太夜了, 碟碟都空空的, 侍應說因為沒有人添食物, 所以就沒有再加了..... 那麼, 我們只好落order點菜了!我點了個菜湯, 味道比較淡, 似材料不足吧! 個法包就唔錯, 好香, 沙律都ok!再來一個豬手餐, 隻豬手真係好大隻吓喎! 味道不過不失, 比我想像中一點! 味道不夠咸, 皮太硬, 切到手都軟埋.整體來說, 麻麻地, 只有環境好, 坐得舒服, 談心傾計一流!

其實我已經唔係第一次來呢到食意大利自助餐.但今次我真係好失望.第一個失望係呢到基本上只serve大檯包場/熟客,我一行6人, 7:15pm左右齊人就叫野食, 結果我等到呢一刻9:04pm, 我都只係食到幾隻焗蠔, 幾粒田螺, 同幾粒牛尾肉, 留意返, 期間我係仲有個炸蝦同炸芝士條係7點叫到依家都仲未來, 但隔離嗰檯"熟客"已經食左幾轉.第二個失望係佢唔夠賣就不停溝水.忌廉湯唔夠就溝水拎出來serve我地. 田螺汁唔夠又係溝水, 第一轉係香濃同傑身既, 第二轉已經變左水, 淡到差d食唔到忌廉味.如果大家唔係同呢間餐廳熟既話, 我勸大家唔好來呢到食. 除非你地只係想俾$188+10%來呢到齋坐既話, 係無問題既. 做餐廳既, 如果你地無人手serve唔到咁多客, 就唔應該收咁多檯客, 唔係每檯客都會願意坐係到等你兩個鐘serve完哂其他人先來serve我地. 野食幾好食都無用, 坐到食咩都無味啦!

幾年前試過放題, 印象深刻, 非常不錯, 今次一試單點晚餐看似OK的前菜, 雜菜湯是較稀的, 有很多香草, 蔬菜倒很少, 兩片蒜包, 沒什麼味, 而且不熱, 沙律還可以, 油醋出色鵝肝看似份量不錯, 入口溶化, 味道及油份適中, 牛扒沒特別, 煎起的成數較要求的熟, 有點失望, 亦沒什麼牛味都算大隻的豬手, 脆身的外皮內裡幸好不是太乾身, 都保持到軟滑的質感, 整體還可以

慕名入去深井吃意大利餐，約6.30抵達，由於沒有訂坐只能坐外出帳逢。晚餐A-K由68-148，送沙律、湯、蒜蓉包、咖啡或茶。自助餐星期一至五成人168(六日假期188)，三至九歲及65歲長者98送餐飲一杯。自助餐主菜現點現做，溫度很好，分量是一口或一件，可追加，不限次。沙律甜點吧有大量冰凍翡翠螺、Tiramisu簡化版單層，食味尚可。串燒羊，西冷牛，沒提供薄荷、芥辣。過熟，味道一般。墨魚汁麵售罊。點了粟米蚧肉意和番茄乾火腿意。成品看不見、吃不著蚧肉和火腿。木宰羊。整頓餐食一般，沒有驚喜。餐飲lime soda，不是日常用鮮青檸檬加梳打水，相信是濃縮果汁產品，太嗆喉，喝了兩口算了。洗手間陜窄，簡陋，令一晚情緒再跌低。