Cow Bean (荃灣廣場) (已結業)

難得同屋企人出街，諗住搵間舒服d既餐廳坐下，見到門口好似幾靚又未食過所以即管試試星期六都有午餐美國西冷（加烏冬），原來都幾多野，有沙律薯條同湯，牛要左全熟（媽媽唔食得生），唔會太un，一口十分方便，但份量少左d加錢要左杯朱古力軟雪糕，朱古力好濃，雪糕好滑唔知道牛扒本身跟左薯條，早知唔叫，而且芝士太少，都食唔出芝士味妹妹點的，我覺得一般餐廳係自助形式，點完餐比個牌仔你，響就去攞餐，調味餐具水都係全自助

今日嚟到荃灣廣場..試一試呢間全新嘅Pokka Cafe!自從見到佢喺網上買廣告之後已經好想黎試喇。自小就已經好鍾意飲黑牛，依家香港仲有得飲嘅地方真係唔多。當然除咗要試佢黑牛之外，最重要嘅一定要試吓佢出名嘅龍蝦包啦。龍蝦包果然冇令我失望，大大個原隻龍蝦頭..裏面仲有好多龍蝦膏，真係好正㗎！不過個包都好大，食嘅時候就好難顧及儀態喇..食得有少少辛苦..因為真係一路食裏面啲餡就一路跌出嚟。除咗龍蝦包亦都試咗佢出名嘅紐西蘭牛柳粒，老實講都唔錯，但係我覺得價錢就有少少貴。

購物完一輪，想揾個地方食個tea歇一歇這裡空間大，有足夠位子叫左個青蘋果烤雞沙津份量好大，可以同友人share新鮮沙津菜青蘋果，配上十幾塊烤雞，配合酸甜醬 ，唔錯唔錯 ！

3/F Pokka Cafe closed down and opened Cow Bean on 1/F. The shop so much smaller than the previous one and food price is relatively cheaper than before. Not a lot of food options in the menu.Baked Pork Chop Rice - $78Pork is lean and juicy but the tomato sauce is so salty! $78 I can get better baked pork chop rice elsewhere.Scrambled Eggs, Beef and Fried Pawn with Curry Sauce - $78Pawns tasted like it was refried, the outer crumbs is so thick and hard. Eggs was smooth creamy texture and the fried

呢間店舖新開的分店位於荃灣廣場，今日冇食過午飯所以下午茶就來個豐富嘅一餐因為新開張嘅關係所以他們搞了一個優惠活動，叫一個扒餐送一杯雪糕咖啡，所以今日又點可以唔揀呢一間餐廳食飯呢？入到去店舖闊落我哋揀咗最近玻璃嘅座位坐熱辣辣新鮮炸嘅薯條呢度有成食兩碗飯咁多，所以食完好飽！付款處旁邊可以看到所有牛扒嘅種類和款式，我哋就點左呢個美國安格斯西冷牛扒200g試下呢個就係優惠活動送嘅雪糕咖啡！由於下午茶食得好飽，所以當晚沒有不需吃晚飯

初見Menu上食物種類不大吸引，價錢又相對高。但惰性起不願多走便留下。選了牛扒。先買票，安坐。食物有專人送上。環境尚可，以淺色木為主。 坐位大概50個，其中十多個座位於通道位置。餐包括湯、主菜和咖啡或茶。亦能以優惠價換特飲或加點小食。忌廉甘筍南瓜湯。味道不錯。牛扒已切開。肉會否變涼影響味道？ 沒這回事。除了方使方便食客，也能保留肉汁。調味恰當，肉質美味。味道比想像中好。這是特飲: 西班牙咖啡。雪糕好香雲呢拿味，咖啡無加糖漿。對於我，味道剛好。若 sugar baby 嫌淡的話，可自行加糖漿。

早排係FB 見到有條片話荃灣開左間新既西餐，有牛扒，有意粉又有漢堡，見到係用紙盒放食物，有種快餐感覺，但睇落食物質素好似都唔錯，所以決定去試下。去到見到價錢都唔平，牛肉既餐都要百幾蚊，同普通西餐廳嘅價錢差唔多。兩個人叫左一份晚餐（美國安格斯西冷）加$28 要左杯黑牛再加$10要兩隻芝味雞翼，同埋叫左個脆炸雞脾配薯條。呢到有人幫手按排座位，之後去收銀處落order, 之後有人送餐到位，呢個模式幾好。但食完我真係好失望，如果要用二百幾蚊黎食呢個質素既野就真係好唔值，牛扒叫左5成熟，但勁韌無咩牛味，薯條好林，差過快餐店既薯條，炸雞脾個皮係脆但無肉汁，好乾身。黑牛就成杯都係冰，冇咩可樂，上面嘅雪糕都係普通新地雪糕，一啲都唔值＄28。唯一好少少就係個雞翼，味道都唔錯。但呢間野食完一次就已經唔會想再想食第二次。

食個early dinner見cow bean 好似幾悠閒就衝左入去了門口見到有個steak 既專櫃，諗住冇得輸啦，點知....塊steak 變左碎上，大佬呀⋯⋯好似小食店賣相咁，但收緊餐廳價，如果賣相可以改善下就好，不過塊steak都冇咩牛味另外仲叫左個黑松露雞肉意粉，本身我expect既意粉係灰色...但個醬少到食唔出，如果要咁吝嗇不如唔好落黑松露三個字，會更加大體不過值得一讚既係煙三文魚沙拉，$48大大碟，呢味就冇得彈

荃灣廣場開左間新野：Cowbean。原來係Pokka Cafe旗下品牌～睇佢d餐牌最吸引我眼球嘅係佢d甜品！😍鍾意試新野嘅我梗係唔會放過任何一個試新野嘅機會啦！新舖新作風，無論裝穔定付款方法都與別不同！新舖裝修成田園風，舖內四周都是草的擺設，予人清新的感覺。座位設有戶外同戶內兩種選擇。想坐卡位，呢度恐怕會令你失望了。卡位數目不多，而且只設二人座。舖面雖不大，不過勝左環境休閒舒適，適合三五知己閒聊聚會。呢度採取先付錢，後用餐嘅付款方法。買野食先到收銀處比錢，然後只需要坐定定，就會有人捧餐直接送到你面前！嘩，呢種服務真係好窩心呀！比服務費都比得心甘情願呀！嗌左「煙三文魚草莓沙律」，d三文魚厚度唔似平時出面食沙律果d咁薄身，而係好似刺身嘅厚度再薄少少，啖啖肉。酸酸的草莓搭配微鹹嘅三文魚，將三文魚嘅鮮味帶出黎。生菜十分新鮮爽脆，搭配酸酸的沙律汁同吃，十分開胃。香濃牛肉咖喱配吉列忌廉薯餅蛋包飯。咖喱味濃，驚辣嘅朋友完全唔使擔心，事關佢唔會辣，係有咖喱香姐。牛肉燜得好腍，入口唔係好使點咬，牛同咖喱味簡直係絕配！蛋煎到好薄，有蛋香。忌廉薯餅一咬入口，嗯～好味！脆嘅外層，包住幼滑嘅忌廉，yummy!炸

新開張見到 Pokka cafe 就已經覺得唔會太差  ! 當然要試一試 !老實一句食物水平唔錯  , 環境各方面亦是可以 , 但服務差到 , 仲差會茶餐廳 自己買自己落order有個會響的牌俾我  !  但出餐連個餐都俾錯我, 仲要咩都唔識 , 餐具又無, 問員工又唔想答, (自助都可以答人嘢) ,  準備食就行過來拿番, 唉 No next Time 

新開張不久，pokka cafe品牌旗下，半自助餐廳，之前拎左coupon送雪糕飲品，今晩終於一試Set dinner不可以用coupon, 我地決定單點一個牛肩扒用coupon送雪糕西班牙咖啡，set dinner㨂左吉列大蝦漢堡焗飯，set 配上餐湯，餐飲雪糕咖啡好大杯，好吸引，一大個牛奶軟雪糕，又濃又滑～配埋有少少苦ge咖啡好夾吉列大蝦漢堡焗飯份量十足，熱辣辣，漢堡排大大塊，茄汁焗飯有d似焗朱，大蝦好大隻不過有點厚粉。portion好大，岩曬男士食牛肩扒配薯條，牛扒已切成粒粒上，七成剛剛好，不會過生，牛扒唔un又好香牛味，性價比高，pokka cafe食的話起碼貴一倍吧！

#Lucas小食家 又回荃灣啦，沒去一陣子，又有新餐廳了！ 這家乳牛作主題的餐廳，香港已是第三家分店了， 這一次試試假日下午茶，好好享受周日時光。 店內裝潢為日系北歐風，清新簡約， 我點了三個茶餐，分別加配了冷壓西柚汁和軟雪糕朱古力特飲！ 軟雪糕有濃厚牛奶味，而且十分幼滑，很像在日本嚐到的一樣。 雜菌三文魚墨西哥薄餅 薄薄脆脆，用料十足，感覺很Rich (滿足) 珍寶熱狗 熱狗有烘底，有不少配料 (沙律菜/蕃茄) ，配上長熱狗腸，十分有份量。 士多啤梨軟雪糕夾餅 好吃的東西要說多三次，軟雪糕很好吃！ 夾餅有蛋香，唯份量太少，小篇不夠飽呢

完sem同fd去咗呢間好早之前已經聽過嘅cafe 食dinner慶祝.去到嗰時門口已經拉咗條隊， 排咗十分鐘左右， 門口有張超大餐牌,可以一路排一路睇。入到去之後氣氛都唔錯， 位與位之間雖然坐得近但係都幾舒服。叫餐係要自己去櫃抬，叫完之後畀個牌仔你，響就再出去攞。 服務就一般啦。每人叫咗一個精選餐, 之後再跟咗兩個跟餐小食, 一個芝士薯條同一杯草莓新地.1. 安格斯肥牛 配意粉(/飯)$148意粉 : 味道唔錯, 意粉本身有個汁， 唔知係咩汁但超好味， 不過醬汁有啲啲少唔夠撈曬成個意粉， 而意粉都係彈牙嘅👍餐湯 : 番茄xx湯， 結結地， 都係好味👍配菜 : 本身唔知會有薯條， 仲傻豬仔另外加錢買咗一兜， 不過薯條覺得略為硬咗啲，冇想像中好味。 沙律正路冇咩特別。安格斯牛肉 : 叫咗七成熟（失策）， 老咗少少有少少硬， 下次都係叫反五成熟算數， 不過都食得出牛肉唔錯。汁 : 黑椒-味道正路普普通通 或 紅酒燒肉味- 小小帶酸都幾好味👍跟餐飲品 : 1. 凍檸茶 - 普普通通自己落糖漿, 味道還可以2. 朱古力軟雪糕特飲+28, 味道一般跟餐小食1: 炸天婦羅+14( 2隻), 暖暖哋都

昨天八號風球下還是外出晚餐了餐廳人還是好多😳😳😳一口牛柳餐$138牛柳質素還可以啦，餐湯蕃茄湯好味😍 意粉加上醬汁有點像我最愛的日式炒麵，不過要趁熱食 唔係鐵板餐凍左一舊舊。煙三文魚草莓沙津$48三文魚好厚好大塊😍 草莓唔酸的但份量有點少。芒果新地$52雪糕就好味既 麥當勞質素😂下面係唔好食既蛋糕食物環境還可以，但員工服務質素足以令我俾負評其實我第一次黎唔會知係餐廳自助式既 (你送餐俾我架喎唔係food court自己拎) 問佢拎左兩次餐具就唔耐煩話其實哩度要自己拎，第一次問無人話我知係自己拎，而且餐具位置近出餐位。我唔介意自己拎但態度可以好少少。

Pokka Café 給人的感覺也是昂貴，但原來在荃灣廣場的 Cow Bean by Pokka Café 卻是走平價快餐路線。下午還有午市套餐呢，但我更想吃散點的食物。首先吃個沙律清清腸胃，煙三文魚草莓沙律 ($48) 挺特别。有士多啤梨在內的沙律，本來還擔心它的味道會很古怪，但原來更新鮮。醬汁酸酸的，加上士多啤梨的果甜果很清新和開胃。而三文魚也有好多件，很掋吃唷。名古屋雞翼 ($48) 原來是炸雞翼。新鮮即炸的雞翼炸得外皮香脆，內裡嫩滑鮮甜，十分 juicy。本來還有炸薯條為配菜，但我怕喉嚨痛，所以走薯條了。自家製羅勒醬蜆肉意粉 ($95) 雖然較特别，但意粉煮得過稔，所以口感不太好。而醬汁太稀太水狀了，如果稠身會更佳。蜆肉倒是不錯，夠肥美鮮甜，份量也不小。以自助形式的餐廳來説這個意粉也偏貴呢～冰滴凍焦糖咖啡 ($34) 竟是樽裝的。咖啡味道很香濃，雖然加了焦糖，但又不會覺得太甜太膩，不錯不錯。