DAMUN韓國料理 (已結業)

銅鑼灣食晏想坐得舒舒服服傾下計，又唔想飲茶咁悶，呢度係一個幾好選擇，坐得唔迫，食物質素亦喜出望外 午餐幾十蚊，包湯，泡菜，前菜三款，主菜同埋甜品，有十幾款揀，幾抵食。湯係正宗韓國海帶湯，好夠味，而泡菜同前菜都係每日新鮮自家製，仲有得refill，正呀！我叫咗泡菜炒豬肉飯，唔太辣，豬肉好入味，十分醒胃！我同事就叫了全洲辣卷拼吞拿魚沙律紫菜卷，都幾多件，份量十足，睇住韓國廚師即叫即包好新鮮，我都每款試咗件，味道好兼有特色，唔似平時食開的紫菜卷 餐後奉送甜品，係韓國傳統玉桂味糖水，玉桂好香，又唔太甜。食完呢餐完全感受到韓國人用心炮製的每一道菜，絕不馬虎，我們都決定會再來捧場支持！

同女友去完韓國返來好想encore醬油蟹，之前見雜誌介紹過就拉隊來試試！一入來見到門口同裡面酒吧放咗好多不同的韓國酒，唔係平時見慣見熟的燒酒，心想有啲料到 大家七嘴八舌討論點咩菜之際，侍應送上泡菜同三款前菜非常好味，連平時唔食泡菜的朋友都忍唔住食完一啖又一啖，泡菜食落好新鮮，爽口的，好可惜只限堂食 主菜當然係醬蟹啦，呢度有個拼盤包埋醬蝦同鮑魚，menu上寫明海鮮韓國的來源，食落又真係好新鮮，同我喺韓國食的冇大分別，讚 見到個韓國廚喺吧度煎下煎下，當然要叫個雜錦煎餅大家爭下，好特別，香港好少有韓國餐廳有咁多款煎餅，見唔夠喉就另外叫咗份鮮蠔煎餅，蠔係韓國蠔，好鮮甜 當然要叫返啲肉來滿足在座幾位食肉獸，烤牛肋骨夠肉汁好易𡁻；炆泡菜五花腩成煲滾住上超入味，五花腩一層層肥瘦隔住好有咬口；個炸人蔘甘甘脆脆幾過癮，送酒一流 今次試了白米酒、特級燒酒同韓國啤酒，支米酒好易入口，少少似乳酪飲品，同枱女士爭住飲；支燒酒有成22度，但飲落好清醇，話係用安東市的水釀製 唔飲酒的就叫了蕃茄同奇異果特飲，睇住用成個生果新鮮搾，佢地話好好味！食完仲有韓式糖水

今日六個女仔去試新開的韓店， 充滿驚喜， 先來前菜， 泡菜好好味， 個醬汁唔辣味道十足， 唔會雪藏怪味， 問問店員， 原來每日新鮮準備， 難怪食到停唔到， 然後海鮮併盤， 醬蟹醬蝦， 生牛肉好入味， 再來煎餅併盤， 蛋醬剛剛包全食材， 唔會乾晒， 保持juicy, 正！ 最驚喜的是炸雞原隻炸起， 然後再斬件上， 鬆化到暈， 而家想起都口水流， 成個high tea 架上的紫菜卷又是好夠體面， 好食， 再叫一客牛肋骨， 嘩， 好林又有牛味， 海外仲有海鮮炒年糕， 海鮮料足， 果隻醬好好味，然後， 店員話生蠔今日剛到港， 又食， 六個女仔食得咁多，真過份， 今日試晚市， 朋友話lunch set都好正， 一定再來

honey聖誕節睇新假期介紹呢間野食韓國宮廷菜好似好吸引咁openrice又冇bad comment,加上佢好想係香港食醬油蟹，見佢Xmas 都冇特別加價所以就平安夜book左呢間一入門口得一台客已經有d驚well~間餐廳係裝修得唔錯幾有情調 menu好吸引影得 可惜食物就真係令人大失所望 = = 我地order左醬油蟹，泡菜煎餅，韓國卷set 首先佢既前菜，係唯一可以一讚 泡菜encore左1次，男朋友話好好食 醬油蟹-小妹我第一次食醬油蟹，純粹男朋友好想試，我地order左2隻，男朋友係韓國食過，佢話完全冇得比，隻蟹冇膏都算啦，最大既問題係好唔新鮮d肉有d"梅"，食到一半都唔夠膽再食落去，男朋友食完個肚仲有d唔舒服tim😑😑😑 呢個好似high tea set既韓國卷真係好嬲，完全係overprice,冇記錯既話佢係$15x,貴都算啦，d卷係冇咩味既，都係搵d青瓜蔬菜黎整冇特別冇調味，唯一食得落口既只有底層既午餐肉卷，150蚊我寧願食3條kroll冇咁嬲😡😡😡 泡菜煎餅-味道普通，有d oily....again overpric

我哋呢班無酒不歡嘅朋友今次試新搞作，見早排雜誌話呢間韓國餐廳有好多款韓國特色酒，就即管嚟試試佢！一坐低就叫咗支新返嘅五味子米酒，一入口的確好清甜，又易入口，冇介紹錯👍 有酒飲都要食返d嘢醫肚，送酒一流嘅煎餅，原來可以有咁多款 烤牛肋骨、五花腩都好入味，肉仲keep到好juicy，值得一讚 隻炸雞同平時食開唔一樣，成隻上，又唔油膩，又一餸酒好拍檔 酒當然要唔俾佢停！叫咗清酒同樣清甜，黃梅酒有d似日本梅酒但就更香，個樽好靚嗰支係傳統酒，都幾高酒精含量，飲落好醇，又另一番風味 仲有其他好似南瓜炆牛肋骨咁，南瓜好甜，上面仲放兩隻韓國鮑魚堅正 其他湯煲同人蔘雞湯都好足料，我哋會再返嚟encore同埋再試佢其他酒

今次我地10位靚靚 想食有水凖有質素的韓國料理，但又唔想食韓燒咁熱氣兼搞到成身味，就諗起呢度，今次仲book咗VIP房坐得舒服又可以大聲傾計好爽！ 一坐低朋友就急不及待叫咗醬蝦，雜錦煎餅，招牌紫菜卷同米酒，不得不提就係呢度啲前菜係每日新鮮自家掣，眨吓眼就清晒，好彩有得refill。 食完冷盤同小食，主菜當然唔少得韓式原隻炸雞，皮脆肉嫰，配埋酸酸地的紅色蘿白好醒胃 ，跟全理再嚟個烤牛助骨同烤人蔘漢堡扒，好juicy呀！ 有朋友鍾恴食豬手，點咗個炆豬手配特色泡菜，原來有3種食法，老闆教我地可以夾泡菜，點紅色麵豉醬句生菜，或者點隻酸酸地嘅汁食，又學到嘢 另外值得推介嘅仲有芝士薯仔烤牛肉奄烈，好多芝士可以拉到絲，我地好like呀！！ 鍾意芝士嘅必試！最後仲叫咗個招牌湯麵濕吓口先夠喉，入面嘅自家掣餃子同韓式魚蛋串都好正，不過我地咁多人當然唔夠分 整體來講環境食物都好滿意，上菜都好快，一大班人有間房寧舍開心，唯一可以改善嘅就係樓面可以多D人手，可能係平日啦～～～

今次有備而來，七個胃可以試多D新野，點知？......要搶架！三五知己香口野唔小得，先來雜錦煎餅淡淡地加少少醬汁好味D。再黎紫菜卷味道跟壽司不同，沒有醋酸嘅飯味而內裡嘅肉係醃製過&熟的，加上前菜一起卷埋味道不錯值得欣賞。醬油蟹梗係唔少得啦，人多左所以叫個雜錦醬油海鮮，蟹不用多講-正,但不過小弟唔夠其他人筷子長，只能搶到隻蝦但估唔到口感比蟹好&D味好出，重唔駛損咀mok殼添-讚讚，食左鮑魚(只得兩隻)嘅兩位人兄嘅反應不錯，彈牙亦容易咬&估唔到入哂醬油味。其貌不揚嘅海鮮湯-好味好重海鮮味(好彩重分到隻青口),湯清而不濃冇蓋過海鮮味道，飲到最後重有少少辣辣感覺原來加左D黑胡椒粒。期待已久嘅原隻韓式炸雞，當我想夾時已經所淨無幾，雞皮沒有厚厚嘅漿皮簿薄但脆脆的，而雞肉係估唔到的滑冇血重juicy的。之後幾碟野食燒牛肋骨(上次已經提過仍保持水準)，石碢芝士飯好特別因為冇試過食咁熱嘅飯上面加上芝士，炒年糕雖然橙橙嘅辣汁蓋過哂年糕&肉片&菜，不過混埋一齊真係幾香口好味，可惜的我一概冇影，因為D野食好味到要搶架

新野當然要試, 好野更要同人分享!其實都係係樓下芸芸傳單姐姐中見到有個貌似韓國人的四眼哥哥(佢真係韓國人! 上到去坐低食野無啦啦又見到佢上左黎係bar table 後面變身做左chef).見到傳單上的相超吸引兼且新開又唔似其他韓國餐廳得炸雞或燒肉, 所以就上左去.原來開左只係一個禮拜到,上到去裝修用了深色環境舒服. menu 做得好靚, 有高貴的感覺但其實價錢真係唔係貴, 以佢的食物質素來說. 我同3個朋友去, 叫左:- 柚子汁生牛肉(好refreshing! )- 炸人參(冇見過其他韓國餐廳有, 味道甘甘地但唔苦, 加埋點佢個豉油吃, 又幾好味喎 )- 豆腐海鮮大醬湯(我本身唔食辣, 朋友們想吃而叫, 我吃了少少only, 覺得有d辣不過都係唔好以我為準, 我係食wasabi都覺得辣的果d人...只能説湯料很足, 好大隻蝦 )- 芝士薯仔牛肉粟米片omelette (真心好味! 必試! )- 紫菜巻kimbab (超多料, 好香 )- 牛肉牛油拌飯bibibab(平時用辣椒醬拌的我都因為辣而吃不了..但這個用牛油拌,我吃到之餘而且味很香 )- 雜錦韓式煎餅(一次過試齊佢禁多款煎餅而

今日朋友生日，見有新韓國店兼俾大廈外面張醬油海鮮combo海報吸引住，大家就提議嚟試下！一坐低即叫咗個醬油海鮮combo，餐牌寫明用料喺韓國邊度原產地，加上味道同我上次去韓國食差不多，除咗蟹仲可以試埋蝦同鮑魚，食生鮑魚都係第一次，質地爽爽的，絕對係新鮮好味，六百幾蚊價錢亦算合理之後叫咗另一個招牌菜，雜錦煎餅，廚師喺open kitchen即叫即煎，等時已聞到好香，食時熱辣辣加上細細件又多款式，唔似平時一叫就一大塊，唔會好油膩，一班朋友share食大讚韓國老闆教我哋配支冇防腐劑兼要出廠後30日內飲用的特色米酒真係絕配👍我哋一行6人仲叫咗好多嘢，韓國鮮蠔雜雜石頭飯，用韓國蠔放上面一齊撈嚟食，好鮮甜。仲有一款我自己好鍾意嘅係辣雞煲，唔算好辣，好入味，仲有d薯仔蘿蔔等配料都炆到林晒。😋😋其他好似滑豆腐海鮮湯，芝士炸飯團等等都好好味好正宗，人多可叫嚟share食👏👏

本身鍾愛韓國文化，時常周圍試食唔同韓國餐廳，呢間餐廳係第一間餐廳我覺得值得介紹，可以算係最值得光顧，最抵食，甚至係可以時常同朋友歡聚嘅好去處！食物種類多元化，而且菜單設計好有心思，一般韓國餐廳有嘅佢有，仲要有埋驚喜菜式畀客人選擇，例如：少見嘅韓國酒，特色菜式好似炸人蔘同bite size 煎餅。餐廳格局stylish企理，環境舒服，喺同friend飲酒吹水嘅好選擇。

朋友生日, 想食韓國野, 咁啱見到派傳單有間新開張, 於是一行十人就去試吓.其實開頭唔知叫乜食好, 見到佢張傳單有寫人氣 1-10, 就是但選了些試試先嚟前菜, 唔錯, 朋友話好食 (本人唔食泡菜)跟住嚟個紫菜卷 (人氣 No.6), 唔錯然後就係人氣 no.1 既雜錦煎餅, 第一次食韓式燒餅, 真係堅好食. 感覺就似日式天婦羅+港式煎讓三寶既混合體. 再嚟韓式炒年糕, 比之前我喺另一啲舖頭食既冇咁辣, 可能我唔係好食得辣, 呢個辣度反宜啱我.然後就係醬油海鮮拼盤 (人氣 no.2), 因為我唔食生蟹, 所以只吃了鮑魚, 鮑魚好爽, 好好味. 朋友話啲醬油蝦同醬油蟹好似韓國食嗰啲咁好味.生牛肉配柚子汁, 友人話唔錯.跟住嚟既係古法炸雞 (人氣 no.4), 以為好似出面嗰啲一舊舊炸雞, 點知原來係成隻炸, 真係估佢唔到. 又係好食推介.最後四碟分別係蒸五花腩, 漢堡扒配韓國人參, 魚 (唔記得咗個名) 同埋 omelette.其實個 omelette 好好食 , 我覺得應該要上人氣十大 (但係唔知點解冇.)最後仲有甜品送. 正啊~~~

本人與太太對韓劇(講述一班人成日約埋分享美食)情有獨鍾，而且韓國菜對我們已經唔陌生，雖然週圍千遍一律什麼煱什麼烤，但我倆仍然比較鍾情傳統韓式美食。前幾日開始留意朋友推介的這一間韓國料理，本著期望不高而去試下，誰不知後悔了……後悔我們只得兩個人兩把口&兩個胃，所以有限地點想食的菜式。先來一味醬油蟹-醬油跟生蟹的味道六四開，彼此沒有搶奪大家的角色，只需要輕輕一吮，那種味道仍然回味到今日非筆墨能形容；再來一客醬烤牛肋骨，試完只可以用一個字來形容"嘩嘩嘩"好味到呢，醬汁不油不太咸，牛肋骨烤至骨肉分離，只可惜眼闊肚窄如果唔係再餸兩個白飯重得；最後海鮮荳腐煱，見眼紅卜卜的湯應該只有辣味，當上檯後我第一時間用鐵匙拂入口，噢估唔到尤魚蜆肉青口(連殼)魚肉&荳腐完全沒有被微辣的湯底蓋，反而令每樣材料更有層次！廚師控制食品食材火口有一手，配合上簡約裝修舒服的環境，非常滿意！我最喜歡的是從大門步進，兩傍用梳通木條造的平風分隔開一條路，加上射燈照著有如貓步感覺步入，朝著餐廳名字進發，但可能該店只開業個多星期而已，人手不足這點有待改進，不過我們一定會再去，因為……重有好多好野未試

今日午餐 ，lunch set $118小食泡菜(絕對係自家制味道 )三款前菜沙律(柚子汁勁香)好香濃嘅海帶湯揀左醬燒漢堡扒伴多款蔬菜招牌紫菜卷全部都好好味😋😋。服務非常貼心。呢間韓國餐廳的菜色好特別，睇餐牌有醬油蟹，韓國宮廷菜，韓式古法炸雞 (同啤酒係絕配)，喺香港好少搵到。餐牌列明食材由邊個韓國城市入口，聽店經理介紹食材搜羅全國，味度正宗。wine list 有50款酒，有啲我哋自己去韓國旅行都買唔到。會再去食晚飯，試更多菜色。

大滿足！用料新鮮, good presentation, 好有誠意，好多款係出面都未見過~ 去一次試唔哂，會再去。最愛什錦煎餅，古法炸雞（真係原隻上\^0^/）,醬油海鮮，蒸五花腩，牛油飯，仲有任食自家製kimchi!!