EXP

營業中

休息中

今日同老婆行經又一城睇聖誕禮物，行到餓就想搵地方坐一坐食d野，想平平地又坐得舒服d就入左exp。拼盤個芝士蛋糕係熱嘅，芝士味相當突出，同平時凍食嘅芝士蛋糕，有好大分別，值得推介。果汁都係exp一大賣點，下手茶餐有四種生果可以任選兩款黎調製，味道相當唔錯，令我都想學下點整新鮮果汁飲。

#又一城劣食#西餐今次咁岩行到又一城，就諗住搵間西式餐廳試下啦，見佢排隊又唔太耐，點知就中伏啦。1）溫泉蛋肉醬意粉 $78落單之後等左半個鐘終於出現，諗住慢工出細貨，見佢賣相唔錯都抱住期待的心情食。我地將蛋黃與肉醬意粉攪拌之後，完全食唔出蛋味，肉醬味道非常淡，性價比完全唔值，大家樂肉醬意粉都比佢好食同入味2） 迷你韓式炸雞漢堡（柚子，泡菜，蒜香芝士）$94炸雞味道可以，但完全食唔出配料既味道，非常不夾。泡菜更加只有辣椒醬既味道。就連平時我唔鍾意食芝士既我，都食唔出有芝士既味道😂咪睇佢外面靚靚地，包皮入面竟然黑過墨斗，食出lone味埋單：$189.2-#味道 3/ 10#賣相 6/ 10#環境 6/ 10 （落單等半個鐘先有得食）#總評 想中伏又有錢 值得一試-EXP地址：九龍塘達之路80號又一城UG層23號舖 -#afternoontea #yummy  #foodie #iphone  #delicious #hkfood #hkfoodie #foodpics #foodporn #foodphoto #foodagram #hkfood #相機食先#2018聖誕

星期日到又一城行街，當然不會忘記揾食啦！結果揀選了這間EXP。大蝦西柚芒果蕎麥麵，這是冷食的款式。蕎麥面略嫌淋了少少，沒有爽口的感覺。大蝦一樣沒有爽口的感覺，西柚和芒果就ok啦。蕎麥面加上油醋汁都幾好食，而這款麵整體上都幾好。喇沙韓式年糕，用鐵平底煎鑊上菜有一定的風味。年糕軟硬適中，再配上魚蛋捲和流心溫泉蛋。這款菜式都幾美味。軟殼蟹炒意粉，軟殼蟹炸得香脆，意粉用豉油汁再配上少少醋炒香上碟。但我嫌它不夠特色。如果我是廚師的話會用軟殼蟹配喇沙上碟。因為我用軟殼蟹染上喇沙汁食，有一種Fusion菜的感覺！😅大包維這杯飮品是橙，西柚，蘋果，混合的飲品。味道感覺不錯。深綠是用羽衣甘藍，青蘋果，青瓜，西芹，生薑，檸檬混合而成的飲品。羽衣甘藍是苦的，所以這杯飲品有少少苦味。因為這杯飲品其他生果不甜，所以沒法遮蓋羽衣甘藍的苦味。但亦不會太差，衹是一般大眾未必會喜歡這種味道。

琴日咁岩去九龍塘做野，就約左一班喺附近做野既舊同事食個快飯，叫左咖哩豬排飯同韓式豬腩肉pizza都好食，但個意粉係濃既。。。。但因為我地成五個人分所以一黎就分哂都食左一大半，無奈。。。

11月某閒日黎又一城食tea. 印象中waffle 煙肉炒蛋好食，點知失望極了！😨我明白炒蛋要嫰滑先好食，不過呢個真係唔熟囉，有相為證。😱其實個waiter攞俾我果時已經望到,並感到奇怪，他是按章工作吧！照樣俾顧客！其實佢自己都接受唔到，仲要俾人食？？很難再幫襯!😡我要加錢轉其他果汁又唔可以，只有限量選擇。難道你們認為我order多一杯，一個人飲兩杯果汁嗎？😦🤭🤔😯🙄😳😤管理層反醒一下吧！

同小朋友開完學校聖誕聯歡會🎉行去附近九龍塘食個晚飯先走同小朋友一齊食嘢又唔可以食辣，又唔可以食太熱氣行吓行吓都係行咗入EXP🤤除咗佢哋嘅食物小朋友都啱食最緊要係有溜冰睇咁小朋友就會坐定定食完餐飯啦EXP唔係第一次食所以都有啲口袋餐單😊我一定會食嘅係燒帶子墨魚忌廉汁意粉由於我老公鍾意食辣野就點左芝士泡菜豬肉炒飯 上碟賣相唔錯炒飯炒得夠乾身而且味道香辣辣度亦剛剛好，唔會掩蓋飯嘅味道但係略嫌芝士唔夠濃味墨魚忌廉汁濃厚，帶子燒得好嫩忌廉汁稠身而且份量多唔會食到最後冇晒汁唔覺唔覺就食晒成份🤤👍🏻

一家老小去叫左二個pizza同一個炒飯，好滿足。第一個pizza 係韓式雞肉pizza，辣辣地有泡菜，最鐘意辣辣地，正！第二個係意式腸pizza，mix左兩種腸加埋芝士，小朋友好鐘意。最後係芝士泡菜炒飯，芝士好必食！

平日tea time,九龍塘coffee shop總是爆滿的，我同朋友最終選擇了去exp, 看著tea menu都幾吸引，又唔洗等，所以就入左exp.我同朋友最後選擇左二人tea set,有兩件芝士蛋糕，炸雞翼，炸薯角同沙律。我選擇了加$12轉左紅蘿蔔汁，我平日唔鍾意食紅蘿蔔的，杯紅蘿蔔汁尚算好飲，我覺得件cheesecake係好好味，炸雞翼就一般因該比較熱氣，炸薯角都算脆吖。服務態度都好好，我個朋友點了杯熱檸水，兩個人最後$121埋單。👍🏻👍🏻

星期五晚放咗工之後去又一城行吓街買下野經過呢一間食肆記得一直都好多人排隊今日行過見到輪候嘅人少過10個所以就俾個機會自己試吓佢可以有幾好食啦我哋兩個人總共嗌咗四樣食物燒吞拿魚沙律沙律菜好新鮮配上生洋蔥食入口感覺好開胃喺沙律上面嘅啡色條應該係炸麵條另外燒吞拿魚嘅數目亦都十分之多起碼有八舊㗎雖然沙律菜嘅數目唔算多未至於10分抵食但佢嘅配搭同味道都令你值得一試煎帶子墨魚忌廉汁意粉每一次喺餐廳見到有人食墨汁意粉都覺得10分佩服一嚟係會食到自己成個口污糟邋遢二嚟係好容易彈到件衫都污糟埋不過今日好彩我哋兩個都係着黑色衫所以唔需要擔心食物好嘅感覺都幾香架唔好睇佢黑色以為好濃味其實佢只不過係個普通嘅忌廉汁所以味道都唔算特別突出不過佢嘅帶子煎得好香好甜韓式芝士泡菜豬肉飯呢一個飯真係超級邪惡啊你可以見到佢上邊有一層好厚嘅芝士但係其實唔止咁簡單㗎！過返入邊係中空嘅 入面係裝滿着芝士當我地撈勻嘅時候其實每一粒飯都圍住一層好厚嘅芝士一路撈一路忍唔住都叫 「激邪惡芝士拉絲」！！！即焗泡芙班cake配雪糕最後見星期五就開開心心叫多個甜品一齊食一個係泡芙班cake其實佢有少少似荷蘭班cake佢蛋漿調配得好香口好濃蛋味

EXP都算係又細食到大嘅餐廳，由細細個去又一城開始已經係食EXP，仲可以一路睇人哋溜冰。其實自從之前裝修之後都覺得食物有進步，而家仲變成我最愛嘅Pizza頭幾位🤣🤣🤣首先一定要推介軟殼蟹沙律，佢係泰式嘅味道，同埋比較辣，不過我覺得蟹炸得好好食，同埋份量都幾多，所以好抵食。手拉薄餅真係即叫即整，所以都要等20分鐘左右，呢度嘅薄餅有意大利嘅感覺，唔會好似麵包咁厚，但係又有chewy feel，同埋醬汁唔會落得太多，所以感覺唔會好膩。另外呢個pancake就麻麻哋因為好油，個煎pan個底係超級多油，雖然熱辣辣嘅pancake配埋雪糕係幾好食， 不過都係試一次就夠。

今日即興出咗又一城食嘢, 由於爸爸鍾情呢間, 所以星期日都帶佢出黎食, 由於今日撞正有溜冰比賽, 所以比較多人, 同埋我見到圍住溜冰場坐既枱前面全部企滿人喺到影相, 心諗萬一排到坐果邊就冇啖好食啦! 我地4位都要等咗差唔多20分鐘, 好彩係編咗去餐廳入面既位,  上菜時間都唔算太耐, 食物溫度都叫熱, 好可惜既係埋單時有段小插曲, 有個女仔侍應嚟俾單我, 我就俾咗張匯豐銀聯雙幣信用咭佢, 佢望一望再行返轉頭問我, 係咪要輸入密碼, 我心諗信用咭要輸入密碼既咩? 銀聯信用咭我都只係得呢張, 簽過幾次咭, 但人地都冇問我呢個問題, 我只係答番佢咪普通簽咭咁囉! 冇耐又有個男經理又走嚟問我, 小姐你會唔會攞錯咭, 頭先你話當VISA咁簽咭, 我話係呀咪簽咭囉, 你地呢到唔收銀聯係咪? 佢地又唔回應我, 果刻都樣衰, 咪攞另一張滙豐Visa Signature出嚟簽咭囉! 其實好簡單講句咋嘛, 我地餐廳唔收銀聯, 之前THE ONE果間COMBO都係, 人地好快手一見到係銀聯就係話唔收啦, 免郤尷尬嘛! 肉醬麵包 - 呢到既麵包仔不及P. EXPRESS做得好, 口感好差沙嗲雞串 - 燒到燶晒

早幾年係附近讀書，成日夜晚都好喜歡去EXP食晚飯，同朋友吹下水就各自返屋企，都幾開心，不過自從裝修之後就少咗去食。早幾日咁岩去開又一城又返去回味下！裝修之後成日覺得佢d過枱無以前咁好坐，傾計都傾得無咁舒服。【軟殻蟹炒意粉】佢份量好夠，但唔係幾好食，因為佢個軟殻蟹好厚粉，差d搵唔到軟殻蟹，而佢個粉意粉係想做到日式炒面既感覺但太鹹了，我個人唔係幾喜歡。【水牛城雞翼】望落得四隻好似好少，但其實隻隻都大大隻，酸味較重但唔辣，幾開胃，ok la！【巴馬火腿菠蘿薄餅】同以前一樣，覺得佢地既pizza係餐廳入面最好食既。份量十足！最欣賞佢係開放式廚房即叫即整，新鮮又好味～總結，以前喜歡的，宜家都未必喜歡。物是人非，以前既味道道留返係以前啦～

之前試過EXP的鮮榨果汁，覺得很好喝這次又經過EXP，看了一下餐牌，跟朋友都覺得不錯，就walk-in了餐廳位於溜冰場旁邊，可以一邊吃一邊觀賞溜冰餐廳面積挺大的，是比較開放式的設計，感覺舒適食物款式挺多的，主要是一些fusion菜，價錢合理意粉、炒飯和pizza沒有太大驚喜，不過味道不錯，份量也很足夠比較有特色的是喇沙年糕，沒想到喇沙和年糕的配搭也不錯年糕煙韌，喇沙汁濃郁比較失望的是甜品，pancake焗得很焦，而且很薄，不推薦大家試這個

今日係喺晏晝下午茶嘅時段去光顧呢間餐廳嘅，咁因為當時唔太肚餓啦所以同朋友夾埋即係叫咗兩樣野。🤔🤔🤔🤔但我哋都覺得個輪嘅食物性價比都唔太高，而且都唔係話特別好味☹️☹️☹️Pizza嘅味道都係中規中矩啦，我哋都覺得ham嘅份量可以多啲☹️☹️但呢個Pizza size兩個人食完都夠飽既而呢個甜品嘅餅底呢，我就覺得係完全冇味嘅，而且當時係整得好燶，真係食落都仲有啲燶味，令我地都覺得好難食好失望，唯一算入得口嘅應該係嗰幾粒藍莓啦☹️☹️☹️☹️

約友人食晏，過海去又一城順便shopping.星期日度度都多人，排隊試下EXP。友人叫左抔sun-kissed cooler$36～有百香果丶橙同埋薑。飲落清香do ok嘅。我呢杯就係tropical gold $32～唔係啤酒泥架。菠蘿同百香果組合。味道冇咩特別，普通一杯果汁咁。燒帶子墨魚忌廉汁意粉$104 ～帶子幾奭身，但略嫌忌亷汁丶墨汁晤夠香，同埋上碟時唔係好夠熱。軟穀蟹沙律$72～呢碟真係有小小失敗，雖則知道蟹享裡面，但盛得咁高「北」時會跌哂啲菜享枱。仲有個軟殼蟹粉槳好厚，有啲跌眼鏡。