○de▽ 鯛白湯らーめん

營業中

休息中

下雨天的中午特別想喝一碗暖湯，特意走到鴨巴旬街吃一吃長期人氣店 - 魚湯拉麵！🐟🐟🐟在門外等了15分鐘，店員會先下單和付款，再等多10分鐘才安排入座。我點了鯛白湯，朋友點了鯛清湯，價格均為$138。鯛白湯湯頭濃郁，佈滿奶泡，先喝一口，鯛魚和帶子的鮮味爆發，瞬間充滿口腔，十分好喝。拉麵爽口，配料有洋蔥粒，切成正方形和圓形嘅荀和肉片一塊。不過跟座銀的雞白湯一樣一定要趁熱食，拉麵湯放涼後稍為膩口。反而朋友點的鯛清湯賣相更清爽吸引，清澈嘅湯頭，減去咗油膩感，配有兩塊炸魚皮，更有特色，下一次到訪我會一試。

疫情前去日本食過鯛魚拉麵後，至今先至再食，不過喺係香港。我食嘅湯底極極極濃郁，估計鯛白湯用咗淡菜/蠔豉（？）類同魚湯即時blend咗，再加少少碗邊柚子皮（？）蓉落湯中和濃烈帶膩口感。另外，朋友試咗鯛魚清湯，湯底好清好香濃，仲有配咗炸魚皮同埋好鮮嫩嘅筍。整體不錯吃，唯一問題係要排隊，中午食餐要睇彩數先食到，而份量唔多，價錢都唔弱😆唔係成日食，值得一試！

朋友喺天后食過後，話好懷念佢嘅味道，想嚟中環試下呢一間。中環呢一間喺位於斜路，行上去都要用少少腳骨力，呢間拉麵店喺來自大阪嘅拉麵店，主打喺佢嘅鯛魚湯，據聞湯底喺用日本新鮮鯛魚再加上貝殼類海鮮一同熬煮八個鐘後而成，味道可想而知有幾濃郁。去到門口店員會叫先落單，付款只可以用八達通或信用咭，付款後才可入座，今日坐正喺吧枱，可以見到師傅親自煮麵。試咗個鯛白湯拉麵$138同櫻木煙燻糖芯蛋$15，見到師傅喺個湯度打起啲泡，首先試一啖湯先，湯喺好濃郁嘅味道，每一條麵條都掛滿湯汁，麵條軟硬適中，配料有一塊較薄身嘅叉燒，另外還有筍片、鯛魚肉粒同洋蔥粒，湯加入咗辣椒粉，另外碗邊有啲柚子醬，如果覺得太濃味就可以要嚟調和下，我都覺得加咗柚子醬後更啱我口味。隻櫻木煙燻糖芯蛋就較一般，冇乜特別。整體覺得價錢稍貴，味道唔會話特別出色。

呢閰過江龍拉麵店想試好耐 終於有機會食啦 之前見到好多人排隊鯛清湯 $138呢個果然好有驚喜！！拉麵湯魚鮮味幾突出 清清哋唔會好鹹，食完𢦓個拉麵唔覺得口渴 鯛魚肉食落唔錯 𣎴過份量少咗啲 拉麵同叉燒正正常常 鯛魚皮脆脆地好食呢間拉麵店幾高質 尤其係佢嘅湯底②

日文我唔係好熟，所以一直都唔識讀呢間店名，男朋友講番比我知，Maru 系圓圈，sankaku 係三角形。我就聯想到姐系由鳥瞰睇拉麵碗姐系圓形，側面睇拉麵碗就系三角形。（少少得意少少無聊😂）講番食物，因為今次平日夜晚8點幾先去到，最出面既鯛白湯已經賣晒🍜，就唯有叫另外兩款黎食。1. 鯛清湯 $138日本好少見會用魚皮伴碗，可能系比較下欄既食材（通常生魚肉片先系主菜），不過呢間既炸魚皮炸到好脆好香口🫶🏻湯底清透油亮，但唔會好膩，鯛魚既鮮味好出，好似係味蕾爆發咁！2. 鯛沾麵 $148店員話呢款湯底除左魚，混合左豚骨一齊熬，比較貼近平時食開既口味。沾麵用左300g凍既闊邊麵，浸落熱辣辣嘅沾麵湯碗到，越食越好咬口，又掛湯！唔使擔心沾麵湯會變凍，可以叫廚師幫你加熱。整體黎講環境幾好，氣氛唔錯，店員又會主動聊排隊中既我地傾計。廚師見到我著白色衫又會比即棄衛巾比我🫶🏻野食價錢合理，味道十分好！廚師收工仲會出去抹乾淨啲玻璃（日本職人黎講廚師系要打理成間店舖內內外外都乾乾淨淨👍🏻）

今日難得平日經過中環，同朋友都想食拉麵，於是就喺呢間度排隊，之前食過一次，覺得好好食，今次就到朋友都想試吓。雖然係平日，但係都好多人，大概等咗30分鐘，終於入到去。上次食清湯，所以今次就試吓白湯，湯底好濃郁，比較稠身，餸方面有洋蔥粒，魚肉粒，筍，同叉燒，另外碗嘅旁邊有柚子醬，可以解膩，相當唔錯。雖然呢度嘅拉麵價錢略貴，但係我覺得值得食，間唔中嚟食吓都OK✨...📍 ○de▽ 鯛白湯らーめん 中環鴨巴甸街13號地舖

一直都將de 鯛白湯らーめんmark低咗，難得今次去中環海濱睇演唱會，所以就決定爬上去食鯛白湯拉麵，真係可以話係爬，因為上鴨巴甸街個條路係長命斜，行到索哂氣。平時排哂隊，但可能去的時候是中午未放工時間，竟然可以直入店內，排都唔洗排，店員服務很好，知道食客首次光顧都會先為各款拉麵作出講解。我哋仲坐係Bar枱位置，可以看著製作整碗麵的過程。鯛清湯拉麵 - 湯底係用鯛魚熬製，飲落係充滿魚的鮮香味，配上幼細的麵條，唔覺得麵條掛湯，但又唔會太影響整碗麵的感覺，因為個湯係可以獨立成碗飲哂既。另外，碗內的炸魚皮口感特別，無論浸不浸湯食都好味。暫時係我心目中係香港食過最好食的拉麵，真心！鯛沾麵 - 一上枱已經好架勢，乾冰係底噴出霧氣。湯頭勁濃，內裡有大量魚肉碎，其實不能稱之為湯，可以叫做醬汁。至於麵條則是類似刀削麵，的確係非常掛湯，但食後感覺很口渴，有點扣分。鯛魚薑飯 - 食開麵，想試埋個飯，可惜味道一般。

🧡 ○de▽ 鯛白湯らーめんMaru De Sankaku📍中環鴨巴甸街13號地舖------------------------------1️⃣ 鯛白湯 $138推薦指數：👍🏻👍🏻👍🏻👍🏻👍🏻魚湯鮮甜濃郁 真材實料☺️配上幼拉麪 非常掛湯💕麪身軟硬度適中 拉麪材料有鯛魚肉粒 洋蔥粒 筍粒 口感豐富🤩還有一塊薄薄的嫩叉燒片😍湯加入了少許辣椒粉 幫助提味🥰另外加入了柚子醬 清新💯2️⃣ 櫻木煙燻糖芯蛋 $30推薦指數：👍🏻👍🏻👍🏻有流心效果😍味道不錯 不過沒什麼煙燻味😆3️⃣ 日式炸雞 $48推薦指數：👍🏻👍🏻👍🏻👍🏻炸雞皮脆肉嫩 肉汁豐富🥰配上咖喱粉 蘸了變成了另一種味道 很特別☺️份量十足 啖啖肉😂------------------------------座位較小 週末兩點左右等了20分鐘 可以接受😆環境尚算舒適 坐在吧枱位置 可以親眼見到師傅烹調過程 甚為欣賞😍總評味道：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️

掃街日第四站- Marudesankaku @basehall本來沒打算吃拉麵的，但我同友人在basehall 等候令－家食物時看到這間拉麵店就是她一直都想嘗試的但她本以為只有soho分店。他們的招牌白湯底已售罄，職員說如果要能吃常八湯底需要12:30前來到，所以我們只能點清湯清。清湯鯛魚拉麵- 比我們想像中還要好吃，麵條非常有咬口，但不會太韌，掛住滿滿的湯。 清湯濃味而不膩，湯內有碎紫洋蔥令到湯更香甜。叉燒及其他配料質感也不錯，最重要記得配上他們自家製的蠔仔油，將整碗拉麵的鮮味提升。已經期待着去他們的其他分店要吃上白湯鯛魚拉麵。價錢：略貴

招牌拉麵鯛清湯用料極度重本，只用日本漁港直送的「天然真鯛」和清水熬上 8 小時，再配合數種貝類烹煮，完全把鮮味熬到湯裏，魚鮮味爆燈。湯色清澈，充滿魚鮮及昆布香氣，附上自家製蠔醬，用來配薄脆的鯛魚皮吃，為湯增加風味。拉麵，質感幼滑與彈性兼備，跟鯛魚湯是絕配！

📍座銀嘅雞白湯咁出色，咁姐妹店○de▽ 鯛白湯らーめん 主打鯛魚湯大家又試過未呢？今日12:45pm去到唔洗排隊，一行埋去門口職員熱情就介紹拉麵，其實得三款，就係鯛清湯，鯛白湯同鯛沾面🤤🤤🤤🍜 鯛白湯拉麵 （$138免加一）買完飛後入座，坐bar枱位睇住師傅煮面🤤 登登～碗拉麵好似藝術品裝飾得好靚✨ 湯底魚味濃郁鮮甜，上面嘅辣椒粉係唔辣嘅，鯛魚肉唔腥，筍粒爽甜，一塊薄切叉燒唔鞋，拉麵偏幼身口感煙韌。😋食到一半，將碗邊嘅柚子醬加埋入湯底好清新，最後忍唔住飲晒個湯底，嗰晚都冇口渴🥰👍🏻總結：$138 少少貴，份量只夠女仔啱啱好夠飽👧🏻男仔應該要加小食先夠，不過以質素嚟講值得一試！有驚喜👅 味道：8/10🥂 賣相：8.2/10🌿 環境 : 7/10🙇🏻 服務 :8/10📍性價比：8/10💰 人均消費：$138/pp用餐時段：午餐__ __ __ __ __ __ __ __ __ __ __

Maru De Sankaku 今次去咗中環馳名嘅鯛魚湯底餐廳佢嘅麵主要分為三種鯛沾麵 鯛白湯同鯛清湯今次就嗌咗鯛清湯佢嘅湯底係由真鯛提煉出嚟湯底真係10分新鮮平時嗌碗麵都唔會飲湯底今次真係飲晒 清晒佢嘅配料亦有幾種糖心蛋 筍 蔥 同一啲魚碎最前面仲會有兩塊炸完嘅魚皮食落去卜卜脆雖然講到佢咁好食不過搵位泊車亦有難度因為佢嘅餐廳係位置中環斜路就可能少少唔就腳👏Dining Experience:9/10💰Price:鯛清湯$138 + 10%📍Address:Maru De Sankaku, 13 Aberdeen St, Central

⊶ 鯛清湯 $138 + 櫻木煙熏糖芯蛋 $15👍🏻湯底魚味好鮮 用慢火熬製 同佢本身拉麵個生麵味好夾 麵身屬於硬身 清爽彈牙配料方面有鯛魚碎 叉燒 筍 炸魚皮 天然真鯛魚肉質鮮甜 叉燒中規中矩 筍被切成招牌形狀🔺⭕️ 有心思 魚皮魚皮本身好新鮮好脆口 稍稍放入熱湯一段時間 魚片外層會稍微發脹充斥着湯底嘅味道 正 另外配埋牡蠣油誘發香味 去膩 試過夾牡蠣油係令個麵同湯更有層次 但L小編👧🏻個人更鍾意食本身湯嘅魚鮮味 牡蠣我係分開單獨食😂 因為都好味 蠔鮮味帶點柚子嘅清新 但係蛋係有少少失望 無咩煙熏味 而且太熟 蛋黃邊緣位置有熟透嘅部份 但回頭率💯 絕對係L小編👧🏻嘅香港拉麵list中Top 5之選🏅

店名: ○de▽ 鯛白湯らーめん 地址: 中環鴨巴甸街13號地舖上環站A2出口，行5分鐘環境: 4/5價錢:4/5味道: 5/5大阪座銀嘅姐妹店~ 佢係中環同天后都有分店之前都一直知道上環靠山上有座銀同呢間，今次終於有機會食了😙一行入去好香嘅魚湯味，不過座位唔多，6點半去到都等左10分鐘左右🤨🤨鯛白湯$138白湯飲落好香魚湯味得黎又一啲都唔會腥，配上佢地嘅筍同叉燒，食落口感好豐富，好濃郁🤩🥳但飲得多會有啲咸，可以加佢地嘅柚子醬去中和翻😌鯛清湯$138叫左一款白，一款清，呢個個湯飲飲明顯清好多，飲哂都唔會話太滯☺️😆同樣個湯都係好香魚味上面配左2塊魚皮，不論係就咁食定浸落湯食，都一樣咁好食☺️係2種唔同嘅風味🤣櫻木煙熏溏心蛋$15加左一隻溏心蛋佢話係用櫻木去煙，食落就唔肯定啦🙈不過的確有陣好香嘅煙熏味，蛋加湯好夾🥳#stitchfoodie上環

叫咗白湯，佢係有好濃厚既魚湯味，我食唔到有魚腥味，超好飲，然後d麵麵痴著湯味，好好食，佢仲有黃色個d開胃既酸酸檸檬味既醬，唔洗一次過加哂，慢慢加，調節個人口味佢仲有d魚肉係入面，仲有一塊好似豬肉咁既薄片，但呢塊既口感同味道就一般般師傅係你面前煮，好有日本風格沾麵係期間限定款但味道就一般，佢上枱俾你既時候好有gimmick，會出哂煙咁，佢係刀削麵既質感，但吸收湯底係強，略咸既湯底同有d似蘑菇湯既感覺所以白湯係正d！