GYU TOWN 牛舌專門店

營業中

休息中

喺'熱鬧繽紛'嘅平日夜晚， 深水埗附近要排隊嘅店唔多，Gyu town 就係其中之一。點左二重舌鐵板($108) 套餐 (+$28)，唔駛加一 ， 有~5塊厚身嘅切片 + 一條舌芯。趁熱食好有咬口，配埋個日本醬油燒肉醬係好味嘅，滿足左我好想食厚切牛舌嘅心靈  碗飯係珍珠米但好乾身、偏硬，我個人唔係特別鐘意。今次坐個位係風口，雖然有鐵板但係食到一半未到肉已經開始涼， 真係要快手食，同埋食完全身油煙味，唔適合後續去老蘭同孫女飲酒喇 可惜啊 

平時見到要排隊已經卻步，咁岩三點行過唔洗排隊又未食早餐，見到冇掛落場牌，唔洗諗，即刻入去。一坐低低諗都唔諗就叫左牛舌芯+套餐白飯升級（白飯改做牛舌溫泉蛋丼）等左大約五分鐘就上菜前菜（雜菜沙律）、配菜（姜+淡味既吉列豬扒醬）、醃製辣椒、湯、丼飯同主角（鐵板牛舌芯）擺滿成個托盤，好勁既視覺衝擊。我係食沙律先既，味道幾清新，唔似其他餐廳，一係用柚子醬，一係得個酸味嘅黑醋或者胡麻醬，我食唔出係咩醬汁，但酸得黎幾開胃，唯一要彈既係啲菜隔夜切定有啲黑邊（可接受範圍）由於個人唔太鍾意刀叉同筷子換黎換去咁用，所以我係將所有牛舌切粒先，由於佢有洋蔥墊底，所以唔怕會焦，但又可以保持到溫度，我認為佢同出面其他鋪有啲唔同係佢應該係煎完牛舌拎起跟住輕輕爆一爆啲洋蔥，洋蔥黐住煎牛舌啲調味料同牛油味，而唔係放洋蔥墊底。佢啲洋蔥係預你食埋既。就咁食牛舌既牛舌好濃，帶小小焦香，如果覺得油膩可以點醬，淡味吉列豬扒醬可以減輕油膩感但唔會蓋過牛舌既風味，可以慢慢享受。食左一半牛舌係時侯到牛舌粒溫泉蛋丼，成個飯面鋪滿牛舌粒，應該係用起牛舌芯既邊位牛舌肉做的，牛舌肉粒用醬油煮到好淋好入味，有啲似台式肉燥飯既牛舌版，因為裝得好滿，

係深水埗搵食，見依間幾有特色專食牛舌。六點半前入座，都已經滿八成客。坐底左一陣出面已經有三四組客人排緊。因為睇食評好壞參半🙈，眼見唔係個個都叫鐵板，所以我地都叫啲平平地試吓先，叫左一個牛舌筋飯同一個牛舌烏冬。試到兩款唔同嘅牛舌。平時食開牛舌都係一塊塊，丼飯上嘅牛舌筋係一粒粒嘅，食落唔係平時食開果種嘅牛舌口感，係好淋身同軟滑，但都有種牛舌嘅味道，配埋溫泉蛋同珍珠米，口感極佳烏冬上枱，鋪面都係青蔥同紫菜，完全見唔到麵同牛舌🤣，夾起嘅牛舌就似平時食開果種質感，厚實但唔會話難咬開。烏冬加青蔥再加個湯底都好入味，但份量就少左啲。我地食嘅兩款牛舌都各有特色都好好食，睇食評有啲話好難咬開唔知係咪因為鐵板上反而熟過龍？🤔總的一致性價比覺得高，但如果係鐵板上個期望就唔同架啦。仲要唔收加一！不過餐廳就唔提供水，隔離枱想要杯水 侍應話冇提供。

呢間深水埗牛舌專門店成日都大排長龍，星期五晚6點幾黎到好彩前面都係排左5個人🤭佢星期五六日只提供鐵板系列。叫左個牛舌芯鐵板$138，加$38有埋牛舌筋溫泉蛋飯、湯、沙律同汽水。佢個牛舌飯d牛舌一d都唔少，d牛舌食落好淋好似食緊d牛腩飯咁。佢個牛舌芯好好咬口好厚好正🤤🤤佢碗湯都好好飲，湯都係牛舌湯黎！另外叫左個二重牛舌$108，有舊牛舌芯同埋幾舊簿d既牛舌，味道都好好，但我比較鐵意食牛舌芯多d🤤🤤呢間小店只有19個位，同埋座位都幾逼夾。多人黎食我諗都要分開坐，仲有晚飯時間記得早d黎排隊🤣鐵意食牛舌既朋友唔好錯過🤣

朋友住係附近, 成日都話見到呢間鋪頭大排長龍所以就趁放假一齊去試下餐廳係下午3:30會落場 我地大約2:30左右去到未行到埋去已經見到有人排緊隊大約排左20分鐘左右就入座啦我地2位都係叫左鐵板二重牛舌我就加左$28升級左做套餐 有沙律,湯,飯同埋汽水而朋友就加左$38 除左同我一樣有沙律,湯同埋汽水外, 白飯就升級左做牛舌筋蓋飯仲有溫泉蛋添職員上菜既時候仲有提醒記得先食左小小牛舌筋先好加隻溫泉蛋 以免溫泉蛋整到自己二重牛舌係有牛舌尖+牛舌芯, 份量都算大份牛舌尖相比下, 牛味無咁重, 但咬感十足我個人就比較鍾意牛舌芯, 比較厚, 牛味都比較重加埋黃芥末 簡直一流

推薦這家專注於牛舌的小店，特別是他們的二重牛舌，味道十分美味，值得一試。不僅如此，店家的專業和專注能夠讓你感受到高水準的料理技巧和用心，讓整個用餐體驗更加完美。此外，店內的環境也相當有特色，能夠讓客人感受到日式的氛圍，增添了用餐的樂趣。即使在比較繁忙的時候，店家的管理和效率也能夠保持良好，讓客人的等候時間縮短至最少。如果你是一位喜愛牛舌的人，我強烈推薦你前往這家店品嚐他們的料理，相信你一定會愛上這裡的味道和氣氛。

第一次幫襯，專登揀晚餐時間，因為呢間出名排隊勁多人，諗住就算企都唔洗又熱又曬，到時食都無心機啦！點知1830去到好彩只得一家四口在前一位，所以只等5分鐘左右就可以入座。晚餐原來星期五六日都只得鐵板套餐(加$28)有飯、湯、沙律及汽水。以一間小店嘅作業方式來說我覺得無可厚非的，兩個人各點一份套餐，牛舌芯和二重牛舌＋司華力腸。兩份對比，叫二重牛舌係相對抵食，因為真係食到不同部位及不同烹調方式。 牛舌芯在二重牛舌亦有得食，雖然係用咗6-7成煮熟方式處理，但舌芯兩端位置的確係太韌，差不多等於1/4條食唔到。另一主菜舌尖側相反，柔韌度剛剛好，但就唔係太入味，但當點咗黃芥末醬就啱啱好，用舌尖卷小小白飯一齊入口係一流嘅👍🏻。另外，本人極之歡喜佢哋嘅湯，可以話係我近年來出街食飯最好飲嘅湯，好香牛肉味而且不油膩，一般日式餐廳嘅麵豉湯簡直不可同日而語，另外冷盤沙律份量亦十足，生菜捲着牛舌心食抵銷油膩感簡直係美妙！仲有應該自家製嘅黃芥醬，中間夾雜左啲蔥，淨試味時十分嗆喉，但當點咗牛舌或司華力腸，就變得溫和好多。舖頭位置不大有狹迫感，但好彩未至於背貼背，鋪內油煙味唔算濃，枱面、餐具和地面整體清潔度亦良好，樓面

【關注組推介。牛舌】 深水埗係香港美食集中地之一。 今次食關注組都熱推既牛舌專門店。 當日大2點到現場， 排了大約15-20分鐘就可以入座。 餐廳空間不大，油煙味會比較重。❈ 鐵板二重牛舌 Double OX Tongue HK$108二重牛舌有一條牛舌芯和牛舌尖，鐵板下有洋蔥托底，牛舌芯中間的部位粉嫩爽口，而牛舌尖帶少許咬口，質感扎實，整體味道及口感不俗，有性價比。+套餐 HK$28 (升級满溢牛舌筋溫泉蛋丼 + HK$10 ）包括沙律，洋葱牛舌湯及汽水。牛舌筋係牛舌的底部，口感軟腍，有點似食滷肉飯，味道濃郁。❈司華力腸 HK$15只食牛舌可能會有少許膩，加點司華力腸可以令味道在口腔裡不太單調。

今次介紹嘅係一間深水埗人氣牛舌專門店🐮🐮 成日都排長龍，今次終於試到～試完認為咁熱嘅天氣就唔會再特登排隊食，唔使排隊嘅情況下先會再食🤣舖頭唔係好大坐得比較迫～1️⃣ 二重牛舌$108 + 套餐(包括湯、沙律、汽水、飯) $28二重牛舌係牛舌芯同牛舌尖，份量好大，啖啖肉啱晒食肉獸啊！🤤牛舌芯重牛味，好厚，大約7成熟，如果怕生可以利用鐵板嘅熱度再煮熟少少，口感肉質嫩滑😋🐮牛舌尖爽口，牛味相對無咁重👉🏻 𝑹𝒂𝒕𝒊𝒏𝒈 : 𝟳.𝟱/𝟏𝟎2️⃣ 安格斯牛板腱配牛舌尖 $113呢個都係好多片牛！😋安格斯牛板腱用咗黑椒調味，偏乾有啲鞋口同太韌🥲😟👉🏻 𝑹𝒂𝒕𝒊𝒏𝒈 : 𝟲.𝟯/𝟏𝟎______________________________𝑶𝒗𝒆𝒓𝒂𝒍𝒍 𝑹𝒂𝒕𝒊𝒏𝒈: 味道: 𝟳/𝟏𝟎抵食指數: 𝟳/𝟏𝟎 環境: 𝟲.𝟱/𝟏𝟎𝑹𝒆𝒗𝒊𝒔𝒊𝒕: 𝗠𝗮𝘆𝗯𝗲

去到深水埗剛好5點半，冇人排隊就去食！ 記得上次排左個幾鐘😂唔知幾時開始.. 晚市得番鐵板系列.... 1. 二重牛舌 $108 牛舌尖口感彈牙，最有嚼勁。牛舌芯食落爽口，肉質軟嫩多汁！ 2. 香蔥薄燒牛翼板 $118 牛翼板肉質軟嫩，每一片牛翼板都包裹著蔥蒜，內裡嘅蔥蒜吸收大量肉汁及精華，入口咸香味十足帶且有嚼勁。兩款套餐都加左$38將白飯升級做牛舌筋溫泉蛋丼～ 估唔到牛舌筋口感好軟腍，而且牛味係最重，配上溫泉蛋飯真係無得輸！ 唯一最敗筆嘅地方係餐廳播嘅音樂太大聲，太過滋擾！

滿心歡喜及打算第一次光顧，真的很期待，一早未開門已經到達排隊，而且還是排第三個（女朋友正趕來這來），當開門的時間，店員跟我說要齊人先可以入座，估唔到這間食店都係要等齊人才可以入座，當下那一刻我眼看所有排我後面的食客都已經入座了，我還要在外面這麼炎熱的天氣企喺門口，真的非常失望，竟然定下這種規距，真的不會再來，讓我體驗了你們是如何招待客人。

好想試依間牛舌專門店好耐，但換來是失望。最唔喜歡強迫性營銷方法，唔體恤客人客觀情況，已經晚市只做鐵板餐，但兩個大人兩個年幼小朋友點同你食四個鐵板。你唔做散叫，也要體恤下帶小朋友，唔需要浪費食物，但強迫一個人食一個鐵板，更強迫你跟飯就要跟汽水，仲只能可樂或雪碧😡忍，都夜了，錢仲可以俾，如果好食都算。。。😡😡😡😡但來到啲野做到只有咸字。火滾，辛苦地先食到。真係無下次。如果俾分係1至10分，我答案係負💯😡

今日本來要去深水埗的cafe ,最後卻又來到牛舌專門店。主題式的餐廳只有一個人時能最自由地隨時想吃就去今天點了三重牛舌御重盒。他們把牛舌芯、牛舌尖及牛舌筋分別烹煮，看圖就知分量相當豐富，而且都厚切。該有的軟嫩，帶油香的爽脆，那嚼勁，再加上酸薑蛋絲蔥，是一個非常豐足的午餐，牛舌愛好者探店之選。

今日中午嚟到深水埗，醒起呢間大人氣嘅牛舌可能落雨關係冇人排隊，一於試下先～餐廳裝橫主要走工業風格配簡單木桌入內環境較細，大慨十張枱左右枱上有落單紙，以牛舌為主再搭不同套餐而餐牌要問店員拎先有，睇到相片會清楚好多鐵板系列·二重牛舌$108 +$28套餐跟湯、沙律、飯及汽水以托盤上菜賣相不錯，店員提醒鐵板好熱請小心先試湯，係洋蔥湯裡面仲有幾粒牛粒意外地幾好味，洋蔥味頗重而帶有牛肉的鮮甜沙律有柚子醋食落酸酸甜甜兩款牛舌都較厚身，表面有蔥及黑椒而洋蔥圈墊底左邊牛舌食落細膩軟嫩而綿密右邊則鮮潤豐厚而滑韌，兩款都肉味濃郁可惜係鐵板上的牛舌凍得太快，未食到一半就凍哂整體牛舌味道不錯，如果唔洗排隊係可以再食

自己本身係牛舌愛好者，朋友介紹之下就搵到呢間係深水埗嘅牛舌專門店。我個日就大約6點半左右去到，前面有1個人排緊隊，我就大概等左15分鐘就入座，D位其實都幾逼下。佢門口貼左張告示話晚市淨係做鐵板系列。咁我同朋友兩個都揀左二重牛舌$108，我地都選擇加錢轉套餐，佢套餐有包湯，沙律，汽水同白飯，轉套餐我就加左$28，而朋友就想升級個白飯做牛舌筋溫泉蛋飯，咁佢個套餐就要加$38。上菜個陣，見到個鐵板好熱，燒到牛舌同洋蔥喳喳聲，即刻用刀撩下費事痴底。佢目測個份量係幾大下，而且佢個飯裝得幾滿(早知叫少飯)沙律菜就正常，湯我覺得幾好飲，幾足料。戲肉到牛舌，食落都算林，但最大敗筆就係唔夠調味，我expect可能會係有多d汁嘅，但佢就係一個淨係加左D黑椒係面咁，所以就係無咩味，要靠佢隔離個燒肉汁去點牛舌先好少少，呢個係幾失望。但朋友個牛舌筋飯，我試左少少，我反而覺得佢個牛舌筋整得好食，軟林入味，調味都夠，呢個值得一試。Overall黎講，我覺得佢呢個價錢食到咁多份量嘅牛舌算好抵食，同唔收加一，但大家唔好對佢個主菜牛舌有咁高期望。