Deli 313 (已結業)

Deli 313 is the new Thai food stall at the Worfu Food Court. There used to be another one but it was replaced by this place. It served various popular Thai dishes but it was this poster that caught our eye.A bowl of green noodles? Boyfriend decided he wanted to find out.Menu is in Chinese only. There is no 10% service charge as it's part of the food court. Though they serve various Thai classics, it was the unknown green item we were interested in.We asked what it was and the owner said it was f

自從幾年前響柴灣食過之前，真心一試難忘，居然比我偶遇番呢間咁有特色嘅泰國小店，再續我哋嘅緣份😍😍首先老闆同老闆娘嘅情深背景故事不再多講（有興趣想知道的自己search吓google）。有故事仲要有扎實嘅功力，話到底都係做食肆，啲食物好味先係最重要。我個人喜歡食泰國菜唔係淨係掛住「辣」咁簡單，豐富嘅香草同新鮮嘅調味汁先係靈魂，大家試吓佢個「招牌魚肉路邊湯粉」同埋「路邊煎魚餅」就知道我講緊乜嘢🤤🤤不過大家要試呢間小店真係要比小小耐性，因為唔知點解呢個全新裝修嘅food court 外面稍為清晰啲嘅指示都冇，即使入咗商場之後都完全見唔到指示（無論天花、牆身、地面都冇），唯有用直覺同耐性行到最底層嘅最入面先見到😵😵最後，好欣賞老闆娘自家整嘅每日窩心飲品，我去嗰日係金桔雪梨水🍊🍊🍐🍐飲完成個人潤曬🥰🥰

唔係第一次食，回購左三次寫食評以示支持鼓勵白酒魚肉好食過辣味，但係兩個都好食店主又好有heart 白酒炒魚肉係必食梳打水都靚過人一定要支持呀加油老闆其他嘢未試過，下次可以試吓沙律嗰啲啲嘢仲要好抵食今次試埋個元件亂畫烤鴨胸鴨胸個醬汁好好食感覺老闆有精心配過者牛肩脊粒肥身啲，但係好惹味可能係因為地下食店加上其他店舖未開，唔係好多人知道，所以試過覺得好食想幫佢推介下，專登過嚟試都唔會失望佢個魚肉好特別，係綠色嘅🤣🤣🤣

出乎意料既好食皮蛋沙律非常惹味，調味出色，食左即刻想encore。小辣岩岩好。牛湯蘿蔔大大份，煲得好淋。堂食送飲料，每日轉款。飲過咸柑桔檸檬茶同香茅茶，有心機。性價比極高，呢度45蚊食到好滿足。一定有下次。

Deli313嘅魚肉我都食咗10年啦，以前喺路邊食而家有得坐喺度食魚肉係採用咗泰國香葉打製而成，綠色嘅魚肉，好特別好靚😍味道清香獨特，口感彈牙，配以牛骨湯底帶出魚肉鮮味，我再加了辣椒魚露和辣粉🌶超級嘢味，完全感受到好似喺泰國路邊小食的感覺。再加左支原味梳打水，同埋個粉簡直係一絕👍

foodcourt嘅好處就係地方企理又寬敞。呢間和富薈商場嘅泰國餐廳味道高質之餘仲非常抵食！😎招牌魚肉路邊湯粉（大）呢度嘅魚肉絕對係一大特色！青bb嘅魚肉望落已經夠曬可愛，口感偏軟，比較似傳統港式魚肉嘅質感。而味道就真係驚喜十足喇！估唔到望落清新的青色魚肉會有清香嘅冬陰功味，超特別！🥳香辣冬陰茄蓉炒魚麵｜牛湯蘿萄魚肉同樣非常惹味又彈牙，而且辣度適中，濃郁嘅冬陰功作為主角真係冇得輸！🥰香煎牛脷拌涼菜（大）｜牛湯金邊粉牛脷超級大塊，厚厚實實嘅口感好煙韌好嚼，肉汁亦都好夠喉，正！😍炒牛頸脊粒拌涼菜｜香蔥薑黄飯牛頸脊切成細細件嘅肉片咁炒，相比起大大塊嘅牛脷，每啖牛頸脊份量啱啱好可以放落口，會食到唔夠喉，完全停唔到口🤤烤嫩滑鴨胸木瓜絲沙律（大）｜牛湯蘿蔔鴨胸真係好嫩滑！沙律整體有少少辣，但鴨胸同爽口嘅木瓜絲實在太正，最後我都係食曬成碟😌咸檬檬梳打水青檸檬梳打水

Deli 313北角和富道21-53號和富中心B樓B50-B51號美食廣場C4號舖和富中心商場入面, 好多餐廳蠻高水準呢, 真是食過有驚喜, 值得介紹一下。Deli 313 是食泰國菜的, 有泰國小食同招牌菜是綠色魚肉路邊湯粉。$50 海蜇青木瓜絲沙律$35 細份量招牌魚肉路邊湯粉, 個魚肉是綠色很特別又搶眼, 似香港街地食到的生菜魚肉的質地。辣度可自選, 要了BB辣泰式豬頸肉涼伴菜，好爽口彈牙的豬頸肉一個要湯, 煎魚肉釀大尖椒,是煎釀3寶架感覺，佢可以一樣有飯或湯，有趣得來又好食。$50 烤單骨雞中翼 (免費跟香蔥黃飯/牛湯粉) 單骨食吃來真是方便好多, 雞中翼醃得徹底入味好香, 味道濃濃的。飲品都好抵 $10 SODA WATER, 有原味, 青檸檬, 鹹檸檬收錢處旁邊有個自助調味區呢間 DELI 33 處處驚喜呢, 單是綠色魚麵外表已令人一見難忘, 價錢又平民貼地, 其他食品都是我有生以來第一次見到的食材+調味組合, 在香港來說是很有創意加大膽FUSION 泰國菜。

近北角和炮台山站之間的和富中心，集中了不少經濟親民的食肆，其中地庫的美食廣場更以異國風情為主題，裝修充滿著摩洛哥風格，是香港數一數二的高質。這間Deli 313主打地道的泰國菜，即叫即製好新鮮有鑊氣。原味青檸白酒炒魚肉 - $50招牌魚肉用上本地新鮮魚肉打成，特別鮮美彈牙，更加入泰式香葉增添風味，有少少青瓜片、蘿蔔、香菇和通菜。炒牛頸脊粒 - $75一粒粒雪花均勻而牛味濃的牛頸脊好軟腍，配少少炸蒜，連幼嫩的大豆芽炒好香口，跟配鮮味的牛湯粉，或可轉香蔥黃飯。小茴芓炒羊肩脊粒 - $80一粒粒肥嫩的羊肩脊粒，滿佈惹味香濃的小茴芓粉，完全沒有羊羶味，更有清爽的紫洋蔥和幼嫩的大豆芽，同樣可配牛湯粉或香蔥黃飯。烤豬頸肉木瓜絲沙律 - $50酸酸辣辣的泰式沙律，有一絲絲泰國青木瓜，舟別新鮮爽脆，更有為數不少的豬頸肉片，肥瘦混雜特別爽脆有彈性，好重油香味，入口好清涼清爽。鹹檸檬梳打水 - $10泰國勝獅梳打水的碳酸氣泡更強勁更持久，加上鹹檸檬的酸爽，香味更有層次。青檸檬梳打水 - $10酸爽的青檸檬則較輕盈。

喺和富中心Basement food court竟然有間隱世泰國美食！Paid thai、冬陰功湯都食得多，呢間食店竟然係賣泰國路邊美食，好新鮮。送上好香嘅番石榴茶，仲要係無糖，非常好。招牌魚肉路邊湯粉（$35）- 可以嗌細份，啱晒乜都想試下嘅我。綠色魚肉好特別，魚肉係用本地新鮮魚打岀嚟，所以一食落去就覺得好有新鮮同彈牙，仲食到好濃郁嘅泰國香葉味，底下仲有金邊粉，非常好味，一定要試。炒牛頸脊粒拌涼菜（$75）- 即叫即炒，好有鑊氣。牛頸脊啲油脂香炒晒岀嚟，好香又入味，底下仲配上爽口芽菜。所有食品同沙律都可免費配香蔥黃飯或牛湯粉或白蘿蔔，我就費事食咁飽所以揀咗蘿蔔，點知份量都唔少，好入味仲要無渣。冬陰茄蓉木瓜絲沙律（$40）- 叫咗BB辣但都幾辣，不過好惹味。木瓜絲爽口又新鮮，必試。

一行人和富中心food court 覓食，竟然帶我去左一轉泰國既感覺!老闆老闆娘都好好人，支持小店!炒牛頸脊粒 $75惹味牛香，切成細細粒，一口一粒，又夠冧，超好送飯/麵。原件泰式豬頸肉 $70一流，烤得好香脆，切得夠薄又有juicy! 加埋香辣汁係好有泰式風味既香辣。烤單骨雞中翼$50又脆又香，雞翼勁大隻，單骨食得方便，切開左一半都好有肉。路邊煎魚餅，魚肉係呢間店既老闆娘推薦，味道真係好特別，加左九層塔所以係綠色，又香又彈牙! 呢隻既汁又不一樣，冇辣但帶點甜甜地，好味! 每個餐都會配牛湯粉/薑黃飯，金邊粉黎好香滑，牛湯又濃又無味精。薑黃飯香噴噴! 爽脆海蜇頭木瓜絲沙律，木瓜絲好Refreshing好美味，海蜇頭爽口為沙律帶來唔同口感。沙律醬汁清新開胃。所有食物都好有泰式夜市既風味，醬汁香料都好正宗地道，真係好似去左泰國咁! 食物既煮食方法都好惹味，價錢合理又大份! 地點就係和富中心food court，有勁多街坊支持!

無諗過北角有好食既泰國菜，今日勁驚喜地係和富中心地下既food count食到呢間又平又好食又正宗既泰菜🤭😝😝😝不得不介紹咁平既泰國菜但咁好食😳👍🏼👍🏼.🍴香辣冬蔭茄蓉炒魚肉 $50第一次食泰式魚肉，原來係痾左香草一齊打成既魚肉，魚肉本身已經好香，咬落係彈牙爽爽地咁，加上香辣冬蔭茄蓉辣辣地咁炒埋一齊，完全係perfect match ! .🍴小茴芓羊肩脊粒 配牛湯蘿蔔 $80推介x2 既就係呢個小茴芓羊肩脊粒，羊肩粒加上小茴芓，加少少孜然，看似簡單煮法，但羊肩脊粒炒完既油脂再加上香料，真係別有一番滋味。.🍴原件泰式豬頸肉 配牛湯粉 $70豬頸肉本來就無咩特別既，正就正在佢將豬頸肉切得夠薄再煎香，加埋香辣汁。牛湯粉幾地道，好似去左泰國食個啲粉麵咁，又濃又無味精。.🍴煎魚肉釀大尖椒 $50食完個炒魚肉太好食，叫埋呢個魚肉釀大尖椒，勁辣！但好正，個魚肉個味係完全形容唔到，總知出面食唔到🤭👍🏼👍🏼😝.🍴烤單骨雞中翼 配香蔥薑黃飯 $50整得幾惹味，雞翼勁大隻，所以切開一半都好有肉，薑黃飯又幾夠味，整體好滿意。.因為係food count食，所以幾樣野+埋都唔使$300🤣🤣🤣真人好抵食！

北角和富中心樓下有個food court😗今日試吓間新開嘅泰國嘢😗魚肉路邊湯粉($35)加牛湯蘿蔔($10)魚肉湯粉好似去泰國旅行食個啲細細碗湯麵，魚肉係綠色的因為加咗九層塔，魚肉份量仲多過麵好抵食，湯底清甜，蘿蔔無渣。煎魚肉釀大尖椒($50)青椒唔辣幾好，釀咗好多魚肉係入面，點蒜醋食好惹味。烤豬頸肉($70)加薑黃飯($10)豬頸肉必叫！烤得好香，juicy肥美，點秘製醬汁好好食，份量又超級多，薑黃飯都好香蔥油味，粒粒分明。鴨胸青木瓜沙律($50)Refreshing嘅青木瓜沙律，叫咗bb辣辣度可接受，沙律醬汁清新開胃，鴨胸份量都多又肥美。蒜心($40)食咗咁多肉都要叫返個菜，蒜心清甜爽口，好快食晒成碟。鹹檸梳打 青檸梳打($10)梳打都係10蚊，佛心價錢，夏天飲soda表示解渴解膩。總括而然，全部食物都大份抵食，又正宗惹味，想食泰國嘢嘅可以試吓😗

香辣地道泰式炒魚肉和富中心美食廣場呢間好惹味的泰國菜，有好地道的泰式炒魚.肉！好香好辣，惹味非常！叫左三個菜，烤豬頸肉木瓜絲沙律，豬頸肉烤到好香，涼拌木瓜絲，又辣又酸好開胃，泰式既醬汁一絕呢！烤單骨雞中翼拌涼菜，雞中翼烤到好脆，點埋秘制甜酸醬，好好食！最後有招牌原味青檸白酒炒魚麵，陣陣酒香味，魚肉夾住青瓜粒同蘑菇粒，少夕通菜絲，果然係招牌，好好食！叫多樽鹹檸檬梳打水，只係$10，超值。呢間泰菜好正宗！好似去左泰國旅行食野一樣呢！

早在十年前Deli剛開業已幫襯，第一次吃就被那個獨特的味道深深吸引。夏天時坐在樂軒臺路邊，滿頭大汗地吃，美味之餘亦特別有風味。自搬離柴灣後，光顧的時間變少了，但老闆依舊認得我這熟客仔。上次光顧已是一年前了，最近同事事告知老店已搬至和富，馬上尋找這舊時的美食。現在新店冷氣充足、光線明亮、餐牌亦一目了然。我依舊點了招牌路邊粉，不過試下新的冬蔭牛骨湯底，鮮味的魚肉、香濃酸辣的湯底、超入味的蘿蔔，5分鐘不到就KO了！叫多份個木瓜絲沙律，再配上鹹檸梳打，心底裡的幸福滿滿，滿分好評