Come Buy (已結業)

今日嘅天氣真係超熱，所以我們諗著買啲凍嘢飲吓，行過旺角豉油街見到呢間「Come Buy」賣台式飲品店，他們今期推出嘅芭樂系列，啱晒媽咪嘅心意，因媽咪最鍾意芭樂，所以我們就決定買嚟飲！我們買咗芭樂檸檬綠同草莓奶茶！點知一飲第一啖就覺得中伏，芭樂檸檬綠係完全無芭樂嘅味道，祇有好淡嘅檸檬味！草莓奶茶嘅草莓係草莓果醬嚟，味道超級甜，有甜到膩嘅感覺，奶味同茶味亦相當淡，所以祇係飲到甜到漏嘅草莓醬味！諗唔到呢兩杯特飲出嚟嘅效果可以咁差，真係令我們覺得極之失望！

我忍不住怒吼！9/6 晚上10:45去買黑糖珍珠奶茶，收銀小姐話：「我地唔夠珍珠呀，搭d椰果俾你啦好嗎？」我話：「你唔夠貨，咁不如平d賣俾我」收銀小姐：「我地價格係規定左，唔改得」我話：「好合理！規定咗就唔改得。咁點解你地份量可以隨便改既？我唔駛加椰果喇，你照落單啦，少珍珠就少珍珠，無問題」收銀：「咁收你$2x（唔出聲當你大杯就梗嫁喇）」我話：「我要中杯得喇」跟住收銀同負責沖調既先生溝通一番之後竟然話：「哦！唔好意思小姐！我地淨返最後一杯珍珠是大杯裝！」（言下之意係想賺多你幾蚊叫你買大杯，咁佢就唔駛浪費左你買中杯之後淨返又唔夠一杯既珍珠！）我說：「你淨返大杯份量既珍珠關我咩事？我叫中杯喎」去到呢一步，作為街坊，多年幫襯，我只能說，幾好既小店，請左豬一般既店員真係倒米！如果同我講野既係老闆，我會覺得你係賺多一兩蚊，但你失左個客，亦失左營商既品格！

之前試過comebuy個百香果3q都覺得幾好所以又來飲啦~呢個係無糖嘅茉莉綠茶~茶味幾香濃，尤其係有好明顯嘅茉莉香味！通常凍飲味道會淡d 但係呢個無，唔錯！ Rating: 8/10

放工行開街見有d頸喝，見到呢間店有台式飲品賣，突然挑起條根好想飲珍珠奶茶o係7仔同佢之間，選擇左幫襯佢！點知。。。。5分鐘之後我就堅後悔。。。試左佢地個雙Q奶茶，即係珍珠+粉條奶茶。店員話無晒紅茶，要轉綠茶。。。哦。。。好啦！見到杯茶o既一刻。。。咦？白成咁？有一刻懷疑佢走左茶。。。飲2啖試下先。。。um。。。隱約有好淡o既茶味o既。。。真係唔覺得自己飲緊奶茶再食埋佢d珍珠同粉條，又係無味o既。。。同食緊粉團無分別！唉。。。早知去7仔好過！

吃著兩塊燒餅在旺角街頭行來行去，吃完又到口渴的時候，於是到就近的飲品店買台茶。香港有眾多台茶品牌，但個人始終較喜歡COME BUY，自從屯門的分店無聲消失後，我都好耐無飲過其出品了。三十幾度在街頭等吃，不辛苦就呃人的，但看到這幾條街正正充斥一眾掃街的市民，令本來好旺的旺角更加熱鬧，果然掃街的活動是不分時地人以及...天氣。吃過燒餅所以不想食差不多口感的珍珠，見到有仙草奶茶就要它啦~向店員表明要"走糖少冰"，她驚訝問我"要走糖?"，我肯定答是﹗人數眾多都差不多等了十分鐘先有得飲，大杯裝和中杯裝相差四元個人覺得大杯抵飲好多，呵...奶茶依舊無變，是過往嚐過的味道，奶味不濃而且有微微的茶香，不加糖是因為奶茶本來是帶點甜的。至於仙草即是涼粉，份量很多呢，相信先用糖水煮過，沒有任何苦澀味外更是甜甜的。在如此天氣熱的情況下少冰絕對夠冰足全杯。以前屯門有分店又不見自己經常走去買野飲，到人家走了才覺得可惜。人呢，對人對事永遠都是這樣。

話說今日十一點幾冇咩地方買野飲,就去左Comebuy叫左杯大既宇治末茶,去冰,半糖,加胚芽等左兩分鐘後拎,一飲出事顏色係夠喇,但味道完全同水一樣淡,半糖唔知去左邊,根本成杯無糖簡單黎講,連去元氣壽司畢兩羹茶粉沖熱水,都濃味過佢咁我就拎返杯茶返去同店員講,"err唔該,杯茶完全冇茶味,唔該沖過杯比我啦"跟住有個廿幾歲冇著制服既旺角男士,就拎左我杯野問我有咩問題我就話杯茶好淡好似水咁,完全冇茶味佢竟然答我,末茶唔係茶黎,緊係冇茶味啦我就反問返佢,末茶唔係茶咁係乜野?佢答唔出,就同我講,拿你呢杯就去冰既,咁平時你買野飲,就400ml係飲品,300ml係冰,而家去冰,當然會淡左啦我完全比佢呢個反智既思維嚇疾左,係人都知買野飲走冰除左怕凍之外另一點就係怕溝淡,佢竟然話走冰當然會淡左,咁我就問佢,冰融化會變水,而家我走冰反而會淡左?我都未講完,佢就打斷我,fine~呢d人,會無禮貌同極差服務態度我都唔會覺得意外,不過都多謝佢踢穿左comebuy一個秘密比我知,等我唔洗再去幫襯,就係原來我地係comebuy買既飲品如果係700ml,只有400ml係飲品,其餘係冰,如果少冰,或者去冰,係並不會裝返多d

食完宵夜,男友覺得還未滿足,就想再買一點東西吃,在新寶戲院的街角考慮一會後,就選擇了剛剛裝修不久的COME BUY 炸物店,看了好久才發現有3款野賣,炸雞、炸地瓜和炸魚蛋頭,本來是想試炸魚蛋頭的,但小小的就賣10蚊3塊,就另選炸雞了,開頭想買野果陣,無店員想來介紹或招呼,要叫2-3次唔該先有人理,好似唔恨有生意咁,最後買完攞飛等,等咗3min左右到手,想不到23蚊得8塊左右賣果陣叫咗唔辣,結果都係有小辣,外面層粉都有d厚但可以接受,肉質都算嫩口,味道尚可,因為太辣我只吃了兩口另外有奇怪的事,在旺角買的飛但寫的地址在荃灣..............................

The fried chicken cutlet that people were eating looked nice so I got one.Overall the chicken was tender and crispy on the outside, but the only thing that let it down was the MSG and the freshness of teh oil.

今次係我第二次買, 諗住第一次可能係佢失手啦, 試多一次....最後決定以為都唔會再買講返杯芋香奶茶, 本身個味道都還可以的, 但飲飲下會發覺有D白色一舊舊既野, 好核突,O個D 應該係佢D 粉未攪"雲" 既野,一路飲一路都有, 兩次買都係咁....TOO BAD 啦....

行老旺行到口都乾哂.係時候止下渴.西柚原汁味道OK啦,不過唔係真係原汁.下次記得要Order少甜.價錢:可接受了.總結算唔錯,大家可以嘗試.

點了人氣飲品 3q百香果...呢度特有...價錢合理同時入面有齊椰果 珍珠...實在抵飲到震... 而且最好既就係你叫走冰...佢走冰同時唔會扣減你成杯既份量...照樣俾得滿滿你...而且少糖 半糖個d佢真係會跟到足...珍珠落杯時都見地拿個磅對住... 所以杯杯都一樣份量 而且好多珍珠 椰果食唔晒 A_A 2者咬感煙韌非常 14$中/16$大 實在合理! 只是人真係太多等好耐

係熱既關係嗎,服務員不懂說話我行埋去,無人理我我再講仙草奶茶, 佢只係望下我再按機,平時d人會問少不少甜架, 但個人真係差爆乜都無講, 我再講少甜, 佢又按機law我比錢佢, 佢就放張飛仔係枱到,等我拿...至於味道.ok la

我係come buy fans，知佢既茶係真材實料，飲親其他鋪頭都奶野，所以俾個正評。不過旺角呢間come buy管理得真係好差差差差，勸諭想飲come buy的朋友試其他的comebuy。(太子的好很多)大多數飲珍珠奶茶，呢間野我由09年開鋪飲到而家，開頭都唔會差過荃灣鋪多少，有濃濃茶味，珍珠有糖漿包裹著彈牙，一向叫少甜少冰。但近呢2,3個月越黎越差，今日10年6月飲到既少甜少冰珍珠奶茶，叫號後立刻飲，淡得沒有味道! 珍珠沒有甜味，明顯泡得太久，發大的珍珠卡住在飲管，大力一啜，弄得全身都髒了!! 好嬲!! 已經唔係第一次係咁!!!!其實一行到個鋪面都知咩事，成班MK妹MK仔不知所謂，唔著制服響度唔知乜事咁，睇食評好多人都試過同佢地有不愉快經歷(不過我叫野好爽快無乜交流就無試過喇)。咁既管理可以期望出到咩quality?不過男友說新推的檸檬愛玉不錯。

第一次幫襯，要了雙Q奶茶，走冰少甜。人很多，都要等超過 15 MIN。因為很喜歡吃 QQ 的珍珠及粉條，所以我很喜歡這種兩者都有的奶茶。不過，真的淡了點，而且奶味比茶味重太多。個人口味是愛多茶少奶的。而因為我不太喜甜，少甜就剛好。很大杯，最後只完成2/3，浪費了。

是日見天氣幾熱下，又未有咁快食野，還掂有幾個人，就決定黎買杯奶茶飲下。原本想買返最基本既珍珠奶茶，不過見佢勁多POSTER寫住有新出品雙Q奶茶就提議不如買黎試下飲。可能由於平日，所以唔係好多人咋喎，都係得兩三個客人係度等緊。行緊櫃位時無人理我地，其他職員掛住係度整奶茶，要我地叫左幾聲先又人黎理我地落單。等左好快就有得飲啦，不過一飲落去覺得麻麻地喎。唔知點解超淡，可以話係完全無味。只係飲到奶茶，但少少茶味都飲唔到，所以成杯野飲落去就似飲緊好重奶味既水咁.... 好唔得喎。再講返D珍珠同粉條，的確係煙煙靱靱幾好食，不過有時D珍珠會痴埋一堆所以好難咬，粉條長D感覺飲落無咁方便口感無咁好。大大杯$12係唔貴，但明明我上次飲都仲好地地，點解一叫新野就即刻變得難飲左？唉... 下次都係行遠D幫襯第二間算啦。=(