Coffee Break (鴻輝大廈)

營業中

休息中

My friend and I went to a cafe called "coffee break " located in Shop 4, G/F, Hung Fai Building, 2Q-2Z Tung Choi Street, Mong Kok(旺角通菜街2Q-2Z號鴻輝大廈地下4號舖).There is a huge window in the front side of the restaurant. Customers setting on the high seatings can watch what's going on in the street by seeing through it.Colorful mosaic tiles at the entrance of the restaurant.Board games, travel journals and electronic gadgets charging and WIFI services are provided without any additional charges.The resta

星期三晚，在旺角覓食，難得發現在通菜街有一間裝潢別緻的coffee shop，簡單灰色的牆身，一面大大的玻璃，店名不是大大隻的牌挂在餐廳頂，而是「Coffee Break」兩隻簡約的字體，風格stylish又輕鬆，一看就知道餐廳主理人的品味和個性。餐廳以木製的櫈和仿雲石枱為主，有一面牆是木板嬙，掛著黑框掛燈，輕鬆的氛圍令人坐得特別舒服。用餐是都見到不少後生仔女在談天說地。難得在旺角鬧市可以找到一個如此舒適的環境，今日可以缷下一天的疲勞。我和朋友點了兩個dinner sets，本身dinner set跟沙律，所以每人都有一個沙律。沙律是沒有選擇的，只有一款。這個沙律主要是胡蘿蔔和沙律菜加上沙律醋，味道酸酸的還挺開胃。沙律菜都好新鮮。大蝦意大利粉三重奏這個真的極力推薦！意粉不但煮得軟硬適中，入口煙韌，就連汁醬都煮得天衣無縫。那個汁如果要形容，一個字可以概括，就是「鮮」，每一口都食出蝦的鮮味，蝦膏的鮮甜味無可比擬，加上大蝦爽口彈牙，這個意粉真的無得頂！蒜香辣大蜆意粉賣相十分吸睛！用蜆排出如花形般的造形，中間擺著用蜆汁煮到完美的意粉。意粉同樣軟硬適中，入口彈牙。一碟十粒的蜆大大粒，蜆肉飽滿ju

今晚係旺角睇戲，周圍看看食咩好，見到這間走文青路線的餐廳便決定一試。以木為主調的裝修，感覺溫暖，配上雲石枱，氣氛不錯。Set dinner 的價錢合理。前菜有南瓜沙律，蔬菜十分新鮮，蕃茄爽口，南瓜粒清甜，很開胃。蘆筍蟹肉意大利飯的份量多，意大利飯煮得夠淋，忌廉份量剛好，不會搶味。淡淡的蟹味，蟹肉切成蓉，食了都不覺。芝士牛肉漢堡的賣相十分吸引，高度接近有18-20cm，熱溶的芝士沾滿邊，令人食慾大增。漢堡包夠鬆軟，牛肉漢堡的肉質不會死實實，很juicy 。厚切蕃茄和生菜有助解膩，生菜層有接近5cm高。配上圈圈薯條和黑醋沙律，黑醋酸酸地，大大減低整體油膩感。雜莓乳酪有新鮮紅莓，十分足料。

前排行過女人街，望入泥呢間餐廳好似都好舒服，樓底又高，就約在今晚泥食飯試一試😆七點鐘人未算好多，入到泥確係感覺好舒服，燈光枱櫈都花左心機，好有空間感Menu 選擇很多，有SET DINNER，有散叫，有2人餐，總類都多，一班朋友食都一定有0岩心水！＊仲好貼心係MENU寫左有得借棋，叉電，Wi-Fi每個餐都有跟沙律，最愛！嗌左個DP7 黑蒜蘆荀蟹肉熠意大利飯好足料，蟹肉都多，又夠鮮！正意大利飯軟硬適中！沒有令我失望朋友個飲品，藍莓果粒茶，嗌之前有問是否用茶包，知道唔係就很期待！味道清新，真係浸出來的茶！仲有得加熱水，抵飲！另外嗌左呢個應該係招牌美食，烤大菇漢堡！仲要係有埋沙律同扭扭薯條！驚喜！個大菇烤完仲係好大隻好厚身！仲要一D都唔乾身，正！好juicy廚師控制得好好！！！中價泥講！旺角鬧市中非常推介！！！

I saw this place a couple of weeks ago along the streets of 女人街...saw it looked really nice outside.The interior of the place was really cafe type, it actually reminded me a lot of a place in Wanchai.It had a lot of raw materials as in planks of wood and concrete finishes, making the place very raw, (i guess its the trend) but i really liked the design of the place. The cafe has also mentioned in their menu that they offer types of board games and such for our entertainment and we can take them

喺旺角諗食咩真係會諗到頭痛，今日喺通菜街睇有咩啱食，無意中發現到呢間世外桃源cafe。望入去環境舒適，諗都唔洗諗就行左入去試吓先。坐低睇個餐牌發現d野食特別得黎價錢適中，真係唔錯。我當然叫d平時冇咩機會食到嘅野黎試吓啦。飲品就叫左繽紛樂朱古力，食物就芝士焗黑松露多士同埋蜜糖雞翼。我開頭都怕繽紛樂朱古力會太甜，不過好在甜度適中，由於呢杯野食打碎晒d朱古力做成，所以細嘗下會發現有d朱古力碎粒，幾有口感。芝士焗黑松露多士就一放喺枱已經有好香嘅黑松露味飄過黎，配埋芝士食落口真係正。另外睇餐牌嗰時發現有免費wifi，電話充電，同埋桌上遊戲，真係十足十一間樓上cafe。溫馨提示：由於係地鋪，位於旺角鬧市，座位又有限，所以繁忙時間為90分鐘用餐。

約左友人係旺角食飯, 雖知道呢度餐廳數目何其多, 正苦惱食咩好, 行下行下就比呢間餐廳門面吸引住, 門口亦有侍應作介紹, 聽完之後覺OK, 咁就入內就坐!簡約有型既裝飾設計, 燈光柔和, 與附近既餐廳形成頗強烈既對比, 店內播放著動聽英文歌又唔會太嘈雜, 給人一種輕鬆寫意既氣氛!晚市設有套餐供應, 食物選擇種類都頗多, 包括意大利粉, 燴飯, 烤/香煎肉類, 價錢由八十幾至二百幾, 都幾貼地價!我地一人一個套餐, 點意大利粉, 燴飯, 會有一客雜菜沙律送上, 加$8可以轉飲餐湯呢客雜菜沙律配以黑醋汁, 酸甜味道幾開胃, 沙律菜爽脆, 口感清新!溫泉蛋卡邦尼意粉 ($98), 賣相靚仔, 成隻溫泉蛋放於頂上, 將佢整爛流出蛋黃汁, 讓每條意粉都沾滿, 伴著煙肉一齊食, 口感更香滑, 而意粉食落軟硬度岩心水!"鷄精"友人就點左呢個法國香草烤鷄配薯條 ($148全隻), 份量幾對眼, 上枱時已幫你切開成兩份, 方便進食, 另有薯圈及沙律菜!烤鷄烤得皮香肉嫩, 食落有香草味道, 食晒成個都幾飽!餐飲包一杯$30既飲品, 選擇其他飲品可補回差價就OK, 呢杯荔枝梳打飲落有清甜荔枝味, 梳打口感令

Coffee break , 喺旺角區一間半cafe半西餐既食店 環境以啡白色為主 十分舒適 亦有broadgame玩薄荷朱古力 熱 38 蚊 算係大杯 心型既拉花幾靚 飲落泡身幾厚 薄荷味香濃 之後就帶有少少朱古力香 飲落唔會太甜 唔錯朱古力脆脆 凍 焦糖味 48 蚊 凍飲既朱古力脆脆 外表美觀 上面有密度好高既泡泡 仲有好多朱古力脆脆 飲落焦糖同朱古力味好match焦糖帶出朱古力既香味 然後因為有cream同脆脆 更香滑同更香脆 好味 !菠菜忌廉煙三文魚意粉 98 蚊 (唔跟餐減10 蚊 跟餐可有杯30 蚊野飲 同多一個沙律) 是日沙律 有生菜 蕃茄 南瓜 點以少少黑醋 幾新鮮開胃 意粉 成碟綠色 聞落去都有陣菠菜香味 食落去意粉夠爽口 菠菜味同咸味適中 煙三文魚醃得唔錯 口感偏濃 同埋有咬口 整體味道唔錯大烤菇芝士牛肉漢堡配薯條 108 蚊 加香煎鵝肝 40 蚊 疊到好厚既漢堡 burger既上下層皮都整得好香脆 入面又夠軟熟 配以少少牛油增加香味 大啡菇大舊又爽口 十分juicy 鵝肝鵝油十足 食落啖啖油花 而 牛肉好有口感 肉質juicy 牛味夠濃 配以半溶既芝士 生菜

第一次幫親Coffee break, 位於旺角市中心，係眾多美食街之中。Dinner time 有唔少選擇，pasta,飯等等。Set 包沙律，雜菜沙律份量幾多，仲有原個新鮮蕃茄，抵食。我地叫左雜菜南瓜意大利飯$88意大利飯份量一般，但勝在味道不錯。南瓜汁唔算太濃，加左雜菜口感不錯，飯身濕潤。菠菜煙三文魚意粉$98咸咸地既意粉用菠菜汁整，配料有三文魚塊同雜菇，都幾夾。份量比飯多得很，食完夠飽。甜品可以加28配一件芝士蛋糕。叫左藍莓同德國芝士蛋糕。藍莓的比較好食，creamy芝士層，口感硬d 芝士濃郁。反而德國芝士只係少少芝士cream 係夾心，普通海綿蛋糕。飲品方面，可以跟$30一杯飲品。另加左凍咖啡同洛神花茶。花茶賣相精緻，味道好香花茶味，飲落偏紅莓汁既味道。

同米米實在有說不完的話題，由一起上小學升中學到今天，經歷了很多個年頭，從當初友誼的慢慢累積，走到這天的成熟深厚實在不易。人大了，朋友很多已早婚，有孩子，或戀愛而變得感情遠去不復返，因此愈是相信緣份跟命中注定的一套，而我和你，將一直友好關愛下去吧，好嗎？卡邦尼意粉餐98即叫即煮意粉有彈性，汁醬濃度剛好，煙肉跟温泉旦又幾matah，我們都感到成餐最好吃。餐飲加28轉加大的香蕉乳酪 原價58蕉果多得黎夠凍，酸味不太多。煙三文魚三文治62雖芝士不溶，但包烘得脆，蕃茄加生菜同煙三文比想像好，反而伴菜有點黃，未夠新鮮。朋友的hot gt latte58她感冒所以我無得試，但賣相ok，因為拉左心心花。繽紛樂朱古力48凍又不過甜，下了整條朱古力卻不夠室温，來得有點硬，飲品就幾名副其實，真有繽紛樂味嫁。食後感：店子陳立在市中心，易找之餘，食物是旺角區的中上評級，加上吃完死常在附近就有小巴答回家了，目送她，有時也是種幸福。

餐廳名，Coffee Break，很有意境。熙來攘往的都市中，找個地方、喝杯咖啡、休息片刻，享受簡單生活然而這次去到咖啡廳，卻不只是點杯飲料，而是一嘗這裡的set dinner。香煎三文魚柳配法式芥末子汁配沙牛律（$148）在別的餐廳吃三文魚柳，很多時配上的醬汁都是奶油白汁。這次初嘗與法式芥末子汁的配搭，感到意外的驚喜。惹味法式芥末子汁，加上三文魚油脂甘香，香氣逼人，引不住大快朵頤！煎香的三文魚柳，外圍魚肉口感微脆，內圍魚肉幼嫩juicy；配合芥末子的口感、鮮艷沙律菜的新鮮，令整道菜清新健康之餘，色、香、味都俱全！雜菜南瓜意大利燴飯　（$88）另一份主菜來點澱粉質。賣相搶眼，一片金黃色，溫雅中溢出霸氣。最近天氣令不少人傷風感冒菌揮之不去。想吃清淡點、健康點的話，這份主食乃不二之選除了身穿霸氣「黃金甲」，亦擁有南瓜的鮮甜，還有雜菜的新鮮滋味。份量剛好，不怕吃滯

行開旺角 走去橫街睇野食 無意中發現呢間coffee shop 入去試下先系鬧處的一角 coffee shop環境優雅 幾靜局我最憎食飯好嘈好多人靜靜地可以慢慢談心燈光柔和 有sofa 位坐 幾舒服!點左兩個set dinner 第一樣:黑松露忌廉risotto 賣相不錯 好夠料 d菇好大粒 熱辣辣的第二樣系波菜三文魚意粉呢個就普通d...三文魚比較少 青bbSet dinner 包左salad or add $8 for soup 我地要左一沙律一湯Salad is freshly made!份量大!好少前菜會咁多!仲要個湯 好多紅羅白啊 足料叫左個茉莉花茶 配上蜜糖 清甜可口加$28有cheese cake 可惜個時blueberry cheese cake 無哂要左呢個cheese cake 都唔錯坐左二個中 就走嚕 呢度service 都不錯!!!

旺角通菜街兩邊行人路一向多食肆, 餐廳多，行過Coffee Break, 有別其它，新裝修，可以入去嘆杯飲品。下午唔想食得heavy, order 個煙三文魚沙律，三文魚大大片，菜新鮮，健康之選，食後冇罪惡感。水蜜桃果粒茶 ，多種乾：有水蜜桃，菠蘿，洋甘菊，太陽花，香桃木 ， 好濃水蜜桃香味，順喉滋潤，味道天然，少少酸咪咪的很醒神。香炸蜜糖雞翼， 雞翼炸香再淋上蜜糖，味道帶甜，香濃蜜糖味，食到停不了。好味的食物令我胃打開大門，再叫甜品。忌廉比利時鬆餅， 外層香脆，暖笠笠的鬆餅配搭忌廉，甜度適中，不會覺得膩。

最近常到旺角行街，但一到晚餐時間就很苦惱，因為成日都想找一些有舒服環境的餐廳跟好友好好歡聚一下，但無奈旺角始終人多地方少。今晚跟好友路經女人街附近見到一間新開cafe,環境裝修感覺好舒適寫意，所以便跟好友入內試試。由於時間尚早，未算好多人，cafe 環境舒服而且提供旅遊書籍給食客閱讀，又有wifi,叉電服務等等，服務非常貼心。晚餐有多款套餐選擇，我跟好友各自叫了一個套餐+一款小食share 雜菜湯味道微微偏酸，但食出蔬菜的鮮甜味，味道不過不失大蝦意大利粉三重奏用蝦仔，蝦乾加上芝士製成的醬汁，濃郁可口，而意粉蝦味非常突出，大蝦新鮮爽口。法式香草烤雞配薯條烤雞表面金黃香脆，肉質保持鮮味，薯條炸得非常香口，沙律菜新鮮爽脆。瑞士雞翼配沙律瑞士汁香濃鮮甜，雞翼嫩滑入味，配上新鲜沙律菜立即清新不少。最後大家各自叫了杯飲品慢慢聊天香蕉乳酪 - 味道酸酸甜甜，濃濃的香蕉味，入口順滑。荔枝沙冰 - 份量十足，茘枝味濃郁，感覺好fresh ! 希望旺角可以多開一些cafe小店，令到有多些空間俾大家閒時聚下。

喺旺角返工嘅朋友都知道，中午出街食飯都有啲似打仗。走在街上人來人往，又要睇車又要避開掛住睇電話既人。匆匆忙忙去到餐廳仲要等位，所以話有時飯都食到好燥。同事帶我到呢間cafe，單睇裝修都比我一種舒服嘅感覺。餐廳大部份都係木傢俬，仲有雲石枱，配合柔和嘅吊燈，俾人一種好屋企嘅感覺。午餐大約有七種選擇，仲有四款係烤意式三文治。今日我見有兩個午餐都係素食，啱晒我要綠色星期一嘅人。點菜嘅時候隔離枱既一陣黑松露雜菌味飄埋黎，諗都唔使諗就揀咗呢個。意大利飯軟硬適中，黑松露同雜菌都好香。配埋個香蕉乳酪。侍應話香蕉乳酪係佢哋自己親手打嘅。不過我就覺得少咗啲香蕉味同埋甜咗啲。呢個烤意式三文治，好足料，麵包都夠鬆脆。呢間餐廳仲有wifi 、益智遊戲同埋旅遊書。中午時間喺度嘆杯咖啡寧靜一下都幾好啊。