COSY

營業中

休息中

今日去左太子金魚街買完龜糧同魚仔. 跟手搵下有咩好野食. 行左陣見到有間新開嘅越南小店.  又可以試下又順便支持下小店. 裝修簡潔, chill chill 地又幾有越南風. 佢地餐牌入面都幾多選擇, 午餐可以加小食. 小食都好多款, 仲要幾相宜. 泰式船粉 $62個湯底勁香甜,  ,牛丸彈牙, 牛肉軟淋, 炸豬皮香脆. 個粉都好滑份量仲要好多. 抵食. 香茅豬扒撈檬 $63 塊豬扒大到佔左隻碟一半面積都幾誇張. 炸得好香脆. 又厚身多汁. D檬粉都好多. 絲網春卷 (3條) -跟午餐加 $203條細細條嘅春卷, 即炸勁香脆 , 十分乾身,  配料都多, 扎肉碎粒, 都不錯的, 仲配著生菜及先家酸辣汁一齊食, 既惹味又有咁油膩。札肉米紙卷 (2件)   - 跟午餐加 $18 好清爽解膩，好似食緊salad 咁.  越南滴漏咖啡  — 咖啡豆好香，鍾意飲咖啡嘅值得一試。 龍眼冰  — 甜度適中 幾解膩 . 唔會死甜. 整體好食, 環境乾淨整潔, 大份抵食 !COSY 地址: 太子西洋菜南街196號地舖

呢間餐廳環境好好，又chill 又有格調，坐得好舒適闊落。再加上有一啲輕音樂，好正。呢度服務態度都好好。上菜速度亦都好理想。👍🏻二人套餐1）越式牙車快沙律蔬菜新鮮爽脆，酸酸甜甜好開胃。2）蒜香牛油雞翼大愛❤上枱時堅係香噴噴😀雞中翼大大隻好新鮮彈牙🤗。啖啖肉。真係好好食👍🏻3）牛油蒜香焗青口食材好高質。青口大隻鮮味。再配埋牛油香蒜☺好惹味😋，整體配合得好好😌係食到停唔到口嗰種👍🏻4）蕃茄蝦頭膏海鮮湯粉香噴噴熱辣辣。用新鮮蕃茄既湯底味濃，飲落亦都好舒服，再配兩隻大青口及海鮮。配料充足。好抵食🤗5）蔥油豬扒煎蛋飯呢個超驚喜👍🏻。份量十足，CP 高。熱辣辣香噴噴再加埋蔥油豬扒好正。齒頰留香。絕對一試難忘😋👍🏻👍🏻👍🏻。豬扒散件上。食得方便，超細心。6）越南滴漏咖啡咖啡豆好香。做得好好好專業👍🏻7）蜂蜜柚子梳打甜度適中。飲左一啖已經透心涼🤗以上嘅組合好精彩好豐富🤗食物質素高。食材好優質👍🏻 💁🏻‍♀唔單止賣相令人眼前一亮☘，而且仲好好味😋。好難得香港可以搵到一個咁舒服嘅聚腳地方，Menu仲有好多唔同嘅main course 選擇。好有特色。用心製作。所以我都極力推介❤

呢間位於太子西洋菜南街嘅越南餐廳, 門口以及內裡的裝潢都以為係西餐廳, 但餐牌係食越/泰菜的, 入面有好多菜式選擇, 無論主菜定小食都有好多款。而且我見同類餐廳之中價錢相對實惠。番茄蝦頭膏海鮮湯粉 - $60湯底由番茄同蝦頭熬成, 加埋蝦膏嘅咸香帶出成碗湯嘅鮮味, 但唔腥, 非常清甜。頭一啖會覺得唔太夠濃郁, 但慢慢食落去就會覺得啱啱好, 可以成碗飲曬! 檬粉爽滑, 條條分明。海鮮都唔差, 份量味道都唔錯, 有靑口、魷魚、蝦，所以都幾抵食。絲網春卷 (4條) - $42同坊間的餐廳比較, 呢度嘅絲網春卷較為細小的! 4條春卷, 剛剛炸起熱騰騰的, 十分脆口且乾身, 配料有些扎肉碎粒, 都不錯的, 仲配著生菜及先家酸辣汁一齊食, 既惹味又有咁油膩。惹味胡椒蝦 - $60係其他餐廳食嘅胡椒蝦一向都係辣的, 但呢度嘅胡椒蝦係好香口又好惹味的; 一碟有6隻炸到好香口而且好脆的中蝦, 脆到係由蝦頭到尾都可以全隻食哂。用咗大量原粒胡椒, 金蒜, 香蔥爆香炸好嘅蝦, 真係好惹味又香。咖哩脆皮牛腩配飯 - $98牛腩食得多, 但係脆皮牛腩就真係第一次見, 好新穎呀! 外脆內軟既牛腩, 加上越式咖哩汁,

朋友知道我喜歡食越南菜，帶我去位於太子COSY。鄰近地鐵站，交通方便。招牌咖哩脆皮牛腩飯 $98牛腩炸到脆皮可口，半肥瘦牛腩，肉質鮮嫩多汁。咖哩味道香濃，真係好好餸飯。免費送熱檸檬茶茶底香濃，檸檬新鮮，可以解膩。香茅豬扒煎蛋飯 $67豬扒的份量好多，而且肉好厚，食起來肉質爽滑，香茅味濃，蔥油味香，加埋半熟流心蛋，令飯更加香滑。越南滴漏咖啡（+$18）咖啡香氣濃郁，底層已有煉奶，攪拌後香口甘甜。牛油果軟殼蟹米紙卷 $80軟殼蟹新鮮炸起加埋煙韌米紙和蔬菜一齊食，口感清新健康。總結：店內裝修簡潔舒適，員工服務態度友善，QR code下單非常方便，餐牌都幾多選擇，品質唔錯，價錢都合理。📍COSY太子西洋菜南街196號地舖

餐廳播放著輕鬆的音樂,兩人叫了椰香雞湯河套餐及冬蔭公海鮮飯. 雞河令我喜出望外,味道不會過濃剛剛好, 冇想過雞胸肉咁軟滑, 河粉亦滑但淋咗少少, 有90.冬蔭公海鮮飯. 蝦及青口也新鮮、而且可以叫廚師調教辣到, 非常周到。味道唔錯好似西班牙cross意大利海鮮飯.而且埋單先知唔駛加一! 加埋都只係$160,性價比高!

太子出咗名多餐廳 但係想知咩餐廳唔中伏即係要一一試過 今日就去咗試呢間小店 越南餐廳 發現非常高質需要介紹大家去😋豬頸肉木瓜沙律🥗木瓜的清甜和微酸能夠平衡豬頸肉的油膩感呢個配搭非常和諧 非常適合夏季或熱天享用越南札肉法式三文治🥪扎肉三文治融合了越南和法國的風味 長法包外脆內軟 扎肉口感鮮嫩 配搭酸甜醬汁 簡直好食到停唔到口上等手切牛柳湯粉🍜首先湯底香氣四溢 湯粉更吸收了精華 配上等手切牛柳😋 食到連湯都飲哂巴蕉葉烤魚柳🐠魚肉吸收芭蕉葉的天然香氣 與魚肉相互融合 引人食慾 芭蕉葉的輕微燒烤使魚肉帶有淡淡的煙熏味 食落魚肉鮮嫩 魚柳部份更加唔使驚有魚骨 招牌泰式奶茶🫖冇得輸嘅泰式奶茶 茶香奶滑

小妹同豬知道太子店係較早前新開間清新越南料理「COSY」餐廳🍴當然要去幫襯啦😙餐廳以淺色簡約風格為主，環境讓人感覺好鬆弛好放鬆😍餐廳仲有不少唔同菜式，如：湯濛、咖喱、泰式船河、生牛肉湯河等….泰式船河🍜用料食材豐富，當中有牛丸，炸豬皮及牛肉😝湯底鮮味，每條河粉都掛滿湯汁，份量幾多，以牛丸以切一半黎呈現😋而牛肉亦做到半生牛肉上，客人自行整到熟牛肉🤭炸豬皮非常炸口😬招牌咖喱脆皮牛腩配飯🐂🍛由於脆皮牛腩即叫即做，製作需要點時間～脆皮牛腩份量不少，而且每嚿都炸至金黃色🤗 半肥瘦牛腩，口感不錯，牛肉味濃郁😏 咖喱🍛不算太辣，可接受，整體👍🏻牛油果軟殼蟹米紙卷🥑🌯小妹一見到牛油果🥑即刻發光🤩好想試吓咩口感🤪 煙韌既米紙包著不同既餡料，連埋脆炸軟殼蟹，簡直一流🤓 面頭亦有不少沙律醬😛不錯👌🏻餐廳環境光猛，讓客人感到乾淨衛生☺️上菜速度唔慢💨推薦！

Cosy．太子驚喜越南小店隱藏喺太子西洋菜南街嘅一間小店「Cosy」，細細間但絕對有驚喜，係一對夫妻開嘅料理店環境雖然簡單，但一坐低已經感覺到溫馨佢哋嘅招牌菜品都係泰國經典菜式，份量大味道足，性價比超高，成為唔少街坊心中嘅「隱世」泰國菜小店泰式冬陰功海鮮粉冬陰功湯係唔少人心目中嘅「comfort food」，呢度嘅泰式冬陰功海鮮粉完全冇令我失望！湯底包括了酸辣香，香茅味道夠濃唔會過辣又唔會太酸，飲落去係嗰種暖心暖胃嘅感覺入面啲海鮮彈牙爽口保留咗鮮甜，粉又夠彈牙，啖啖都係鮮味泰式豬頸肉泰式豬頸肉係我一早瞄準嘅，豬頸肉火喉掌握得啱啱好，帶焦香入口有微微嘅煙燻味，有嚼勁。配上醬汁嚟食，酸酸甜甜，有啲似酸辣汁，平衡到豬頸肉嘅油脂香，好食馬拉椰香雞撈檸一上枱就被呢個「馬拉椰香雞撈檸」嘅獨特香氣吸引馬拉雞好濃味香口，撈檸帶酸酸辣辣甜甜係一個幾新穎嘅組合雞肉勻椰香汁之後好惹味，啖啖食得出濃郁嘅椰香再加上越式醬汁嘅清新，感覺唔會太膩，反而啱啱好個雞肉份量超多，好抵食呀牛油炸雞翼雞翼炸得香脆，外層有輕輕嘅牛油香味道唔會太重，但好有層次外皮係薄薄脆脆嘅，咬落去有油香但唔覺膩雞肉入味又多汁，一口接一口完全停

泰式冬陰功海鮮燴飯呢碟燴飯做法用擺盤有啲似risotto，海鮮鮮甜足料，除左青口同蝦，飯中亦混入海鮮粒，味道酸辣夠味，每啖都食到冬蔭公嘅風味馬拉椰香雞湯粉河粉湯底香濃，椰香味十足，雞肉嫩滑唔柴，份量都唔少，配料仲有啲豆卜同芽菜，增加口感炭燒豬頸肉豬頸肉肉質咬落鮮嫩彈牙，加上濃濃的炭燒味，令人好開胃，調味得宜，唔會太鹹，非常惹味檸檬薏米水（凍）呢杯薏米水清涼爽口，薏米清香配上酸酸甜甜嘅檸檬，好適合炎夏消暑解渴越南滴漏咖啡（熱）越南滴漏咖啡香濃醇厚，配上少許煉奶，去除甘苦味，入口更為柔和📌COSY (太子)地址：太子西洋菜南街196號地舖🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐廳 #香港生活 #foodblogger #foodiegram #hongkong #太子 #文青 #冬陰功 #海鮮燴飯 #椰香雞湯粉 #豬頸肉 #薏米水 #滴漏咖啡 #

經過呢度見有間#COSY ,原來是食越南菜的餐廳，好耐冇食越南菜，剛好又有位，便進入開餐啦😙。COSY晚飯套餐包飲品，價錢都唔貴，最緊要食物有質素。COSY 酸辣牛肉湯粉，牛肉嘅肉質夠滑嫩，配料尚有爽彈牛丸同埋扎肉，湯底香濃酸酸地有點辣，令人十分之開胃，河粉亦都夠滑，連湯一併入口好正。泰式冬蔭功海鮮燴飯，有4隻青口加2隻大蝦，泰式又酸又辣的冬蔭公燴飯，飯充滿冬蔭公湯汁，香口美味，層次感豐富。鮮蝦米紙卷，外層煙韌好有咬口，包住了大蝦🍤，還有新鮮健康的蔬菜，紅蘿蔔🥕、青瓜🥒，點上酸酸的魚露就更正。

🔍之前喺長沙灣有留意呢間文青風越南餐廳🇻🇳依家於太子開咗新分店🆕, 地點方便📍鄰近旺角東站和始創中心🌟主打越南🇻🇳泰國🇹🇭菜式, 簡約文青風裝修🌱Weekend也有午市及茶市, 選擇種類多🥳🔸泰式燒牛柳沙律🥗 $78 6/10🐮燒牛柳約有7-8塊, 中間略帶粉嫩☑️青瓜, 紅蘿蔔絲, 車厘茄, 洋蔥, 清新開胃🔸越式綜合牛肉湯粉(午餐) $80 6/10🥢湯粉可選：河粉｜檬粉｜金邊粉☑️牛丸, 牛腩, 生熟牛肉片, 白蘿蔔▫️蘿蔔入味無渣🐮牛肉片上枱時仲係粉色的, 用熱湯浸熟😙🥣湯底清甜, 另可加青檸汁🍋, 增添風味🔸越南烤雞法式三文治(下午茶) $56 7/10🥖法包烘得好脆😍, 🐔烤雞扒(帶皮)嫩滑夾住蘿蔔絲🥕, 洋蔥, 青瓜, 生菜配微辣醬汁🌶️, 不錯😋~🔸蒜香油菜🥬 +$18 6/10🔸熱檸水(跟餐)🔸招牌泰式奶茶🥤 +$18

今日同屋企人帶咗姨甥仔去玩，就喺太子個邊順便醫埋肚先出發，附近都係茶餐廳多見到有間裝修文青嘅泰菜，同屋企人一齊入咗試下越南烤雞肉法式三文治$60法式三文治法包好脆，裏面夾咗蘿蔔、洋蔥、青瓜、生菜，再加一舊炭燒嘅烤雞肉，配上微辣嘅醬汁，幾好食香茅豬扒湯金邊粉$63豬扒炸過好香口，唔想食撈檬可以轉湯粉個湯底好清甜，小朋友都啱食泰式船粉$62泰式粉有牛丸牛肉等配料，河粉配濃郁嘅牛血湯吸汁力一流絲網春捲$20春捲用咗少少豬肉碎，炸完唔會太油膩燒豬頸肉$20燒豬豬頸肉略嫌乾身咗少少

-COSY🍽️-牛油雞翼雞翼勁大隻😂雖然牛油雞翼但食落唔會好油-越南春卷最愛越南炸春卷😍春卷好足料爆哂涵包埋生菜食好fresh😋-Cosy酸辣牛肉湯粉呢個酸辣湯勁好飲🥹除左牛肉仲有扎肉貢丸😋成碗湯清哂🤣-香辣娘惹雞撈濛呢個娘惹炸雞個味勁特別！有少少辣但未至於好辣既仲要佢雞係炸過卜卜脆😌辣既話食凍撈濛就可以中和反🤣-薄荷青檸梳打/斑斕椰汁冰斑斕椰汁🥥大推勁香斑斕味😍-🌟評分:🏅🏅🏅🏅🏅📍地址: 太子西洋菜南街196號地舖-#foodieluveat#foodisluveat_hk#foodieluveat_太子#foodieluveat_越南菜#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfoodbloggers #香港美食 #食在香港 #相機食先 #吃貨 #食好西 #越南菜 #太子 #pho #火車頭越南湯河 #旺角

越南菜1️⃣Cosy套餐上等手切牛柳湯粉,牛肉好嫩,重味,湯底清甜.蔥油豬扒煎蛋飯,豬扒好淋,有小小肥膏,配上蔥油餸飯一流.煎蛋係流心的.💰HKD$1522️⃣炭燒豬頸肉唔會燒到燶,豬頸肉唔係好肥,配上泰式酸甜醬.💰HKD$743️⃣蒜香牛油雞翼,外脆,多肉汁,好重蒜蓉味💰HKD$254️⃣蜂蜜柚子梳打,好多柚子醬,夠濃味💰HKD$185️⃣水蜜桃伯爵茶紅茶,清新,唔會好甜,幾解渴💰HKD$21

今日在旺角行街，經過一間裝潢文青餐廳，餐廳就近旺角地鐵站，主打文青既越南菜式。蕃茄蝦頭膏海鮮湯粉湯底配以蕃茄和蝦頭，整體感覺和諧而味道濃厚，海鮮有青口、八爪魚粒、魷魚和蝦肉等，層次感豐富，湯底酸甜香口將海鮮既鮮味更為特出。香茅豬扒撈檬豬扒帶有濃郁的香茅味，兩面都煎得少許焦香，整體肥瘦均勻，肉質鮮嫩，切成一塊塊，十分容易咀嚼。撈檬可以加魚露食用，魚露酸辣味恰到好處，材料豐富，有辣椒及蒜頭等，整體口感清新，推薦夏日炎炎食用。蒜香牛油雞翼牛油雞翼做得好好食。雞翼外層金黃香脆，又唔會燶。雞翼好入味，簡直想一試再試。Cosy春卷春卷旁放置了蘿蔔絲及生菜。可以以生菜包春卷方法食用，再加上魚露調味。又可以分開食用，春卷炸過更香口，餡料好多，有冬菇及豬肉等。越南滴漏咖啡咖啡滴漏裝置，放置在玻璃杯上，杯中已經備有奶及糖。望住一滴滴咖啡落下，過程非常療癒。龍眼冰淡淡既龍眼香味，清甜爽口。