Domon 札幌拉麵 (已結業)

(7/1/08)同姊姊八點來到,剛有位,都係搭枱咋!鬼咩,蔡瀾介紹過既地方,都會係咁。落單個位阿姐,好唔掂,我地要兩碗麵,兩個小食,佢建議我地要二人餐:兩碗拉麵+三個在menu上小食,就$188。但係我地想要介紹咭上的小食,俾o個位阿姐混淆晒,洗唔洗extra加錢呢?費事煩,我地獨立叫。有d食物實際價錢同廣告show的唔同,北海道香蔥拉麵($68>$78),草菇拉麵,北海道南瓜薯餅($50),北海道鹽燒牛舌($25>$45)。牛舌原來有分大細size,如果你唔講明,佢會入單入大size$45,好唔o岩law!蔥拉麵,唔通北海道既蔥真係唔同既?食完唔會口臭噃!佢同草菇拉麵,無乜分別,後者湯咸d。整體只屬一般,硬係爭d,唔知爭d咩。南瓜薯餅,勁熱!都幾甜,和炸得乾身。牛舌就始終有羶味,不太喜歡。因為價錢差異(唔憤氣)；因為要搭枱坐得唔舒服(同茶餐廳有咩分別?),仲要收10%；因為阿姐的服務質素唔掂。Even食物點好,都好影響對間餐廳既印象。

天氣轉冷，諗住食熱辣北海道拉面冇走雞。我點咗麵豉底叉燒拉面，幾油吓，我接受到油的，但食了不多已失去食拉面應有的shoot shoot 聲興奮感覺，好快飽滯，但最後都食完。另外一碗醬油底葱拉面，我試過少少，清一點，但不太好食。小食有餃子(ok，但油Ｄ)，魚餅及雞泡魚乾(standard)。餐後成個人温洹吞吞，之後腸胃萬馬奔騰三數天，程度6-8級，腳軟多兩天。太太好Ｄ，二三天，程度3-4級。

因為想去果間閂左門…所以第二次幫襯呢間拉麵店等位等左唔係好耐，不過要搭枱…重要好逼，坐得好唔舒服野食方面只係不過不失，我地叫左個聖誕節二人餐，有兩個拉麵同4個小食我叫左個豬肉拉麵，湯低勁喊…另一半個牛油拉麵就唔錯小食方面一般…唔算得上勁好味另外d小食唔吹佢都唔記得上，最後等到已經唔肚餓無食走人埋單$272…咁既環境服務同一般既質素最多值$200

回港做冬前率先在老尖慶祝一番,所有的卡座 has already been booked before 13:00.飲品分別是兩罐 cold shochu peach, and cold shochu lychee(much milder).味噌拉麵, 吉列蝦, 沙律, 生炒本菇統統滿分.蝦餃子...稍遜.前菜沒有印象, 價錢也忘了.(後話: But 清潔並不代表衞生; 衞生並不等同清潔. We really don't know how to judge.)

晚上, 塞車, 非常肚餓. 想起未試過 Domon, 到時, 手機上的時間己是夜晚10點.點了葱拉麵.上桌, 真是非常多葱, 但是吃下去覺得沒有甚麼特別. 普通過普通.左邊的人, 猛說好吃右邊的人, 豎起姆指他們都是點葱拉麵呢!但我反而覺得味千那種, 請個技師像煮公仔麵般煮出來的拉麵更可口....小吃雞軟骨就不錯.那麼肚餓都不覺得好吃...失望.

今期 U-Magazine 刊登了札幌拉麵的廣告, 廣告上印上了一張優惠卷, 內容是凡惠顧札幌拉麵均可獲九折優惠, 有效日期至12月31日. 今日我和友人手持優惠卷到嘉蘭圍分店惠顧, 該店職員表示此優惠卷只限聖誕二人套餐, 她還說可能是雜誌社漏印此項條款. 本人有以下不滿:1.札幌拉麵在廣告誤導讀者, 令讀者以為持優惠卷就享有九折優惠.2.該店職員將責任推卸在雜誌社上, 說雜誌出錯, 完全沒有承擔責任, 毫無誠信可言.我不是為了一角幾毫而和該店爭辯, 而是我覺得這是原則的問題, 根本錯不在我, 在據理力爭的情況下, 該店的職員終於承認此優惠卷有效, 但我以後都不會再光顧此店.

26-9-2008女朋友說有張九折coupon，月尾便到期了，所以決定舊地重遊。八時多，要等候座位，兩個人，也等了差不多半小時呢！又是坐吧臺的位置，看著師傅煮食，很有日本小店的風味呢！看了餐牌十多分鐘，仍然下不了決定。結果，還是來個288套餐吧！(有九折coupon嘛！)上一次把牛油炒雜菇換了燒魷魚，結果吃不完。今次還是試試牛油炒雜菇，比我想像中的味道淡得多(牛油味)，清清的，挺合我的口味。接下來的就是蟹籽沙律，比其他店的用料較足，份量剛剛好。挺醒胃。緊接而來的就是吉列蝦。這次火喉剛剛好，蝦鮮甜香口。而拉麵是一貫的水準，濃郁的miso湯底，彈牙的粗麵，正！接著來的餃子，皮薄薄的，煎得香脆，而內裏充滿肉汁，正呀！主角是鱈場蟹，味道鮮甜，但沒有上次吃的那麼美味。我和女朋友就這樣一件不剩的吃掉這二人餐。(上次明明吃不完的 =.=) 下次再光顧之時，應該是再有9折coupon的時候了。

11月28日8:30pm - 仲有兩個號碼就到我地,等左5分鐘就有位喇~~~由於時間關係,企係門口等既時候,已經決定食乜東東,不過我仲有一個疑問,就係餐牌上每一碗拉麵裡頭都只係得一塊叉燒,得一塊咁少,唔好食就話一塊都嫌多,如果好食咁又點算,得一塊唔夠喉喎!!你話係咪先~~~我食草菇拉麵,老公食"拉麵"和蝦餃子.草菇拉麵因為我至愛食草菇,除左多左草菇之外,其實同老公碗拉麵係一模一樣,而叉燒真係只得一塊,所以我留到尾聲既時候先至食,叉燒味道都係一般,不會難忘,也見得特別唔好食,反而湯底就唔錯,夠濃夠熱不會太味精.拉麵老公食左一陣就話,都係橫綱好味好多,不過唔將兩者比較,都唔會留戀喎.蝦餃子第2,3,件煎得香脆d,第1件煎既時間係非常短,所以不及2,3件香口,味道都ok,but食唔出蝦味.好孤寒呀~~

等阿媽做完義工之後，相約去尖咀食野。一直都想試呢間ge拉麵，今日終有機會。店子裡都有好多日本食客。我地坐廚房前的位置，也有點油煙味。叫了兩個lunch set。我要了叉燒拉麵拼餃子，加支裝忌廉。阿媽就要叉燒拉麵拼滑蛋豬扒飯。滑蛋豬扒飯先來，好熱。滑蛋已變成熟透蛋；豬扒好食，唔係淨係得層皮，有肉且炸得夠脆，粉漿也不原。接著來的是餃子，有4隻，煎得頗油，但食落口又唔算好油。皮薄，餡多，不多肥肉。叉燒拉麵都等了好一陣子先黎。份量適中。飲啖湯先，味道不算太濃，豬骨味不濃，跟在日本食到的有一點距離。反而個麵就同jp差唔多，彈牙，無鹼水味。面頭的蔥唔夠香，在日本食到的是很有蔥味的蔥花；但這裡的唔夠香，仲有少少苦。叉燒好食，有肉味，又唔會太咸同太肥。店子小小，lunch time 非常擠迫。且人手不足，伙記要落單、食物、同埋單。

好出名既拉麵店無錯，佢既湯同麵都係好既，湯係濃的，麵係軟既，好食過味千多多但鍾意食辣拉麵既我就非常失望，因為佢既辛辣拉麵都係就咁加d辣肉碎落去，係完全唔辣既…我食哂成碗前都唔使飲野咯一間咁出名既拉麵店，居然就咁加d肉碎落去就話辛辣，我覺得呢款麵絕對係間店既污點，唔做好過做連加一、七十幾蚊既拉麵都唔多料，都唔抵食也沒有特色飲品，淨係得成20蚊既汽水，所以都無叫飲品

曾訪紅石勘和荃灣店, 對其出品不敢恭維, 以為是利用蔡生logo招招搖撞騙之徒. 後來見openrice上的笑臉分佈, 感覺分店/總店質素有異, 亦促成今日之行.點了最簡單的北海道拉麵. 湯頭味道非常好, 豬骨的甜味足但不油膩. 最美味處是麵鼓的味道雖輕, 但完完全全地溶於每一口湯中, 與肉骨湯糅合而沒有喧賓奪主. 麵吃完了我甚至大口大口地喝過碗底朝天. 牛油太少, 且味道不甚濃烈, 混於湯頭後即消失不見, 沒有為湯頭增加充盈的口感. 其餘麵和配料即未算出眾, 仍屬合格之作. 縱合起來, 五十八蚊碗麵, 食得過.

早在這店開業時已知道它的存在了，奈何每次覓食之時總想不起它來，直至今天剛巧找不到原來想去的拉麵店，這店便在腦海中浮現出來了。這店的面積不算很大，我們幸運地被安排坐在吧檯的位置，可以邊看著師傅弄料理邊進食，又多了一重享受~ 所以假若到日式食店光顧的時候，也盡量會坐在吧檯的位置來看看不同師傅處理食物的功夫，從中也能對該食物增加多一點的認識。入座後拿起菜牌，跟女友研究了一會，點好了菜便談了一些關於婚事的事宜.....先來的<<吉列炸蝦>>，外層炸粉香脆可口，而蝦肉帶甜﹔雖及不上專門店的製作，但也算是不錯的出品，如能在火候上再能多加控制，口感該會更加好。要了啤酒也該有送酒的小食，<<鹽燒牛舌>>都切一片片薄薄的，油香當然不及厚切的美味，但口感也算爽脆，以這價錢來說算是不錯的了。重頭戲<<味噌湯札幌拉麵>>，湯底濃度不錯，鹹度亦適中。麵身有點兒過腍了，而那一小片牛油在溶進了湯底之後，味道上多了一份層次，其香味也頗討好。而拉麵的另一個重點 - 叉燒則有點失望，入口不夠鬆化而且有點嚡口，這方面我想店方要

拉麵麵質很彈牙，麵的質素朲說算是很不錯的了。有很多的蔥、洋蔥、筍和紫菜，有數片的豬肉，用料算豐富，蔥和筍等都算新鮮，帶出了香味，豬肉是典型的日式差燒，都是很美味，可惜的是差燒好像份量較少。最出色是這裏的湯底，有牛油、醬油和鹽味湯底選擇，要了醬油味湯底，有豉油的香但不太咸，絕對不是坊間機械式日本湯麵湯底的味道，應該是有下心機自家製造，差不多喝了整碗，我覺得真的美味。http://icuteee.mysinablog.com/index.php?op=ViewArticle&articleId=1412099

之前睇到magazine講拉麵,又有九折coupon所以同女朋友去左ＤＯＭＯＮ試下,８點鐘好多人要等位入到去我叫左一個豚肉垃麵,女友叫左一個牛油拉麵,同一客餃子,麵豉湯好香,可能之前食拉麵多數食豬骨湯,原來麵豉都幾好味,豚肉都好多,牛油拉麺都好味,麵同湯都ＯＫ不過得一片叉燒好似太小喎,餃子＄４８六隻都幾貴,不過Ｄ餃子皮好薄又脆真係好好味．．．貴都值得試下,，睇返之前Ｄ食評話唔好食,我覺得都唔係丫,．．．．值得試試

上次路過波波話想試,今日嚟到TST, 7pm到唔駛等位即入坐....我們要了二人套餐葱拉面 - 果然同圖片的一樣,有好多葱係面, d湯都幾濃, 比出面一般的好, 但就唔係咁鐘意d义燒义燒拉面 - 波波話好味, 試過一淡佢d湯, 係好濃miso 味海鮮沙律 - 只有蟹柳,幾隻小蝦, 海澡, 生菜. 但個沙律汁幾好, 有d麻醬味牛油炒姑 - ok la蝦餃子 - 賣相幾靚, 味道ok, 但點個d汁就唔夠味串燒雞軟骨&雞翼 - 無味wor...燒蟹脚 - 有d咸咸地, 我唔識欣賞本人唔鐘意佢open kitchen, 因為點都有d油煙味, 但d面又真係幾唔錯.