Häagen-Dazs (已搬遷) 新店位置

自從東港城經過翻新後,開多了不少新食店!原本是輪候食火車壽司, 但輪候的人實在太多, 所以想找地方休息一下!!!!剛好同層就有Häagen-Dazs,內有座位, 加上因為有張coupon,所以趁天氣熱熱地想買杯雪糕食下!!!餐廳好多客人，但座位就唔多，所以等了一段時間才有位! 若佢可以增加座位會更好!小朋友叫了個心花怒放, 可以自行選擇5種不同口味的雪糕球!!!!至於Häagen-Dazs的品質, 應該不用多講, 好食!!!

食完飯口淡淡想食雪糕，唔想求其食，食呢間最保守而且肯定好食，一於揀佢。餐廳好多客人，但座位就唔多，如果可以令顧客坐得舒服d更好。我選擇mini love boat$75，可以選擇兩種口味，感覺比較抵食！雪糕口味好多，有野莓、夏威夷果仁等大路口味，估唔到最新的麻糬雪糕都可以食！正！我選擇九州抹茶麻糬雪糕和藍莓。九州抹茶麻糬雪糕是最新口味，不過有d失望，因為抹茶味好淡，不會雪糕入面有麻糬，煙煙韌韌口感幾特別！藍莓就好食，藍莓味好出！值得食！

新店優惠又令人可以以優惠價食雪糕喇!!!雙球雪糕買一送一, 而且唔限味道, 一定要食食!! 揀左冧酒提子同至愛的綠茶雪糕, 冧酒提子唔會太重酒味, 而且提子乾都多, 幾好味!! 綠茶唔太甜, 少少苦苦地, 好味。依家做緊經典下午茶嘅優惠, 有興趣嘅把握機會呀!!!

自從開了一田超巿, 在東港城食完午餐, 例必去行一田, 同層就有Häagen-Dazs, 又例必望望有乜好味的雪糕!幾個女人行街, 我只是隨便問句想唔想食雪糕, 即時有人話好, 但因為午餐未落格, 所以只叫兩杯便算!現代的人都愛咖啡, 我們是連雪糕也愛咖啡味, 這杯賣相很吸引, 雪糕選了咖啡及果仁味, 都很好味呀! 吃完雪糕才吃 jelly, 未知是否因為雪糕甜, 這jelly像沒有糖般, 吃下去苦苦的。 這個雪葩賣相沒有特別, 簡簡單單, 只是雪葩上加了花生/果仁碎, 我們選了紅梅及2球檸檬雪葩, 檸檬雪葩也不算太酸, 味道很清新呀! 臨走時發現外賣家庭裝雪糕非常抵食, 下次一於要買回去邊看電視邊食雪糕!

想品味高級下午茶不一定要到酒店去。夏日炎炎總是心癢癢想吃冰淇淋。難得這個花漾巧意套餐不限人數,4人同行就十分化算。宣傳照跟實物相差不遠, 基本上8款自選雪糕和指定甜點都齊全。配兩壺英式早餐紅茶,茶香飄逸, 淡淡清香襯托精緻的甜點和味道層出不窮的雪糕。4人剛好可以分別點選2種雪糕口味,我選了藍莓和柚子,柚子比想像中清新富果香,且不會過酸。其他人選了新口味原味乳酪,大路草莓, 芒果雪芭和綠茶等。基本上所有口味都很美味, 各有千秋。甜點方面則驚喜不多,以馬卡龍較有特色,整體外形和配搭上花了不少心思帶出花漾主題,伴碟的生果也很新鮮可口,幾款甜點味道不過不失。如果可以有芝士蛋糕坐陣會更開心

坑口是我中學生涯的老地方，今天回校探望完老師，並與朋友一起重新走過坑口，回憶往事。這個商場，是以前放學必行的商場，不過每次經過這裡，都會偷偷看著雪糕流口水，可是卻一直覺得貴。到長大了，有工作的能力，卻沒時間好好享受。難得今天與老朋友重遊舊地，所以便要進來享受美味的雪糕，完成中學一直的心願。點了荔枝玫瑰口味的雪糕，超正!!! 因為我是整度喜歡荔枝和玫瑰的味，相不到現在能一次過品嚐!荔枝不會太甜，不錯。而玫瑰有淡淡的花香味，令人馬上感受到身為少女的心。不過玫瑰味可以更加重，令花的香氣不會被荔杯的清甜遮蓋。蛋糕水準一段，還是雪糕好味得多!! 環境上，這兒是在商場開放式的擺放，會不時有人經過，但幸好它位於較入的位置，對談心都不會太因為人流而影響到。

踏入11月真係忙到傻，又要chur project/assignment/intern😩正所謂吊頸都要抖下氣，仲係學生既大家快d把握機會🤘🏻食個甜品high個tea，同成班同學仔一齊鬆一鬆啦😍👧🏻👦🏻🎒星期一至五2-6pm，著校服或者出示學生證就可以有下午茶買一送一優惠架喇，做到11月30號咋！📢經典下午茶套餐($65)，有單球雪糕、一件蛋糕同一杯飲品🍰🍦☕️除翻開兩個人仲平過買一球雪糕啊，係咪抵食先😚而我就揀左蘋果金寶芝士蛋糕，味道清新有點似蘋果批，唔會好膩，雪糕就揀左我最愛既冧酒提子，鍾意佢帶點酒香又唔會太甜，呢隻味真係食極都唔厭😋

多謝老闆，今年有哈根大師靚靚月餅同我過中秋！隨月餅卷仲附送coupon ,用發達通比15蚊就可以有兩個雪糕球喇！係呢個時候，當然要自私食啦！在茫茫雪糕海中，我㨂左杏仁奶凍味同埋焦糖脆脆，並唔係因為緣份，而係因為我真係喜歡佢地架！前者有超濃嘅杏仁味，後者超有咬口，而且夠晒甜，我每次心情唔好都會食番杯，心情即刻好番晒！真係超治癒呢！

前幾天到Haagen Dazs嘗買一送一優惠，由3點開始到7點，我地未夠3點15分左右開始排隊，東港城分店人不算多，我地未夠4點已經排到counter，但被告知只剩下熱帶菓園和香蕉迷情兩種味道選擇（ 本來應有4種味道 ）一心想試比利時朱古力戀人，有點失望，不敢想像如果5點後先到仲有無得飲，希望下次可以做好啲不過飲品的確不錯，有翻咁上下水準，香蕉味濃，加左雲呢拿雪糕又唔太漏，滿意！

因為有張coupon,所以趁天氣熱熱地買杯雪糕食下原來出左新口味,杏桃薰衣草第一啖食落係有啲清新,不過再食就feel到啲奶味奶味重左啲,但食落幾滑杏桃係橙色一粒粒個啲,有啲咬口,而薰衣草味就太淡啦

中秋應節，當然要吃月餅啦! 除了傳統月餅外，小妹亦十分喜愛吃雪糕月餅。這天舅舅送了一張Häagen-Dazs月餅券給我們，小妹就來到坑口分店換領月餅在節日前率先品嚐。簡約設計的月餅盒，內放置乾冰存放月餅。這款是五光賞色，有3款味道，包括2個藍莓味、2個草莓味及1個大Size的芒果味。芒果味雪糕月餅以黑朱古力外殼印上巴黎鐵塔，包著芒果味雪糕，味道清新，雪糕幼滑而不膩。小妹比較喜歡傳統的草莓味雪糕月餅，配白朱古力殼，雖味道偏甜，但內有冰凍草莓粒粒，帶點微酸且有咬感。至於藍莓味雪糕月餅是由店內皇牌推介藍莓雪糕製成，藍莓味不算太濃，內有新鮮藍莓肉，但與黑朱古力好夾。中秋前吃著雪糕月餅，滿足自己同時，亦應節「迎月」，不過天氣比較熱，雪糕月餅頗易溶，還是適合在家中吃吧。

雪糕火鍋~~唔係什麼新穎食品 簡單的雪糕球沾上朱古力醬，這樣就三百幾個大洋，仲有加一服務費。都市人生活忙碌，為口奔馳，間中享受一點甜都係應該，《苦中一點甜》我們點了大size的，雪糕的味道是設定左的，不可選擇。火鍋賣相真係一流，香滑嘅雪糕配上甜度適中嘅朱古力醬，看著朱古力醬在雪糕球上變硬，然後一啖鯨吞落肚，正！冇得選擇雪糕的味道也有好處，這樣我可以試到平時唔會選的味道。如果生果都可以雪凍，就更加好。【繼續努力工作，繼續寵愛自己】

星期日食完Pizza Hut，未夠喉喎。見到有間Haagen-Dazs，即刻二話不説走過去啦諗都冇諗就嗌左我嘅favorite---綠茶！個cone夠脆，雪糕綠茶味超濃！但濃得尼又唔苦，好好味！滿足

Before winning the openrice cash coupons and the going to the Haagaz Dazs tasting event I did not know that the HD specialist shops also sold the secret sensations and crispy sandwiches.I used to get them from convience stores.On this visit got the crispy sandwich, secret sensations and the miniature shop model.This branch at East Point City has been opened for quite a while but was not listed here so decided to update OpenRice with it. ★☆★☆★☆★☆★☆★☆★☆★☆★☆★☆★☆★Green tea ice-cream scoop:Usually I