Go Dutch Cafe

營業中

休息中

一開始見到間野幾多好評諗住試下，點知勁伏，侍應由入座開始都係叫幾廿次先應，一直睇手機，仲好意思收人加一，完全唔覺得有被serve過。食物質素都好一般，個意粉味道奇怪，仲有少少腥味，完全唔值100幾既價錢。另外，啲裝修好殘舊都唔緊要，但張枱同啲窗都好污糟，見到有杯印同飯粒。唔怪得食飯時間坐左一個半鐘都係得2枱客，就知呢間餐廳咩質素，真心好劣評，懷疑個400個讚好係點黎Ps. 第一次留差評 真係可一不可再

個人好少比差評不過呢間野食物質素真係唔係好好食完個長通粉又腥腥地 意粉味道又怪 飲品麻麻地 重點係呢個食物質素一啲都唔值呢個價唔怪之得成個登打士到到都full得佢呢到有大把空位…環境污糟 地下好多點點 張枱好污糟 有飯跡 杯好污糟 有印窗好污糟 好好好好好污糟 好多黃色嘅跡 一啲都唔想掂到個窗由一開始入門口帶位 落單 埋單 叫極都冇人黎幫手唯一少少好就係門口裝飾燈幾靚😅點都要寫夠200字比呢間餐廳400幾個好評都唔知點黎….總之我唔會再食

賣相又唔好睇，真係好L難食呀呀呀呀，冇影到相。同男朋友夜晚去食西餐，見到價錢百幾蚊一個意粉唔算平以為點都對得住個價錢🤮🤮🤮我地叫左一個鹹蛋黃意粉同黑松露雜菇意粉🤮d意粉過淋🤷🏻‍♀️黑松露意粉冇咩味都算 食落似茶記40蚊水準🥲⋯⋯重點係個鹹蛋黃意粉，湯意黎。。成個意粉水得制，仲要冇乜味，完全唔知食緊乜！水溝意粉咁款🤮🤮送比我都唔想食!!!!!!賣單300蚊有兩杯熱飲比 狗 食 。完！！！！

好似好耐冇出旺角食嘢，今日出開去旺角買完野，順便食埋個晚餐先回家。經過登打士廣場，印象中有些 cafe ，於是選了呢間《 Go Dutch Cafe 》 一出𨋢門，感覺不錯，我同仔仔都決定一於試吓。加上餐廳中央的特色燈，相當吸引，真係打卡一流。進入餐廳，目測整體環境氣氛幾好，兩旁都是三至四人卡坐，最啱情人拍拖談心，或者三兩朋友傾計聊天。仔仔最鍾意食卡邦尼意粉，跟餐加$10加配了凍榛子朱古力。我就鍾意長通粉。跟餐要了杯熱latte 。雖然杯Latte 拉花不是特別美，不過就熱熱辣辣。意粉及熱飲都很夠熱，喜歡食野熱辣辣嘅朋友仔就啱晒啦！行街行到攰攰地，想找個靜靜的cafe 坐下，呢度都係一個選擇。

話說小弟今年31歲，經過30個寒暑陰差陽錯之下入左呢間餐廳。首先先講服務，一間cafe仔冇服務係好正常，但喺成間餐廳加埋唔夠10個客人嘅情況下，叫完個waiter要等5分鐘先施施然行過黎，我都係第一次見。冇聽錯係唔夠10個客，唔係10枱客。小弟差d想企起身就走，只係女朋友比較有耐性所以忍住冇走。之後叫冇個唔脆嘅炸雞翼同唔脆嘅薯條，不過因為餐牌冇話係脆所以唔怪得佢。重點係個龍蝦汁大蝦意粉，隻蝦細個手指甲ok，每個人對大嘅定義都唔同。龍蝦汁冇味我當清淡清腸胃。但大佬你個意粉都俾番d誠意吖唔該，一團面粉咁你都敢放上枱俾人食，有冇尊重過你自己做西餐嘅身份?煮食都係一個心字，我真係睇唔出呢間野個心去左邊。我唔理之前有幾多個打手post，我咁大個人第一次openrice 寫文就係希望地球上少一個人為食飯犧牲，喺呢個亂世入面多一個人可以喺食物入面搵到希望。打完，埋單走人，原諒我個意粉只係食得落一啖。

之前有與朋友來過登打士廣場的cafe聚會過，知道它一整幢都是不同類型的cafe，今天放飯時間就來到10樓的Go Dutch cafe嘆一嘆!😋一進門口這個樹形的燈飾很有格調，燈飾底下放滿了各國的旅遊書，客人可以隨意翻閱。👍🏻店內的裝潢偏文青風，放的音樂也很柔和，的確有令人放鬆的感覺~今天點了卡邦尼意粉set meal ($118)，跟餐送1杯$40熱飲，也可補差價轉其他飲品，我點了凍青蘋果綠茶，另嘴饞點了6隻炸雞翼😜這裡食物的賣相和擺盤都不錯，蠻適合一幫朋友打卡拍照📸。卡邦尼的味道濃郁，配搭香草和煙肉碎，增加口感之餘也很香口，意粉的軟硬度也適中, 水準在合格之上!炸雞翼也炸得十分香脆，但味道偏咸了些，喜歡口味重的朋友應該覺得不錯。如果今天是配搭味道淡的主菜，一咸一淡應該剛剛好。青蘋果綠茶看起來更像青蘋果梳打, 味道中規中矩。整體用餐體驗尚算不錯，但個人覺得比較適合三兩知己一起聚會的地點。👨‍👨‍👧‍👧

而家好多地方都有時間限制，反而cafe 無時限可以休閒d hae住食dinner， 仲可以玩下boardgames 添！Cafe 有set dinner 🍽 價錢都係一百蚊左右上落包一柸38飲品！荔枝綠茶太久無飲呢款台式飲品，清香既荔枝味入面仲有d 啫喱係入面！All day breakfast有牛角包、炒蛋、腸、二文魚、沙律菜、薯餅及茄汁豆！三文魚新鮮，薯餅比m字快餐店好食，熱騰騰炸得很香脆，要贊一下牛角包是焗得微暖的，不錯！焗吞拿魚天使麵焗芝士白汁吞拿魚很香，份量幾多舖滿左係面層，天使麵唔會太腍幾好食！心太軟賣相幾好，熱騰騰端出來！心太軟一切開朱古力就湧出黎，朱古力味很香濃但唔會好甜，好食😋加埋雲尼拿雪糕及朱古力醬，岩灑女生👍🏻Cafe 有broad game，食物質素不錯會再幫襯！

係openrice 訂左6:30pm，準時出席，被安排係近廁所的房間，需要按鐘仔通知服務員，按左好幾次，等左好久先有人來；叫佢地收拾野又話轉頭入來收，又等左好久都冇人來收拾；食物飲品又要3催4請先送到。其次，隔離枱的客遲過我地入座，但就好快過去service 佢地，好快送上餐飲。另外，晚飯時段，竟然話所有飯類都冇晒，除左雙汁薯條好食d，其他食物一般；玫瑰沙冰好甜，玫瑰花味好微少。最後，我地「準時出席」，但佢地就係app話我地「缺席」。

想着與友人吃過飯後想喝一杯、談談天，所以特意找咖啡室類的餐廳，很多此類餐廳的食物種類也不多，而 Go Dutch可說是食物及飲品的種類也多的咖啡室。 自家釀制芝心煙肉雞柳長通粉 $108。這款有點驚喜，芝情煙肉雞柳確是帶着濃濃的芝士味，看似健康且悶蛋的雞柳，咬下去竟然芝味出眾，跟淡淡的通粉互補。其實它造型也不錯，所以甫上枱我們起勢吃，不久因為芝士及通粉都飽肚，要暫緩一下，開動下一款了。 大蘑菇豬柳漢堡包 $78。很少吃豬柳/豬扒包，一般都是經典漢堡包最得我心，但餐廳沒有牛堡，見豬堡都美美的，就點了一客，頗抵吃。 不記得點了甚麼飲品，原來是巨大杯的，約$40，算是抵食，所以說在這談天一流！

〖Mk gathering 必去cafe 〗唔好意思，要改為：〖放工飲野吹水/等睇戲未夠鐘/傾保險/多人朋友聚會〗都必去嘅cafe 🥰②ⓅⒺⓄⓁⓁⒺⓈⒺⓉ2人套餐$368 （另收加一服務費）- 前菜- 2款主食- 2款甜品- 2杯飲品②ⓅⒺⓄⓅⓁⒺⓈⒺⓉ☘︎︎ ☘︎︎ RS13 芝士煙肉黑松露焗大啡菇👍➪ 好creamy、濃郁奶油香🥰幾條煙肉配芝士再加黑松露👏👏☘︎︎ ☘︎︎ RM10 特濃龍蝦汁帶子蟹肉意粉👍➪ 估唔到咁好食😱真的吃到特濃稠又每條意粉都掛龍蝦汁，份量更多到可以比第三個人食！幾粒細細帶子藏身於意粉森林之間😋蟹肉多，yummy！要encore !!!!😌😌😌☘︎︎ ☘︎︎ RM12 德國鹹豬手配薯角➪ 有人睇相以為係香腸？？？🤜😹其實係已經切好嘅豬手～肥肉瘦肉都有，以蜜糖淋面作調味挺好的😋不過有芥末醬就仲好囉😹薯角微脆偏油☘︎︎ ☘︎︎ RD3 提拉米蘇➪ 偏厚實質感似蛋糕🍰尚可✊☘︎︎ ☘︎︎ RD5 榛子朱古力比利時窩夫🧇➪ 同以前唔同？？？😹今次為兩細件長方形窩夫仔疊起😹識揀一定配榛子醬，再加甜忌廉，不敗甜品配搭啊啊啊😻+藍柑橘乳酸沙冰 +維也納咖啡 ☕️👍▼・ᴥ・▼

呢間環境差啲啲，但味道比想像中好 ，某幾款 ...2人套餐$368 （另收加一服務費）- 前菜- 2款主食- 2款甜品- 2杯飲品芝士煙肉黑松露焗大啡菇黑松露嘅香氣，真喺幾重，大大嘅啡菇 ，咬落菇汁 非常多，所以點解我食大啡菇嘅原因 。加上 creamy 濃郁芝士味, 呢款應該喺我最鍾咁意食 。特濃龍蝦汁帶子蟹肉意粉 醬汁特濃感覺都唔差，蟹肉味 因有比較之下，佢嘅鮮味就差少少，但都好食。德國鹹豬手配薯角隻豬手太韌 ，同埋上碟嗰陣外觀差啲啲，因為佢已經切開曬。提拉米蘇偏厚實質感似蛋糕榛子朱古力比利時窩夫最好味喺佢嘅榛子朱古力 😂😂窩夫 似 縮水版 格仔餅+藍柑橘乳酸沙冰+維也納咖啡 2杯都好飲  唔差

筆者並不特別篤信星座，但你們或許也曾聽過某些星座對金錢的觀念很重，特別精打細算，更不喜歡吃虧，要他們請客簡直是難過「上青天」，連一分一毫也要算清楚。當然，星座只作參考，總不可能把全世界的人都只分成12類吧。但假若你自問是一個在花錢方面特別謹慎的人，旺角的Go Dutch Cafe絕對是你的好選擇，你可以語帶相關地跟朋友說句”Let’s Go Dutch (意即「AA制」)” ，優雅亦不失禮貌。環境：✨Go Dutch Cafe位於登打士廣場10樓全層，裝潢設計簡約利落，以米色及深啡色為主調，氣氛輕鬆舒適。服務：✨當日下午茶時段人流不算多，店面及廚房只有一個職員，但態度友善，上菜速度快。食物：🍕 芝士煙鴨胸厚多士Pizza ($55套餐價，配飲品)✨帶着粉紅色澤的煙鴨胸外皮酥脆，肉質軟嫩，配上白汁芝士，跟烤過的厚多士十分對味。🍰 藍莓芝士蛋糕 ($28)✨香濃的忌廉芝士上是酸甜清新的藍莓果醬，大大減低甜膩感及負擔。🍺 熱草莓紅茶 ✨超級大杯！目測應該是1L的飲品杯。✨窗外一直在下雨，一杯充滿草莓香的熱飲正好可以溫暖身心。後記：當天筆者獨自到Go Dutch Cafe快吃下午茶，所以我也算

⿻⿻ 𝘎𝘰 𝘋𝘶𝘵𝘤𝘩 𝘊𝘢𝘧𝘦𓏲𓏱𓏭𓏭旺角啲大廈入面真係有唔少隱藏嘅樓上cafe 今次去嘅呢間係登打士廣場10樓 都唔少座位 而且有旅行書同board game 幾適合同friend聚會佢地午市有lunch set 一個mains包一杯40蚊嘅熱飲 如果想叫其他飲品可以加錢轉 (*´∇︎｀*)我地叫嘅係黑松露白汁雜菌意粉同金沙大蝦鹹蛋意粉set 嘢飲叫咗桂花茶同奇異果綠茶 兩款意粉都好食 鹹蛋意粉幾有驚喜 雖然而家都幾多餐廳有加鹹蛋黃係菜色到 但係第一次試用金沙汁煮嘅意粉 再加上上面鋪咗大量鹹蛋黃 鹹蛋黃嘅油香味真係好濃好滿足 蝦嘅份量都好足 兩個人share都食到唔少黑松露意粉個個冇咁重口味 松露香好夠一上嚟就聞到香味 雖然係白汁不過唔會太膩 入面啲菇增加咗口感 份量都幾大 好飽肚～同埋佢地飲品選擇好多 剩係朱古力都有十幾隻味 幾有新意𓏲𓏱𓏭𓏭黑松露白汁野菌意粉 $128金沙大蝦鹹蛋意粉 $128

旺角有好多樓上cafe，但我最怕放工又攰又要等位，於是搵間冇咁大熱又唔使點等位既試吓。七點到達walkin 唔使等，一入門見到好大個吊燈裝飾都幾有情調，因為cafe 本身燈果都幾暗嫁~我點咗芝心煙肉雞柳長通粉 ($108)，賣相就一般啦。本身好怕D 白汁太多，太膩，所以上到嚟見到咁樣都有D 扣分 (再睇返人地D 相無咁多白汁架喎..) 幸好佢都幾多芝士，都算佢啦。最特別係個"煙肉雞柳"，我以為係煙肉同雞柳係兩樣餸，再睇返MENU 係"自家釀制芝心煙肉雞柳" 嚟 可惜就係食落就幾咸，唔係既話都幾好味。朋友就叫咗德國咸豬手配薯角 ($158)，呢個本身我都想試，仲要我碟通粉上咗菜都未嚟，以為會熱辣辣啦，點知只係暖……皮唔脆，份量同賣相都似叫咗一份叉燒，味道都好一般，真係失望…唔值呢個價總恬嚟講，坐係好坐，食物一般，唔會話扺食，未必會再嚟

旺角一向cafe多，特別 #登打士廣場今日下午經過😬俾樓下姐姐介紹揀咗 #godutchcafe去到第一個感覺係好 #relax 因為環境好靜👍🏻 #我最愛而且枱同枱之間位置好多，唔會有壓迫感#坐得舒服 #好重要.［白汁香草煙三文魚意粉］一上碟寶寶就大叫 #好靚 因為香草煙三文魚砌到好似朵花咁😆仲要係超！大！朵！而且質素唔錯，幾厚肉😋白汁意粉都幾滑，味道略淡唔會食到好漏👌🏻.［特濃龍蝦汁海蝦海鮮意粉］龍蝦汁幾香濃，比較平時飲嘅龍蝦湯更creamy超多大隻魷魚，爽口😁真心食到海水味整體黎講OK可以接受✨.我同媽媽一齊去，嗌咗「花茶」慢慢嘆 #傾下計在場有好多board game/玩具🤩寶寶可以慢慢玩！.....#ca師奶餐廳_旺角