Coffee or Tea (已結業)

最近各個媒體狂轟亂炸的店，咁⋯⋯特登搵朋友一起試吓啦menu上最吸引人的最想點的蛋治全部沒有！個時先係pm2點，店員話賣晒😑🐶咁冇咩選擇，點了下面2樣嘢1個份嘢⋯⋯麵包切都切唔開咁硬2下面的多士，42蚊，普通茶餐廳啲質素依家太多 哩啲社交平台 狂po無敵美照的咖啡店，十有八九都係中伏😶‍🌫️

觀塘裕民坊YM2商場真係越黎越多野食🤤今次就黎左依間新開既港式cafe😜食物方面 吉列豬扒飯挺不錯🤤吉列豬扒炸得啱啱好 外皮炸得十分香脆😋食落有滿滿既芝士味🧀入面仲含有水蜜桃粒🍑味道酸酸甜甜 十分開胃☺️另外仲叫左個幾特別既花膠雞絲米通粉🥣雞肉份量多 唔會太鞋😜都係一個幾不過不失既選擇🥸看似普通既粟米肉粒飯亦十分足料🤩有火腿 蔥 肉粒 同粟米呢🌽最後仲叫左個拉花幾靚既焙茶latte☕️下次想黎試佢地既玉子黑松露三文治🥪

舖名Coffee or Tea 抱有期望，咖啡或茶應有好多選擇但似乎只著重某類飲品。對於唔太接受到咖啡因嘅顧客，無咩熱飲選擇。一杯清茶或花茶包應該唔難準備。有待改善！另外花膠米通粉味道尚可但煮得唔夠熱加上可能新裝修冷氣勁😞

唔知大家諗起香港茶餐廳或者冰室嘅地道香港美食會諗起啲咩嘢？一種懷舊嘅香港味道。有冇諗過，呢種情懷可以融入現代cafe？今日嚟到呢間觀塘新開嘅特色打卡cafe【coffee o/r tea】@coffeeortea.hk 就俾到我呢種感覺，表面上係一間非常之靚嘅打卡餐廳，但其實我更加之欣賞佢嘅內涵。係一日忙碌嘅生活入邊，坐喺一間咁舒服嘅地方，品嚐到嘅係地道香港人特色嘅美食。食物質素無論從賣相到味道，都有一種體現出獅子山精神嘅感覺。好嘅食物令人感動，觸動心靈，食完你會永遠記住呢種味道，佢會令你勾起美好的回憶。Coffee or Tea 的老闆們，都是自小到大喜歡吃茶餐廳的一群，開店的目的是將茶餐廳的經典食物，以專業的技巧改造成酒店茶座的優質級數，配上親民的價錢，令大家都可以享受到非一般的茶餐廳美食。 呢度嘅咖啡全部係嚟自澳洲嘅咖啡。聽老板講，佢以前好唔中意飲咖啡，但去完澳洲之後就愛上咗咖啡了。☕推介 烏龍鴛鴦 & 椰子污糟烏龍鴛鴦入口嘅感覺好清新，同埋個杯身長長，睇落真係唔似咖啡，打卡一流喎🖤我最鐘意呢杯椰子污糟，聽落個名已經夠曬得意，飲落椰子味濃郁，少少咖啡味好易入口，完全冇咗個嗰種苦澀

筆者第一份工作經常要外出做招聘，官塘裕民坊是其中一個重心地帶，所以對這個地方總有點點感情。該處重建後，化身為豪宅地，一直想去睇下變成點，最近終於抽到時間，遊走新商場，兼且找地方醫肚。作為一個沒咖啡會周身唔聚財既人，遇上咖啡室，推門入去實屬正常。新開業，自然光猛企理，Cafe的一個角落，放滿了名信片，全都是昔日裕民坊的寫照。雲朵多士本身已是呃Like的東西，將蛋黃加埋上頂，賣相更勝一籌。另外，可配上咸牛肉或者午餐肉，當中後者更是把餐肉打成茸，我是首次見識，很特別。蔥花蛋多士不是在茶記吃的東西嗎? 竟然會在這裡出現，大家都好奇想試試。外貌當然要比茶餐廳的吸引，香脆之多士結合厚身又嫩滑的雞蛋，最重要是混入了適量的蔥花，好吃。有蔥花蛋多士都未算誇張，更估唔到佢會有懷舊的米通粉。滑嘟嘟的質感，味道很家常，配埋雞絲，以及養顏的花膠，女士們應該會很喜歡。這兒的米飯都好唔錯，如炒蛋焗豬扒飯，蕃茄的酸度來得恰到好處，連埋滑蛋已經很好吃。豬扒是吉豬，外層鬆脆，內裡鬆化。然而，全晚最吸引的項目，定必要數到麻婆豆腐飯。辣度不強，但味型正宗，滲透陣陣花椒粉的香氣，很好下飯，絕不是在粵式地方吃到的瞎弄貨色，從沒諗

真開心觀塘又有美食福音，「Coffee or Tea」位於觀塘裕民坊YM² 地下物華街果邊，唔好以為打卡餐廳冇好野食，呢間餐廳可帶給你滿滿驚喜。首先， 必吃「開心果牛油多士」，多士超脆，牛油醇香順喉，開心果令多士更惹味，好吃到停唔到口。「 蔥花蛋三文治」好好食， 雞蛋是用日本蛋很嫩滑， 而且煮到半生熟加上蔥花，令雞蛋更添清香，好食！「雲朵蛋牛治」賣相太美了吧！雲朵是蛋白，頂上放了蛋黃，牛治鹹香，多士酥脆，簡直無敵絕配，又靚又好食。「沙嗲牛肉麵」 真係心機美食， 沙嗲牛肉不是預先煮定，而是即叫即整，沙嗲不是辛辣口感，而是帶微微甜香，公仔麵軟硬度恰到好處，嘩～～香港人飲食文化必吃食物之一，唔係唔嚟食呀。「焗豬扒飯」喂呀，呢個飯犯規呀！點解可以咁好食， 吉列豬扒外層卜卜脆，裡內物質嫩滑， 焗豬扒個汁仲要用蜜桃，加多10蚊仲有滑蛋，超正！「D24 榴槤綠豆冰」愛榴槤的你必定要吃， 榴槤打成泡沫，入口超滑溜， 綠豆沙可以清熱氣，讚！

在裕民坊開了不少食肆，去幾次也吃不完😆，這次就去一家咖啡店☕。店舖位於一樓，在物華街方向去會較方便的🙈。咖啡店以木系裝修為主，環境舒適涼快，有幾個打卡位。食物主打吃雞蛋和茶餐廳美食，另有多款咖啡、飲品和甜品選擇🤩。-💥開心好多 HKD$48，這個跟茶餐廳的油沾多相似，但賣相較美觀吸引🙈。用意大利開心果醬和法國牛油製成多士，採用拖鞋麵包做底。軟滑的厚牛油配上麵包，口感酥脆鬆軟🤤，感覺雖然邪惡但想吃下去。-💥雲朵餐肉蛋多士 HKD$48，這個是餐肉蛋治，也是用拖鞋麵包做底。雲朵蛋經過特別處理，用慢煮蛋黃、梳乎里蛋白，餐肉打成慕絲口感的肉醬。吃這個時感覺像吃份子料理，打破了傳統吃餐蛋治的感覺🤩。-💥西多 HKD$42，這個是法式多士，口感較傳統的濕潤，面頭有香蕉片賣相更好😆。外皮酥脆香口，裡面熱辣辣又軟綿綿的口感，忍不住一口接一口😚。西多面頭鋪上焦糖脆脆，取代了糖膠，味道較輕盈不甜膩。-💥焗豬扒飯 HKD$78，另外加HKD$10加配炒蛋，令到賣相更吸引🤩。用鮮茄、水蜜桃等製成，味道酸酸甜甜很開胃😋。金黃色的豬扒口感酥脆，肉質嫰滑帶肉汁。用了炒飯底做飯，口感香口不油膩。-💥烏龍鴛鴦 HKD$

終於走了去重建後的觀塘裕民坊YM2逛逛，主要去看看想欣賞已久的微縮模型，内裡有生果店、士多、小食店、鞋店和裕民坊的微縮模型，造工仔細很值得前來好好欣賞。跟好友欣賞過微縮模型後走到這間Coffee or Tea吃晚餐，餐廳設計\時尚內裡牆上掛滿舊觀塘樣貌的明信片，讓客人得以重溫此地舊有面貌好有心思。看見餐牌上的各式美食及飲品也想當吸引，那先點選特色飲品先啦！好友選的Coconut Dirty原價＄48跟餐＄24，用上椰奶來炮製的Dirty香氣更迷人，而我則揀了榴槤綠豆冰原價＄52跟餐＄24，古D24的榴槤泡沫下是清爽的綠豆冰，一熱一涼的組合原來可以那麼Match的。另外一位好友這杯烏龍鴛鴦原價＄48跟餐＄24賣相非常高雅，烏龍茶混合咖啡的鴛鴦味道非常特別。這客開心好多＄48用上法國牛油加意大利開心果醬做成，配上烘得非常香脆的拖鞋包吐司，勁邪惡但又很美味令人難以抗拒。雲朵餐肉蛋多士＄48，雲朵蛋我也有自製過但這個蛋黃非常特別，外貌像鹹蛋黃般堅挺但吃下又非常軟滑很過癮，另外綿密鬆軟的蛋白和口感特別的餐肉慕絲，伴在脆多士上吃下口感異常豐富。主食點吃懷舊的米通粉更是矜貴的花膠雞絲米通粉＄55，滑

我係觀塘住咗好多年，經歷佢嘅變化，懷念過去也展望將來～～～就好似呢間係裕民坊新開嘅café ，雖然有時尚簡約裝潢，但食物仍保留香港地道情懷💕有別於一般cafe ，不單有咖啡，仲有大家都熟悉嘅鴛鴦🤩，不過就係用上炭焙烏龍mix 咖啡，再加入細緻嘅氣泡，味道輕柔順滑。另外coconut dirty 都好有驚喜！而食物方面，將港式美食注入新元素～～花膠雞絲通粉湯底好香濃，通粉滑溜又彈牙，食落熱騰騰，特別暖胃沙嗲牛肉麵牛肉麵即叫即整，用上好有牛肉味又軟腍嘅牛冧肉，醬汁濃郁唔太鹹開心好多🤣呢款真係比其他多士開心🤩 因為佢加左意大利開心果醬喺牛油，仲用上意式拖鞋包，酥脆香甜，真係一試愛上💓雲朶蛋牛治玉子黑松露三文治呢兩款連葛文輝都大推㗎，喜歡蛋嘅我都好鍾意😍

觀塘嘅裕民坊，你會有什麼回憶？ 可能你會覺得，而家嘅裕民坊，活化之後基本上已經搵唔番以前舊有嘅回憶，但在如六本木的商場嘅街角，有間非常特別的新cafe Coffee or tea。 Coffee or tea 的老闆們和我都係食茶餐廳長大的，早餐午飯下午茶晚餐都可以食，而呢間完全係好似平時中西環出現又靚又多潮人去嘅打卡餐廳，食嘅嘢都係茶餐廳嘅美食，但係同樣非常之打卡，IGable 嘅女士就算唔鍾意食茶餐廳嘅嘢食，都一定會好鍾意呢度。 講得係cafe，唔似以前茶餐廳通常都係飲奶茶出名，呢度反而咖啡聞名，因為咖啡豆都非常講究，以前茶餐廳嘅咖啡通常都非常難飲，但今日嘅就好得，一杯dirty就已經睇得出奶同咖啡嘅種諧，呢度另外仲有一種係加咗椰奶嘅coconut dirty，喜歡呢個味道可以一試。 另外勁適合打卡嘅烏龍鴛鴦，直情就係舊式嘅鴛鴦，只不過佢加上烘焙烏龍茶同西方精品咖啡嘅結合，以手調方法加上汽泡代替花奶，同時飲到烏龍茶嘅香同咖啡嘅濃。 我最鍾意食沙嗲牛肉麵好多讀者都知道，呢度既然係主打一定要試，即場炒嘅沙嗲牛肉，用上少見的牛冧肉，仲要用三種唔同嘅沙嗲醬來混

今日唔係太餓唔想又去飲茶，於是決定同阿媽去試新嘢😆呢間cafe 好吸引我，因為有我至愛沙嗲牛肉麵同coffee 不過今日要同阿仔share, 所以叫咗花膠雞米通😓,阿媽叫咗豉椒蛋治。飲品叫咗cold blew同橙伯爵茶。食物同飲品嘅質素ok，又唔會話勁好味，但又唔係唔好食。鍾意食蛋又鍾意食茶記去cafe嘅人都可以一試。第一次見成間cafe都係男服務員，唔記得睇埋廚房cafe 裝修同整體感覺都幾良好，又唔會勁多人。我都會想去試埋沙嗲牛肉麵同試吓其他嘢飲。。。因為有個榴槤綠豆x都想試吓我見隔離枱2個人都試咗4樣嘢食，有d個樣都幾吸引。總結，豉椒蛋治多士唔夠脆，但味道不錯幾特別。花膠雞米通都幾足料，雞肉唔"鞋", 不過賣相可以靚d。cold blew質素普通，早知飲americano橙伯爵茶我就冇試，阿媽話ok😂

星期六上午以為可以懶懶閒食個早餐，點知大約10:30落單點餐，等到11:00先有得食，就快變午餐。隔籬枱不斷催單，侍應就不斷答廚房整緊，成間餐廳唔知做乜......環境方面，張圓枱本身已經好窄，再加隔板阻住一部分枱面，其實一啲都唔好坐。味道呢，坦白講係幾好味，花膠雞絲通粉好濃好入味，個餐肉蛋多士亦幾有特色。大家如果唔係空肚食早餐，而又有無限時間等候，都可以一試嘅！不過如果肚餓或者之後約咗人，就去過第二間喇！

唔好意思都要講句，雖然本身自己都住觀塘區，但係對於近期新起嘅豪宅我就真係一啲好感都冇，可能名義上係一個豪宅，但係實際上一啲私隱都冇 （附近又市集又健康院又巴士站小巴站😖）連帶個商場我都冇乜興趣。所以見到呢間新開嘅餐廳？cafe? 我都唔係特別上心，換轉係出面港島區開新Cafe，我都第一時間關注下。直至我喺social media見到連阿葛都加持嘅呢間既係Cafe又係茶餐廳格局（我覺得可能同海潮食堂有關係）見佢post嘅食物賣相都唔錯，所以今日都專登落去會一會佢，點知好可惜又失望而回 🤪好在唔使排隊。一心已經諗好要試佢嘅玉子黑松露油三文治🥪（個名都好似好勁咁）點知嗌完之後隔咗幾分鐘侍應先同我講冇，跟住之後佢就行咗去再冇理我，我覺得有啲被冷落嘅感覺。其實一入去都好似冇乜人理會你。因為我冇其他嘢想試，所以毅然離開，留返下次有機會先再試啦。食物方面有給瞓得食嘅三文治，另外都有幾款茶記飯同埋面選擇，價錢比出面茶餐廳貴啲囉但係又比港島區嘅cafe平啲 ！

如果鍾意食蛋嘅朋友，可以考慮吓嚟呢間咖啡或茶嘅高級茶餐廳！我覺得佢哋整得比較有心機同埋炒嘅蛋三文治都幾好食！我下次一定會試吓食其他食物！坐喺老闆好熱情招待客人，服務員都係好有禮貌！埋單后老闆話佢名叫Michael,我發現原來個老闆好似係少年廚神!上網一查，我原來真係有眼不識泰山!