Cow Bean (荃灣廣場) (已結業)

落大雨，咁啱經過荃灣廣場，一於食吓嘢避吓雨！一推開荃灣廣場門口，見到一間專食鐵板餐嘅餐廳，我朋友話佢食過呢個餐廳，但係喺將軍澳，佢話都ok好食，咁我哋就決定入咗去！入去前已經表明係2位，但兩位店員反應不大，咁我再講兩位，先至話《呢邊》！其實已經點幾，過咗最繁忙嘅lunch time啦！入面又唔算多人，我哋兩個對於佢嘅態度O咗嘴！坐低就睇餐牌，好快我哋就決定咗$78有200g嘅紐西蘭肉眼扒，跟餐加三十幾蚊四揀三呢伴菜，我同我朋友揀咗沙律,飲品同薯條，扒就揀咗黑椒汁！等緊嘢食嘅時候，發現張枱好黐立立，好污糟！疫情下都無好好注重清潔，呢樣要好好改善！餐到咗，先食沙律，都幾新鮮好味！不錯！再食吓薯條，凍加腍，唯有自己將薯條放落鐵板上整熱佢啦😅！賣相都好靚，配上一舊邪惡牛油，正呀！牛扒較為細，但都算厚！牛扒亦比我想像中較熟，七成熟左右，切落較硬，但咬落去嘅口感尚可接受啦！黑椒汁就無乜黑椒香味，但配啲粟米粒都算惹味啦！食完去到櫃檯買單，問佢幾多錢，佢就黑面話$238！咁我就俾張咭碌啦！最尾<多謝>都無聲，黑口黑面，我同我朋友覺得喺而家呢個環境吓你唔笑唔緊要，但至少講聲<多謝

今日突然心血來潮想食牛扒，見到依間唔係好多人排隊，又有牛扒食，所以試一試。我地揀左紐西蘭西冷及肉眼扒，亦加左$33叫左湯+薯條+凍檸茶。我覺得湯就越飲越鹹，牛扒味道一般，但薯條係幾好味嘅。最特別嘅地方就係牛扒一律4-5成熟鐵板上，透過鐵排調節熟度，認為熟度合適才加醬汁。總體而言，CP值一般。

今日到荃灣廣場買嘢，一入門口被這店吸引就入去試試，下午店內食客不多，好快入座，睇左陣餐牌就叫個算貴少少嘅美國肉眼扒，個扒賣相算幾好，但一入口完全冇乜牛肉味 失望…連另外加錢的白飯，可以硬到未熟晒咁果個所謂餐湯，難飲到先漿糊咁咁嘅質素，去茶記食個牛扒飯都唔洗一半價一定好過佢絕對冇下次～

疫情問題, 個個都係屋企食飯多, 商場, 食肆都比平日冷清, 希望疫情快D受到控制, 回復昔日香港啦~今日外出SHOPPING , 好好支持下香港先~SHOPPING 之後,當然要食醫肚啦~平日行經此店要排長龍, 所以都少食! 今日時間6:30 就到, 所以唔使等, 直入......爽!!一塊牛扒, +$33變套餐, 有A~ D  4款選3款, 因應自己喜好選擇... 塊扒當然唔可以叫好靚啦.. .. 但勝在平...

荃灣呢間餐廳晚市長期排滿人，不過冇得拎飛，要係門口等就有啲浪費時了。 如果唔係要等埋個朋友，可能就不會簡呢間餐廳了。夜晚六點去到，都等左40分鐘先入座。 叫左個澳洲肉眼200g 加33蚊再有3款野食。 簡左薯條，沙律同柚子蜜。個律扒黎到 快快手影完相就即刻切開燒熟入面。一定要快手呀， 唔係個鐵板好快就唔熱。 所以全程都食得幾急。同朋友都唔係好傾到計。 所以如果想同朋友傾下計，慢慢食既話 呢間就唔係好岩了。個扒百零蚊都抵食既，都食到牛味。

間cow bean真係愈黎愈垃圾初初開時好好食之後轉左鐵板開始就好難食之前用成萬蚊換左佢一張$100coupon諗住食點知都係咁難食仲要補多差唔多二百蚊明明勁多檯迫我地坐張勁細叫佢拍埋張檯又唔拍勁迫點食🙄個侍應又態度差應該唔會再食頭尾好似都食過四次得岩岩開時真心好食之後就勁難食

今晚約了朋友去這店吃飯我們晚上7點多半，前面有五個人在排隊過了10分左右就可以入座了，都算快看了餐單，最主要是吃牛扒和炒飯價格係70錢到159,如加套餐再加33塊可以有一個小吃和一杯飲料和熱湯我們叫了兩個餐，一個是西冷牛排，再加小食薯條，西冷牛扒是7成熟，我覺得這個熟悉度唔錯，肉質鮮嫩，而且多汁，真的不錯吃這個薯條雖然是小吃但分量不錯而且是粗身的熱辣辣，剛剛炸好的，非常香口，吃不停口另一個是鐵板三文魚炒飯，三文魚有兩大块包住米飯，再淋上咖哩，最後加上溫泉蛋，口味真的完美，米饭粒粒分明，有咬勁，一個吃光光這一家可以喔

今日一直期望想試荃灣嘅cow bean, 仲推緊澳洲M7和牛，排左一陣隊，就入座。興奮地叫左一客M7和牛及一客肉眼扒。當M7和牛到枱後，切開時，最恐怖嘅事情發生啦，好難切，發覺全場最貴嘅M7牛扒，竟然好難切，原來發現塊牛扒好多根，仲差過塊肉眼，最後食完吐出大量根及肥膏。最後埋單忍唔住，問下果無著製服嘅職員，佢話咁多根烹煮個時睇唔到，要果客食時才會發現，仲取巧話如果早發現話比佢知會同我換，簡直不是我想聽到的回應，絕對沒有下次，服務又差，失望×無限

食得多貴野銀包越黎越輕💸😭但又放唔低對牛扒嘅執念🤣🤣所以今日就黎開發一下堪稱窮人恩物嘅平價牛扒屋！平時呢間餐廳一到7點就會好多人係門口排隊，所以我特登早少少去食🥰成功避開人群，直接入去坐～最平嘅牛扒只要$76！超級抵！而且加$33就可以自選3款野食/野飲配做一個set! 好啱冇咩錢但又想食好啲食多啲野嘅人🥰今次我就試$86 嘅200g紐西蘭西冷牛扒💕再加$33 配意粉，湯同凍檸茶🤤同平時扒房可以自己揀temperature 唔同，職員會default三四成熟，因為佢係鐵板上，所以一路食佢會再熟啲～一上枱我就嘩一聲，超豐富！一百蚊多啲就可以食到真係好抵！是日餐湯係忌廉栗米湯，我一開始仲以為係罐頭湯🤣🤣點知一入口超creamy!!口感好豐富，每啖嘅湯都會fill 哂你個口，好滿足！而牛扒就有少少失望🙈雖然用鐵板上熱辣辣好好食，但唔知係咪因為餐廳冷氣開得大，好快就凍咗🤭而且牛扒比較多筋，到最後因為鐵板仲會變到好熟，食落就會減分。但牛扒上嘅牛油除咗美觀🤣仲幫牛扒調味，好好食！中途影嘅樣～牛扒仲係三分熟嘅時候整體黎講，Cow Bean 的確係窮人恩物💕但相對而言牛扒的質素就冇咁高。不過性價比的確

晚市排頭位 4缺一等入座明明好幾張吉枱 帶住的小朋友已經不耐煩 還要不能入座 不能邊點餐邊等稍遲10分鐘的朋友美國300g西冷牛扒 本身說4成熟 鐵板上枱已經7 8成熟切開一會九成、全熟拉 肉味一般食牛扒還有其他地方選擇完

牛扒一直都係我嘅最愛。見到一啲平價嘅牛扒餐廳都會忍唔住入去試下。我叫左紐西蘭西冷牛扒，冇加任何伴菜。佢嘅牛扒係用鐵板上，試過效果滿分。 一開始覺得好奇怪點解落單嘅時候佢冇問我幾成熟，原來係佢一上菜預設咗就係五成，而你就可以根據個人口味，喺鐵板上煎熟佢，將個責任外判賣畀你，以佢咁嘅價錢都可以接受嘅。西冷牛扒牛味都幾重，由於佢一開始就係五成熟，所以要快快手食哂佢，唔係就會好靭。而佢嘅配菜有大量嘅洋蔥同粟米，令到嗰餐冇咁油膩。我覺得幾抵食，唔使一百蚊食到一個質素ok嘅牛扒。

由於係荃灣工作既關係, 有時想食牛扒就會去呢間POKER CAFE 集團既COW BEAN 食牛扒, 而試過佢地果幾款牛扒, 始終鍾情佢地300g 既美國肉眼, 價錢唔係特別貴, 但水準好唔錯, 牛扒由鐵板上, 上時大概3成熟左右, 鐘意食熟D既朋友可以等熟D 先淋上醬汁, 我自己比較喜歡生D, 所以通常一拎出黎我就開始食, 牛扒牛味仍然好豐富, 亦都唔會太軔.  補充一下, 餐廳斟水係自助型式, 而且只提供暖水.

見呢間牛扒都開左一段時間，之前都好多人排隊，以為好好食，今次試完後大失所望！今晚見唔多人排隊就試下。牛扒有幾款選擇澳洲西冷/肉眼，紐西蘭西冷/肉眼同埋美國西冷/肉眼，本身想叫澳洲西冷，見佢都推介呢隻，但每次經過呢款牛扒都係售馨。今次叫左澳洲肉眼，配左沙律，湯同飲品。落單果陣明明落是日餐湯，埋單果陣發現佢幫我落左龍蝦湯+$13，有少少無奈...個龍蝦湯好腥飲品叫左熱柚子蜜，罐裝飲品無誠意，太甜，飲完喉嚨唔舒服到主菜牛扒，好多肥膏又冇牛味，食到中段鐵板已經凍晒埋單計埋加一大約$160，絕對唔抵食，唔會有下次

We just moved to Tsuen Wan and realised this new place always have a line. Since we are off today and there’s no line, we decided to give it a try. There are several steaks you can choose from. Origin: New Zealand, Australia and US. Part: Rib eye or Sirloin. Size available: 200g and 300g. You can also add around $30 to get : fries, a drink, a salad or soup. We added fries, drink and a salad. We both picked the Australia rip eye 200g ($89). Waiter reminded us it will be raw first and then they wi

男朋友生日，佢話要去据扒，咁就search下有咩食，見到Cow Bean評價唔錯，試下先！牛扒冇欺場，大大塊之如，牛味好出，我比較鍾意食和牛，鍾意佢個種獨有嘅牛味，男朋友仔話美國牛好食d，夠口感wor~上枱嘅時候全部都係用鐵板，所以廚房只係會煮到3成左右，怕生嘅話，就要自己係鐵板度燒多陣300g都只係$159，抵食！配埋套餐仲抵！加$29就可以有埋飯、沙律/湯、飲品，加起黎都$190，同區要坐得舒舒服服嘅，都唔止呢個價！不過舖面唔大，又冇得訂枱，想食就要早d去排隊啦！