Hangry Bear BBQ (已結業)

26-3-2022(Sat)晏晝,同老公離開叔叔屋企去買餸,原本想去石蔭路啲街市買,但老公話落荃灣,咁就荃灣啦,落到嚟,我哋就入呢間BBQ店睇有冇咩醃好嘅嘢可買返屋企做spare,睇見有唔同味道嘅雞中翼,亦有一口羊呀嗰啲,最後我決定買同樣$42.00有8隻,自家製嘅南乳雞中翼同孜然雞中翼各一.5-4-2022(Tue)我先煮南乳雞中翼食,唔知係咪因為加咗水煮,所以味道淡同一般,可能南乳雞中翼要乾煎或炸至好食.味道:2分而孜然雞中翼就喺10-4-2022(Sun)晚,同樣加水煮,呢個孜然味仍有,鹹淡適中,好好送飯,啱我口味.味道:5分環境:好整潔舒適.

Bbq專賣店依間餐廳真係好岩懶人🤫所有野都無我地準備好😆只要拎去燒就得‼️就算唔係去bbq 都可以買番番屋企煎黎食.除左肉之外仲有唔同既醬料同埋甜品🍮小間既空間好闊落☺️所以都好好行.今次買左：豬柳沙嗲串 （6串）肉醃得好唔錯☺️好夠味，一小串既肉串岩晒做飯前小食.秘製美國直送安格斯黑椒牛仔骨依個係用秘制汁醃制而成☺️牛仔骨一啲都唔肥，個醬汁黑椒味唔會太重搶左牛肉本身既味❤️.⚠️總結黎講依間小店醃肉方面好唔錯👍🏽

荃灣開咗呢全新既高質BBQ食材鋪頭應有盡有嘅食材包！😋有別於傳統買燒烤食材嘅舖頭！😎佢哋係一盒盒預先幫你包裝晒調好曬味😍由台灣腸、扇貝、牛仔骨、和牛等等可以話係應有盡有！！！！就連碳同調味料都有得買😋！店長推介佢哋自家製嘅🌟 孜然雞翼！係來自佢哋自家工場嘅製作！一盒有八隻攞返去氣炸😋外脆內院勁大陣孜然味😋🌟秘製美國直送安格斯牛仔骨亦都係店長嘅推介啦佢話係爆多肉汁嘅牛仔骨！既然臨近情人節就梗係要煮餐好嘅嚟食下！牛仔骨我哋就煎左嚟食！肥美好多油花入口啖啖肉之餘唔會好乾🌟鹿兒島黑毛和牛漢堡扒呢一款我哋就搵日用咗港女煲Bruno煎左嚟食嗰日咁岩屋企人想食燒肉🤤！有啲人都會用呢個來做漢堡包！因為係和牛所以本身好Juicy!整體來講CP值都幾高嘅BBQ食材舖頭！下次再發掘下有啲咩新野先🤤

☀︎ 𝗦𝘂𝗺𝗺𝗮𝗿𝘆：近呢兩個月留係屋企嘅時間多左有少少中意左行BBQ食材店買返D凍肉儲定D糧係屋企就咁煎黎食又得，打邊爐又得😎荃灣呢間「Hangry Bear BBQ」所有醃肉都係由自家工場Pack好哂每份都係獨立包裝，安全又衛生！.店內設備供應齊全基本上BBQ需要用嘅野都有齊哂例如豬，牛，羊凍肉，海鮮都有好多款仲有丸類，BBQ蔬菜，甲羅燒，燒串醬料，飲品，零食，爐具，用品，調味料真係樣樣齊，吾洗周圍搵，慳返好多時間🥳.今次就買左店員推薦最有人氣嘅三款：◈ 生豬柳肉沙嗲串 6串 $42◈ 招牌蜜糖叉燒粒 $56◈ 秘製南乳雞中翼 $42

天氣凍冰冰，除了火鍋外，也可以考慮一下燒烤。位於荃灣的hangry bear bbq, 售賣各款燒烤食材，還有燒烤工具，醬汁和調味料，迎合所有喜歡燒烤之人。招牌蜜糖叉燒粒 【約340克】甜甜的味道非常香口，肥瘦適中，肉質也很嫩滑，吃得津津有味。豬腩條薄切的豬腩肉，即拆即用，用剪刀稍為剪成一塊塊，加少許鹽調味，煎起來也非常入味，有陣陣的豬肉味。秘制蒜蓉牛油娃娃菜有時燒烤吃太多肉會很膩，不妨考慮這個娃娃菜，配上這個醬汁，蒜香味特濃，吃得很滋味。

⭐️【荃灣】高質食材風味燒烤包⭐️好耐無去過BBQ燒野食，好懷念陣陣燒烤肉既味道，平時一有時間，就會買定各式燒烤包以便不時之需，有時候工作太忙又不想煮飯同叫外賣，不失為一個方便快捷簡單又慳時間既選擇。〔Hangry Bear BBQ〕主打售賣多款自家醃製秘製燒烤包，另外亦有燒烤用品，各式食材及凍肉，而我煮既方法亦很簡單，先將燒烤包解凍後，放入焗爐烤熟就可以食，亦可以用平底鍋或氣炸鍋煮熟。【秘製蜜糖金沙骨】用180度18分鐘焗爐烤熟，啖啖肉的金沙骨，蜜糖味道甜而不膩，啖啖肉，肉質爽嫩有口感。【豬柳沙嗲串】店鋪自家醃制的沙嗲調味料，我用200度焗爐10分鐘烤熟，沙嗲串醃很香很入味，入口肉質軟腍又嫩口而且有肉汁，少許微辣非常有風味。【秘製蒜香豬扒】用180度20分鐘焗爐烤熟，秘製蒜香味道濃郁，加上肉質紮實不會太乾物，入口軟綿，很喜歡蒜香味濃，食完亦沒有出現口乾情況。〔Hangry Bear BBQ〕 @hangrybearbbq香港新界荃灣沙咀道105-129號好運唐樓地下4號舖Shop 4, G/F, Fortune Building, 105-129 Sha Tsui Road, Tsuen

最近成日留喺屋企食飯，搞到心思思想喺屋企BBQ而家喺屋企BBQ真係好方便呀！買啲醃好咗嘅食材放入氣炸鍋，好好味😋經過荃灣呢間Hangry Bear BBQ 專賣BBQ食材，最方便嘅係一盒盒嘅食材都調味好有別於一般傳統街市嘅醃料，呢度嘅食材比較高級，例如有日本和牛，日本松葉蟹甲羅燒等等🦀我揀咗印度沙嗲雞中翼、金沙骨、黑椒牛肉串一般放入冰箱可以擺4至5日直接放入氣炸鍋整，真係好方便呀！希望疫情好返嘅時候，有機會去郊野公園燒嘢食啦！

而家疫情嚴重無左晚市堂食 唯有靠自己賣弄下廚藝·今次去左呢間位於荃灣沙咀道既Hangry Bear BBQ比佢地門口「香港燒烤」四個大字吸引左小店乾淨企理肉類｜海鮮類｜丸類｜蔬菜類｜調味區分門別類 · 擺放乾淨企理所有調左味既肉類都係獨立包裝仲有好多唔同口味既烤肉眼花撩亂😆雞翼8隻都只係42蚊盒☺️即刻拎左包孜然口味✌🏻見到佢有賣好多高質既扒類豬鞍 ｜和牛 ｜羊架最後買左個香草羊架兩大件都係$73蚊咋😎調味區仲有好多特別既醬料單單係烤肉醬都有好幾種第一次見蜜糖🍯都有唔同級別見到佢地仲有售無煙燒烤爐😍即時心心眼左店員好熱情介紹佢地既product 原來所有醃肉都係自設工廠製作唔係批發貨黎店員仲推介左佢地既焗菜錫紙包而醬汁係自家調配♥️放入焗爐即可連菜都唔洗洗✨岩哂懶人既我即時加購多份以而家菜仲貴過豬肉34蚊又唔算貴😆最後輕輕鬆鬆搞掂2人晚餐有羊有雞有菜✌🏻香草羊架有驚喜羊肉唔羶肉質軟腍而香草醬好出色雞翼好香濃孜然味個醃醬大大加分最特別係蔬菜包如果你愛吃蒜既咁呢包一定唔可以錯過☺️超香濃蒜味·等將來疫情放緩番 要黎試試佢地其他醃肉好好咁燒番轉香港燒烤😎

因為疫情關係，成日都要買外賣，有時都想買番啲急凍食品方便自己煮飯食，今日經開荃灣見到呢一間小店包裝都幾精美，仲有好多唔同嘅肉類丶蔬菜🥬丶醬汁等等，仲要已經醃好晒，可以拎去BBQ又得丶屋企加餸亦都得～超級方便！一於買咗三包急凍食品返屋企，第二日整來做晚餐！分別有秘製南乳雞中翼丶秘製蜜糖金沙骨同埋豬肉串燒~ 放上氣炸鍋加熱，過程簡單方便！金沙骨用上秘製醬汁，外邊係蜜糖甜甜地，肉質細嫩爽甜，肥美又好吃😋南乳雞中翼一盒八件，加上南乳味道很配合，值得嘗試😛豬肉串燒超級多肉汁，一啖一口好滋味～遲啲疫情好轉可以喺度買急凍食品，一齊去BBQ，肯定勁正❤️

疫情越嚟越嚴重！吾買定啲糧食點得呀！呢間係本地新晉燒烤品牌，嚴選各國優質食材屋企有燒烤爐，買左幾款食物燒下，果然好成功☺️🤓秘製印度咖喱雞中翼8隻！各式各樣的香料增加香氣，香濃惹味，保留印度料理的精髓。🤓秘製蒜香豬扒三件每件都大過我手掌，而且厚切。以獨特醬料醃製，口感鬆化，用大火燒4分鐘便可，咬一口滿口脂香！🤓牛柳沙爹串我最愛食串燒！濃濃的醬汁，加上精選牛柳的部位，夠曬軟稔，非常滋味。店舖還有好多款式的食材，還包括燒烤需用到的炭，調味料等，應有盡有⋯⋯歡迎到網站或門市訂購！

呢排又冇晚市堂食，唯有買多啲凍肉返屋企。呢間Hangry Bear BBQ主打各式BBQ食材，而且佢哋嘅肉類都係選用外國食材。不過冇天台冇烤爐都唔緊要，用氣炸鍋/光波爐/煎pan都可以。今次試咗三款：豬柳沙嗲串六串秘製蜜糖金沙骨一磅秘製川辣風雞中翼八隻三款食材醃製口味都好啱香港人，濃郁又香。沙嗲串醬汁超多，肉質細嫩，好重花生香味。金沙骨軟腍影咬，甜甜地幾好味，仲有少少蒜香。川辣風雞中翼大大隻幾多肉，辣得嚟幾開胃。

天氣涼又是BBQ 韓燒的季節~ 奈何每次都要去唔同地方先買得齊料,而家唔洗喇! 終於搵到一間好食,又多款野食擇,有齊汁醬既專門店! 仲好企理衛生~門面舖面唔算好大,不過貨品齊全,仲好整齊~除左唔同類別的肉類,仲有用品,醬料,薯片,連燒烤叉都有!兩手fing fing入去,買齊哂出來好方便~食物食物包裝我好企理, 乾淨衛生。味道亦非常OK,好入味,肉質鬆軟唔鞋! 好岩食!本人推薦雞翼,配上自家秘製醬汁,好入味而且會食上癮,食完一隻又一隻~栗米亦預先包裝好, 直接放去爐度烤就食得! 方便又好食! 值我一試~出去BBQ定屋企爐燒都推介丫!

想係屋企燒肉或者去BBQ黎間買d醃左既肉，既方便又好食😁 呢間d包裝好企理，款式又多，懶人之選😂蜜糖金沙骨 $68甜甜地既蜜汁愈食愈好食😝 d肉好淋，唔會鞋！由於形狀不規則的關係，燒到一半是沿着啲骨剪開一粒粒會比較容易熟同容易食😊川辣風雞中翼 $42醃到好入味👍🏻 夠辣之餘又好麻，岩曬我😚雞翼都算幾大隻，一打開就燒得真係好方便🥰牛柳沙嗲串 $49正常發揮，不過不失，沙嗲味都突出但肉質有d似齋牛肉🤣

本來答應謙謙同佢食韓燒慶祝考完試，但試考到一半停課🙈，謙謙好失望冇得韓燒，做阿媽又點想個仔失望，唯有係家搬返個 Bruno 出來比佢燒🤭🤭。我好叻女呀！係香車街街市後面那間 Hangry Bear BBQ 到買左 ， 雞翼、豬扒和豬腩肉返來比謙謙自己做大廚。點解係呢到買？咪就係因為方便囉😆😆😆 買返來打開包裝紙就放落爐到燒。大家睇下我地整左以下3味 ：⚛ 南乳雞翼 ～ 一路煎一路已經好香，入口南乳味濃😍 。⚛ 蒜香豬扒 ～ 特登買個法包返來整豬扒包食，豬扒冇拎我失望，好易咬開，一d都唔硬， 加d 沙律醬就做成美味豬扒包😇。⚛ 黑毛豬腩肉 ～ 係我最喜歡的一包， 因我真係好喜歡韓式食法，簡單用生菜泡菜包住燒好的豬腩肉，一口過食特別正， 豬腩肉經過煎香，d肥油爆哂出來 ，餘下的腩肉一d 都唔油膩。呢到好多燒烤材料選購， 下次疫情好返一定會再來買燒烤包去 bbq 的 💪。

自從結咗婚之後經常都要自己煮飯，但收完工都冇咗半條人命，買完餸煮埋飯都要浪費好多時間，而呢間Hangry Bear BBQ真係幫小編慳返好多處理食材既時間 🙈舖頭以賣BBQ食材為主，除咗食物種類多之外，仲幫你一早調好晒唔同口味，可以按返自己喜好去選擇，返屋企用氣炸鍋或者煎下就已經食得，超級方便🥰1️⃣雞脾肉沙嗲串 （6串）煮法：落油將兩面煎至金黃加少少香草就食得雞肉食落好滑嫩，沙嗲味好足，食到停唔到😋2️⃣秘製孜然香雞中翼 （8隻）用氣炸鍋較180度整18分鐘就ok雞翼好香脆，而且好濃孜然味，超好食😍3️⃣秘製美國直送極香黑椒骰仔牛 （約340克）落油 落洋蔥 煎下就搞掂牛肉油脂比例均勻，黑椒味啱啱好，食落好香好嫩😋其實睇返小編寫點煮都睇得出冇咩難度好簡單🤣🤣，所以超級推介比大家，可以慳返多啲煮野食時間留返多啲me time比自己❤️