Dodam Chicken (1亞太中心) (已結業)

📌Dodam Chicken餐廳環境開揚，大玻璃窗望到街景，環境令人放鬆心情享受美食🍗餐牌有烤雞/炸雞、煎蛋卷、炒粉絲、煎餅等熱門韓式小食✴️蜂蜜牛油香蒜脆雞 $152香脆的雞皮係精髓✨✨十個正🥰雞皮薄而脆，入口帶香濃牛油味，蒜味較溫和唔會太濃，反而香甜的蜂蜜好惹味🍯脆脆外皮裡面的雞肉juicy，無肥膏但依然滑嫩，配上酸蘿蔔剛好解一解膩✴️芝士辣撈麵 $135紅卜卜嘅賣相十分吸引😍就咁睇已經見到好多汁，好正🤍揀咗大辣，平時食開辣的朋友應該都handle到🌶️撈勻芝士一齊食，辣得嚟有甜味同芝士香🥰配料有魚糕、菜、煙肉、獅子狗卷，份量超級多，魚糕同麵差唔多係一比一嘅比例，感覺超豐富🥢✴️洋甘菊茶 $30食完炸雞，飲杯熱茶🍵淡淡茶香無加糖，解膩一流

🐾Dodam Chicken# Give me a good sharp knife and a good sharp cheese and I’m a happy man- George RR Martin🐈自從解封之後就好想去韓國，但奈何身為一個社畜喺繁忙期係無攞假嘅資格，所以唯有去韓國餐廳解下癮✨今次就去咗朋友推薦嘅Dodam Chicken試下💓餐廳幾大同幾多座位，而且店員態度服務非常好，會主動幫手fill水而且上菜都幾快✨芝士雞蛋卷芝士雞蛋卷都幾大條，而且仲配有唔同醬汁，再加上蟹籽，口感非常豐富👍🏻最吸晴係一切開嗰下流出滿滿芝士🤩實在是邪惡到不得了~趁熱食果下係暖暖地嘅蛋同非常濃厚的芝士混為一體固然係滋味無比，但就算凍咗食都好好食😋✨芝士辣無骨烤雞拉麵呢一個都係邪惡到不得了❤️‍🔥簡直係韓國菜的精華混合在一起😋首先拉麵軟硬度啱啱好，配合埋甜辣醬同拉絲芝士簡直係無敵~無骨雞件啖啖肉，而且都幾多件非常驚喜，再加上年糕魚片等等，食到最後都仲想繼續食😚Overall體驗: 以韓國菜來講，我成日都好欣賞佢地成功地將芝士加入去令菜式更上一層樓，果然炸雞同拉麵同芝士係王道💓Dodam chi

週末去APM shopping，咁啱有活動，人潮洶湧，冇地方食嘢🤣🤣，唯有去附近覓食。亞太中心就係APM附近，裡地鐵站又近，第一次去食，原來成座building都好多嘢食，但人流真係好少……有d驚會中伏最後揀左一間韓國嘢，裝修幾靓，下午茶時間碰巧店員都食嘢，人唔係好多，可以坐卡位，望住出面來來回回的火車🚄都幾舒服～都係第一次食呢款韓國餐，戰戰兢兢選了三個半份蜂蜜牛油香蒜烤雞：上檯還是熱的，撕開雞塊裡面還是很嫩滑多汁的，外皮脆脆甜甜的，不過炸的外皮真係有少少厚.. 韓式海鮮煎餅：煎餅不是很厚，🦐同魷魚都不少，味道夠濃郁，但有少少減分就係煎餅唔夠火候，如果稍微再煎內少少就更正啦！手抓飯：韓國手抓飯真的是手抓？服務員沒給我們飯勺，好在有兩隻叉，如果唔係真係要用手了！不過味道都幾好，有少少的辣味同沙律味，滿滿的魚子，不錯不錯～

又到開飯時間 同女朋友去左亞太中心揾食女朋友今日突然想食韓國野 見呢間都有D名氣 膽粗粗去試下啦🤤🤤🤤一開始坐低冇耐就同其他韓國舖頭一樣 一定會有D前菜 應該係醃蘿蔔 但因我同女朋友都唔食酸野 所以冇食到食韓國野點可以唔食年糕啦 今次叫左個『黑松露卡邦尼炒年糕』年糕好煙韌好有咬口 黑松露加卡邦尼汁好Match 2種味都出到 唔會蓋過另一隻味 好Creamy 稀杰度剛剛好 又好掛汁👍👍👍另一道餸係『香蒜鼓油脆雞』一食落去首先係覺得雞炸得好好 好鬆脆 唔係硬掘掘果隻 之後就有陣鼓油鹹香 再黎先至係蒜味 好香口 一啖接一啖 停唔到 😍😍😍野飲方便就叫左一勺『芒果汁』中規中矩 餐廳應有嘅味道 總括黎講：款式方面都算幾多 味道方面都幾好 下次會再黎試下其他 例如：《招牌蘋果薄餅》又或者會叫雙拼《炸魷魚鬚脆雞》

好耐之前takeaway過，食過番尋味😗而加原來take away都仲做緊discount! 抵食!!不過今晚難得有時間，梗係堂食啦！咸蛋黃炸雞(全份) $212勁大份!!絕對係4人份量黎！仲有好多咸蛋黃粒係上面，好香口!!我哋叫咗有骨唔怕啖啖肉🤣重口味人士啱哂!!我食咗幾舊飽哂🤣🤣黑松露卡邦尼年糕 $158絕對係呢度嘅必點菜!!次次黎到我都煩住話想食🤣實在太好味!!有勁多配料，令佢好豐富!有菇，椰菜，煙肉，獅子狗同韓國魚餅，樣樣都點哂汁，又勁香黑松露味!!好快俾我清哂haha海鮮韓國辣麵 $98Wahh都好有gimmick !!用個原鍋上菜，都好香!海鮮有魷魚，青口，蝦都唔錯🤣最正係佢麵質係辛辣麵個種，有咬口!!!!牛骨湯 $202湯就唔算好濃味，但感覺好滋補，有紅棗呀菇咁!!入面仲有韓國粉絲，金菇同牛仔骨x4!!好好食，個牛仔骨有啲肥肥地咁😍

Wait time: no need to wait 6pm on a weekdayEnvironment: very modern looking venue. I’m truly impressive. It’s like a good western restaurant. Everything looks super clean and crisp. I love the place already.Food: First of all, the friend chicken is superb. The sweet garlic flavor is so easy to eat. Chicken is all juicy inside and crispy outside. Definitely get the chicken with bone. The kalbi with cheese sauce is really unique and it just melts in my mouth. Highly recommended. The rice cake dish

觀塘出名多野食，不過早排朋友帶我去食嘅呢間韓國炸雞餐廳我就未試過，食咗之後我有啲後悔冇叫朋友早啲帶我黎食添，實在太有驚喜喇我地見menu上面有好多款雞，有炸嘅亦都有焗嘅，eventually我地揀咗鹹蛋黃炸雞，再要無骨雞。上到黎個size我係有啲嚇親嘅‼️因為真係好大份好香，鹹蛋黃碎唔單淨止sum咗喺面，每一舊雞嘅炸雞皮度都有，肌肉嫩滑juicy，啲肉汁熱辣辣咁爆出黎，再加上香脆嘅外層，成件事真係味覺嘅盛宴😍主食我地就要咗兩款，兩款都好好味，首先係韓式炒牛肉粗粉絲，啲粉絲唔係好似平時韓式粉絲咁幼幼圓圓，而係扁身、粗啲嘅，仲有唔少芝麻，好有咬口，牛肉都好入味，佢係肥牛黎，食得出都幾靚料下😋仲有海鮮餅，除咗魷魚同蝦，海鮮餅更加係有超多新鮮蠔，口感綿密得黎好有蠔味，配襯煎到脆嘅餅邊同蒜絲，真係冇得頂🤩嘢飲呢我地就要咗杯士多啤梨奶昔同Yoghurt cider，兩杯都好高質，係完美嘅一餐🥰

係香港有唔少韓國連鎖炸雞店，呢間選擇特別多，又有烤雞，又有炸雞仲有好多配酒既韓國食物，環境仲好大好闊落，好岩一班人黎食今次係想食韓國炸雞，一次過滿足大家既願望，分別各叫一款試試！香辣脆雞 - 意想不到帶有甜甜地既味道，唔只得辣味，多左一層甜味既層次感更加令人可以一件接一件咁去食！蜂蜜牛油香蒜焗烤雞 - 叫呢個真係要警告小心熨傷點解？因為烤好即上枱，一咬開好多肉汁勁熱香蒜唔算好濃烈，更出既係蜂蜜牛油味，惹味好好食，推薦呀！炸魷魚鬚薯角一行四人超大食再叫左個炸魷魚鬚好岩餸酒一齊食柚子Cocktail soju同Apple cider味道唔會錯穩陣必點，Apple cider既造型亦好岩打卡

今日收工之後同女朋友嚟到位於觀塘嘅dodam chicken 食晚餐，因為真係好耐冇食過韓國菜，又未有咁快可以去韓國旅行，唯有喺香港食住先啦，佢嘅店舖面積都幾大，坐落到好鬆動舒服。我哋首先叫咗招牌甜辣芝士烤雞，佢嘅份量真係好多，好抵食而且佢嘅味道真係好出色，而且仲有年糕，整道菜嘅配合都好令人開胃，之後我哋亦都叫咗半份香蒜炸雞，又係一道好好食嘅主食，醬汁亦都夠味夠甜而且皮脆肉嫩，之後我哋亦都叫咗韓式海鮮煎餅，佢嘅煎餅好夠材料，唔會覺得太多嘅麵粉，而且亦都唔會油膩，都好推薦大家可以試吓，最後我哋另外叫多咗個芝士雞蛋卷，呢個餸係最令我印象深刻，因為個外型已經好吸引，切開之後濃濃嘅芝士更加吸引人，而且亦都好厚身，所以整體來講真係好出色嘅韓國餐廳

最近一直想食韓國菜，觀塘唔算好多韓國菜揀，見dodam chicken menu幾吸引，基本常見既韓國菜都有又幾近地鐵站一於食下🙈招牌甜辣芝士無骨烤雞($205)超級拉絲！！芝士熱辣辣鋪滿曬成個烤雞，雖然多但完全唔膩，口感好唔會一餅餅或者太溶。成個好足料，除左有烤雞之外仲有年糕，仲會食到少少蔬菜。烤雞無骨食落好方便，雞肉夠嫩，味道甜甜地好juicy，年糕偏淋身質地。韓式海鮮煎餅 ($155)好大一份兩個人分絕對綽綽有餘，已經切好曬方便一舊舊食🤤海鮮食到有蝦有魷魚，煎餅外層脆脆地，食落唔會覺得成口粉。加左蔥紅椒等等令味道更清新，唔點醬都已經夠味道🙆‍♀️芝士雞蛋卷 ($135)賣相滿分超級靚😍鋪滿勁多醬超邪惡，但越邪惡既野往往越好味😂芥末醬味最出最好食🤤雞蛋卷好厚卷左好幾層，但咬落軟軟地唔會硬實實咁。上面仲要鋪左唔少蟹籽，中間芝士一切開流曬出黎勁足料🤩香蒜脆雞半份 ($148)食韓國菜點少得叫炸雞😈唔想叫原味炸雞咁普通所以叫左香蒜甜甜地。兩個人分半份每人都有三舊雞食，外皮炸得夠脆同埋每個位都沾得到醬，最後連蒜片都食埋🤣

觀塘好多韓國野但同時都好多伏>< 朋友食過幾次推介話呢間炸雞唔錯，幾個人gathering就黎左食～幾個人一齊食最開心就係可以叫兩份唔同口味既雞share，所以分別叫左一個烤雞一個炸雞，炸雞又點少得酒，亦都叫左韓國燒酒試試ꈍ 蜂蜜牛油香蒜焗烤雞♡⸝♡⸝♡⸝蜂蜜牛油香蒜呢個組合無得輸，哈哈，好好味雞肉烤得好Juicy同香口 ( ᵒ̴̶̷̥́ωᵒ̴̶̷̣̥̀ ) 烤雞感覺試無咁熱氣，但惹味味道不輸炸雞的！ꈍ 香辣脆雞♡⸝♡⸝♡⸝係好正宗既韓國甜辣醬炸雞！好味呀！初時以為只有辣味，個sauce帶有甜味，開胃同埋無想像中辣食唔到辣既朋友仔都話OKꈍ Cocktail soju （Juja)一大Jar 可以幾個人share飲，幾抵叫的柚子味同soju都幾夾，易入口ꈍ somersby Apple cider呢個真係打卡必點呀～見到隔離枱一人一支，我地都跟住叫

Happy Friday♥️梗系要食餐好嘢啦 今日決定試亞太中心嘅Dodam Chicken嗌lunch set可以喺自助bar度揀1罐嘢飲 仲有泡菜同韓式粉絲自己夾🫶🏿泡菜酸酸辣辣幾開胃😋粉絲爽口幾惹味 唔錯嘅開胃前菜😝-小妹嗌咗人氣嘅芝士雞蛋卷 4/5切開勁多芝士流晒出嚟🤩上面有蟹籽 沙律醬同燒汁 味道啱啱好 唔會太鹹亦唔會太淡 不過蛋嘅質地就唔算滑😬三重芝士炸雞 3.8/5最底系mozzarella cheese 中間有個提子軟包裝住芝士醬 同炸雞好match 我哋點晒嚟食🤣提子包甜甜地都幾好食😚但系mozzarella 凍咗就硬晒痴住咗塊鐵板😅同埋炸雞都偏重口味 食完比較口乾飲咗好多水🙌🏿黑松露卡邦尼年糕 2.5/5食完覺得好漏 小妹就唔太喜歡 年糕我諗辣會好食啲 佢同carbonara就唔系咁match😬總括嚟講味道不過不失 普普通通嘅一間韓國菜 但價錢偏貴 唔太抵食 可以一試嘅 不過就唔打算encore la😛

因為疫情好耐冇去旅行，今日放工同朋友去apm行街就順便黎回味下韓國🇰🇷嘅炸雞🤣入咗每台都會有個前菜，酸酸甜甜都幾開胃叫咗蜂蜜牛油香蒜炸雞，個皮炸得好香脆，雖然搽咗醬汁，但係都唔會變軟，份量都好多，每舊都好大件，雞肉肉質鮮嫩👍🏻👍🏻另外呢度都有俾埋手套，我哋咁食炸雞就方便好多，唔怕整污糟隻手另外叫咗黑松露卡邦尼炒年糕，呢個好足料，入邊有菜、煙肉、年糕等等，當然仲有好多芝士😋😋第一次食呢種炒年糕，覺得好有新鮮感另外叫咗兩杯奶昔，我自己就試咗芒果奶昔，杯奶昔甜甜地，而且唔會好膩，食咗咁多件炸雞飲番杯奶昔中和番就啱晒

近年韓國風氣大熱，韓式餐廳開到成行成市，我自己都食過唔少，不過質素就參差不齊，想搵到間真係好食嘅都唔容易，今日朋友推介之下就過到嚟呢間餐廳，試一次又發覺幾有驚喜👍🏼👍🏼我哋叫咗鹹蛋黃脆炸雞，餐廳提供無骨版本，啱晒我呢啲懶人，啖啖都係肉！🐓🐓另外我哋仲叫咗餐廳推介嘅海鮮餅，除咗一般餐廳都有嘅哈同魷魚，呢間嘅海鮮餅居然仲有蠔仔，口感更為豐富。我哋仲叫咗個韓式牛肉炒粉絲，呢個係最有驚喜嘅一樣嘢食，因為佢承諾有啲似乾炒牛河，但係粉絲版本，口感更清新，而且充着麻油嘅香味，奇怪嘅係，食落又唔會好膩，真心推介！😎我哋仲叫咗兩杯嘢飲，一杯係韓式燒酒果汁，另一杯就係士多啤梨奶昔，兩款都酸酸甜甜，好適合送炸雞！總的來說，十分滿意！

一直以黎好少食韓國炸雞，於是遲遲都冇食過呢間過江龍，今次決定要一試！7點去到冇乜人，任坐咁濟，環境非常舒適，座位，寬敞，2個人坐哂4人枱。😆同平時啲韓國舖一樣，播住韓國歌，電視播住韓國MV。野食種類應該有既都有，烤雞炸雞、年糕、PIZZA、飯等等，絕對夠食嫁啦。🥰—🥢香蒜豉油脆雞🥢脆雞可以揀半份，兩隻味混合同埋轉無骨，今次我地怕食唔哂，揀左一隻味，半份無骨。佢好快已經上枱，熱辣辣，勁香既豉油味。🤪成日覺得係炸雞上面淋汁，會搞到啲雞皮唔脆，但真係好神奇，呢間做得好好，舊舊雞都比充分既汁包住，但係完全唔會淋左，雞皮依然好香脆！😳一路食，淡淡既蒜味會湧出黎，唔會好難頂，豉油應該係甜豉油，始終都係偏甜，好彩未去到死甜，同蒜味夾埋一齊非常惹味！🤤不過始終偏甜，所以keep住食都係會漏，要間中飲啖野飲中和返。—🥢黑松露卡邦尼炒年糕🥢就咁睇已經見到好多汁，好正。一上枱已經聞到濃濃既黑松露香氣。好Creamy，每一條年糕都沾滿卡邦尼白汁，好香，不過略嫌淡左啲，如果加返啲鹽就完美啦。😚—🥢MANGO ADE🥢野飲不過不失，係正常既芒果梳打咁，唔好太甜。不過應該係漏左單，我地差唔到食哂啲野食，佢都未黎。要