Holly Brown (已結業)

Set Dinner 包括(湯/沙律+主菜+是日甜品+飲品)共4樣。粟米湯 ♥♥♥(是日餐湯或田園沙律)不是用麵粉開的那種濃湯，而是清爽有很多粟米蓉的甜湯，好飲之餘不會很佔胃的空間。香草燒春雞 ♥♥♥♥ 點的時候也有些怕會很乾，但試了下發現出乎意料，就算是最厚肉的部份也很滑，還是外皮燒得很香脆，誰知道門面推銷GELATO的餐廳大廚會那麼厲害。倒是要把薯條都食完的話就有點太飽了，幸好甜品是放在另一個胃。雪糕 ♥♥♥♥/是日甜品(巧克力蛋糕)原本想試這家餐廳就是因為它們的雪糕很吸引，沒想到食晚餐套餐已經可以試到。我挑的是牛奶味，偏甜但很濃郁，不過對比之下巧克力是像一塊真的一樣最濃。抹茶牛奶(凍+$4) ♥♥雖然外面天氣非常冷，但正好店內溫暖，就是喝個凍飲也沒問題。絕對沒有旁邊點香濃的咖啡好，嘗起來還有點怪怪的，好像有點粉粉的，而且味道很淡。

好耐冇去中環食飯 咁啱中午有嘢做 去返間炒雪糕專門店度食個 午餐 先' 佢揀開咗大部分座位 提供午餐 全部都係abcde套餐我揀咗個白汁鱈魚柳炒意粉賣相嚴重普通 味道同佢個樣一樣咁好通 如果唔係放喺隻碟上面 如果買外賣嘅話 你可能會以為 大字頭快餐店 一啲特別都冇杯咖啡叫做飲得下 又係普通過唔普通到最後上嚟見朱古力蛋糕終於有啲嘢有啲印象 舊朱古力蛋糕相當大件出面買起碼要三四十蚊雖然知道你係黃色店 都好想支持下你 但係你收成一百四十蚊 你嘅味道只係去到快餐店級數

中上環lunchtime難得搵到間食物ok又坐得舒服仲可以book位既 真係要推介下😂舖頭都幾大間 枱與枱之間唔會好迫唔會聽到晒隔離枱講咩🤣lunchset有意粉有扒有燒雞有魚 款式都算多 一定揀到野食百零蚊係中環有齊前菜 主菜 野飲 甜品算好抵食🙈野食方面 餐湯係好濃既磨菇湯😍濃得黎又有d磨菇粒粒 正😍主菜就叫左龍脷柳配意粉（太餓無影相😂）龍脷柳好juicy 個汁有少少酸好開胃set甜品係任揀一件蛋糕 唔係好hea果種lunchset甜品件cake散買要50蚊架 lol我叫左Tiramisu 朋友就叫左chocolate chestnut可能我本身唔嗜甜 所以覺得Tiramisu甜左少少相反朋友件朱古力對我黎講恰到好處 又唔會太膩下次要嗌返chocolate先得😂

中午去了Holly Brown去午餐，其實第一次去試它們的午餐，因為之前一直以為它們只賣雪糕。我和同事各點了一個午餐，我點了牛扒薯條，同事點了豬手薯條。前菜點了磨菇湯，但磨菇湯味道很假，很濃烈的味精味，喝了幾口就沒喝。反而肉類是不錯，牛扒點了五成熟也是剛好，同事點的豬手我試了幾口，皮也很脆肉很滑。午餐整體還可以，反正下次一定不點湯。吃完午餐後，也買了一杯炒雪糕，很好吃，不過雪糕好像有點不夠凍，很快溶，份量對我而言太大了，最後也吃不完，不過也推薦它們的雪糕。

以前一提到holly brown即刻腦海飄起炒雪糕！！我同朋友今晚就係想食炒雪糕做甜品見佢有晚餐食當然一次過係個度解決啦！我地3個一共叫左3樣主菜！分別係牛肝菌意粉！好味啊一黎到就好香d意粉又5會太淋好有口感每條都有汁包住正！我地再叫兩個pizza！帕馬火腿～好味又係可惜係我自己麻麻火箭菜所以我食少d馬嘉麗塔pizza好濃芝士味！我地都覺得好味！當然食完主菜要有甜品啦勁好味啊🤤🤤仲要每個名都改得好少女另外服務質素好好我地d水飲完or得一半都有個叔叔秒倒水

Holly Brown 既炒雪糕好食大家都唔會反對佢地依家仲有埋熟食😍而今次要推介既係.西班牙慢煮乳豬 $168真心做到外脆內軟 咬落去時真係卜卜脆 而且肉質非常嫩滑juicy 好香口🤤🤤🤤

中環呢間分店裝修唔錯，而且環境位置夠大夠舒服，人流都幾多，一到飯點，都係會滿座的，所以今天同朋友特意早小小過來，就唔使排隊等位了，點左個lunch set ，lunch set係最抵食的，有餐湯、沙拉、主食同埋甜品，而且價格唔貴，性比價好高，主食揀咗義大利千層麵，千層餅厚薄適中，而且軟硬都適中，加上裡面肉醬分量岩岩好，所以口感層次都幾豐富，而且味道唔錯，值得一試，甜品都係巧克力味的，我幾中意，呢個午餐好滿意。

返咗中環份工咁耐 👨🏻‍💻，要搵食的確應有盡有 🥙🍛🥘🍣🍡🍦🥗。但係數到坐得舒服，位同位之間有距離，唔係天價就係坐 IFC 天台，士丹利街嘅 Holly Brown 🤩 係唔錯嘅選擇，我叫咗份西班牙慢煮黑毛豬 🐷，味道調理得很好 🐷，唔會太鹹太脂肪🐷，塊皮仲脆卜卜🐷，餐廳設計好似 Cafe 好 Chill🐷。其實除左豬之外，個蛋糕🍰味道令人喜出望外。Delightful and comfortable place for lunch in Central 🏙, if you run out of lunch ideas or need a peaceful lunch break, here it is. 🌸

裝修前都幾好食，lunch set 又餐湯，又牛排/意粉，意大利飯，服務都幾好裝修後服務差左好多，點三個餐，來頭二個份量細左好多，牛扒縮左水，侍應又冇俾我地揀薯條/意粉/飯，牛扒亦偏硬另外肉丸意粉味道都好一般，肉丸像IKxA 買回來的，意粉份量好少仲有份牛油果雞肉三文治，等左1小時，追左3,4次先到，原本講左取消，但又到左，唔明點解一件三文治要整咁耐咖啡都冇用hollybrown 咖啡杯，用左好一般茶餐廳杯

• 西班牙慢煮乳豬🤡•💵Price: $168🍴Food: 5/5❣️-好喜歡呢款慢煮乳豬，做到皮脆肉嫩，切開都見到勁juicy！脆皮下有一層薄薄既脂肪，但完全唔覺得油膩！啲肉嫩得好鬆化好滑溜，輕輕一切就已經骨肉分離，而且其實唔洗點汁都超好食，仲食到最原始既味道添😋 之前食過呢個質素既都差唔多要$3xx一份架！順帶一提，呢個lunch set仲有一個湯或沙律，餐飲同蛋糕(我睇返佢單點係$50))😲所以比起上黎個lunch set真心好食又抵食👍🏻• 新西蘭牛肩扒配薯條🥩•💵Price: $168🍴Food: 4/5❤️-另一款lunch我叫咗牛肩扒medium rare，黎到一睇以為好生，但食落又岩岩好喎！肉質好鬆軟而且肉味香濃，呢個價錢係中環食到呢個質素既steak lunch set我覺得值得喎！🤟🏻

Holly Brown #中環中學嗰陣成日都食佢嘅炒雪糕，過咗咁多年而家連熟食都有埋，仲要都幾高質！中環呢一間店最有上下兩層，環境超大幾舒服，真心唔錯。Lunch set百零蚊就食到，仲要包埋餐湯/田園沙律、甜品、野飲，好抵食！西班牙慢煮乳豬 $168個乳豬真心外脆內軟，有時會好驚乳豬個皮太硬搞到刮親個口，但呢個真係脆卜卜嗰隻，而且乳豬啲就肉亦好淋，有少少肥肉一齊食，好甘香。牛油果雞肉三文治 $128就連個三文治都有驚喜！佢個包好香芝麻味，外皮烘到脆脆地咁，好正！加上喺入面渣咗一啲甜甜地嘅醬，配埋啲雞肉一齊食好正！牛油果嘅份量亦都唔少，成個食健康得來又飽肚！甜品方面仲有四款唔同嘅蛋糕可以揀，今次揀咗cappuccino mousse, mango coconut cheese cake!兩個都同樣好好味，特別係個cappuccino mousse，真係好香咖啡味，配上佢有朱古力味嘅餅底，好正！冇諗過lunch set配嘅甜品都整得咁好！而且嗰日有南瓜湯飲，平時啲南瓜湯都會將啲南瓜加埋忌廉打到好蓉，但係呢個南瓜湯係真係會見到一絲絲嘅南瓜肉，真材實料。我真心強烈推介holly brown!

是日餐湯係粟米湯，偏稀，淡淡既粟米味。義大利千層麵($118)千層麵煙un，厚薄適中，食落口感唔錯，肉醬同千層麵比例剛剛好，配埋芝士好味。(個人口味：4.3/5)是日甜品係朱古力凍餅，個人覺得重點係面層既雜果仁碎，果仁碎同朱古力一齊食，增添口感。凍檸茶太淡。以中環而言，尼個價錢都可接受。

喺中環同friend子食完正餐，俾人趕走，但係又意猶未盡喎，咁就諗住揾間甜品舖坐下，突然醒起士丹利街有間Holly Brown ❤️❤️❤️於是兩個女仔就飛奔去食雪糕 （月巴mode on😅)呢間Holly Brown裝修比起其他分店簡陋，9:30pm入到去佢已經close 左一半seating area ，揀咗坐吧台望下無人嘅街景😊望下餐牌先...佢啲名改到好fancy Friend子叫左個自選雙球：Blue Vanilla + Vegan chocolate (改用豆奶）我就最愛Mint，揀左Mint A La Mode諗左一陣究竟揀Mint Amor 定係 Mint A La Mode ，最尾都揀咗後者！係因為見到佢由brownie 做topping， 好似好有咬口咁，可以過下口癮....點知....佢炒到碎晒變晒粉狀....我啲brownie😭😨😭😨其實我唔知係我唔識食Gelato 定點，真係唔覺得呢間啲雪糕特別好食，係就係好滑，但係佢啲味道偏淡，同埋質地好削😕下次都係行遠少少去Boston 傳入嚟嗰間，起碼啲cone吸引啲😍滿足感大啲😍

牛肝菌松露醬汁闊條麵 ($168)一嚟到已經聞到好香嘅松露味，忌廉做得好好，就算食晒成碟闊條麵都唔覺得膩👍🏻.優質牛肉洋蔥漢堡包🍔($148)無諗到原來洋蔥係炸洋蔥圈😍仲要夾係個burger入面😂個burger份量好多，要一啖食到全部材料，有啲難度，好適合男仔挑戰吓😆.🌟重點嚟啦！每人點選一款主菜再加$38，可以任食gelato意式炒雪糕，如果想食雪糕櫃入面嘅雪糕亦都可以寫係張雪糕紙上面，職員會照筆俾你架🍦🤤.❣️優惠受條款及細則約束，詳請請留意第5張相😉🌟.Ms Kiki揀咗Crazy Berry (酸酸甜甜好開胃)& Mochalicious (好香咖啡味啊)，朋友就揀咗Rock on! Vanilla (微微花生醬味)😋😋😋

因為有朋友要早返屋企，所以食完飯就喺中環食個雪糕坐下就走，一入去似經理個呀叔就好似唔想做生意咁，不停咁講有min charge , 一位六十蚊。。。不停咁講，我地七個人入去，入去前再重複同我地講：420蚊！我地知有minimum charge 喇一人六十蚊呀嘛，需唔需要講十次，仲計埋總數，真係唔該曬想轉雪糕味，又不停話要加錢，寸D講句，俾唔起咩都未食雪糕就先受氣，諗住成班人食下野暏，都唔知點解經理要趕客咁，食到食得唔順心