GOCHISO (已結業)

成日經過k11都會見到GOCHISO好多人，今晚肚餓之制，又諗唔到食乜，而地理位置又甘方便，決定入去慰勞下自己。🥄特濃南瓜粟米忌廉湯 $38顏色金黃，南瓜味濃郁，味道香甜。🍴鮭魚白汁菠菜意粉 $93三文魚有一定厚度，上層鋪滿芝士，意粉白汁味濃厚，另外加入了菠菜，感覺更加健康。🍴羅勒醬海老牛油果意粉 $113羅勒醬亦係青醬，滿帶香草味道，意粉軟硬適中，另外加入軟滑牛油果，令濃烈羅勒味道可變得更清新。🍴香烤安格斯牛柳配季節野菜 $258牛柳即係西冷扒下方既部位， 脂肪含量同牛冧肉相若，但因活動量較少，所以肉質十分細嫩。叫左五成熟，切開熟度剛好，而且牛肉味濃，味道不錯。🍴（抹茶草莓）荷蘭鬆餅 $68外邊表皮鬆脆，裡面食落介乎於美式鬆餅、布丁同泡芙皮三者口感之間，相信係大人細路都會鐘意既甜品。

因為坐西鐵去k11十分方便，今晚便一家大小選擇這間餐廳吃晚飯。價錢不是太貴，食物也不算細份，小朋友也揀了自己喜歡吃的食物。牛扒有點普通，有我喜歡的明太子食物。食物也很快來到。餐廳也給人舒適的感覺，可惜是太飽了，未能試試這餐廳的甜品。有機會一定要再來多一次進食。

二人套餐幾吸引，沙律 + 湯 + 一個肉類main + carbs main + 飲品 + 甜品，不過小編同同行朋友都唔肚餓所以最後無叫到。小編同朋友最後叫左小食拼盤，pizza，同各人一杯飲品，食完都夠飽係open rice訂座有38hkd或以下飲品買一送一優惠，所以上面兩杯加埋只係38蚊(未加一)西班牙小食拼盤(5品)，分别有西班牙火腿(左)、炸雞(中上)、三文魚芝士(中下)、烤菇(右上)、以及黑松露醬炸魷魚圈(右下)西班牙火腿唔會過咸，油脂感較重，不過佢加左少少果醬上去，所以都唔會覺得太油膩中間既係偏日式既小食，炸雞炸得好香口而肉質依舊鮮嫩三文魚芝士如果再雪凍d既話，味道會更好烤大菇好難唔好食炸魷魚圈炸粉略厚，不過黑松露醬好好食，我用黎點埋炸雞日式年糕明太子pizza，好食！

去尖沙咀同朋友飯聚，食到舐舐脷😋🍕黃金四式芝士薄餅配蜜糖 $103-真心正！芝士味道好有層次，亦好香濃，咸咸地配上甜甜地嘅蜜糖帶來味覺衝擊，啱曬芝士愛好者🍛西班牙海鮮飯全份 $198-海鮮配料豐富，有蝦、蜆、青口、魷魚，飯都幾入味。🍠荷蘭鬆餅（蕃薯焦糖） $63-蕃薯整得香脆，鬆餅好鬆軟，加上焦糖甜度剛好。🍵Matcha frozen $53，沙冰幼滑，抹茶香濃又唔會好甜，係抹茶控之選埋單每人大約$180，都唔算貴，下次嚟再試其他嘢先！

今日同朋友係尖沙咀行街，行到攰要去醫肚，就揀左K-11呢間GOCHISO 餐廳入到去，地方大，坐得舒適，好岩三五知己黎吹水食飯我地叫左個頭盤食下先，巴馬火腿，好夠鹹香，脂肪分佈平均呢個頭盤送酒一流因為我地幾個都係芝士控，必點芝士火鍋，本人覺得芝士火鍋配麵包最夾最正熱辣辣，溶芝士，好鬼正，芝士好有層次，仲有少少酒香呢個脆皮腸pizza 係無敵好食，好軟熟，又係芝士迷必點黑松露野箘溫泉蛋意粉，黑松露絕不吝嗇個溫泉蛋既蛋汁撈埋一齊食，同黑松露既味好夾 意粉係扁意粉，好彈牙海鮮鍋，好足料 有半隻龍蝦嫁，蕃茄味夠突出好味到連個汁都飲埋，酸me me ,岩哂我口味牛排，煮得剛剛好，牛味濃，仲有薯蓉，個薯蓉好香牛油味食完大家都好滿足，好滿意呢餐多國菜的晚餐

一件一度的情人節到了～今次輪到我負責晚餐😂因為煮飯有點趕，所以我就決定帶他出去食fusion菜，日式多國菜🍽最後簡左K11 Gochiso，因為地點方便，一上地鐵就係！餐廳環境簡約得黎d裝飾品都好精緻，我好喜歡佢用玻璃酒樽同酒杯做的吊燈😍餐牌～海洋牛油果沙律～半份醬汁好味，好清新開胃意式炸魷魚圈配黑松露醬～魷魚圈好香脆，魷魚🦑有咬口，配埋黑松露醬，味道好濃好香香辣蕃茄濃汁煮青口～醬汁調好味，酸酸地帶點辣，青口冇腥味，兩個加埋好夾美式龍蝦意粉～龍蝦好大隻，肉質彈牙，意粉味道都唔錯脆皮腸肉醬大菇pizza~Pizza底整得好香脆，又夠薄，配埋脆皮腸同肉醬，好正，大菇都好好味Fresh mango mojito ~賣相已經好美，第一次飲呢個配搭，芒果好甜好夾這間餐廳給我感覺不錯，環境食物都ok!

係K11的餐廳都試過幾間，今次決定一試這間，一看就被環境所吸引，裝修特別，甚有氣氛西班牙小食（三品）頭盤整體尚算出色，巴拿馬火腿鹹香適中，三文魚卷賣相精美。香烤安格斯牛柳配季節野菜牛扒肉汁豐滿，食落有陣陣烤味，伴菜薯蓉混上肉汁更滋味溫泉蛋蒜香黑松露磨菇意粉意粉叫鮮製屬手工意粉，因為係手切嘅原因會比一般意粉闊，食起落特別有嚼勁。意粉汁和麵條比例剛好 而賣相亦相當吸引。南非白酒食西餐都係忍唔住叫下酒飲，白酒易入口，十分清純

已經係第三次到這一間餐廳第一次本着嘗試嘅心態試吓牛肝菌牛肉粒飯點知非常好味後來每次都會叫牛肝菌牛肉粒飯，每次都保持到水準。牛肝菌很香。配牛肉，兩者濃濃的配合得啱好。個飯又唔會太乾。啲汁包住啲飯識落淡淡都好正。今次六個人坐個卡位好大，坐六個人（一男五女）仲好寬闊。感覺上好有私人空間傾計。其他菜式如牛扒羊扒Pizza亦都很好吃。因為我一個人食一個牛肝菌牛肉飯（表明不分享），所以其他都是淺嘗，感覺也不錯。飲品同埋甜品方面都好有特色。今次試咗個朱古力茶。好好奇係咩味。就是茶滲出淡淡嘅朱古力味。好特別，可試下

1月中，朋友生日。不能正日慶祝，十分唔好意思，再擇一個日子補救吧。想找一個地方坐坐傾計，和可以暫時存放生日蛋糕既地方, 朋友攪手就提議呢間食店，朋友已經和男朋友去過數次, 信心十足。一行4人，叫咗唔少食物，全部都可以清晒。除咗因為其中一人胃口不少，食物亦都好美味。叫咗一個二人套餐，外加散叫幾碟食物…套餐沙律，三文魚沙律: 有一朋友喜歡食蔬果菜類，套餐沙律外，另加三文魚沙律…蔬果, 三文魚亦好新鮮…法式芝士洋蔥湯: 單憑外表圖片，絕對估唔到。湯面放了一塊香脆既面包類既干餅，可能我接受能力比較低，比較能接受傳統既西式餐湯… 香烤安格斯牛柳: 叫咗5乘熟，牛柳非常諗，肉內多汁，太好食, 更大塊會就更好了…哈哈, 有點貪心呢…黃金四色芝士pizza (配蜜糖) : 呢個朋友極力推介，果然唔錯，食法相當特別。食時自行加蜜糖係Pizza上面, 芝士配蜜糖，有啲驚豔…龍蝦意粉, 烤雞意大利飯: 龍蝦新鮮，意大利飯軟硬度適中… 香蕉朱古力Pizza:  呢個甜品又是令人驚喜，一開始已經想叫，但覺得個組合有啲怪，朋友提議一試，食落…哇… 唔太甜，底部又脆口…正..結論: 這店既Pizza 係絶對值得一試

成班friend呢就傾左好耐都揀唔到食乜，之後有個friend就話有張呢間餐廳嘅coupon，可以減成舊半，之後就即刻扑搥book呢間餐廳啦。間餐廳呢個名下面就寫直情寫到明Tokyo style，即係唔係西式，又唔係日式，而係日式西式餐廳。入去坐低，個裝修都幾精緻，好有西式風格，如果唔睇行Tokyo style，都真係唔知。好鬼肚餓，所以就求其揀咗啲個樣望落幾靚，睇落幾好食嘅嘢啦。巴馬火腿片大拼盤，我自己食嘢就比較淡口，咁呢個火腿片食我又真係幾淡口，味道唔會過分濃烈，啱哂我，脂肪又唔係好多，直頭GOOD啦👍🏻嚟到呢個Pizza，佢就叫和風照燒雞披薩，呢個真係不得了呀，非常之好食，啲雞肉彈牙，照燒醬好香，有少少甜，個餅底焗得啱啱好，唔會太硬，我直頭想翻兜再翻兜再翻兜，咁當然即時比班friend制止左我。😂😂😂😂第二個Pizza，係瑪格麗特披薩，呢個我自己就覺得比較一般，可能因為我唔太鍾意咁多芝士啦，雖然佢舊芝士又真係幾香嘅，不過今次呢個個餅底好似有少少焗多咗，有啲硬，差過頭先嗰個少少。呢個係山葵松葉蟹肉意大利燴飯，呢個呢我自己就真係麻麻地啦，因為呢我自己唔係咁鍾意山葵，不過呢，好老實講佢

上一次食地中海菜都相隔了一陣子，今日相約尖沙咀區，這區內每樣菜式基乎都可以食到...今日去呢間坐得挺舒服的餐廳就係【GOCHISO】。位於尖沙咀K11，2樓，門面都話到你知係一間有格調的高雅西餐廳，我知道這區地中海菜是多不勝數，但在朋友推介下就係呢個週末試試吧。源自日本的【GOCHISO】，將日本的烹調特色融入各款經典的地中海意大利菜菜，讓顧客們一嚐日本流行的「和風洋食」。不過一間連鎖集團嘅其中一個品牌來說，價錢唔算貴，食物質素亦都算中上，款式多，無論是沙律、披薩、意粉、意大利飯或牛扒，甜品，都應有盡有。餐牌分類都好清晰，頭盤、小食、飲品、甜品逐頁逐頁介紹。餐廳環境都唔錯，有卡座適合暢談，有梳化與隔離座位有段距離，地方寬闊，右左兩邊，中間還有通道，很開揚。如果一理人或者小貓三四隻想傾計，一流呢。點餐後一會食物都到來了，先來個前菜，蝦牛油果包法式多士 ＄38多士脆卜卜，面層鋪滿蝦牛油果，然後過機去焗，吃到有碳烤嘅味道，牛油果味唔係好夠出，如果再香一點就更好，而且麵包如果烘完再快小小送到來應該會更熱辣辣呢。Grand Menu 我就睇中左檸檬香草烤春雞及芝士牛肝菌濃汁鮮製意粉芝士牛肝菌濃汁

在尖沙咀這個人多車多，一個鋁窗跌下來會死人的地方。唯獨有一個奇妙的漂亮商場，裡面人少得很。幾乎沒有遊客，本地人也只是三三兩兩的。如此傳奇，又深得我心的，那便是k11了。午後的時光，我與友人笑著逛著的走到餓了，來到了這間日式西餐廳。這裡沒有下午茶餐，但午市套餐一樣吸引。我點了四色芝士pizza，而友人則點了蜆肉意粉，隨餐更附餐飲及沙律。因為沒有甚麼客人的關係，我們可以坐在闊落的卡位，享受快速送到的餐點，實在寫意。食物方面，整體水平不高，只是剛合格的水平。假若考慮食物質素，基本上不會再作光顧。其中，蜆肉意粉過於油膩和沙律菜極不新鮮，皆為扣分重點。不考慮食物，其實十分不錯，畢竟鬧市中的悠閒，實屬艱難。

現場環境好有氣氛，情侶話黎食坐得又舒服，食物質數都唔差再重要呢到可以散叫又得叫套餐都得香烤安格斯牛柳二人套餐 ＄548個牛柳炭燒味重，同埋完全做到5成熟的熟成度，最好既係廚房煮完之後有等待一陣，所以上碟時切唔會出血水。可能一般餐廳都唔會理但呢樣動作的確加以加好多分。牛柳好淋滑但個醬汁比較甜 搶走了肉味，所以小妹覺得只食牛柳都very good特濃南瓜栗米忌廉湯個湯好濃好滑，用了好多南瓜而且加了幾款豆，同市場上相比，的確用心好多法式芝士洋蔥湯洋蔥湯原來即叫即焗，上面芝士要放入焗爐焗所以等待既時間會長D。不過個湯真的太咸，如果淡味一點會更吸引沙律沙律有少少失望，因為D菜比較無咁新鮮，有部分位置已經黃黃地但不影響味道溫泉蛋煙肉芝士卡邦尼意粉蛋漿加汁卡邦尼汁食落好香蛋味加奶香味，不得不讚個意粉，麵質做得岩岩好，食落帶D煙韌，係小妹最愛的質感，份量都好足夠甜品 （另外加＄43升級）原本套餐已包2客是日蛋糕但既然黎到就唔好放過叫餐廳甜點既機會，叫了類似熱香餅及窩夫的甜品，蛋香味重加埋個雪糕，又凍又熱既口感作為呢餐既終結都唔錯總括，小妹覺得餐廳的食物都幾好食，價錢雖然為中上但提供既食物都唔錯，環境又

行到路過K11本來諗住食日本菜，點知成條長龍🚶🏼‍♂️🚶🏼‍♂️🚶🏼‍♂️因為太肚餓嘅關係就去左食意大利菜點知幾貴仲中左伏好失望😭.西班牙海鮮飯🥘 $198本來見到間餐廳主打西班牙菜，又放左西班牙海鮮飯做宣傳照實唔會中伏啦，點知最失望就係佢🤢賣相中海鮮嘅舖排極度混亂，茄醬一堆咁隨便放，同menu上面整齊嘅排位好唔同。食落炒飯嘅味道極淡，我同CM落左好多胡椒粉先調到佢有味，海鮮鮮味尚有，但只係單單整熟左一樣冇咩海鮮飯味道可言，性價比低😓整體評分：5.0/10.香烤年糕明太子薄餅🍕 $98依個薄餅屬於薄批，烤得尚算脆身，但沙津醬略少令明太子味道唔突出，年糕嘅份量少得可憐，望上只見到幾舊好細嘅年糕😢整體評分：5.5/10.香蕉朱古力薄餅🍌🍫 $73依款薄餅大概係拯救左成餐嘅甜品，朱古力醬幾足料，配上一片片香蕉🍌，加埋暖笠笠嘅薄餅同好涷嘅雪糕食係個新鮮嘅配搭😋整體評分：7.0/10.GOCHISO (尖沙咀)尖沙咀河內道18號K11購物藝術館2樓219-220舖.

曾經在銅鑼灣Gochiso吃過一次，有點懷念，不過銅鑼灣已經消失了，今日便來到尖沙咀再吃一次。這裡背景有音樂，樓底又高，感覺好舒服。檸檬香草烤春雞二人套餐$388，包例湯，沙律，番茄芝士牛肉醬鮮製意粉、飲品兩杯、精選甜品二人份。特濃南瓜粟米忌廉湯，粟米的甜味比南瓜濃，我最愛就是粟米，所以反而有點驚喜。法式芝士洋蔥湯，芝士烤焗得很香，洋蔥湯味道適中，如果湯內的麵包細一點就更好。沙律份量適中，作為前菜合適不過。檸檬香草烤春雞，烤春雞外脆內軟，廚師利用少量香草🌿帶起了雞的鮮味，味道適中，另外有些芥末籽伴碟，味道帶點鹹和酸味，點些在春雞上，就不會感覺肥膩。番茄芝士牛肉醬鮮製意粉，牛肉、蕃茄、芝士都是正常味道，反而意粉是扁意粉，煙煙靱靭，味道不錯👍，這個非常有好感，令人有驚喜。飲品兩杯：凍咖啡、啤酒。凍咖啡是蒸餾的，濃度高，味道好，配上多盒細鮮奶和糖漿，任君選擇。啤酒🍻跟餐另加 $12，是日本的suntory，這個啤酒用上天然水釀造，麥味濃郁，非常不錯。甜品：朱古力蛋糕配上新鮮士多啤梨和忌廉，味道是我喜歡的，吃完這個甜品已經很滿足了。