Garrett Popcorn (已結業)

去親中環，都一定會順手幫襯一下這間爆谷店，一向食開焦糖味，夠脆口又唔會太甜；亦都試過有果仁既味道亦很不錯，但吃得多牙「較」會很攰今次選了中size，可以mix兩款口味，試埋新出既抹茶，抹茶比想像中好味，跟焦糖一樣脆口，少了一點甜，卻多了茶味，味道很夾很好味

每粒都鬆脆可口，焦糖味濃郁。雖然定價略高，但包裝精美，送俾人就非常得體，滿滿一大袋，都算是物有所值。售貨員態度姻勤，希望能開多幾幾間分店，就唔洗山長水遠才買到。

Garrett Popcorn 真係會上癮㗎！！！可能係全世界最好食嘅 Popcorn，次次去親 IFC 都要去買翻包返屋企。哩次試下夏威夷果味，原來有果仁會貴多$25 嘅，不過無所謂啦，試下啦。點知返到屋企拆咗黎食就好失望咯，成包可能得 1/4 嘅 popcorn 至會有夏威夷果咯，而且啲夏威夷果冇乜果仁味，覺得好唔抵咯，不過都幾好味嘅，但係下次都係買翻 caramel 味算啦。 - Macadamia Caramel（$60）

呢間popcorn 店大大話話都幫襯過幾十次了今次終於"的"起心肝寫篇食評比佢~~話說幾年前有次去singapore 出trip, 經過某商場, 呢間popcorn店大排長龍當時香港應該仲未有分店的singapore 同事見到我流哂口水, 第二日買左一包比我地試下嘩!!! 當時真係一試難忘未食過咁好味的popcorn架之後佢來左香港開分店.... 自此我次次去親ifc 都忍唔住要買一包黎食個人就比較鍾情焦糖味, 反而芝士味我就覺得麻麻地~~但佢近呢一兩個月出左朱古力味, 都好正架!!! 不過價錢就貴好多!!!舉例: 平時一包普通味細size 好似35蚊咋嘛, 但如果你買 朱古力mix 焦糖, 要成60蚊仲要唔可以成包都係朱古力....一定要你mix 一半普通味, 呢個位有d 霸道, 同埋比人感覺是有點搵笨(話雖如此....我依然都係會幫襯佢的!!哈哈哈)朱古力味可以揀milk 定dark, 我地上次試左milk, 太甜今次就揀左dark , 再mix 焦糖, 中size配合CNY, 個紙袋都好靚其實係幾搵笨的~~ 感覺上朱古力佔的比例係冇50% 咁多.....不過 我想講, dark

平常好少食爆谷，因為怕熱氣，如果要熱氣寧願食薯片，但唯獨被這個爆谷吸引，黑朱古力的爆谷未食過呢。原來一包買唔可以淨黑朱古力，要溝埋焦糖味，拆開來睇各佔一半左右，袋口設計幾好，有鐵枝可以夾實，放1-2日食都唔會太淋。我這包大約一半一半比例，焦糖爆谷沒期望下發現都幾好食，焦糖夠厚所以脆，香甜，而有黑朱古力的，朱古力層亦都頗厚，夠濃，唔太甜，裡面同樣是焦糖層，雙重滋味享受，令人難忘，好食到停唔到口呢，會想再買。

行街行到悶悶地見到爆谷友人即時雙眼發光三隻味道mix埋都只係$35(細)可以試勻芝加哥，焦糖同芝士味每粒都好脆口好香我就覺得焦糖味最好食 外表呈深啡色 焦糖味好出 不過就略甜芝士味重 夠鹹香兩個人好快ko哂成包xd

一直都知道呢間爆谷好出名 一直都好想食 終於順路買到啦 !!! 呢度既服務好好 有得試食 而且係比個細膠杯仔你試 一比就比3-4粒 我試咗3隻味 佢每隻味都比咗一杯我試 好開心哈哈 見到期間限定既朱古力爆谷好吸引 特登買黎試下 $60一包small size 都好多下 可以食好耐 不過其實佢話最好即日食 我擺係保鮮袋食多咗幾日 ... 真係超好食 食到上癮 食完一粒又一粒停唔到手 好有罪惡感 中意朱古力又中意爆谷既朋友真係要試下 !!!下次一定要再試下其他味

今日經過ifc比Garrett Popcorn啲香味吸引左過去😍 試左幾隻味 milk chocolate, cheese 同caramel😝覺得milk chocolate幾普通 好似真係食緊舊朱古力🍫咁 (我本身唔太鍾意朱古力haha，不過真係唔多特別) 所以最後買左焦糖mix芝士， 一甜一咸好好味！😋😋焦糖粒粒都好香好脆，芝士味濃，不過相對係無焦糖脆架啦，香味補救！如果買嘅話都建議買曬兩隻，卡啦卡啦咁食幾好，唔洗食死同一隻味>< 兩隻都咁鍾意💕

Garrett Popcorn 繼之前出過的限定口味後，最後又有新的口味推出了。而且這次還是一推就推出了兩款～分別是Milk Chocolate & Dark Chocolate！因為擔心前者那款口味會太甜，所以我決定買後者的口味。Dark Chocolate Popcorn ($60/small bag)最有趣的地方是雖然我買的是黑朱古力口味，但不是成包都是喔原來是要混合焦糖口味～不過就要看運氣(？)我的那包大概有2/3都是黑朱古力口味的！但好像也有大半包都是焦糖口味的情況出現。所說的朱古力口味原來是在焦糖口味的爆谷上包著一層比較厚身的黑朱古力。而且即使是黑朱古力，我還是覺得很甜！還很容易便溶，吃起來不是太方便喇！不過脆口的口感依然沒變就是了。

今天去完南丫島，一落船入IFC，就嗅到陣陣popcorn 香味。看見有新口味，過去試試，是中秋限定的綠茶味！綠茶味不算太濃，沒有綠茶的苦澀味，但香脆可口。買了一包給老公吃，他一吃愛上！

今日喺ifc附近午餐， 順道經過citysuper旁的爆谷店。試吃後買了一包杏仁焦糖爆谷。爆谷小包60蚊， 中包95蚊， 亦可兩隻味道混合。爆谷很甜很香脆，有很濃厚的焦糖味。入口難忘，一試上癮。 爆谷中加了杏仁。 杏仁和爆谷混合，味道很夾，也很有口感，十分推薦。

最中意食Garret既popcorn, 尤其係caramel口味, 每一粒都好脆口，新鮮整最好食，不過隔咗一日都無疏氣....焦糖味非常香，幾乎每一粒都有焦糖包圍住，唔會好似平時既popcorn咁有d完全係無味, 完全真材實料,所以對我黎講都係抵食既, $35 small size其實都已經好大包,可以食到好耐!

夏日炎炎趁Weekend就一家人出發去長洲！香港站一出經IFC去碼頭，行到尾聞到好香爆谷味而且好多人排隊！老公話原來呢間好出名，上次行過元朗都見到(乜有咩XD)，唔諗啦買左先！買左包細包$35焦糖脆脆，一入口覺得好甜，甜到有d over左！每粒都大約有一個5毫子咁大粒，每粒爆谷都好脆，食落係覺得硬硬地咁，要用少少力咬開，但一咬開就feel到脆卜卜。一包細我分左幾次食，但每次食都口感一樣，唔會話入左風，林晒。店員提醒每包只可以放1，2日，記得盡快食啦！

逛完citysuper定五知logon, 途經這家爆谷點，這家的拖肥爆谷是很出名很好食的! 這店提供試食，你可以試對味到才買我試了芝士和拖肥， 最後買了拖肥味的小包装爆谷很跪，很有牛油和拖肥味!一小包也有很多，而且吃到停不了口!

上回Garrett推出了期間限定的抹茶口味爆谷，當時的風頭可謂一時無倆。就連放工六點幾去到，抹茶爆谷早已一掃而空。待再有機會過來之時，剛好是抹茶味結束的翌日。眼見上一次跟抹茶爆谷絕緣，來到這次同樣是期間限定的士多啤梨味，自然是要早買早享受吧~六點半來到店前，看到滿滿的士多啤梨味爆谷，原以為是店家汲取了上一次的經驗，這次則提高了產量。對於新口味的東西，還是先買細Size試試一味吧~Simply Strawberry (small) $45沒看清楚便買的我表示，付費的時候才知道士多啤梨味原來比正常口味貴$10！而看著這個包裝，也有點縮細了的感覺！(還是錯覺？)染得紅紅的爆谷入口酸酸甜甜，單以這味道來說其實也算不錯吃。可是越吃便越發現每吃一粒都會「黐牙」！而且幾粒連成一體的情況也較焦糖或芝士味那些來得嚴重了點。畢竟這只是期間限定的口味，試過一次、滿足了好奇的心態便算了。Garrett，始終是圓碌碌的焦糖才是皇牌。