Deli-O

營業中

休息中

黎哩到食其實唔止一次，係因為哩到無太多人同有Wi-Fi先黎食。收銀有個態度好差，黑口黑面，好似好叫佢做野咁（帶眼鏡、高、女性）有一個你企係佢面前都重可以走去做其他野。有一次黎左成半個鐘都無黎野食，後來同佢地講，佢地話漏單。有令一次係成杯野飲無黎到😑唔會再幫襯

是日精選中揀了炭燒雞串配雜菜炒飯。雞串：肉質嫩滑，上面的醬汁較稠飯：珍珠米；我覺得其實不是炒飯，比較濕，不過味道甜甜的，好味；撥開面頭的那片菜便會見到飯裡混有少許西蘭花、椰菜花、粟米粒、茄子粒、紅蘿蔔粒等餐湯的味道稍為淡，試了很多匙也嚐不到是甚麼湯，我只試到有丁點兒海產的味道。後來問了侍應才知是龍蝦忌廉湯。

已經不是第一次 客人在用餐 唔好再拖地啦,好嗎？ 濃烈漂白水味令人窒息 十點才收工 八點半就拖地😡😡 服務業飲食業係咪應該有基本意識？ 宜家腦裡就只留下陣陣漂白水味 我仲以為自己飲緊Bleach latte 😒

我點左招牌海鮮喇沙，除了細粉和粗麵外還有青口、魚餅、芽菜、瑤柱、蝦，分量夠大。湯底最美味，咖喱和海鮮味融合，十分開胃。frien點左沙爹雞串炒飯，樣子驚艷，味道也不錯。

呢間店一到lunch 時間就大排長龍, 因為不設訂台, 每次想食都會預早少少出黎排隊去到跟住人龍排就可以, 唔需要拎飛, 排到差唔多侍應會走黎問你幾多位今次排左15分鐘先有位, 建議排隊時預先睇定食乜, 慳返時間餐廳是半自助形式, 自己去收銀處落單, 放號碼牌向台面等店員送食物過黎同事點左一個海鮮叻沙 (HK$62)神奇地呢度既叻沙可以走辣, 走左結果變成了清湯....十分唔建議走辣入便有好多料, 而且有鴛鴦麵底 :米粉加油麵除左套餐, 店裡的食物不連飲品, 不過有免費水自己拎黎飲, 好貼心另外仲有煙肉免治雞肉漢堡 (HK$52) 漢堡真係呢度招牌菜, 面包上放了牛油芝士焗好, 先再夾餡料 , 所以預備時間都幾耐, 足足等左15分鐘大大個雞肉漢堡, 根本不可能一啖咬落去, 要分成2 層先食到~~ 再配上煙肉特別惹味, 仲有粗大薯條,  食晒真係十分滿足呢度性價比真的很高, 唔怪得成日都大排長龍~ 不過等位同等食物真係要預返時間, 趕時間的唔建議下午黎呢度

其實我幾鍾意係度食早餐 因為依度的早餐好好食同吸引 但係服務方面真係有點不濟 因為枱面濕的 直接把餐具放枱面 而且我查詢想要鹽 正常的職員會拿給我 而今日竟然要我自己拿 自己拿唔係唔得 但係同美心mx 比較 這裡的價格比較高 除左食物有些微不同 最重要係服務 如果要我自己拿 我不如去美心mx 為何還要係依度食。 希望下次有改善利申:職員不是十分忙 因都有好多吉枱

這裡的炒飯太恐怖，本來毫無胃口，吃了一口，立刻精神抖擻，實在太好吃，食指大動！真的是完全出乎意料之外的美味。沒想到這樣的料理竟然就藏在這家價格並不貴的離譜的店內。

剛從澳門回來，已經是晚上八時多，所以便順便在信徳中心中醫肚。這裡有元氣、麥當勞、美心、澳門茶餐廳...總是覺得沒太多選擇。之後看到一間以湖水綠為主色的餐廳，便被吸引了過去。餐牌上食物選擇十多款，有西式、越式、日式等等。價錢約$48-80, 尚算相宜，我便決定入內試一試。Deli-O 內客人不多，只有2-3枱的顧客，座位空間寬闊，環境乾淨。我點的是ABC醬油炒飯配沙嗲雞肉串燒和蝦餅。下單後等了約15分鐘便送上。食物display得有心思，用特別的竹盤盛著，ABC醬油炒飯底上，有一太陽蛋，蛋上不蝦餅和芫茜，旁邊有兩串沙嗲雞肉串燒。蝦餅新鮮炸好，熱辣辣但很油，脆脆的富蝦味; 炒飯炒得粒粒分明，每粒飯都被醬油包裹著，帶甜甜鹹鹹的味道，配上蛋一同食很相襯，不過太陽蛋煎得過熟，如果蛋液能夠流出來伴飯就更佳了; 沙嗲很惹味，花生味很重很香，不會太甜，配上燒香的嫩滑雞肉，很好味，這個串燒很值得推薦呢！雖然整體味道不錯，但整碟飯的感覺都很油膩。

信德中心食店林立，一到放飯時間便派晒長龍，對於平日帶飯的我來說，又有幾多間曾經試過呢？數來數去，好像就只吃過麥記、KFC及美心。難得這天有人約食Lunch兼搵埋位，自然要試試其他，於是便來到Deli-O。雖然憑它的地理位置，相信也是美心團購的吧。等了差不多半個鐘才有位 (其實只有朋友在等？)，本來還想試試這裡的漢堡包，可是這天餐廳卻沒有包？時間緊迫，最後還是吃常餐就算了。火腿炒農場蛋 配 蜜味叉燒扁意粉 $48看到這份火腿炒農場蛋，有一刻覺得跟在MX吃早餐好像沒有太大分別？更甚是炒蛋炒得更乾更熟，味道一般。配上叉燒的扁意粉大玩fushion，可惜充滿過份嚼勁的叉燒配上爽彈欠奉的扁意粉，這份fushion玩得有點失色。我不會說這份唔襟飽的常餐唔抵食，我只是覺得以這樣的質素，沒理由要等上半個鐘才有位。大概其他人跟我們一樣，因為好吃的更難等位。

下午一家三口去了孫中山紀念公園玩, 差不多太陽下山才離開, 又剛到了BB食飯時間, 所以就在信德中心找個地方settle down.選了我們都覺得不錯的deli o!已經吃過很多次了! 可能那天是星期日晚上吧, 人不多, 可以選張舒服的沙發位置~ 餐廳仲有bb椅提供!青豆湯, 雖然青bb好像唔太正常, 但味道是幾好的! creamy加少少豆味, 我比左少少個囡飲, 佢都幾喜歡呢!蜜桃海鮮焗飯, 飯底一般, 料都多既, 我最喜歡的蜜桃就唔多...... 少少失望XD老公最喜歡的喇沙, 好好味!!! 湯底好重椰汁味, 少少辣好開胃! 

今日約左朋友黎信德中心食lunch, 1:30黎到唔使等位 ~ o岩o岩好坐左最後一張空枱呢度o既餐單係全日供應 (11:30-21:30, 早餐除外)呢度特別o既地方..係佢o既menu咩地方o既菜式都有d西式漢堡同意粉, 東南亞o既飯/麵/三文治, 仲有港式常餐價錢由$48至$75不等我同朋友都揀左最經濟實惠o既常餐 $48- 沙嗲雞柳湯意粉湯底幾濃味, 沙嗲味愈食愈出, 雞柳都幾淋..略嫌成碟份量較細- 黑松露醬炒滑蛋真係細份到好可憐...~.~  兩啖都唔使就食晒不過佢個黑松露醬又幾香- 牛仔腸普通, 有d過油- 牛油多士一般水準- 飲品總括: 有少少令人失望, 味道普通, 份量太細..有種食左好似冇乜食到o既感覺呢度採用半自助服務形式, 自己出去點餐, 餐點就由員工送過黎 ~雖然食物水準一般..份量又細..但環境都算唔錯, 坐得幾舒服, 員工都幾有禮貌都算係信德中心入面一個好選擇 (如果一定要黎信德中心食o既話)

喺信德中心食早餐選擇不多, 呢間勝在唔使等位. 就入內一試.火腿炒滑蛋麥包三文治個份量都好大, 食完好飽. 炒滑蛋幾好, 有澳牛水準. 麥包比白麵包健康d.杯餐茶熱朱古力就太甜.

每個月都總有一晚要到上環開會，面臨三個多小時的會議，首先當然要先吃得飽飽的來準備漫長的會議。放工後到上環通常都差不多七時多，而會議是在八時正開始，所以時間都總是有點趕，加上本人又有飲食上的特殊需求，所以我們都愛選擇來Deli-O吃晚餐，因為貪這裡有多國菜的選擇。餐廳環境算是稱得上優雅，有一角落是間了房間，我們選擇了比較入面的一張枱坐下。點餐模式是半快餐形式，先是到收銀處點餐付款，然後店員會送上號碼牌，食物準備好後，店員會親自端上食物。收銀處旁有一冷凍櫃，主要方沙律和飲品。因為我是海鮮素食者，所以剔除所有有肉的食品後，我就只可以選擇芒果鮮蝦蘋果沙律。芒果鮮蝦蘋果沙律的主要由紅蘋果和青蘋果組成，紅蘋果粉甜，青蘋果爽口而酸，夠晒醒胃，但混著的紅菜生菜和西生菜葉有點兒「梅」。白烚的大蝦有大概5隻，彈牙但欠蝦肉鮮味。混和著沙律的是鮮甜的芒果汁，以生果做沙律醬汁比蛋黃醬或油醋來得更天然健康，但與偏酸的蘋果沙律有點格格不入。同行的朋友分別點了湯烏冬和常餐，雖然餐牌只有2版其實選擇不多，但勝在是多國菜可以迎合一班人不同的口味，而且環境舒適，不過價格偏高。

諗唔到晏就食咩好，就去左食快餐店，見呢間係信德入面比較少人既，就入左去坐啦。其實呢間野少人既原因都應該係佢個價錢唔吸引。叫左個下午茶，坐低慢慢等。餐肉蛋辛辣麵餐肉都尚算半厚切，蛋係太陽蛋，煎得幾靚，粒豆個味好青，食唔落，麵就係完全無特別既辛辣麵。其實味道好難唔好食，不過就賣到好貴。總括黎講，我下次都係去美心或者大家樂好過啦。

因為這間店的食物款式太少，基本都嚐過了之後就很久沒有在這裡吃了。今天剛巧看一下有沒有新款，才知道它有季節限定，看到有這個日式漢堡飯就想試一下。食物點了很快送來，漢堡肉有3塊，略煎後有咬口，更有口感，醬汁甜甜的，再配珍珠米好好吃。因為沒有飲品，所以把湯留到最後才喝，面豉湯味道普通。而桂花糕就甜了一點，有桂花香味。這個餐的份量剛剛好，可惜的是這裡的餐都不包飲品，有點貴。