○de▽ 鯛白湯らーめん

營業中

休息中

鯛魚貝殼湯底同溏心蛋都出色😋 平時麻麻哋鯛魚湯但係呢個只有鮮味😍 湯底我估同soba一樣有用攪拌機打 所以好綿😋 溏心蛋係煙燻溏心蛋 煙燻味好出 我仲覺得食到芝士味添🤣 但配料我我覺得佢既朋友soba雞白湯既炸牛蒡正好多 呢個只有好多洋蔥😗 柚子醬我覺得特別 濃濃既柚子皮味 但我未識欣賞呢個配搭~ 面係幼麵 我覺得麻麻😗 1zhuzhu. 如果個麵更有韌度就好了🤨 🕰平日夜晚去等咗around半個鐘 係喺門口俾錢先再入去食 職員都好Nice有同我哋介紹吓各款食品nice👍🏻

嚟到座銀集團第二彈！今次係食鯛魚湯，估唔到都一樣有驚喜(๑´ω`๑)🍽食物👍🏻鯛清湯 $138 8/10湯頭清甜好鮮，睇相都feel到個湯底好清澈，店家仲加入牡蠣油吊出鯛魚鮮味，完全冇腥味～ 至於佢係幼麵，麵質彈牙帶啲小麥香～ 湯底比較清爽冇咁膩，食完麵可以飲晒啲湯都冇咁口渴😝✨鯛白湯 $138 8.5/10鯛白湯比清湯就更加濃郁，因為師傅會打碎魚肉加入湯底，每飲一啖湯都會食到肉碎～ 除左鯛魚，仲加左唔同貝類，令湯頭嘅鮮味更加有層次同濃稠！碗邊仲有柚子蓉，食到有啲膩嘅時候可以根據喜好加入湯底，令湯底多一份柚子清香，更加多變化！對比咁出色嘅湯底，叉燒就好似隱左形咁🤣其實叉燒都好軟淋，肥瘦適中，不過就係薄薄地一片～⛩環境👍🏻鋪頭細細得十幾個位，不過每個位置尚算闊落，唔會太迫，坐吧枱位仲可以欣賞師傅炮製過程💁🏼‍♀️服務👍🏻店員服務態度好好，客人離開個時師傳仲會同客人say byebye📝總評 8.5/10好彩當日排隊人龍唔算太長，等左大約10分鐘就入得，其實清湯同白湯都各有千秋，可以根據自己嘅愛好，2款我都好中意🧡當日鯛魚薑飯已經賣晒，好想試吓係咪一樣咁出色😝👛人均消費 ~$138 (冇加一

鯛魚拉麵店在大阪紅到香港出分店，一值想試但又怕多人，值到現在香港都有三間分店，咁岩遇到一段唔駛等位時間，立即衝入店內。店內有日藉師傅當值，只收電子支付，環境光猛乾淨，服務員就有少少有待改善，經常圍在一起吹水，圍爐取暖。今次入去就見到佢有個期間限定每日只做10碗的海老沾麵，店員話唔係成日有，今日好彩仲未賣晒，落足嘴頭推介，但價格就有點貴差唔多$300一碗麵，猶豫再三，店員話佢都有兩片鯛魚，咁樣就嘗試下。試過後有點後悔，如果首次去都係建議點返鯛魚清湯拉麵，話晒做左咁耐，出名係呢樣嘛。金海老·沾麵：湯汁的確係濃蝦汁，蝦味道很濃厚，入面有點角切碎肉、筍、蔥，兩片鯛魚經過火炙，魚皮有點脆同香口魚肉半生熟外熟內生，保持左兩種口感，蝦正常味道但有少少蝦腸未清乾淨，叉燒算係有少少肥肉質嫩口。算一般好吃，但唔值佢賣個價位，雖然整個蝦湯工序係會繁複。炸雞：正常。

🍜 〇de▽鯛白湯らーめん大名鼎鼎既大阪過江龍鯛魚湯拉麵店6點幾去到大概排15分鐘就入得Meun只得3款主食 貴精不貴多同朋友簡咗唔同嘅湯share試下喺門口已經點好餐俾埋錢入去坐咗10分鐘左右就有得食啦🍽️🌟鯛白湯拉麵奶白色鯛白湯係用鯛魚同幾種貝類淆製而成超濃郁Creamy啱晒重口味人士配料有塊薄叉燒同荀 無咩特別反而有燒過嘅鯛魚肉碎好香口碗邊亦有柚子醬溝落湯度解解膩Btw朋友食食下已經覺得膩仲話成晚都好口喝🤣🌟鯛清湯拉麵我更喜歡鯛清湯 最簡單嘅嘢係最難整看似清澈嘅湯底擁有濃郁香甜嘅魚味食落冇負擔 唔會滯 所以我全個湯飲晒😝加上牡蠣油更添層次鮮味伴碟嘅魚皮亦好出色 脆卜卜非常香口建議盡快食 淋咗冇咁好味🌟櫻木煙燻溏心蛋無煙燻味 睇相都見無乜溏心 好普通 可以唔叫🤣食完出嚟7點幾已經排晒長龍如果下次唔使排好耐隊嘅會再想食或者試埋同集團另外2間先😋📍〇de▽鯛白湯らーめん中環鴨巴甸街13號地舖

一直都想來試…..今日終於身體力行了。我哋去了中環分店，因為感覺位於半斜路的地鋪，頗為有點特色吧！（純粹個人幼稚感覺）鋪面算幾細，裡面大約可坐12人。我哋安排坐係counter table，睇住廚師備餐，煑麵及擺盤。我呢，叫了碗清湯鯛湯面。下單時，好強調要走蒽。點知阿廚手腳太快吧，前兩碗都放了蔥。到整第三碗時，阿廚的partner 即刻提佢：走蔥呀！成功：我等多少少時間才吃到碗麵。阿廚話送多條炸魚皮比我表示歉意喎。😅好期待呷第一口湯，點知好失望。因為超級咸呀！❤️唸：今次對唔住自己個腎了！個麵質不過不失，但碗麵太少份量，我吃不飽呢！😝但極力推介櫻🪵煙薰🐔蛋。

呢間拉麵平時都好多人等，一直想試吓🌝今日等咗一陣，排隊時要叫定嘢食同俾定錢。入到去安排坐近門口位，唔知係咪因為咁所以有蚊飛飛吓，坐咗一陣嘢食就黎。叫咗鯛白湯拉麵$138+炸雞$48+溏心蛋$15做小食。拉麵湯底勁鮮好重魚味，唔太咸唔太杰，我最後差唔多飲晒🍜加埋佢柚子醬會清新咗，拉麵同肉就普通咗啲🫣炸雞juicy皮唔厚，不過我唔鐘意咖喱味🤣溏心蛋有少少煙熏味但唔重。靚景指數：💛💛💛好食指數：💛💛💛💛💛抵食指數：💛💛💛💛

-在中環溜了一圈發現了這家拉麵店就在街邊 小小一間卻排起長龍看到新年也營業 所以不用怕會撲空.☑️ 白湯 🐟配有鯛魚肉碎 湯底濃郁上頭 邊上抹著的是柚子醬用來解膩 蠻新奇 溏心蛋聽說專門煙薰過 吃起來多了個層次感.☑️ 清湯 🐟我和豬師爺都更喜歡這款 吃完一直在回味 一小碟牡蠣加進碗里好提鮮 兩塊炸魚皮香脆又不會油膩 再加上鯛魚肉和叉燒 一整個大滿足

今次我哋去咗來自日本嘅過江龍 ○de▽ 鯛白湯らーめん試吓佢哋嘅魚湯拉麵🤤 我哋大約13:45到舖頭，大約排咗35分鐘後就成功入座，店員會係入店前問我哋食乜而且同時會收埋錢。今次我哋叫咗：(P.S. 無哂我哋想食嘅沾麵….🥺)鯛。清湯($138)：湯底鮮甜、清澈，兼且魚香充足，魚湯最忌係腥，證明材料新鮮。跟拉麵有兩大塊炸到脆卜卜嘅鯛魚皮，本身我哋以為無乜特別，點知咬落去先發現塊薄薄嘅炸魚皮居然仲保留到一層少少嘅膠質係魚皮下方，口感由脆到煙靭，幾特別。麵質和叉燒尚算正常，只係份量略少🤏🏻鯛。白湯($138)：好香、好濃郁嘅湯頭，配料有鯛魚肉碎、洋蔥、叉燒。碗邊仲有一大pat柚子醬，據waitress分享，可先試原味，如果覺得太膩可以撈柚子醬落去。我哋就覺得落咗柚子醬落個湯到係可以中和番湯頭嘅油膩感，同時柚子香味又幾帶到鯛魚嘅鮮，唔錯！👍🏻其他嘢包括麵質、配料都同清湯一樣😎櫻木煙燻糖芯蛋($15)：兩個字，失色。唔夠煙燻香氣，流心唔夠勁，調味唔夠，大家有機會就唔好叫啦🤣隨非好想食蛋喇🤌🏻總結，價格定位好進取，份量唔算太足，同集團嘅蠔麵正好多。如果唔洗排隊嘅一試無妨，熱愛排隊嘅朋友就行落少少

又去咗試座銀旗下第二個品牌嘅拉麵— Ode鯛魚湯拉麵，鋪頭只係賣三款拉麵，分別有鯛魚白湯拉麵，鯛魚清湯拉麵，和鯛魚沾麵。本身好鐘意飲魚湯嘅我，未食已經好期待😍 不過太夜去到，想試嘅鯛白湯已經賣哂啦🥹如果大家想有多啲選擇，就要早啲去啦。🍜 鯛魚清湯拉麵（$138）👅:84.23分由於係清湯嘅關係，會好直接品嘗到鯛魚的鮮味，但味道上相對較單一。魚肉以粒狀呈現，最欣賞佢加咗紫洋蔥同好香口嘅炸魚皮，增加整碗拉麵的層次。🍜 鯛魚沾麵（$148) 👅:95.72分沾麵的碗底放了乾冰，上檯時會帶有煙霧，除咗加強視覺效果外，仲可以保持麵條爽滑。湯底係好濃厚嘅魚肉同豚肉雞白湯，味道不會過咸，飲哂全碗湯都唔會覺得膩。配料方面有日式叉燒粒、筍，魚肉，但份量唔算多，麵嘅口感似刀削麵，帶點煙韌，好掛汁，幾鐘意！環境: 👍👍👍👍回頭率: 👍 👍👍👍訂座: ❎等候位置時間: 星期日夜晚8點到，等待半小時

排左半個鐘頭，一入去坐低係bar枱已經聽到煮麵個位不停講粗口及色情用詞和旁邊的同事高談闊論；又不停怨天怨地，埋怨有其他客人投訴佢哋服務差，話自己冇收加一，要服務唔該去樓下座銀，覺得冇收錢都可以服務態度差？ 之後我成餐飯就不斷聽佢大聲話自己幾錢人工，可以供層萬八蚊既樓，極度騷擾。另一個淥麵既員工除咗不斷同上面個條友傾計之外，佢每次淥完個麵拎起fing乾啲麵既時候將啲水fing哂落我到，有次仲有條麵飛過嚟，同佢講又唔認人，淨係掛住傾計，極度過份。仲有間餐廳既經營手法好有問題，我排緊隊就要比埋錢先，你話我下一枱入去都算啦，我前面仲有十幾個人你都要收我錢先，仲要乜都賣晒，但入到去上述個兩條友又自爆其實仲有貨。總之極度不滿，冇下次。

餐廳嘅裝修好有日本風味，好舒服。而且職員都好友善，好有禮貌，令我哋好有賓至如歸嘅感覺。點餐之後，等嘅時間都唔長，食物就嚟到啦。啱啱上嚟嘅係佢哋嘅招牌鯛白湯鯛拉麵。第一口就感受到鯛白湯嘅鮮美，真係好好味。而且佢哋嘅拉麵都煮得好啱口，唔算太軟太硬，好正。另外，佢哋嘅餐牌上面都有寫住熱度指南，我哋都好鍾意，因為可以根據自己嘅喜好選擇湯底嘅熱度。除咗鯛白湯鯛拉麵之外，我哋都試咗佢哋嘅其他嘢。個人比較鍾意嘅係佢哋嘅日式炸雞，好香脆，好好味。而且佢哋嘅餐牌上都有寫住每日嘅特別菜式，真係好吸引人。另外，佢哋嘅環境都好舒適，氣氛都好好，好啱約埋三五知己一齊嚟食。

we had 鯛魚沾麵 & 鯛魚清湯拉麵, because 白湯 is all sold out when we were there. We started queuing at around 8:20 and able to get a seat at around 8:45. We think the quality is good and esp. if you like fish-broth based ramen! The 沾麵 is very rich and personally like the pork from 沾麵 more than 清湯拉麵. It’s quite special that the 清湯拉麵 comes with oyster oil, which added delightful flavour to the ramen. 沾麵 is also quite fancy as it is served with 乾冰 with some white smoke comes along when serving.We highly recomm

Enjoying a delicious ramen is never easy! In Tokyo, ppl have to wait over an hour. Back to HK, I had to visit this place to finally be able to try their signature Creamy Madai Broth Ramen😭(It's either Sold Out/ having long queue🥹). But all the waits worth once I tasted it, especially for someone like me who enjoy both foamy soup ramen, and milky fish soup!---▪️🍜 𝑴𝒂𝒅𝒂𝒊 𝑩𝒓𝒐𝒕𝒉 𝑹𝒂𝒎𝒆𝒏 $138 👍🏽👍🏽鯛 白 湯 拉 麵Went there at 16:30 on a weekday and got the 1st bowl of this foamy soup ramen for the dinner sessi

終於試到呢間嘅拉麵啦😆😆7點左右入位，完全唔洗等，竟然係差唔多最尾一枱入坐。本身想試鯛白湯，但係已經賣晒lu🥲-❤️‍🔥鯛清湯 ($138)食之前有睇人講話鯛清湯得個鹹字。但試完之後，完全唔覺得係咁！個湯底好鮮，有魚味，唔會鹹到要飲水。🆚聽店員講白湯係blend 咗啲魚肉落去煮，清湯就冇。我平時鍾意食硬啲嘅麵，而佢呢款麵條係幼身嘅，但又唔會好淋，所以都ok。🦪佢有配一小碟蠔油，但我覺得唔加好食啲。-有機會會再嚟試下個白湯。

鯛清湯的魚皮放入湯好好味，溫泉蛋流心，好配個湯麵。鯛白湯味道濃一啲，個湯都唔錯。我們兩個一邊食，一邊看著廚師煮麵，今晚其都多人，一路都有人係門出邊排隊等堂食，如果有多啲坐位就更加好，有多飲品更好，可以多啲選擇。