Gusto Cafe (已結業)

長沙灣一向是一個餐廳美食的卧虎藏龍之地，今天我和男朋友來到這間頗多好評的餐廳吃晚飯。室內環境暗暗的，氣氛很不錯，很適合拍拖。我們選擇了：主食脆炸原隻德國咸豬手、美國醬燒BB豬仔骨；小食蜜糖芥末雞翼；甜品朱古力心太軟；飲品立體拉花咖啡和凍玫瑰花茶泡沫鮮奶。脆炸原隻德國咸豬手配芥末蜜糖醬($148)一上菜的時候簡直嚇了我一跳～很大碟！我想這個份量已經快夠兩個人用了！第一口吃下去時已經有喜出望外的感覺，外面脆度適中的豬手皮，配上超厚實的豬手肉，微微的咸味令人對這碟豬手的食欲大增！伴碟的還有薯茸，吸收了豬手的味道，咸咸甜甜的。美國醬燒BB豬仔骨($128)我一向喜歡豬仔骨，這碟豬仔骨肉很軟嫩，很容易就能從骨上把肉切下來。肉還很多肉汁，一點也不乾柴。調味的BBQ醬咸咸的，大大的刺激了味覺。蜜糖芥末雞翼($58)原本以為是小食，份量應該跟外面的雞翼差不多大，結果我又錯了⋯這雞翼每隻都十分大隻，而且很入味，餐廳用的芥末是黃色的那種，吃下去是有一點點酸辣，但沒有日本芥末那種嗆鼻的氣味，感覺很特別。立體拉花咖啡（意大利芝士餅鮮奶咖啡味道）($44)一上枱的時候我第一個反應就是～哇！好可愛呀～這是我第一次

長沙灣深水埗正值舊區重建階段，舊區租金平宜，重建帶來一番新氣象，吸引了各類食市小店覓地進駐，每隔一排就會發現多了一些新面孔，在橫街小巷中出現，成為我們為食一族的樂園。筆者一向鼓勵支持小店，皆因在現今經營環境困難的時代，租金、人工、食材成本各樣都高漲，難得諸位有心的經營者不畏困難為我們的肚皮打拼，如果大家都不出一分力支持，為小店加油的話，很可能不久將來就會只剩那些大集團連鎖店給我們選擇了。今次跟朋友試了一家位於長沙灣昌華街的Cafe餐廳，店舖裝修時尚簡約，門面是褐色松木配上白色大玻璃門，加上地下以原木推砌出來的裝飾，讓人感覺悠閒；内裡以鮮紅綠色系椅子襯上昏暗燈光，還有牆上桌上的小擺設相互映照，形做fancy浪漫的氣氛，雖不是甚麽華麗用料，卻予人舒服的感覺，看得到是花過心思的佈置。我們一行三人叫了兩客主菜一客主食，還有甜品和飲料。烤澳洲肉眼扒配紅酒燒汁，肉眼扒份量大大件但不算太厚，烤得剛剛好五成熟，外焦脆内鮮嫩，切開後肉汁滿瀉，色澤呈動人的粉紅色一望而知幼嫩非常，咬落鬆軟肉味濃郁，配上帶着淡淡紅酒味的燒汁，增加了味道的層次，做得蠻有水準，而配菜的烤瓜菜亦為濃膩的口感帶來一抹清新健康。烤紐西

長沙灣真係十年都唔去一次，咁難得去到就當然要搵啲野食下啦！見呢間唔洗等位就入去試試，都有啲驚喜喎！啤酒炸魚柳薯條（$65）大大件魚柳都幾滑，炸醬沾得好均勻而且都脆，薯條係粗薯，份量都好多，最後都食唔晒！法國醬燒豬仔脾（$118）法國醬應該有蜜糖，搽滿左豬仔脾再燒，甜甜地既醬汁都幾入面，但豬仔脾好似有點乾身。有4大件加埋啲配菜（佢選擇用紫薯蓉，飽肚之餘又唔會好似平時用薯蓉咁滯，幾好味），都幾夠食！烤紐西蘭羊架配阿根廷青醬（$158）個羊架處理得岩岩好，唔會話煮到得韌好老，中間仲有微微既粉紅色而且都幾juicy! 羊架一啲都唔羶，加埋個青醬真係幾好味！總括黎講，雖然餐廳環境比較暗，但主食既食物質素都唔錯，起碼喺長沙灣唔洗食茶餐廳先啦！同埋佢咁既價錢都算幾抵食，份量都幾多啊！

每月一聚嘅日子又到了 今晚特登去長沙灣搵姐妹食飯當然要搵地頭蟲帶我搵食啦😙<Gusto>係靜靜嘅街道上發出光芒裝修有心思的 牆上掛滿一幅幅嘅畫彩色餐桌 增加溫暖感經過店員嘅介紹後 叫左炸豬手 細心嘅餐廳將豬手起肉香噴噴 外皮脆卜卜 咬落唔咸而且嫩滑👍🏼肉眼扒7成熟岩岩好 Juicy之餘好香牛味😍一人一杯rainbow 淨係顏色已經驘晒兩個大食妹 小食重叫左雞翼併盤估唔到併盤會有4種口味 16隻咁多😅😅水城牛 蜜糖芥辣 孜然 同原味😍😍😍全部都肥嘟嘟 炸粉唔算厚 肉質好滑👍🏼食完正餐 就要出動甜品胃了叫左brown series 心太軟+雪糕+咖啡奶凍心太軟焗嘅時間岩岩好 非常流心甜度適中 配上雪糕一冷一熱😍咖啡奶凍 微微咖啡味配上滑溜奶凍完全為今晚畫上完美句號👍🏼總結一下 餐廳食物質素絕對物超所值好食之餘 店員嘅服務質素亦要讚👍🏼👍🏼👍🏼可惜位置唔係大街 感覺有點輸蝕有心嘅小店 加油啊💪🏼💪🏼💪🏼

聽聞長沙灣開左好多不錯既食店，加上表姐又係住呢頭，咁又係時候出去搵食啦。。。有同事都介紹過呢間cafe既食物唔錯，所以就去會一會佢。。。講真，長沙灣區比我既感覺係做批發既地方，食店我真係想像唔到。。。一入呢間cafe，地方雖少，但充滿色彩既，佢既色彩係真既，因為檯檯凳凳都好colouful....睇到meau又好令人吸引既係佢有立體咖啡，講真係出面旺區要飲一杯，又要等位又成。。難得呢到唔洗等位，咁梗係要試下好冇飲啦。。。咁是日點菜：豬手， 魔鬼魚，Buffalo & 蜜糖芥末雞翼，一杯榛子咖啡，一杯香蕉朱古力，甜品：心太軟雞翼方面：蜜糖個款略為鹹左小小，食唔到芥末味，而buffalo 雞翼做法比我係出面食有點不一樣，佢係將個隻辣椒汁+茄汁做成既醬，就咁搽上去，所以有酸又辣辣地咁，但雞似裡係冇咩味。。豬手, 的確好出色，唔鹹唔淡，外脆內軟，而且食落好有將力，肥膏一點都唔膩，而且分量十足，抵食到暈，值得推介。。。魔鬼魚，就失色左d, 本身魔鬼魚既味係較淡，但佢既做法完全係帶唔出魔鬼魚既味道，要係將魔鬼魚先用香料醃製過再烤，個味應該會出好多。。。個杯立體咖啡都幾岩我口味，因為好香榛子味，但帶

其實平時真係好少會特登去長沙灣個度搵野食，今次因為朋友住個邊附近，就上openrice睇下個頭有咩好食。見到呢間cafe有d立體拉花好似唔錯，就過黎試下喇店面係咁樣既，其實位置唔算易搵，係地鐵行過黎都要一段時間，所以走個陣我都係搭左的士…店子細細，唔算好多人，不過咁就可以靜d啦，我最怕一路食野一路勁多嘈音第一樣上台既係小食一碟，雖然係用啤酒炸，但食落係冇啤酒味。但就算佢食落冇啤酒味，佢魚既肉質同炸粉厚薄等等都非常唔錯，而且有3舊好大舊，底層係薯角，一樣炸得岩岩好。之後等左大約半個中，先到第2樣野到。就係我既3D拉花咖啡啦！佢咖啡味好重，相對平時要拉花一定要多奶先拉到，但因為佢係立體個種，就唔太需要好多奶都做到。呢條魚雖然都係等左好耐，但真係worth waiting！除左條野生盲曹夠raw，皮烤得亦好香脆，絕對有酒店質素（冇吹水）。而伴碟都好有心思，隔離紫色個d係紫薯蓉，好香好滑架呢度d店員其實好好禮貌架，不過等得真係有d耐所以服務只可以畀3分咋

啤酒炸魚柳配薯皇 $68Beer battered fish fillet with potato作為小食份量都唔少👍魚柳外層炸粉唔厚,炸得好鬆脆又唔油膩,入面魚肉好嫩滑,點埋他他醬真係超好味😋另外值得一讚係炸魚配上薯角,薯角外面有層香辣粉,食落好惹味❤炸脆原隻德國咸豬手配芥末蜜糖醬 $148一上枱我同朋友都不禁“嘩”左一聲,因為真係好好大一碟呀～廚師十分貼心地將豬手起骨仲切埋件,我地一吉就食得,好方便👍豬手外皮燒得好脆,放耐左都唔淋。肉質彈牙,鹹味適中,美味程度拍得住專食德國菜的餐廳。mustard 惹味, 超愛佢碟上既honey sauce, honey mustard 同脆豬手簡直絕配♥ 可惜honey 太少, 好快食哂烤羊配阿根廷青醬 $158Grilled Lamb Rack in Argentinian Pesto Sauce平時我唔太食羊肉, 因為好怕膻味但今次朋友想食就一於share 一試啦~ 一上來真係有好濃郁既羊味 😂😂 本來有d 抗拒既我試左一啖, 又打破我既 bias wor 聞落雖然重味 但食落口完全無我怕既 味, 再加埋佢地 pesto sauce 香香辣

原先想食嗰間店鋪，竟然冇開。結果行過少少就發現呢間餐廳，所以就行咗入去試一下所有餐都係跟一至五其中兩樣。＄60或60元以上就可以揀三樣。。。先來是日餐湯~唔知係乜嘢湯。飲到有啲薯仔蓉。味道幾好不錯！田園沙律 - 沒什麼特別。不過蔬菜都還算新鮮。可惜沙律醋略嫌太少。。。主菜出場！我揀咗F餐-烤澳洲肉眼牛扒配蒜片紅酒燒汁。牛扒還算不錯。不會太乾太硬。又唔會拿到啲肉林pat pat咁。但可惜嘅係，我響落單嘅時候，注明要多汁。但完全冇多比我。。。好dry😐餐飲- 枱面上放著啤啤熊。我幫佢同我杯飲品合照。。。另一個亮點係笑哈哈匙羹。 個設計係唔會浸到枝匙羹熱喇喇。後話。。。叫左3份一樣嘅餐，結果只黎得兩分。。因為留咗單。原因係落單個人，完全冇寫低我地要咩。。。全靠佢記憶。。。結果就留單。。。然後又等左好耐先有😑

響附近工廠區同個客傾完野, 就同同事響附近食埋晚飯先走, 搭車附近見有呢間西餐, 野食都幾多選擇, 一於試下. "三文魚露筍黑松露意大利飯"$108, 意大利飯軟硬度剛剛好, 煙韌有咬口, 個汁唔會太濕, 配合非常好. 飯入面仲有露筍同菇菌, 配埋清香既黑松露, 簡單調味已經好香. 三文魚新鮮咸咸地, 成個配搭好開胃."醬燒BB豬仔骨"$128, 豬仔骨焗得肉質軟腍, 入口肉厚, 夠晒入味, 醬燒甜甜酸酸夠惹味, 面頭亦帶少少香口.飯後飲品要左個"Hazelnut Latte"$44, 熱飲有3D拉花, 香濃咖啡味帶有少少既榛子味, 奶味唔會太濃, 甜甜地好易入口, 拉花好有心思, 形態亦非常似.仲要左個"朱古力心太軟"$50, 朱古力蛋糕焗得好鬆軟, 朱古力味幾香濃, 配埋入面既流心朱古力都唔會太甜. 仲有朱古力雪糕, 凍熱一齊食口感一流.

餐廳的飲品不錯今次叫左2杯朱古力玫瑰，1杯青蘋果梳打，個人認為奶類飲品較好飲前菜叫左蜜糖芥末雞翼，個皮脆卜卜，好味。反而，餐廳既main course一般，今次因為同小朋友食飯，rib eyes叫左7成熟，上碟時好un,又無味pizza個餅底不錯，但啲配料同汁好濕，搞到好一pat pat咁意粉都係太濕，份量偏小甜品心太軟ok，切開都十分流心建議大家黎食小食同飲下特飲

話說今天同男朋友拍拖行鴨記黃金買電子手環，即買即用的我，行下行下竟然行到長沙灣其實路程不遠，反正當運動見到gusto cafe有tea set試試吧有3層～賣相吸引第一層～三文魚滑蛋多士，滑蛋好滑麵包也脆口第二層～火腿芝士三文治沙律，麵包經過烘底，芝士亦有流心效果第三層～吞拿魚多士，同樣是入焗爐烤焗法包吞拿魚混合沙律醬朱古力、綠茶牛乳布甸各一杯，不夠軟滑而且奶味不濃，只有淡淡的朱古力味而綠茶亦不突出lime soda ~餐飲不用加＄，較甜，但天氣炎熱非常可口朱古力雪糕草莓曲奇waffle~賣相極吸引，waffle好脆加埋有脆脆的朱古力雪糕外冷內熱，口感凍熱交溶是日消費$268小店cafe用心製作，但只是交通不便，我也是唔打唔撞才發現，收費亦經濟，環境休閒，拍拖首選

今日嚟到長沙灣，又係尋找美食的日子，我同米仔行吓行吓，發現左一間小小的Cafe，雖然沒有太特別的裝潢，但勝在店員夠親切。芝士焗墨西哥粟米片粟米片上佈滿芝士，每塊粟米片都脆卜卜，配搭著秘製醬汁，絶對是滋味的前菜！烤紐西蘭羊鞍配阿根廷青醬羊鞍共有三件，香味撲鼻，睇落好juicy，米仔一刀切時，羊鞍肉汁還有不少，脂肪比例剛剛好，不會感覺太油膩，爽韌既肉質加上阿根廷青醬，令羊鞍的味道更有層次，更惹味！旁邊伴碟有沙律及紫薯蓉，係紫薯啊！有別於一般餐廳用的薯蓉，真的有心思！紫薯的味道真的不凡，與羊鞍一起配搭可說是絶配！脆炸原隻德國咸豬手配芥末蜜糖醬大大碟咸豬手已切好一件件，不用自己花功夫就可以食到，正正合哂這麼懶的我，正！咸豬手啖啖肉，炸得不會太乾，外皮還炸得很脆口，米仔不知幾鐘意！配合芥末蜜糖醬別有一番風味，不過，我個人就覺得食咸豬手食原味係最好！一件一件放落口，不知不覺得已經好 full，簡直係抵食夾大件！凍玫瑰朱古力簡單面層玫瑰花瓣裝飾，濃郁的朱古力配著淡淡的玫瑰味，味道很細膩！朱古力香蕉smoothie簡簡單單的朱古力配香蕉，已經是絶配！這個Smoothie 整作得不會太冰冷，但很滑溜，極

長沙灣小店食店非常多 梗有間係左近呢日我地去左間小cafe食晚飯食到中段多左兩枱客 都係團購的 見到隔離枱係甜品任食 好過癮咁！我地就無買團購 不過呢度食物正價都唔算貴烤澳洲肉眼扒配紅酒燒汁 肉眼軟腍有肉汁 份量大件 配菜係瓜菜 比薯條健康得多！烤野生盲曹魚柳配蘿勒醬 盲曹魚炸過表皮香酥脆口 肉嫩滑 蘿勒醬香氣四溢 紫薯做成薯溶味道甜甜地好香滑 比平時普通薯溶無咁劑 好食！脆炸原隻德國咸豬手 皮唔脆有啲失望 味道幾好夠惹味 配菜有酸椰菜中和咸度 唔記得叫咩名既甜品 抹茶做主題 有心太軟 奶凍 雪糕 奶凍香滑無比 如果抹茶味濃啲更好 紅豆溶太糠概結果好甜飲品揀左朱古力香蕉沙冰 濃濃朱古力味帶點蕉香 唔錯啊！

老家在長沙灣，每月都會回去。每次回去總發現多了些新餐廳，隨著領展的收購，早排都是湧現一些連鎖餐店，近期卻驚見愈來愈多cafe,小店之類的在橫街小巷出現。潮流興起要支持小店，今次就試試這家gusto吧。還記得對上一次步進這鋪位是吃扒的，當時這是一家熱鬧的小扒房，客人都是附近的街坊，食物不差卻稱不上好吃，店主熱情親切卻令我深刻難忘，原來這個"對上一次"已經是幾年前了，時間過得太快。說回gusto,那晚七時多到店，可能時間尚早，我們暫時包場。燈光非常昏暗，相信店家是想形做浪漫氣氛，不過似乎有點"黑過隆"呢。煙肉芝士焗薯皇 $55用上片裝芝士有點hea，好在薯皇熱辣辣，外脆內綿，充滿薯香唔油膩傳統意式風味薄餅 $77這pizza的芝士就令人相當滿意啦！大量 mozzarella cheese 相當誘人餅低薄身香脆，一個人絕對可以獨吞一整個拉絲效果驚人3d拉花latte $44首先賣相相當唔錯，貓咪算幾可愛奶泡綿滑，香滑的latte奶味香濃散發出微微咖啡香，岩哂唔太好咖啡只為3d拉花既我心太軟我就覺得太生啦，所以蛋糕既部份很少，而流心很多而且很稀，食落都幾漏，相信熟多少少會更好！

到長沙湾探望朋友，受到款待，朋友帶我去附近一間叫Gusto Cafe的小店用晚餐， 细小的店舗裝修簡约，不過樓底夠高不覺侷促， 翻開餐牌發現小店連英式下午茶都有供應，真有点意外。 我点了份香蒜薯蓉炒法蘭克福腸， 賣相雖然漂亮，還是被其足夠四人食用的份量嚇了一跳，蒜片充滿牛油香味，德國腸煎得焦香而不硬，混在軟滑的薯蓉吃，有説不出的獨特風味。香蒜牛油烤巴西魔鬼鱼伴秋葵配阿根廷青醬， 一般西餐廳較少有魔鬼鱼供應，没想到肉質细腻嫩滑，沒半點腥味，醮上微酸帶点香草味道的阿根廷青醬，清新可口。脆炸原隻德國咸豬手配芥末蜜糖醬， 豬手巳經拆肉，近尾部份稍嫌炸得乾身，影響部分肉質的嫩滑度，不過味道適中，外皮香脆，酸椰菜爽口起著解腻作用。最後那杯拉上店舖名字的海鹽焦糖鮮奶咖啡， 微咸中帶點焦糖香甜味道，跟濃香的咖啡互相融合，口感有點複習，但好喝。