Cyprium Cafe

營業中

休息中

食物質素比餐廳外面的餐牌優勝，近期難得好食，價錢合理而且上食物時有跟西式晚餐次序。終於有一間唔係食裝修，食舖租，食精美餐牌；回歸有水準餐飲服務，有質素食物，有心機煮和安排的餐廳。熱而好味的黑芝麻餐包和葱蒜香餐包😍😍，足料菜湯不過頗咸😢，超水準和充足份量的沙律，好食的意大利飯👍，更加好食既肉醬意粉😋😋，好有心機煮得好好又質素幾好的7成和6成的安格斯牛扒和正配菜💕😍👏👏，即磨咖啡配好好味的蛋糕，我們有幸食哂四款是日蛋糕，最正係朱古力味👍👍👍👍，柚子味都好清香👍👍👍，意大利芝士蛋糕都好食👍👍👍，咖啡蛋糕就普通D👍👍兩人餐價錢分量充足款式算多，每人$200，已經餐包，頭盆，湯，主菜，餐飲，甜品。除了湯較咸之外，其他很有水準，我們必會重來。

早前男同事FCP話搵日一齊食飯,我就叫埋女同事ES同男事RL,約o左o係9-11-2018( Fri)食,我o地揀o黎呢間,早啲o黎到冇乜 人,坐低後睇menu, set lunch都幾多選擇,最後不約而同地,男o既要$88.00 C餐,黑松露鮮蝦炒飯,女o既要$88.00 E餐,泰式燒豚肉扒配紅酒野菌汁,要意粉.套餐有餐湯,沙律,甜品同餐茶.落完單,等o左幾耐吓,兩個黑松露鮮蝦炒飯到o黎,再等一輪,兩個泰式燒豚肉扒配紅酒野菌汁意粉至到.除o左因餐飲未叫外,所有o野食同餐具都一次過擺上托盤送上,唔怪得有同事話呢o度似食飛機餐.湯係冇得揀o既羅宋湯,酸甜度適中,重有薯仔o係入面;沙律係沙律菜,都算新鮮,但太多醋.食泰式燒豚肉扒配紅酒野菌汁意粉,落單時都問問侍應呢個辣唔辣?佢答唔辣.所謂泰式燒豚肉扒,原來唔係指味道係泰式,而係燒法係泰式,豚肉扒係燒到有脆口o既感覺,口感適中唔太腍, 紅酒野菌汁味道正常,意粉唔係正宗中間硬o個隻,又唔會太腍,不過嫌啲汁唔夠,令我要乾哽.而甜品呢,看似朱古力mousse蛋糕,但又唔係,似係咖啡,但又唔似.最後叫餐飲,要三杯凍奶茶,一杯凍檸茶.落o左單好耐都未有

之前經過過呢間，睇落好似唔錯，都係cafe果類，今次就去試試！叫左一個set，包salad、soup同埋精選甜品，個湯加錢轉左黑松露既湯，唔錯！salad正正常常，啲菜都ok fresh。甜品可能自己唔太鍾意食啲type既，覺得一般。個意粉幾重芝士味，賣相同食落都唔錯。食完成個set都幾飽，唔貴都叫抵食。而且環境都唔錯，唔會趕人走同埋都叫靜。遺憾既係冇叫杯咖啡試試，下次再黎try try佢，希望有驚喜

今日lunch叫左個北京填鴨naan，本身都有少少期待。點知黎到完全唔對版，根本係煙鴨胸酥皮底pizza，就連海鮮醬都冇。咁叫個侍應埋黎問下係咪上錯菜啦，點知佢話北京填鴨只係個名，其實係西式做法，就我當場呆L左。我好欣賞佢咁都夠膽講出口。難怪後上果份羊架完全冇羊味，我相信羊架都只係稱呼黎。隔離台食客都話中伏，叫左份牛扒好難食，連大家樂都做得好過佢。我好後悔冇鬧人，冇叫佢商品說明，我為自己只係一個冇guts既香港人而悲哀。

沙田石門站食肆立林，今天就隨意選了京瑞廣場一樓的Cyprium Cafe。餐廳樓底頗高，整體環境給人感覺舒適。午餐選擇也頗多，我選擇了黑松露汁燴鮮蝦扁意粉（$78），而女友就揀選了蒜香野菌天使麵（$68），套餐包括了沙律、湯、甜品和飲品。餐湯與沙律味道一般，但相對意粉味道不錯，意粉咬落有口感，黑松露味也香濃，甜品是一件細細的藍苺芝士蛋糕，飲品可以加$8轉為Cappuccino，因未曾光顧此餐廳，還是選擇跟餐的熱咖啡吧了。可能在沒有要求下，咖啡竟帶來驚喜，不是一般低質素的咖啡，反之是較香滑味濃，與芝士蛋糕是一個好配搭。唯一較失色是友人的野菌天使麵，天使麵質感太腍，加上野菌又太乾，味道真的好一般。

節假日的石門站因為京瑞廣場的餐廳众多也增加了不少人流。見這家餐廳還有空住，就行入去試吓。套餐組合有湯、沙律同餐飲，價格由68至88不等。一早打算食天使麵，見咁啱有套餐，便點咗個來食，餐飲當然要試熱咖啡。等上菜的時候，環顧了一下四週的環境，装修簡單大方，座位闊落舒適⋯⋯好快上咗咖啡，雖然烘培豆的香味唔足，但加奶後咖啡並無苦結味，唔使落糖，都算唔錯。天使麵賣相ok，不過口味太淡。餐湯唔够濃，沙律份量唔多，蔬菜雖唔係貴價貨，但都十分新鮮。另點咗一份鵝肝麵包，法包外脆內軟，鵝肝亦幾腍，不過份量唔大。4個人4個餐，一共440蚊，尚算合理。

近近地，不想去太遠，也不怕沒有位置，所以到石門覓食。看著這間cafe的設計，也是花心思的，也有位置，所以進去試試。食客不算多，我們叫了二人餐，包括了餐湯，前菜，一樣主菜，加飯/麵食，加甜品及餐飲。餐湯是南瓜湯，不濃，稍淡。前菜叫了大蝦沙律，大蝦蠻好吃的。主菜叫了西冷牛扒，7成熟，外貌吸引，不過肉質稍難咬開。另外叫了三文魚牛油果炒飯，這道炒飯飯就是把三種材料炒在一起，有點像家庭式炒飯呢，似乎跟想像有點不一樣。甜品反而有驚喜，小芝士餅及柚子蛋糕，前者味濃，後者清香。如果途經附近，想要好好坐下跟朋友聊天，也是可以試試的。

Looks like I am about to let myself somewhere nice to have dinner after a long day work. I wandered around this mall with my hubby and seeing through from the glass of Cyprium cafe it seem very chill and stylish. We immediately hop in.Provençal lamb rack I was stunned at the moment the waiter presented this dish. our eyes were wide open as we didn’t expect less than three hundred HKd can get us such big rack. The outer layer is bit crispy and the taste of spices hit the tongue as the first impre

專程去到石門試吓一間西餐廳叫做Cyprium。好彩啱啱好唔駛等位，入面即刻有位。餐廳環境優雅舒適，更富有卡位位置選擇。套餐中有六款選擇，當中包括沙律或者餐湯，如果同時想享用兩款，只需要加$30。隨即店員就俾咗一份餐包同埋餐湯，湯入面有好多蝦肉，肉質爽口，湯味道非常濃郁。我哋揀選左燒士多啤梨豬肋骨套餐，賣相非常吸引，當中包括薯仔、西蘭花同埋椰菜等等，切落去肉質軟熟，士多啤梨醬汁鋪滿豬肉，而且豬肉同肋骨分明，肉質都比較多。套餐中包含一杯飲品，我就揀選左熱朱古力，表面拉花拉得好靚，仲有朱古力粉添，飲落去朱古力味道非常香滑，而且好濃郁。最後埋單只係$390，就可以食到非常好飽肚，位於石門屬於價錢合理嘅西餐廳。

尋日同同事放工經過石門試左呢一間cafe。我哋兩個分別叫咗set dinner入面嘅燒士多啤梨豬肋骨同半隻芝士焗龍蝦配意大利飯。前菜可以揀餐湯或者沙律，又或者加＄20兩樣要晒。首先黎嘅係麵包配餐湯，麵包好鬆軟，配上濃郁嘅餐湯簡直係絕配。再黎的就係個沙律，沙律份量好多，而且食完非常開胃。到主菜上龍蝦焗意大利飯，龍蝦都算大隻，配埋個白汁芝士意大利飯非常好味。另一樣主菜係燒豬肋骨，配上士多啤梨醬配搭新奇，值得一試。最後我哋加咗＄8 轉咖啡，大大杯好抵飲。最後埋單唔使＄400，價錢合理，值得推介。

自從轉換左新的工作計劃後，每星期總有一日到沙田工作。每一次去到人生路不熟的地方，都要費煞心思搵食。暫時來講，附近最多嘢食的莫過於石門的瑞京廣場。今次來到一間頗為清新的Cafe，顏色格調都令人覺得好舒服。點菜後店員馬上送上餐包，有兩種款式而且熱辣辣，幾值得一讚。大肚婆好鍾意食魚，特別係有營養的魚，三文魚就係最佳選擇。輕煎的三文魚表皮脆脆的，而且配上特製的香草醬汁，感覺豐盈得來又清新，魚油味道又夠濃郁。輕鬆切開，可以見到一絲絲分明的魚肉，質感都幾軟滑。朋友仔就點左一款羊架，表面有不同的香料，質感同味道都非常之有層次。份量更加係非常值得欣賞，一客羊架竟然有七支骨，係其他西餐廳的足足一倍。朋友仔話味道唔錯，但由於佢叫咗五成熟，我只係淺嘗左一口。整體環境同食物質素都不錯的西餐廳，在新界區就顯得更為矜貴。而且價錢亦唔貴，值得一試。

餐包, 叫一個套餐就會有, 可以補返主菜份量既不足.首先我地叫左個小食, 試下呢到既黑松露醬好5好食先,味道上係正常既grading 既黑松露, 味道算係濃既,薯角中心都係十分鬆軟.雜菌湯,份量唔算多, 味道有落足料,  因份量不算多,所以唔會飲到好飽肚, 可以有足夠既空間食埋主菜係做得十分之好的.牛扒黎講中上, 肉質肉味比較重, 汁另上, 可以隨時俾客人點黎食,或有d客人中意食原本既肉汁既人,可以唔點黎食, 汁另上也是做得相當好的,不過以餐黎講,只有一件小薯仔, 就有機會唔夠飽, 尤其對於男仔黎講.所以係量方面可能差緊d.意粉軟硬度不錯, or 正常, 汁有小小水, 唔夠痴,但d汁既味道濃度都十分足夠, 如果可以痴多小小麵到會更好食.

在星期六早上, 是非常難找一個很小人的餐廳用膳。這裏的環境非常舒服。空間感很足夠...環境不太嘈吵..青咖喱辣度適中😋葡汁咖喱味道可以👍🏻冷麵爽口又夠凍南瓜忌廉湯十分美味🤗小朋友的用着非常好、份量很足夠唯一就是只有午餐餐牌、沒有其他食物😓

黎到石門搵朋友食飯, 原來新既餐廳已經開到成行成市, 今日就揀左間西餐廳, 下次又再試下其他先set lunch 都有幾樣選擇,  就一人點一款啦. set 上得好快, 應該一早整好, 所以有少少唔夠熱, 湯都仲算可以既日式咖哩味就唔係好夠, 加上溫度關係, :<朋友話魚就正正常常, 冇失望亦冇驚喜價錢黎講其實唔算貴, 不過如果要長做長有, 都要留意下唔好變左工廠製作模式, 尤其SET LUNCH食物既溫度

兩人晚餐點了一份豬肋骨及一份西冷。環境：舒適寬敞（沒有太多客人）價錢：略貴味道：餐湯很淡，麵包不錯，豬肋骨有豬腥味，西冷好韌，餐飲朱古力不夠濃服務：部份員工態度相當奇怪，一遇客人求助時態度會立即轉差（原本還算有禮），例如取用餐牌或請求結賬時甚明顯🤷‍♀️。推餐車明顯撞到客人椅背都沒有基本禮貌反應，反差極大好難觸摸🤨總結：價比性低，可以不試。