Dazzling Cafe (The ONE)

營業中

休息中

餐廳各樣大不如前，食物質素大大下降，意粉乾得不行，烏魚子粒會緊緊黏實在麵條上，是因為實在太乾了，我吃了幾口吃不下去了，而且價格很貴絕對不值；黃金時間星期六下午，在尖沙咀The One商場很多人逛逛，卻沒有人走進這間店，餐廳座位都是空空的，都可以預想到一定有點問題，想當年是要排上一兩個小時的。店員態度有欠禮貌和耐性，見到下面很多食許評，已經註明店員態度很差，是真的。難怪銅鑼灣店要結業。作為多年的支持者感到很失望，可惜都不能再來了。

首先，open rice 時間窩close 10:00pm , 當然餐廳門外寫住用餐時間90分鐘！四眼仔話8:45 last order 都算，當時8:35 入坐，8:48 已order咗部份嘢食，我都同其中一位四眼男仔講唔好意思比多2 分鐘我，我想睇睇仲有冇其他嘢食order ,佢即刻黑面回應你哋已經遲咗order喇！態度極差！我唔介意你同我講唔好意思！廚房要收，可能真係要快少少！我絕對明白同體諒！四眼仔話你哋而家已經遲咗order當時係遲咗3分鐘，我冇諗過一間以為佢高尚嘅Cafe 5分鐘嘅走盞都做唔到！我相信任何一間茶餐廳5分鐘內嘅酌情處理係絕對可以做得到！佢唔想做咪出聲囉，我都唔介意我最多唔食!最嬲係佢態度惡劣服務非常差！9:25 另一個女子同我哋講佢哋要close ! 當時我問佢乜你哋唔10:00 close ? 90 分鐘用餐是什麽意思？佢答我唔到！而本人亦絕對唔會坐到去10點！亦唔阻人收工！但冇諗過呢間餐廳入邊嘅人嘅服務態度衰過一間茶餐廳！完全劣評！管理層好有問題，怪不得皇室堡都要執笠！

下午兩點後走入餐廳，餐廳沒什么人，旁邊桌的人用餐走了，我們要求換過去，侍應竟然叫客人自己把杯子端過去，一杯水不是多重，而是餐廳既然收了服務費，就是這樣提供服務嗎？況且，我們才剛向侍應點完菜，杯子都沒碰過，如果怕不衛生，給我們換杯水也可以吧！這餐廳不會再去第二次

因為有夜繽紛優惠券嘅關係，所以喺六點之後入座，就算係晚市都唔需要排隊，可以即刻有位。叫咗個佛羅倫斯花枝干貝麵，味道唔錯，有好多海鮮配料同埋有兩大粒乾干貝。一份豬扒三文治，外層麵包烘到脆卜卜，夾住豬扒一齊食好好味。再叫咗一份松露薯條，但薯條唔夠熱，好似放咗好耐，一啲都唔脆。入座每人都要叫一杯嘢飲，仲夏熱帶水果茶、法式莓果歐蕾，黑旋風摩卡，嘢飲一直都好出色，唔會好服。總體嚟講，食物尚算保持到水準，但仍有可以加強嘅空間。

⭐️明太子意大利麵 $98賣相就係普通嘅意大利粉，食落幾Creamy同埋掛汁，味道都幾唔錯！⭐️草莓繽紛冰淇淋鬆餅$95打卡之選！呢個鬆餅上面有好多cream，配上士多啤梨醬，雪糕，楓糖漿，可以比客人自由配搭。呢點覺得做得幾好，有得玩有得食。同埋個waffle都幾脆，唔會係擺咗好耐淋晒嗰啲waffle! 呢點要讚吓另外有樣嘢覺得唔係咁好嘅，係落晒單之後店員先會同你講要嗌多兩杯嘢飲，喺舖頭規矩。個人覺得一早寫明會好啲🙌🏻 因為個服務員態度都比較唔友善。

話說銅鑼灣個間執左，心血來潮，諗住想再食下就去左尖沙咀呢間，當日唔算多人，唔使等位既，咁安排左入面坐，但係我地覺得冷氣唔夠，所以問可唔可以坐餐廳出面既位置，職員話可以啦，但係要我地自己拎返杯水，但係我地係一坐低就想轉枱，掂都冇掂過個杯，咁都算，之後坐出面，一張奇細既二人台，個職員又擺d餐具係隔離張枱，又唔係放我地坐低個度，之後我地以為可以拍埋隔離張枱啦，點知一拉張枱就走過黎話品得，但係一路企係度又唔講野都唔知做咩，咁既服務都要收加一，真係唔會再去。

近近地去食個Tea ~ 佢地最低消費係每人一杯野飲～ 由於我大肚關係想飲奶，就叫左杯「法式莓果歐蕾」問左侍應，佢話無得走冰，叫我飲熱， 但佢喱杯野係無熱、叫我嗌外個兩杯～ 一杯有茶一杯吾記得係咩，吾岩口味！甘我就話少冰吾該～ （最多黎到自己*畢*走d冰）點知黎到完全吾覺係少左冰（同行朋友一樣吾覺有幫我少左冰）即時同個位侍應講我話我叫左少冰，佢話少左嫁啦 少左都差唔多成杯冰！ 吾少咪啜兩啖無左🥲食物不過不失，係個墨西哥起司薄餅比之前食濕左少少

On entry I m told the minimum order is one drink. I ordered a pasta and am told that I must order a drink. Their menu literally says minimum order is a drink. So I m forced to order a drink and a pasta. Then they come back and tell me they are sold out of the pasta and I will need to wait 20 minutes for them to make the order. Awful service, stupid policy that is either mistranslated, or understood wrongly by illiterate staff

好想食返榛果巧克力蜜糖吐司，all time favourite ，但係竟然無做…雖然其他都好食，但係呢個最好。幾乎每次都食：明太子義大利麵仲夏熱帶水果茶推介！另外 伯爵熱奶茶 係我另類最愛環境好好，稱之為我既canteen可惜皇室堡店結業

週末走到TheOne行街，時間嚟到下午茶就順便坐低食埋飯，帶位店員派咗個卡位畀我哋坐，座位都幾闊落。如果有得坐店外嘅座位，打卡影相嘅光線應該更加好睇🤭 我同女友都分別叫咗每人一個餐一杯飲品，都食得好飽，不過味道就稍為普通。暖心炸排骨鹵肉飯 - 98$ ⭐⭐⭐/⭐x5 推薦指數呢個餐絕對稱得上禾稈冚珍珠，意想不到係佢啲肉燥先係最好味，甜甜地配上滷肉帶有豬皮，豬嘅油脂，同白飯一齊食係停唔到口。相對地豬扒失色好多，炸得有啲嚡口，食到第二件都已經覺得有啲滯。順帶一提貓耳朵醃得好好味，食得出有小小酸同蒜頭芫茜香👍但係蛋花湯就真係蛋花湯，一般般。佛羅倫斯花枝干貝麵 - 108$ ⭐⭐⭐/⭐x5 推薦指數餐送到嘅時候，經過香草油嘅烹調，香味撲鼻，Nana已經流曬口水！花枝，干貝炒上意粉都相當入味，彈牙。但係如果唔鍾意食黑椒嘅朋友仔，呢碟意粉對你哋嚟講嘢可能有啲地獄，因為每一口都咬到黑椒碎，感覺上有啲似黑椒炒意粉多啲 🥹黑旋風摩卡 - 45$ ⭐⭐/⭐x5 推薦指數如果太多朱古力味，咖啡味會冇定企🫠 可惜可惜！草莓伯爵歐蕾 - 55$ ⭐⭐⭐⭐/⭐x5 推薦指數牛奶同伯爵茶好夠味，互相融合。草莓相對地

今日和好友午餐，發現這家餐廳打卡一流，若果可靠窗邊位置，景觀不錯。午餐有沙律、意粉、台式麵飯，套餐約$120，包飲品。沙律菜新鮮爽口。拿破崙大蝦意大利麵$140這大蝦意大利麵都幾有誠意，大蝦大大隻，有殼的，但肉質ok唔會酶，加上鮮美的蕃茄汁意粉，條條麵條都掛汁，沒有膩口的感覺，幾醒胃惹味。佛羅倫斯花枝乾貝麵$120這乾貝麵也不錯，帶子煎得軟滑嫩口，加上茹菜，乾貝麵是幼身柔軟帶少少爽滑感覺，醬汁不多，味道帶貝類的海鮮風味，幾ok.榛果拿鐵+$10這榛果拿鐵十分香滑，咖啡味淡淡的，帶榛果的甜香，甜度適中，不錯吧。

難得放閒日梗係約女神撐枱腳啦🤭咁啱見到呢間cafe好似都ok咁就一於揀呢間～入閘後見環境唔錯幾少女心😂經選擇困難症之後就叫左《佛羅倫斯花枝干貝麵》《青醬奶油雞腿麵》《鹽酥雞拼盤》飲品就揀左《冰薄荷巧克力》同《Ocean》野食都上得幾快先試干貝麵味道唔錯好食意粉硬度適中有口感整體正常發揮有餘～到青醬奶油麵 雞腿ok既正常唔係特別滑但可以既但個青醬少少出事有陣類似八角味略搶變左成個醬帶少少苦因為八角味較霸道但我所以知仲有款調味料都係類似八角味道有機會重手左少少所以呢個比起干貝麵略為失色～到小食 花枝丸好味既 鹽酥雞炸粉略厚點但味道正常而甜不辣係脆但帶硬身少少但味道正常～飲品唔會過甜好飲既～服務員服務都唔錯但感覺俾人有點懶散可能當時人流少未到作戰狀態🤭

尖沙咀分店裝修華麗，行少女風，有一部份嘅凳有兔仔耳🐰，好可愛😍 好岩同姊妹嚟一齊食👭又可以打卡🍓草莓雪糕吐司🍓甜品賣相好靚😍 個麵包焗得好脆，草莓份量都有唔少，夾埋雪糕同吐司一齊食，非常美味😋草莓醬，酸酸甜甜，所以成個甜品唔會太甜☺️ 兩個女仔都食得哂🍟松露薯條🍟金黃色既薯條食落好酥脆😆不過松露既味道唔係太濃薯條既份量都唔少，足夠2-3人share每人食啲冇咁熱氣🙈🍫熱朱古力🍫餐廳冷氣開得有啲大，所以叫咗熱飲朱古力味好濃郁👍🏻口感滑順

食物質素保持水準，服務質素又如何呢？知道續租所以再去幫襯一直都鍾意食佢哋嘅黑松露義大利麵今次平日再去好懷念往日熱情嘅服務態度剛開張時會有像台灣人的侍應每位侍應都好好笑容個陣晚晚都大排長龍，非常受歡迎今次嚟到，彷彿我阻住咗佢玩電話😅黑口黑面咁帶位搞到我都唔好意思，好似阻住佢用電話不過除咗帶位個位之外其他都好友善我都唔係第一次嚟食每次都必食黑松露義大利麵再加杯仲夏熱帶水果茶今次仲有細細碟嘅凱撒沙拉🥗呢度嘅黑松露義大利麵真係好香好夠份量，而且會落好多黑松露仲夏熱帶水果茶以前啲水果喺個壺度今次喺個杯度，熱嘅水果茶真係好香個水果茶Size好似細咗但仲係好好味😋埋單$154Dazzling Cafe (The ONE) (尖沙咀)尖沙咀彌敦道100號The ONE 3樓22號舖

最初Dazzling 係香港冒出頭來全因佢個蜜糖吐司同環境少女，如今，佢呢個經典算係最差了場內仲有一兩位服務員會帶可愛頭飾，幸好佢嘅熱食同埋飲品都仲算幾好呢個花支干貝面$108，係今時今日尖沙咀食到又坐得舒服，佢真係算抵同埋味道都唔錯 當然以前係更好食，不過按宜家香港水平，呢個味道算係保持到中至中上水平薄荷朱古力味道燶郁，cream都夠甜到主角蜜糖吐司，本來朋友話試吓新過個，靚靚地黎打咭，但我又唔想太多厚面粉，所以叫返呢個經典，結果令人太太太失望，簡直食唔到吐司內有蜜糖味，完全係白淡面包，佢只係包邊滴咗少量蜜糖幸好係佢cream夠多，可點面包食，不過個包肉有點乾靱唔新鮮，而包皮就太硬啦我哋仲有個菇菇小食都係幾好味，整體來講，唔食甜品吐司係幾好以呢度價錢又坐得寬敞係