Gourmet Thai Express (非門市)

營業中

休息中

聖誕節果時同朋友慶祝,今次試下叫泰國到會,依間餐廳我地都係第一次試,我地十幾人叫左個10人餐,初時都驚唔夠食,但到左之後都OK大份,食完之後個個都話飽, 我個人唔係太食得辣,但得依D咖喱我接受到,串燒同咖喱雞個味道同D肉好嫩滑, 炸野配個泰式辣漿好味. 札肉沙律加左泰式沙律汁之後令個味道好新鮮,飯同麪個味道都OK夠同地道,係D蒜蓉包味道唔太夠同埋甜品個份量少左DD,最後每人都係百幾蚊埋到單,OK抵食,如果下次食泰國菜都會叫返依間....

作為零售界的奴僕, 小弟已經習慣左無銀行假期, 人地放假我開工既生活, 約Friend 出街仲難過係馬會贏錢...難得有個朋友gathering, 點都要同佢地聚一聚。聽講今次食泰菜,收工之後立即飛奔去會合, 只係等左一陣就有得食啦。廢話少講, 即刻開始:我地果日十個人到, 所以叫左總共10個餸, 預多D驚唔夠食!!`首先係頭盤___各式小食拼盤,有蒜容法式多士, 炸蝦片, 炸肉餅, 炸魚餅配泰式辣椒醬或魚露多士雖平凡,但堅脆無焦邊, 蒜容醬份量岩岩好, 唔會太咸, 作為開胃小食都唔錯。炸蝦片係泰菜靈魂, 一拿上手有餘溫, 入口蝦片脆身不在講, 比外邊的更少油, 感覺上較健康。炸魚餅有咬口, 香草味道慢慢滲出, 個人鍾情辣醬, 一點入口四個字: 鮮、辣、過癮。`跟住黎係主食___泰式青o架喱雞, 鮮魚露雜菜, 扎肉伴沙律, 波羅雞炒飯,炒金邊粉。如果無食過青o架喱雞就真係唔好話自己佞過泰國野, 今次既泰式青o架喱雞無想像中咁辣, 大小朋友都食得到,以某著名米線店的標準來說是十一小辣; 雞件啖啖肉, 大小岩岩好,份量也足夠。鮮魚露雜菜是小弟既至爰, 用清淡食材都能煮出肉類般美味才是皇道!

31號留係屋企倒數, 同最愛既屋企人食飯屋企人同我都好中意食泰國野, 不過真係未試過自取拎番屋企食訂左7點去拎, 一去到就見到已經準備好!太好啦, 5洗等=)番到屋企打開, 完全冇失望, 賣相好OK炒泰式金邊粉 酸酸辣辣, 越食越開胃串燒燒得剛剛好, 不會太乾, 加埋沙爹醬 ,夠濃夠香,絕配之後再黎個炸蝦餅..好好味又彈牙,就算唔點d泰式辣醬都好有蝦味,唔會好似出面個d甘得d麵粉!蒜蓉飽點咖哩汁真係第一次試， 但真係好正！咖哩汁好香, 仲有好多雞肉做配料辣椒膏炒飯味道就一般般, 食落沒有炒飯的味道, 炒得不夠乾身最後, 甜品-千層糕超級好味第一次幫襯, 整體黎講,冇令我失望!值得推介絕對係吃不厭的泰國菜有下次!!PS:有coupon, 下次開PARTY用!!

因為一次機緣巧合下，得知哩一間泰國菜有外賣服務，一向開party 大家都係叫開pizza,kfc甘，食到悶，所以就試下新野，叫泰國菜，叫左個10人份量既餐。我地是預早了三天order的，並約好了送外賣的時間，外賣準時到達，並將冷、熱盤分開，照顧周到。特別值得一讚菜式1)泰式炸蝦片 - 好脆口, 會食上癮的, 可點咖哩一起食 , 好好食!(2)泰式札肉沙律 - 札肉本身自己有少許咸咸地 , 再配上甜、酸、辣味既沙律汁, 超正! 味蕾一次可以食到甘多味道, 超推介!(3)泰式青咖哩雞 - 一定要試, 雞是嫩滑的, 青咖哩好正, 因為本人超喜愛食辣, 簡直係無辣不歡 , 所以也是超推介!(4)泰式炒金邊粉 及 沙嗲串燒 ,也不錯, 值得一試。總結來說，這個價錢合理，份量也合適，食物質素不錯，下次有機會開party會再order哩間外賣。

本人都幾鐘意食泰國菜，當朋友話要食泰國菜，就🙋贊成。朋友話呢間新開好似幾好食，就試下。我朋友佢地6點半去到拎，到我地真正食野差不多9點，d野食仲係熱。可見果個保溫既情況都ok。同埋野食既份量十足，我地十個人都可以食剩。對於我個人黎講：蝦餅—好好食，又脆又香，好似食極😋😋都吾夠。青咖喱—仲有蒜蓉包可點，入面既雞肉亦好入味，但可能吾個個可以青咖哩獨特既味道😁😁😁。金邊粉—吃落既口感麻麻，好似好多油。炒雜菜— 都好有口感，吾錯。仲有甜品同飲品。只可惜只得可樂總括而言，呢間都好食，好滿意

食西式到會就食得多,泰式到會都係第一次 (本人都幾鍾意食泰菜)平安夜約左成班朋友開P, 就一早預訂左"Gourmet Thai Express"嘅泰式到會見到佢d套餐都好似幾多野食, 又小食, 沙律, 飯,麵,菜,甜品都有!10個人, 就一於叫個10人套餐!因本人響北角番工, 見到門市自取有coupon送就梗係去北角門市自取喇放工去拎, 見到d野食已經準備好, 店員都好友善! 而且所有食物都用保溫盒pack好, 拎到番去party食都仲保持到溫度~有質素!食物質素亦唔差, 蝦片食到個個停唔到口蝦餅,魚餅,串燒味道都唔錯, 可能係小食嘅關係, 開party係特別搶手炒金邊飯同炒飯就比較普通! 青咖喱送蒜蓉包又係幾正~~可能係辣左少少嘅關係, 就唔係個個朋友都食到lu...整體黎講, 呢次泰式到會都冇令我失望!平時去食泰國菜嘅野食, 今次到會都可以一次過食到晒~朋友亦算滿意~份量適中, 價錢都唔算貴!啱晒一班人開PARTY食!