Dodam Chicken (1亞太中心) (已結業)

就快到2023年新一年為大家推介更多美食😝餐廳主打各款🇰🇷韓式美食佢哋嘅炸雞就最為出色餐廳裝修好有格調座位闊落舒適用餐感覺非常舒服仲播住韓國kpop 🎼🔸蜂蜜牛油香蒜焗烤雞 $208🔸芝士雞蛋卷 $135終於食到我期待咗好耐嘅烤雞😆果然無令我失望，非常惹味😋烤雞份量都幾多，雞皮焗烤完之後好香好脆，食落肉質好嫩滑，仲食到有肉汁，不過食果陣要小心熱呀🤪烤雞同蜂蜜牛油真係絕配，加埋香蒜令到味道上更重蒜味，真係好味到食到停唔到口🤩芝士雞蛋卷亦係呢間餐廳嘅招牌菜，蛋卷嘅賣相好靚，喺面鋪上大量飛魚籽同埋醬汁，真係睇到流哂口水🤤食落口感非常嫩滑，蛋味好香濃，蛋卷裡面係滿滿嘅芝士，真係好邪惡呀👅

觀塘出色韓國炸雞🐣🍗🍗呢排個個去旅行，令到我都諗起韓國嘅美食。經過觀塘見到有韓式炸雞，當然要試一試！呢度款式多多一般紅色炸雞餐廳有嘅全部有齊，另外仲竟然有pizza!今次我哋試咗半份蜂蜜牛油焗雞拼白雪芝士雞，大大份啖啖肉！而且肉質豐富，唔會乾爭爭。牛排骨湯配上粉絲🍲🥘🐄肉質鮮嫩，牛排骨份量好多，而且有我最愛的粉絲，呢隻韓式粉絲口感比較彈牙，而且個牛排骨湯非常濃郁，涷冰冰的天氣飲啖熱湯真係好好飲古岡左拉芝士薄餅🧀🍕呢個薄餅對鐘意薄底的朋友仔非常岩胃口，佢個薄餅底非常香脆，芝士味道有少少似藍芝士配上少少蜜糖非常香濃！ 呢個薄餅亦做到拉絲滿滿的口感！！🧈🍕🧀🧀另外點了益力多燒酒🍻配烤雞一流！益力多味配燒酒完全胃口大開🍾🍾🍾

觀塘過江龍韓式炸雞觀塘美食雲集，朋友都點樣推介我一定要特登去試吓觀塘亞太中心嘅Dodam chicken。果然名不虛傳而且六點幾已經非常爆滿！ 呢度主要都係食炸雞或者焗雞，炸雞我都食得多，今次一於試吓焗雞同埋佢哋得主食。牛排骨湯配料豐富有粉絲，香菇，牛排骨等等，牛排骨肉嫩，而且偏淋滑，湯底濃而不咸。古岡左拉芝士薄餅芝士味比較濃，上面配上蘑菇，餅底好脆而且好薄。蜂蜜牛油焗雞，白雪芝士雞蜂蜜牛油焗雞帶點香脆，唔會太甜，而且味道好好。白雪計芝士雞亦都非常香濃。

今晚同屋企人去觀塘OPC 依間分店食晚餐，。其中睇個menu個部隊鍋好多配料，所以order左。點知等左大概10分鐘多啲，送到上枱時～ 喂！ 乜成個鍋只見幾片腸仔浮係面？ 於是我好子細咁數！ 大小腸仔加埋得10片？ 係加埋先得10片！😡 哇 我睇你個menu 咁豐富，圖內目測唔計一條條既雞尾腸都大概有17片， 我都唔期望你好似圖片中咁多丫！ 但都唔好少得咁過份丫計埋雞尾腸先得10片？ 難聽啲講，你依個份量真係一個珍寶腸下午茶餐既份量都可能多過你！如果你依個部隊鍋價錢係賣$80-90，我都會由得佢， 但你依家係賣緊$188～ 你比啲差不多下午茶餐既份量？ 公唔公道呀？😡同你既職員反映，竟然同我講係咁架依個係指定份量？ 1.你menu 無寫圖片只供參考，咁我的確係因為睇你menu 先點依個部隊鍋！ 2. 我問你職員，你個職員話係咁？ 淨係話同管理層返反映？問我想點？又話唔鐘意可以取消左佢？即係唔使理個客人當刻既感受！ 意思係你唔鐘意就咪食既意思係咪？希望你哋店方會有人畀個滿意既答覆我。

聖誕節就黎到啦今晚同朋友食飯聚會吹水先🎊🎊 去呢間位於觀塘apm 附近既韓式餐廳 好彩有book位 全場滿座🤣 同朋友叫左兩份主菜&飲品 --🐥無骨黃金咸蛋脆雞 （半份） $152 估唔到咁大份啦完全唔覺得係半份嘅份量🤣 炸雞炸到金黃色 脆卜卜🤩🤩食落有淡淡的鹹蛋味道 份量兩個人食真係多到食唔晒 🫢🫢 超抵食💰-🍝芝士年糕拉麵 $175 食韓國嘢 當然唔少得芝士年糕 年糕拉麵用鐵板上檯 啲芝士仲熱辣辣🤤🤤 勁有拉絲效果😍 味道好濃郁 有啲辣 但好過癮😋拉麵完全入晒味 麵質仍彈牙 唔會淋晒 年糕就稍為有啲過韌 😆 -🍋柚子蜜 $38食完重口味嘅食物 飲返杯潤喉飲品😊 柚子蜜 調配合適 味道岩岩好 唔會太淡太甜 🍵🍵洋甘菊茶 $35 入口好舒服😌 有淡淡嘅花香味😋 好清新潤喉嘅感覺☺️-🍽🍴 總結 🍽🍴餐廳位置方便 易搵到座位環境舒服😌 仲可以坐卡位望到裕民坊景觀 食物質素唔錯 大份又抵食😍😍🥰 岩晒一班朋友聚會食飯😋

APM人多多，想食餐飯都要排隊等位，近近地行去隔離亞太中心就有好多選擇。今次想食韓國菜，就揀咗哩間試一試。餐廳環境乾淨企理，座位都幾多，裝修風格偏西式，配埋雲石枱面感覺更高級。👑部隊鍋 $188湯底濃郁帶少少辣味，唔係好食得辣嘅我都食到，撈埋芝士更加香濃。泡菜味道酸酸辣辣好開胃，餐肉、香腸、金菇質素都唔錯，韓式公仔麵果然最好食，年糕都煙韌有咬口😋 ✨韓式海鮮煎餅 $155餅底香軟有咬口，蛋香味濃，食落啖啖海鮮夠足料。煎餅大大塊份量十足👍🏻✨黑松露卡邦尼年糕 $155黑松露味道濃郁，卡邦尼都好香濃，唔會過膩，年糕好煙韌😍 好少見外面會配魚糕片同竹輪，配搭新鮮，充滿韓式風格💜✨Grapefruit ade $40西柚味香濃帶甜，但我自己喜歡帶少計酸澀嘅感覺，所以對我唔太吸引，但愛甜嘅朋友應該會喜歡。✨HITE $50正常樽裝啤酒，不過不失。🔍整體感覺：餐廳環境寬敞，座位都頗舒適，職員服務良好，上菜速度都算快。食物質素同味道都好，份量亦算頗多，性價比都唔錯。各方面表現都ok，值得再去，下次一定要試炸雞👏🏻

我和朋友去行完apm，時間又差不多晚飯，而且都有啲肚餓，咁就去咗亞太中心搵食，上到三樓就見到Dodam Chicken門面好靚好有韓國feel，咁就入去坐下啦，估唔到仲有窗口卡位坐，坐落都好舒服；個餐牌有好多圖片，真係看圖點菜啦！咁我哋好快趣咁就點咗個雙重芝士麵包辣烤雞，同埋一個招牌沙律；個沙律嚟到嘅時間上面洒滿芝士粉，食落都好香口，啲菜都好新鮮，要嚟醒醒個胃，就最啱；嗰個火山包芝士雞嚟到嘅時候都幾特別，中間個包原來用提子麥包做嘅，食落都甜甜地，幾有趣；啲雞粒都算淋，加埋啲韓式辣醬和年糕做配菜，食落辣辣地甜甜地；仲有一細碟嘅酸蘿蔔；食落啲雞都有啲辣但係有酸蘿蔔送返，就完全唔會傷胃；整體嚟講啲嘢食都幾好食，環境都唔錯，真係有少少覺得去咗韓國嘅感覺。

🥢蜂蜜牛油香蒜焗烤雞($208)烤雞焗完後，雞肉嫩滑多汁，而且上枱仲熱辣辣出晒煙，配埋個汁，好惹味👍🏻👍🏻👍🏻👍🏻個蜜糖汁唔會好杰，可以掛滿隻烤雞肉🤤🤤🤤🤤推薦👍🏻👍🏻🥢香辣脆雞($205)睇到個名以為係普通既辣粉雞，一上枱見到係包滿醬汁既炸雞，見到都已經食慾大增😍😍雖然叫香辣脆雞，但唔食得辣既我都接受到。甜甜辣辣既汁加埋嫩滑雞肉😋😋炸雞同烤雞各有特色，而且每碟雞都配醃蘿蔔，唔驚食太多肉會太膩。🥢炸魷魚鬚薯角($168)韓式餐廳好少見有炸魷魚鬚可以叫，即刻叫黎試下🤤完全出乎意料地好食😋炸魷魚鬚既炸漿唔厚唔油，咬落去好脆，魷魚好好食，唔韌爽口❤️❤️除左魷魚鬚仲有熱辣辣既薯角😍🥢Strawberry milkshake($48)可能落得奶太多，士多啤梨味好淡，唔太推薦🙈評分：味道：⭐️⭐️⭐️️⭐️環境：⭐️⭐️⭐️⭐️整體：⭐️⭐️⭐️⭐️

🐥 #觀塘 #dodamchicken觀塘好味又抵食嘅韓國餐廳唔算多，今日就去咗其中之一——位於亞太中心嘅「Dodam Chicken」😋 呢度嘅炸雞焗雞都好出名㗎💓🐣 雙重滋味焗雞 （$248）一個價錢就可以食到兩種味道嘅焗雞，仲可以任揀味道添😋 因為焗雞份量好多，有兩種味就冇咁dry喇～ 我哋揀咗「原味」同「蜂蜜牛油香蒜」🥰 原味本身都好香口，皮薄、肉嫩，焗到熱辣辣上枱，超正㗎！ 蜂蜜牛油香蒜更加好味！佢有種蜂蜜香味，食得出唔係普通蜜糖🥰 甜得嚟唔會漏，香蒜亦唔會太重口味～🍳 芝士雞蛋卷 （$135）韓式嘅芝士雞蛋卷係我嘅all time favourite 😍 啲雞蛋卷脹卜卜😛 香滑軟腍嘅雞蛋卷，包裹住超多超邪惡嘅芝士，拉開仲有拉絲添，超邪惡！🍜 冷湯麵 （$125）冷麵入面有好多材料，包括雞蛋、青瓜、泡菜、蘿蔔等等，辣辣哋好開胃！ 蕎麥麵仲好健康添🥰🧉 Yogurt smoothie （$58@）我哋揀咗兩杯yogurt smoothie，分別係藍莓同柚子味，佢哋超級無敵大杯，香甜好飲😚

今日收工又約左朋友喺觀塘食飯，因為想食韓國野就黎左呢到食飯。首先我地一人叫左一杯乳酪奶昔，一杯係柚子一杯係藍莓。兩杯野飲一嚟到我地都嚇一跳，因為真係好大杯，滿到就黎瀉出黎！而家味道都好濃郁，好飲！然後叫左一個芝士雞蛋捲，成個雞蛋捲勁厚身，入面充滿住芝士，上面淋嘅醬汁同雞蛋捲好夾，好推薦要試下。跟住仲叫左一個冷湯麵，食完熱辣辣嘅野食番個冷湯麵真係岩晒，凍嘅麵麵條真係特別煙靭，口感好好，味道好清爽。最後就叫左雙拼嘅烤雞，試左原味同埋蜂蜜牛油香蒜味。烤雞好香，雞肉好滑！我就更鍾意蜂蜜香蒜味，蜂蜜甜甜地，加埋蒜香味，配埋烤雞味道一流！

之後一直想食尼間，但次次都因為各種原因而未能成行。今次突然好想食炒年糕，所以決定一定要來試試。辣炒年糕叫咗小辣，所以辣度都接受到，再加埋芝士中和，我諗唔太食辣嘅人都會接受到。另外仲有拉麵雞蛋等，完全係好邪惡嘅一碟烤雞方面雖然沒有大驚喜，但味道都唔錯

After a hard day's work, it is time to have a hearty meal. I decided to have dinner at Dodam Chicken on 3/F of One Pacific Centre, Kwun Tong.The fried/baked chicken, pizza and other Korean dishes of this eatery are popular.Today I ordered a Dodam original baked chicken. The chicken is large in portion, cut in pieces to facilitate you. The chicken is aromatic and meaty with crispy skin. The meat is tender and full of flavour. It is yummy. The pickled radish is sour sweet and crunchy. I als

之前食過銅鑼灣分店，覺得幾好食～今次帶埋媽咪過嚟一齊食😋餐廳環境舒適，坐窗邊感覺好開揚， Menu選擇都幾多，除咗炸雞仲有烤雞☺️我哋費事咁熱氣，所以今次叫咗蜂蜜牛油香蒜焗烤雞 ($208)～一上枱發現佢都幾大碟，有唔同部位，數埋應該都有13/14件，蜂蜜味非常重，而且烤雞皮脆內嫩，相當好食👍🏻另一個叫招牌蘋果薄餅 ($165)，上面鋪咗一層厚厚嘅芝士，芝士底部有蘋果粒同提子乾，餅底非常香脆，加埋一啲都冇違和感，而且份量好多，切開有八塊架😌另外仲叫咗杯Yuja yogurt smoothie ($58)，飲到入面有啲柚子皮，好清新，乳酪味亦都好融合😌果然多次回訪都冇令我失望，希望下次再試吓其他嘢啦☺️

早排接另一半收工，所以就係佢公司附近搵野食。當日我地2個都想食韓國野，Openrice 搵到依間，評價都唔錯，就去試下。環境都相當乾淨、整齊，裝修亦都好靚。食韓國野，緊係要食炸雞啦！於是我地就叫左個無骨香脆雞，由於我地得2個人，又想試多啲野，所以只係叫左半份。佢個炸雞跟配左2個醬，一個係甜辣醬，另一個係芥末醬。佢個炸雞炸得都好鬆脆，唔會太油，雞肉亦都唔會太乾。香香脆脆既炸雞配上甜辣醬，令炸雞食多兩舊都冇咁易飽。我地另一樣叫左既就係韓式魚片湯。佢啲料都相當足，個湯冇腥味。食完個人好暖笠笠。然後我地每人都分別叫左一杯飲品。我就叫左Strawberry yogurt  smoothie，而我另一半就叫左Mango yogurt  smoothie。兩杯都好好飲，唔係人造既假味嚟，而且又甜度適中，唔會太甜或者太淡。

平時食嘢無論係日本唐揚雞、美式炸雞定還是韓式炸雞我都食唔少，但真正正宗嘅韓式炸雞聽聞係唔容易搵，上個禮拜我就好好彩地有朋友帶我去食呢間位於觀塘嘅美味炸雞。餐廳有得畀我地揀有骨或無骨，咁我地就叫咗有骨嘅韓式辣焗烤雞嘅。佢嘅醬料好正，唔係死鹹死辣嗰隻，而係鹹香微辣得黎帶有啲甜味，最神奇嘅係啲味道咁豐富，但啲雞肉仍然好有雞味。佢面頭有好多杏仁碎碎，而雞皮又同韓式甜辣醬汁撈埋一齊，食落好有層次。果然冇令我地失望😍食韓國嘢，又點可以冇韓國麵呢？所以我地都有叫一個芝士辣撈麵，本身以為真係麵only，估唔到仲有好多年糕、芝士、魚糕同埋高麗菜👍最鍾意係魚糕，同醬汁好夾肉類方面我地都仲有叫一個烤芝士牛肋骨，有海量嘅拉絲芝士🥰同牛排骨擺入口嘅口感真係好正呀野飲呢我地就order咗一杯士多啤梨cider，酸酸甜甜好開胃，份量都超大😋