EXP

營業中

休息中

開展U-FIT纖體減脂program之後，就開始留意香港有沒有ketofriendly，可以配合纖體教練指定飲食配搭的餐廳（雖然U-FIT與坊間生酮飲食有很大分別）✨EXP是個超棒的餐廳選擇，有配搭海鮮的沙律，還有滿滿蛋白質的各種燒肉～想detox一下還可以選擇不同的果汁配搭🍹我選了軟殼蟹沙律🦀一上桌就被它的份量震撼了🤩因為纖體日一餐要吃三杯菜，這裡的份量剛剛好，而且沙律菜的種類很豐富：羅馬生菜、紫椰菜、紫洋蔥、青瓜、月桂葉、蕃茄、辣椒等很fresh🌿加上酸酸辣辣的沙律醬，有著濃濃的泰式風味🇹🇭軟殼蟹藏在沙律裡面，本來以為會很少，結果有整整四大條🤩因為炸粉用粟粉等做成，所以我全都去掉了🤣即使去掉炸粉也很鮮美脆口～飲品我與朋友share一杯Capital C，是由橙、奇異果、士多啤梨榨成的果汁，酸酸甜甜超開胃🍊

我每次來EXP都會叫以下菜色，好彩，味道依然保存到。果汁飲到鮮果味道，如果你平時好著重飲食的話，鮮果係一個健康既選擇。另外墨汁意粉加少少芝士令味道更香，配合帶子和有魚子，更加有口感。而牛油果Pizza，食起來軟身和保留牛油果口感和食到冰鮮蝦的口感，還有更脆的魚子，口感更好。食物都不錯，但服務就，舉手叫人下單比較慢，有時等好耐先有人應你。

呢間係又一城既EXP餐廳，好岩一大班朋友黎食飯，因為Lunch set 有飯、有粉同Pizza好岩share食～～我order既main dish係煙鴨胸蟹肉蘆荀炒飯，睇名已經覺得唔錯，好快上枱後，發現好足料，大大份～～味道都好好，有半個青檸吊吊味，炒飯入面仲有啲新鮮龍眼，甜甜地，好fresh,有驚喜，令到個炒飯層次upgrade,更好味道～～炒飯唔會太乾身，配埋蘆荀、蟹肉炒得剛剛好～～餐飲方面有好多選擇，我今次就order左power ginger 勁果薑，係青蘋果、甘荀、橙同生薑既混合飲品～本身怕生薑好辣有伏，但最後都敵不過好奇心想試試，驚喜地好好飲，薑味唔會太辣，配埋其他蔬果，味道好夾，值得再飲！

味道一般般，服務員隨意，服務態度差勁，無感，比客人大牌⋯Zzz位置不錯，可以看到滑冰，薄餅還可以。可能也就是位置好吧。果汁還可以，唯一的推薦吧，大蝦牛油果也可以。

本身只係想在商場裏搵野食，就見到EXP，係我中學時期食過，好耐冇去食。但今次食個簡單lunch，同朋友chill下姐，我們一去到，不夠15mins 就可以拎到位，等候時間唔太長。不過，我就覺得價錢比以前貴了很多，但食物還時不錯。我覺得個意粉個source不錯，有濃郁的cream味，但我覺得少了海鮮的味道，感覺有少少分開，但是整體的配搭不覺太油膩。

新春團拜好去處👍，因其地點位置優勢，九龍塘新界及市區人士之集中點。💃🏻💃🏻🍴泰式燒烤柚子沙律 $72酸甜香辣清爽樣樣有齊超級醒胃。😋怕辣的可以選擇軟殼蟹沙律。🍴芝士粟米迷你薄餅 $58熱辣辣十分軟熟，香軟麵團入口啖啖糯香，食薄餅有時不用太多餡料，我比較喜歡簡簡單單。🍴他的名字叫「深綠」 Deep Green $33羽衣甘藍，青蘋果，青瓜，西芹，生薑同檸檬，非常單係個材料都感覺到非常清腸。😍

今晚在又一城因為要欣賞captain marvel , 到了九龍塘又一城晚餐！選了EXP , 他翻新後第一次食！試吓啦！點了水牛城雞翼黑松露蘑菇薄餅芝士泡菜炒飯和一杯芒果茉莉和生果快樂水牛城雞翼辣味適中非常香脆醬汁方面非常足夠，這個非常好味！黑松露蘑菇薄餅，當然黑松露蓋過了蘑菇和芝士的味道，但是味道上10分有8 分，芝士不太多不會太樓！而且蘑菇用鮮菇，有小水出左！這個扣少少分，餅底10分香脆可口，但下一次我會選擇另一種但下次我會選擇另一種pizza ! 芝士泡菜炒飯, 不要在西式餐廳食這類產品，因為味道非常辣，鐵板方面又不是很熱，所以芝士不太香濃，他炒飯的中間是空心的，方便lo 雲佢! 但他的炒飯是只有辣味！我自己本人算是食得辣，也覺得他非常spicy 飲品方面芒果茉莉，沒有味道，沒有甜，沒有芒果口味，淡茶一杯！不要試！生果快樂normal ok ! 用上蘋果芒果熱情果菠蘿, 鮮果汁一杯，味道是ok ! 可能這間餐廳屬於西式餐廳果汁不太ok !

假日晚上同朋友經過又一城，見到新開咗間餐廳，裝修好似兒童餐廳咁，覺得幾得意就入去試下。因為我哋去嘅時候都算早所以冇咩人排隊，都多位置選擇。我哋叫咗個辣肉腸pizza同埋軟殼蟹炒意粉，個Pizza幾大但係有啲乾，個軟殼蟹炒意粉就有啲鹹。佢嗰度提供好多果汁選擇🍹，而我哋揀咗杯百香果汁，幾好飲。裝修好似兒童餐廳，佢比我嘅feel係好似快餐店咁，好多小朋友去食，以佢嘅位置都係人流多的地方，所以去到七點都大排長龍。

今日去左九龍塘搵食，見到EXP，之前已經想試，所以就揀左。食物既選擇都幾多，有沙律，pizza，飯麵，甜品等等。我地叫左一個小食，一個pizza，一個麵，同一杯飲料。首先上菜的是🥳1️⃣大蝦西柚芒果蕎麥面依個麵的配搭好新鮮，味道好好，好開胃，食完係好想繼續食😂係好想繼續食野之際，就上左🥳2️⃣水牛城雞翼唔知係咪蕎麥面太fresh, 個雞翼相對黎講好鹹。我自己就唔太欣賞了之後上既係🥳3️⃣巴馬火腿菠蘿薄餅我中意薄餅的質感，味道都不錯，不會太濃，如果食開重口味的朋友，就唔太適合了。最後是飲品🥳4️⃣蘋果寶寶係蘋果加玉桂味，個樣好似啤酒，飲落都ok，玉桂味都算幾濃。

喺又一城想食平啲除左food court都冇咩選擇。見EXP係中等價位，同埋係大集團旗下，就入左黎食。成餐最好食就係呢個沙嗲雞串。份量都幾多，個沙嗲醬都幾好食。不過啲雞都係偏油，食兩串都覺得有啲膩個牛柳粒幾好笑，放入口嘅時候陣牛味好濃好出，一開頭以為食到平靚正嘅嘢，點知食多幾口就開始嚼唔爛，啲牛味直頭冇哂，有兩三舊完全嚼唔爛要lur返出黎呢個炒意粉好大碟，有個顏色但又冇乜味，得個辣味最出。其實小編喺裝修前同好耐之前都食過一次，嗰次都大概知道佢啲嘢食係點。但諗住隔咗咁耐同埋裝修左之後再俾多次機會佢，但都係覺得唔太掂。雖然話係一分錢一分貨，但始終係大集團底下，比起集團其他餐廳，呢間算係最失敗嘅一間

自從去年（？）EXP的lunch set包鮮榨果汁，約$100的lunch包一杯單買要$30多的果汁，健康好味又抵食。今次三人行，午餐時間用apps攞位，好快入座。點了三個set開心share: 喇沙油麵、雞肉茄汁意粉、南瓜栗子pizza. 一向鍾意食喇沙，椰汁蝦湯好味，配料有海鮮、豆腐卜，份量都多。意粉正常質素，汁有好多茄肉。南瓜栗子pizza最大份量，通常一人吃不完。上有南瓜片、栗子粒、濃厚芝士，再加上鹽和黑椒簡單調味，新鮮熱辣上桌，非常好吃！飲料當然少不了維化命豐富的混合果汁，顏色鮮豔，看見也開心。餐廳現在連紙飲管也不供應，只有鋼調羹，其實也甚好。

又一城EXP經常大排長龍，難得經過見到唔係太多人等，拎左飛等大約5分鐘就可以入去食lunch喇～大蝦牛油果醬薄餅 - $98見到唔少食客都有點呢款pizza，應該都係一個safe option結果都冇令人失望，蝦同牛油果都好足料，而且感覺好清新，唔似平時覺得食pizza有種好油膩既味道水牛城雞翼 - $58由於我不太喜愛buffalo wings，都係因為友人想叫而試左一隻，不過不失～馬來西亞沙嗲雞串 - $54沙嗲配既醬汁好惹味，不過雞串略嫌乾身，感覺似燒烤過左火喉～整體黎講pizza比起小食更出色，或者下次有機會會試埋其他口味pizza或者pasta

蜆肉意粉*蜆肉意粉唔難整但係亦都唔容易整得好食嘅，呢一間鋪頭嘅蜆肉意粉算係整得唔錯，佢冇好多配料但係就食得出蜆肉嘅鮮味，Good！-軟殼蟹炒意粉*係酸酸地味道嘅炒意粉，不過不失。-梳乎厘奄列*賣相好吸引但係食落去就一般般，本身好期待呢一個甜品但係可惜有點兒失望。佢嘅口感一般，發嘅Cream食得出係打得唔好嘅。-水牛城雞翼*最好食！！！係我so far食過嘅水牛城雞翼之中最好食之一！！！初初冇嗌到呢一樣小食，但係見到隔離枱叫咗勁吸引，所以就忍唔住嗌埋嚟食！真係冇令到我哋失望，果然整得好出色！

咁啱要去九龍塘上堂，所以lunch就要喺又一城商場解決。lunch時間四圍都好多人，最後就選擇左係溜冰場旁邊的EXP，貪佢座位多，坐得舒舒服服。Set lunch係包一個主菜+一杯果汁，以商場價黎講$98都可以接受。我點左照燒汁牛扒烏冬，本來以為都係普通烏冬應該無咩特別，不過估唔到都幾好食。個牛扒已經切開左一塊塊，肉質好嫩滑，照燒汁放埋落個湯底，令到成個烏冬湯都係照燒汁味。烏冬最有驚喜，估唔到咁彈牙咁Q彈，好似日本手打烏冬咁，口感非常好。配埋杯鮮榨果汁，感覺即刻fresh左。

係EXP叫左個SET LUNCH,好抵食又好健康呀!佢D果汁全部都係用新鮮既水果榨既,我叫個芒果橙PINEAPPLE汁,都幾好飲,唔太甜,可惜芒果味唔重。試左深綠,用KALE,CELERY榨出來,都幾清新。我地仲試左新出既韓國PORK BELLY PIZZA.見到佢師傅係OPEN KITCHEN即搓面團,好正呀!上碟時好滾燙,真係新鮮即整的。好中意PIZZA上面D洋蔥,中和左PORK BELLY既油膩。食食下,發現PORK BELLY底有KIMCHI,感覺個PIZZA好有層次。不過一個女仔食成個PIZZA有D多。下次可試下叫其他SET LUNCH例如LAKSA, SHARE下可以試多D唔同既野。我地坐既位近溜冰場,好開揚,食下野又睇下人溜冰都幾嘆!留意佢既用餐時間係90 分鐘。