& green (已結業)

之前見FB有介紹已經想試😙咁啱有日下晝要到附近學校上workshop,係機會啦😎cafe係由日本人開設,身處唔算太起眼嘅小區內📍cafe隔離就係老闆嘅室內設計公司~由於cafe嘅營業時間只係至下午6,7點左右,要光顧的話就要預早少少時間啦👆🏻入到cafe,空間感強,配上木製餐枱同櫈,以及不同種類嘅綠色植物做裝飾~🍀🌱🌿🌵中場位置更設有京都風格嘅和室~🎑不期然以為自己身處日本嘅cafe內💭💭餐廳屬半自助形式,客人先到cashier落order~工作人員會喺稍後時間幫忙送餐💁🏻‍♀️下午時份嘅Menu以三文治,咖喱飯,Pasta Salad為主🥪🍛🥗另外亦有蛋糕,Pancake提供🍰🥞🍴今次order🍴🍝明太子意大利麵🍝其實佢係一個Pasta Salad...微辣嘅明太子,配上蝦,牛油果同沙律菜,同意粉一齊食好清新😌呢個配搭好好~明太子落得非常大方,每一啖都可以食到明太子嘅味道☕Latte☕味道ok,合格✔好難得小區內會有一間咁舒服嘅cafe,不坊約埋三五知己一齊到呢間cafe輕鬆下🤗

唔知道係唔係因為香港租貴，好多cafe 唔係樓上舖就係掛cafe 名既coffee shop，一d cafe 既悠閒感覺都唔會有但係估唔到黎到紅磡反而揾到韓國cafe 感覺既cafe 希望我咁講唔會開得個頭太大，但係以香港standard黎講呢度真係算係數一數二架啦（但係我無影室內相呀！）舖頭座落係海濱南岸，唔係舊區近土kwa 灣個邊，所以環境係寧靜同埋少人d ，d 路都闊d但係位置都唔算偏僻，係poly 個hall 再行過少少今日同同行友人唔想食得太heavy，所以叫左d light d 既餐兩份sharesmoked salmon sandwich唔知大家有無好似我咁對煙三文魚有股無名既熱愛？所以一見到有smoked salmon 都忍唔住叫左個黎食呢類既三文治就一定好穩陣，因為都唔洗點做，只係烘下個包放返d 料就出得，所以味道我唔形容了，我講下價錢好過呢個包盛惠七十八蚊（無野飲）青醬蝴蝶粉青醬係我fav 之一，無論係凍食定係熱食都好好味！不過呢個意粉都係現成野黎，撈埋一齊就得無乜烹調技巧，所以都係唔洗點講味道了，講價錢好過呢個青醬意粉都係齋黎，無肉既，係大家眼見咁多食材，盛惠七十

Lunch時間被逼延遲，當然之後要對自己好D，於是嚟左&green. 兩點半無咩人，只有一班日本媽媽喺度吹水聊天，環境依然清幽雅靜，可以比我好好咁抖下。無咩胃口食飯，嗌左個chocolate pancake 同一杯cappucinno. 未食睇到先開心，因為擺盤靚 😂Pancake 兩大塊，質感一般，無特別軟滑，好重奶粉甜味，食左一塊之後都有少少膩，淡cream份量太少，唔夠配兩塊pancake~杯cappucinno好幼滑，但味道好一般，咖啡無特別香，唔太好飲 🙁 有D失望。唯獨環境搭救，值得一坐，消磨時間好舒適，有去左日本嘅感覺 👍🏻

係海濱南岸行左幾轉終於搵到🙈 原來幾大間，空間感十足👍🏻 店員大部份係日本人，成個氣氛有一種去左日本咖啡店嘅舒服感覺😌.主食有三文治，日本常見嘅咖啡飯😂，意粉沙律同班戟，飲品咖啡茶果汁咩都有，我地就叫左#明太子意粉沙律，#燒牛肉咖哩飯，同兩杯焦糖咖啡先講咖哩飯，燒牛肉偏乾，好在有咖哩汁搭夠，味道係日本咖哩嘅甜辣都唔錯，飯係珍珠米加分～ 意粉沙律係凍食嘅，有明太子預先撈左落意粉，配左車厘茄，蘑菇同紫茶碎，明太子味道唔太出，但整體食落幾清新，幾岩夏天時分食至於咖啡真係普通，唔咩咖啡豆味，只係未至於淡味，想黎嘆下飲下嘢嘅話，建議叫返非咖啡類比較好～ 環境舒服夠靜，平日黎嘅客人都比較有質素唔喧嘩，舒舒服服HEA食下唔錯☺️.想去嘅話記得6點前要到，夜晚係唔開架🤭

由居港20年日籍設計師開設的這家cafe，設計風格走和式簡約，非常舒服。除了淺木色之外，還加進了少量水泥元素。座位夠寬敞，唔會好迫。好多人叫杯飲品，坐返幾個鐘當working space咁用。睇得出設計師好貼心咁用水泥做左無障礙通道，方便行動不便/推BB車既朋友都得。食物主要以輕食為主，主打手沖咖啡。可能今次比較晏到訪，好多野食都已經sold out，未能嚐到最想食既pancake。建議早返少少過黎會多啲選擇😎．🔸Mentaiko Pasta Salad 明太子蝦沙律意粉 (冷食)- $83好岩夏天食既一款冷食意粉！除左明太子同蝦，配料有車厘茄、牛油果、紫菜，底部仲有沙律菜。蝦份量有6-8粒都算多，明太子帶點微辣，但以我唔食辣既人黎講絕對接受到。Angle hair既輕身，加上車厘茄少少酸，凍凍地幾開胃。🔸Smoked Salmon Sandwich 煙三文魚三文治 - $78健康輕食之選！除左有煙三文魚，仲有牛油果同沙律菜。多士好酥軟，幾香。可惜包面唔夠熱，如果係即烤的多士會更加分。🔸Iced Coco Latte - $50跟平常的凍朱古力無太大分別，想打卡可以叫另一杯。或者可以試

熊妹又見瑪姬少奶奶喇，事關熊妹生日大日子嘛！happy birthday!🎈🛍🎀🎊🎉🏮🎁瑪姬少奶奶約熊妹黎呢間《& green》，熊妹都聽聞過係一間新開的日系咖啡館。小小的咖啡店，賣的食品唔多，幾款三文治🥪，幾款意粉飯🍝，幾款蛋糕🍰，幾款咖啡☕️。可能因為星期日，又正直午餐時段，一點半黎到，全場都爆滿，剛好有一張二人枱，瑪姬少奶奶已經一早坐定定等熊妹黎喇。瑪姬太太唔係太肚餓，熊妹又要留肚食大餐，所以瑪姬少奶奶同熊妹決定叫點輕食。招牌厚玉子三文治🥪，$62。正呀，係好厚子厚的玉子蛋呀🥚，熱辣辣剛煎好，好香蛋味，三文治包唔係一般白麵包，係好多層鬆軟的丹麥麵包呀，加沙律醬黎食，全部都係熊妹鐘意食的食物呀！瑪姬少奶奶都好欣賞呢個三文治，雞蛋麵包咁高營養價值特別係蛋白質，緊係岩哂媽媽喇。雖然熊妹都好鐘意呢個包，不過熊妹認為如果丹麥麵包都係加熱，會變得更鬆化，口感就更佳。然後再點了個cake set, 日式芝士蛋糕加飲品，$57，熊妹緊係試下咖啡店的咖啡喇，可惜無熊妹最愛的flat white, 咁就試下cappuccino, 要再加$10。日式芝士蛋糕好軟綿綿，淡淡芝士的香味，唔係好甜，唔錯唔錯。

第一次來這裡的時候覺得環境味道都很不錯，之後再在ig見到一些推文，就想再試一下。上次試明太子沙律意粉和牛肉三文治都不錯，今次encore牛肉三文治，再點一份三文魚三文治，一杯紫薯拿鐵和一杯coco latte，$252埋單。下雨的午後確實人不多，很安靜，適合三五知己坐下聊天或者溫書。食物很快送到，這裡的三文治用的是丹麥包，牛油味很香(也很罪惡)三文魚三文治咬下去略嫌有點乾，味道普通。還是牛肉三文治好味，裡面的醬有點酸，同時中和了麵包的乾硬。至於飲品方面，真的很失望。紫薯拿鐵有少少紫薯味，但是很淡，很稀，還比不上我自己在家用攪拌機打的紫薯拿鐵。朱古力拿鐵就更加淡而無味，兩個字，失敗。可能有些回憶註定不能重來。本來對這裡很高評價的我，今天再度回味，才發覺可能是我過於美化了我的記憶。一定是第一次來的那天故事太美好。

又到星期六放假時間，最鐘意周圍搵啲好食環境又靚既餐廳可以呃下like早前網上見有朋友介紹呢間餐廳所以今日就揸車試下，我地兜左好多個圈都搵唔到爭啲放棄之際發現原來係理工大學隔離環境好日式風格，座位之間好闊寬，空間感好大我地兩個人叫左兩樣食物烤牛肉三明治牛肉應該是8成熟 剛剛好不會太硬 肉質軟熟 配上好入味既烤汁另外三明治都十分出色，包十分鬆軟，外皮又烘過非常香脆最重要牛油香味好重咖哩雞肉飯咖哩係甜甜的，配上嫩滑既雞肉Green tea latte綠茶味好香濃，好重奶味但甜度適中呢個環境真係好舒適，好似去左日本既cafe咁可以hea足一日

近期見x假期、xxesslogic大力推介《& green》，於是就去試一試其功力位置有點偏遠，不熟紅磡的你，可能覺得少許難去。鋪面頗大，似間工作室，坐在入面，如身在日本渡假般總有點muji的感覺呢！但放心，店員是香港人，你不須說日文。餐牌方面，如圖所示選擇不多。最奇怪的是，店員說餐牌只能在收銀處看看，或者影低返位看看但明明見其他食客都在桌上看餐牌，不明其所意Chicken Curry Rice正正常常的咖哩，配上似是剛熟的雞肉，配搭得宜。特別是薯仔，煮得香口Teriyaki Chicken Sandwich包底似是yamazaki的丹麥脆包，甜甜的，配上新鮮蔬菜，加上滑滑的雞肉，口感十足旁邊再有少量沙律，吃完都覺得自己健康了。無冰的橙汁，溫度來得剛剛好。綜觀而言，食物沒什麼驚喜，反而是環境不俗，付錢吃環境，那價錢就不值了吃一次便夠了。

睇到有介紹話日本人主理餐廳, 抱住希望去一試, 首先order左嘅食物同飲品等左好耐先到, 唔係真係想像中禁好食, 唔值呢個價錢, 服務態度亦麻麻, 如果唔想去受氣可以唔洗考慮, 唯一比較好就只係裝修, 但本人唔會再光顧

懶洋洋既下午，忽然想飮杯咖啡，同O先生行行下見到呢間日系cafe, 美味子我同O先生即刻入去見識下先啦～入到去除左見到有和風系列既設計，仲見到有個室內設計工作室，做到肚餓就可以行出嚟食野，又可以喺到見客，美味子都想喺到返工。我地去到cashier 連職員都係日本人，有d好似去左日本🇯🇵咁。美味子我叫左杯綠茶latte, 而有d肚餓既O先生就叫左碟咖哩雞肉飯同homemade ginger tea飲。本來以為半工作室半餐廳應該係食境多，但估唔到碟咖喱又幾好味，美味子我都忍唔住偷食O先生碟咖喱多幾啖🍛，有住家飯既味道O先生話咁快就清晒成碟。至於O先生點既lemon ginger tea係成壺上，O先生一飲完即刻眼碌碌👀，美味子我即刻偷飲啖，哦～原來係好薑，O先生覺得好辣，不過我就鍾意d咁夠薑既茶架啦。美味子我點既緑茶latte 賣相簡約，好鍾意佢旣手工陶瓷杯，拎上手已經感覺開心；杯latte飲得出係用綠茶粉沖既，又幾好飲喎！不過杯綠茶有小小苦味，下次最好配件cake🍰🍵一齊食咁就ichiban 啦

[ 環境 食物 飲品 | 都高質的Cafe☕️]••呢排同人傾起，佢話自從返左工之後💼放工放假去食飯，都會比較想去啲環境舒服既餐廳🌴我就話我比較重視啲野好唔好食😋而今次介紹呢間，係兩者並重👍🏻⋆ ⋆ ⋆ ⋆ ⋆🔹Egg Salad Sandwich($62)⭐️9/10呢個三文治真係好正❤️麵包用丹麥酥包好軟熟，甜甜地仲好有牛油香🤤重點係夾住個舊好厚既蛋‼️睇落好似唔多滑，但食落係勁滑，仲要溝左啲沙律醬一齊煮😳呢種味道係我第一次食到，真係覺得成件三文治好正👅-🔹Homemade Roast Beef Curry($88)⭐️8/10咖哩係一般日式咖哩，唔辣不過又唔會甜🍛之前食過好甜既日式咖哩😖呢度既味道都幾好👍🏻燒牛肉好薄好薄，不過好稔一啲都唔鞋，好食😆-🔹Sweet potato latte($48)⭐️7.5/10淡淡紫薯味，奶味較重，完全唔會好甜🍠-🔺餐廳裝潢以木材為主，有啲花花草草💐燈光暖色系，地方大又寬敞，好舒服😴-

唔知幾時睇到相關新聞介紹呢間餐廳，反正晌附近，所以黎左。Cafe全開放式，落地大玻璃，放滿好多植物，空間格局設計同座位編排非常寬敞舒適。門口有兩條分路，一邊樓梯，一邊暗斜路，方便好多小朋友，老人家同傷健人士。呢種零障礙既餐廳設計，通常晌日本先見到，香港空間有限，好少餐廳肯咁造。行到入去，有一小座日式京都室可以觀賞，其他主要以文青風做主題，有掛畫、有雕塑，雕塑旁邊仲放滿一枱日本室內設計同煮食既雜誌，可以隨便睇下。其實餐廳旁邊有道門相通到一間室內設計公司，而室內設計雜誌上有部分就係佢地設計既，聰明地向食客宣傳公司，亦聰明地將公司pantry向公眾開放變餐廳，一地兩用賺多筆錢😂 唔知係咪包埋員工飲食呢？食物主要係日式西餐同飲咖啡，套餐偏向輕型，最適合女士。店本身都有幾張十人大枱，所以都適合大班人去。我叫左roast beef sandwich，跟餐有野飲同海鮮忌廉湯。忌廉湯超香濃，又有薯仔、紅蘿蔔同好多蜆肉 😋 成為我最愛。Roast beef sandwich 既麵包非常鬆軟，外皮又帶少少烘過既香脆，味道充滿奶香，加埋嫩滑既烤牛同新鮮沙律菜，清新得黎又香口，好好食😋😋😋

今天點了一個明太子pasta, 送來後發現是salad, 我要求換個熱盤，cashier 個帶眼鏡的女孩子好沒有禮貌地拒絕，我繼續堅持要換，到後來還是換了，但卻被那沒禮貌的女生窒了一句，食到一肚氣。而且又唔好味道，以後不會再光顧!!

1. Amazing salted caramel! This is the first time ever I can taste the salt in caramel!2. Generous amount of banana3. Think but fluffy pancakes, very delicious indeed4. The lemon in hibiscus tea balances out the sourness and makes it even more desirable5. Nice and cozy interiors design with great vibes