euro go go (已結業)

平安夜🤶🧑‍🎄去完會所Christmas Party搵地方食下午茶🫖，老婆揀Eurogogo，去到荃灣廣場Eurogogo入面8成滿，好彩仲有角落4人枱，平時出櫃枱order，今次發現枱有個QR code可落orderOrder咗三式薯皮伴Gogo酸忌廉醬餐加$10配凍朱古力🍫加忌廉同香蕉🍌班㦸配熱啡☕️，點完兩個餐先知要login，以為自己有登記過，點知入極password都錯，按埋忘記密碼入電郵📧先知冇登記過要開戶，開完戶諗住俾錢🤌但之前order既野冇哂，又要再入。入完諗住俾錢🤌，用Alipay諗住揀Q Credit Card又唔俾㨂，要手動back，但最後又冇哂記錄，又要重新㨂餐，再俾番Apple Pay。前後攪咗成15分鐘，有埋預計送餐時間17:58。香蕉🍌班㦸、熱啡☕️同凍朱古力🍫上先，香蕉🍌班㦸賣相都ok，個皮整得唔錯👍，入面好多忌廉好rich，熱啡☕️少少🤏苦落咗一包糖，凍朱配忌廉好邪惡，我囡係咁抔cream食，好滋味😋之後再上焗薯皮，有酸忌廉，我就唔鐘意食，反而老婆鐘意食

黎到荃灣廣場，又唔係幾想食打邊爐/燒肉，又想食平平地，就諗到去食呢間euro go go!!我地19:00左右到達店舖，見到唔係滿座都有D空位有少少驚訝，因為呢間餐廳成日都滿座要排隊等候入座的🤔🤔我地兩個人叫左一份蜜糖雞翼、卡邦尼意粉、焗薯皮拼盤，食完都飽飽地既，不過都追加左一份香蕉酥😍首先個蜜糖雞翼真係好高質，每次都一定會叫😍😍蜜糖+雞翼真係好好味！不過下次會想試下佢個香辣雞翼😍然後佢個卡邦尼意粉都唔差，有濃郁既芝士香味，唔知點解會越食越開胃🤣🤣，份量就唔可以話係好大份，不過一個女仔食都應該會飽既👍🏻跟住佢個焗薯皮拼盤總共有6件，吞拿魚/火腿/雞肉各2件，呢個我都好鐘意，可能係我本身就好鐘意食薯仔🤣🤣

好耐冇去呢間euro gogo。 今天諗住假期所以去試下。。 結果有點失望。😢焗芝士西蘭花，味道比較淡，冇咩芝士味😑。 蕃茄焗蘑菇就唔錯，番茄味濃😊，所以我最後將啲西蘭花放埋落蕃茄焗蘑菇度一齊食 😁最失敗係飲品，一開始叫咗杯凍忌廉朱古力🍫，睇相真係好靚，所以決定試下。。。 飲咗一啖，兩啖。。一直喺度掙扎好唔好換杯飲品， 結果都接受唔到呢杯完全冇朱古力味嘅凍朱古力飲品，話曬都 $38，實在難以接受。結果換咗杯西班牙雪糕咖啡， 雖然都有咖啡味，但始終都偏淡。😒但相信喺短期內應該唔會再去了。。😅😅

平民式西餐總會想起薩X亞，想食高級少少就會想起euro go go。在假期下的晚市，即使到處的食肆門前都人潮如鯽，唯獨這間卻無需等位，直出直入。餐廳的空間很大，歐陸式的裝修設計正好掩蓋了快餐店的味道，可以坐下選好菜，到收銀處點餐，再等候餐點送來，然而等候的時間是最漫長及最煎熬，尤其是在肚子餓的時間。蜜糖雞翼 (5隻) $56記得多少前第一次食這餐廳，朋友極力推介蜜糖雞翼，果然一試難忘，這次再食，再極力推介給未食過的朋友。香甜的蜜糖包裹住整隻雞翼，用焗的方式令雞翼保持外皮微脆，但咬落口肉汁豐富肉質嫩滑，絕對是會一口接一口。​慢煮雞胸沙律配芒果乳酪醬 $66想吃點蛋白質，所以點了個沙律，雞胸肉沾一沾芒果醬配上乳酪，也是出其地配合，清新又健康，雖然慢煮雞胸不算特別嫩滑，但勝在份量足夠，再配上油醋汁的沙律，絕對是輕宜之選。香蒜蜆肉意粉 $74意粉炒得比較乾身，細看會看到一點點綠色，像是青醬的感覺。吃起來不會一口油，有少少微辣，蜆肉數量一般。黑松露麥型粉$68麥形粉看起來像粒飯粒，幻想自己食著Risotto，再加上黑松露的味道，亦嘗到芝士的味道，口味相對會比較咸，雖然其貌不揚，但我都吃得很滋味。

《速評系列》▪︎歐陸式快餐店，價錢大眾化。▪︎食物選擇繁多，梗有一款啱食。▪︎下午茶都有成十多款，或不適合有選擇困難人士。▪︎味道沒有驚喜，但也不會難吃。▪︎正正常常咁囉！▪︎目測雞翼、pizza和香蕉船最受歡迎。▪︎不主動光顧，每一次都是躊躇吃什麼的時候，突然看到它，然後很自然地走了進去。▪︎啱哂口味各異，但又各持己見的大伙兒。《完》#星期日都有下午茶餐#熱香餅不及老麥好吃#凍朱古力稠似奶昔#終於夠200字

今日lunch梗係喺位於荃灣嘅綠楊坊商場2樓嘅euro gogo嗰度食嘢啦咁我哋一入到門口即刻嗌左以下幾樣嘢：熱低因咖啡、凍檸茶、蜂蜜雞翼、芝士鮮茄汁海鮮闊條麵、同埋半份千島海鮮薄餅，場地唔算大但係呢個時間都有位坐，首先講杯咖啡我覺得係幾好飲但係冇得走甜轉凍嘅，凍檸茶就正正常常出面茶餐廳嘅感覺，Pizza我就覺得唔錯嘅但係我會鍾意厚底嘅Pizza，蜜糖雞翼都OK雞翼算大隻，重頭戲黎啦個意粉幾好食好足料，值得一試。

今次叫左千島海鮮pizza餐和牛脷紅酒意枌，芝士薯蓉個pizza薄底，好脆，幾好食😋不過海鮮少個意粉🍝好多，牛脷都有6.7舊咁多，冇咩紅酒🍷味個芝士薯蓉勁推薦，係勁好食😋勁大陣芝士味，熱食可以拉絲，超正，勁推介😍😍個熱奶茶都好驚訝，好滑好濃厚嘅味道跟餐有叫到香蕉🍌班㦸，依個好好食，好大舊香蕉每一盆嘅顏值都好高，料都好足，除左海鮮🦞環境幾好，可能中午，冇咁多人😂服務態度吾錯，都好有而耐性😁

以前薯皮1客係有3件半邊薯仔 姐總共有1.5個薯仔而家變左係1個薯仔開4件， 仲要賣$52蚊 4分1件薯皮要$13/件份量少左3分1 每件細細件 感覺好細份同偷工減料左唔抵食 以後唔會再食

放咗工同朋友去坐下，咁啱仲有下午茶於是再食下啦！感覺食下午茶餐都幾抵40幾蚊仲有一杯嘢飲！卡邦尼意粉大大碟，都夠汁撈埋都正正常常。當然啦唔可以期望佢好似其他西餐或者Cafe咁好食！不過食落去都可以滿足到平價西餐嘅慾望！蜜糖雞翼雞翼真係不得了，超大隻同埋真係整得好好食！大推肉醬意粉我就冇識到，但係同行朋友食左覺得都正常。泡沫奶茶（榛子）我覺得呢個飲品都幾好味！好少何奶茶上面都可以揀泡沫同埋榛子味嘅奶茶都幾特別香香甜甜。

行街行到口渴，想搵個地方坐低飲杯野！但係呢個紅日想搵間好啲嘅餐廳而又唔使等位嘅話真心難！！係荃灣廣場，咁就上4樓睇下邊間餐廳有位啦～Euro go go🤨我記得個檸茶都幾好飲架喎！等兩枱！！為咗杯檸茶我就等你！好彩地，好快就有位啦～黎親Euro go go，有樣嘢食基本上一定會叫！蜜糖雞翼$56對上一次食應該仲係$4x🙃物價升得真係好犀利！還是我上一次已經係好多年前？？講返正題：雞翼嘅味道同以前一樣好味😋大大隻，甜甜的🥰雞肉滑！熱檸檬茶+$2加兩蚊係因為我加大左杯茶😜太口渴啦！茶味同以前都係差不多！唔錯！餐廳人唔多，係度HEA左陣先走人～

Lunch 時間來幫襯，非常唔好彩附近有裝修好吵，影響到用餐體驗。座位好寬闊，有幾個sofa位，餐廳感覺都好乾淨整潔。叫左黑松露麥型粉餐，跟沙律同熱奶茶$68沙律同奶茶好快上左，但個麥型粉等得比較耐，都等左3個字左右。黑松露味都幾香，個粉好滑口感好d似食義大利飯但比較滑，都有少少咬口。好啱我好味，好好食👍一個女仔黎講份量啱啱好，男仔應該唔夠飽。奶茶同沙律都ok，奶茶比一般茶餐廳奶茶好味少少。快餐黎講算係好好食同坐得舒服，希望下次附近唔好再裝修了😂

平時耐不耐都會去食下呢間又平又抵食嘅西式快餐店，今日假期訓晏左又唔想食得太多野的嘅情況下，於是走左去荃灣廣場食左個下午茶門口岩岩唔駛等位，職員好nice咁叫我掃安心出行又安排位置比我。Order 左個Tea Set 法式薯蓉焗田螺餐配凍刌茶。上枱時溫度好夠熱，職員好細心地提點個盤好熱夠細心。芝士味夠香濃，薯蓉夠香滑，份量岩岩好, 不過D田螺實在太好味，所以好想再食多幾粒。平時意粉都好好味性價比高， 估唔到薯蓉都咁有驚喜，令人一食想再食。

Lunch time 同事要去荃灣廣場整D 嘢, 諗住Euro Go Go 多D 位, 又好耐冇食, 於是一行幾人就去Euro Go Go 啦! 好彩今日唔係好多人, 好快就搵到位。入去時店員俾咗張LUNCH MENU 我哋, LUNCH TIME 有SET, 幾好喎! 包蒜容包/沙律同飲品。而且都好多選擇, 今日我就揀咗蘑菇肉醬意粉, 田園沙律同熱齋啡。田園沙律 - 勁新鮮, 個意大利醋汁好鮮, 酸酸地勁易入口。熱HOUSE COFFEE - 不錯, 係淡咗少少。蘑菇肉醬意粉 - 肉醬勁多, 好好食! 而且兜意粉勁多, 個醬去到最後都仲夠撈意粉, 讚! 

euro go go 呢間嘢都有好多人話平價好食，所以上次夜晚行完街之後就係荃灣廣場見到euro go go 毫不猶豫就揀左入去食. euro go go 嘅裝修都好有西餐嘅感覺，環境唔錯. 咁睇距餐牌種類都多野食，價錢雖然無lunch 有set餐揀，但西餐黎講都差唔多價錢，所以都算中等價位. 野食方面，見到距有個叫薯皮嘅菜式，感覺好新奇，因為我覺得點解唔食薯仔🥔，或者食薯條，點會揀食薯皮架，但都捧著一個嘗試同不解嘅心態叫黎試。點知一試就愛上，原來薯皮🤣咁好食，之前見過菜單有距都唔揀，心臨個薯皮咁貴唔值，依家食左又覺得值😍 雞翼，都好多人推薦，的確好食，不過對我黎講無咩雞翼唔好食😂😂😂同埋有dd貴 焗田螺都唔錯，好好味😋 整體黎講，euro go go 嘅質素都唔差，價錢中等，飲品亦唔錯

呢間嘅分店就周圍都有，但係我居然係第一次食，事關我一直覺得佢純粹係貴啲嘅薩利亞，但係今次去就有啲驚喜。佢個pizza餅皮係我鍾意個種，煙韌，又夠薄，同上面啲餡料嘅比例好啱，而個意粉都幾正，醬汁鹹淡適中，係高質嘅