Hungry Korean (亞士厘道)

營業中

休息中

如果想食壽司卷，石鍋飯，我會想起這間韓式快餐。壽司卷多選擇；石鍋飯加少少辣醬，味道已經好夠。不過，炒粉絲水準飄忽，上次外賣味道唔錯，今次堂食味道有點怪。而炸雞不會再點，三種醬汁可一不可再。

上網看到這間韓國餐廳又便宜又好食，所以經過就諗住試吓，叫咗一個牛肉一個甜雞肉， 一人份量剛剛好，自己出去點餐，之後店員會送過嚟。係鐵板燒咁， 味道好香，真係好好食又多汁，配飯簡直剛剛好！牛肉和雞肉都很嫩滑，完全不會很乾，而且有椰菜，和一碗白飯。叫兩個不同款式可以同朋友share， cp值算好高以韓國價錢黎講！

左轉右轉還是轉到這...之前一定會點韓國壽司，佢係係香港我食過最好食既紫菜飯卷之一，正宗泡菜mix牛肉最好味，不過份量太少唔可以當正餐，所以點了牛肉石頭飯，賣相幾好，牛肉之上打了生蛋配角有芽菜茄子等等...放在邊位，加了少少辣醬撈均後飯身比較濕，我比較鐘意乾身D，少少辣，但整體係好味的。

是日誠品日當然唔放過黎hungry Korea 的機會啦！一場黎到當然要叫我至愛的紫菜包飯！今次食魷魚加左15$食小食三寶，十年如一，沒有變的～泡菜，薯蓉，魚餅.........我今次覺得泡菜好辣呀 半碟都食唔到 ......可能太耐冇食，差左。包飯都係雞肉好啲，因為食魷魚好似比其他配菜嘅味蓋過晒，食唔到魷魚咁，可能太多泡菜了 比起以前食今次有啲唔同。但我都會再黎架！下次要食鐵板加油呀hungry Korea 聽聞有間就係淘大開！以後可以常食了！

講到經濟韓國菜 hungry korean一定係選擇之一！上個月想食韓國菜但budget又唔多 所以食hungry korean最好不過了平時散叫開 今次叫左個二人套餐（$138）每人$70都唔洗就可以食到海陸韓國菜 超抵薯仔沙律 魚餅沙律蓉主要由薯仔製成 再夾雜生洋蔥粒 因為少食生洋蔥 陣味個人覺得都幾重！魚餅甜的 咬落韌韌地魚片湯同前菜一樣既魚片 一碗湯大約有兩片 湯就咸咸地喇雞肉石鍋飯很吸引吧！個飯熱氣四射 自己落辣醬再撈混 最主要係佢有大大片既飯焦！鐵板牛肉飯甜甜地撈飯幾好味 所有野都炒得夠入味

如果去尖沙咀食晚餐，雖然有好多野食，但大部分都偏貴，如果想揀平平地，又食得飽既，Hungry Korean真係唔錯既選擇！ 之前黎親都要排隊，呢兩次去都一入就有位入面啲位唔算好多，但都坐得舒服。坐低揀好食咩，出去點餐，跟住等佢送上黎就OK! 一個人黎食都方便 因為我同男朋友都中意食辣所以主食兩款都揀左辣～～鐵版辣雞肉份量多，雞肉同菜比例差不多，所以食落唔會好漏/好濟。呢個比起辣豬肉更加辣，但辣得好食！送飯一流～～但男友表示食完好口乾，忍唔住追加罐可樂辣豬肉一直係我最愛～辣辣地甜甜地，好食！最中意佢夠多菜～～另外試左個餃子。岩岩煎好，熱辣辣，好香韭菜味！放左一陣都仲係熱架，小食黎講都唔錯不過佢配果個醬冇咩味，點左等於冇點咁～呢杯野真係好香唔會太甜，食完啲重口味野飲下可以中和返，岩岩好 總結中意食韓國野又冇咩budget，呢度幾適合你野食好味，送餐都算快！推介推介

提起尖沙咀亞士厘道，唔少人會諗起酒吧同日本菜，但係對於响貿易公司做過嘅人嚟講，提起亞士厘道係有另一種聯想－位於天星大廈嘅船務公司。回想起做白領跟船務時，幾乎每個星期都會嚟亞士厘道「轉單」，順路落中間道報關。廿年前，亞士厘道冇宜家咁多不同類型食店，唔知幾時開始就發展到好似厚福街咁多嘢食嘅一條食街。亞士厘道嘅Hungry Korean每逢晚市都經常出現排隊人龍，幸好今次女友約我去開餐嘅時間係下午茶，但係依然近八、九成滿座。女友點咗呢個牛肉石鍋飯，簡單嘅蘿蔔絲配青菜加隻生雞蛋，再撈一撈嗰支韓國甜辣醬，卅零蚊响尖沙咀食到一個飯，真係夫復何求？咁嘅價錢亦想當然地唔會食到有驚喜嘅牛肉啦，味道似係廉價任食打邊爐嗰隻美國肥牛嘅走肥版咁囉。豆腐湯跟白飯，湯入面撈得出嚟望到嘅材料有幾件豆腐、切片翠玉瓜、洋蔥、蔥花、一隻蝦仔、一隻青口仔。嗱縱然材料簡單而削，但係啖湯確係飲得出海鮮味，同個辣味仲好爽添。蝦仔、青口仔對我嚟講係用嚟熬湯嘅冇味湯渣，所以我冇食到。翠玉瓜、洋蔥、蔥花浸完辣湯之後係勁好食嘅，而嗰幾件豆腐亦足料新鮮兼滑溜，可惜在缺乏豆味。七蚊一杯嘅熱人參茶，充滿滾熱辣嘅東江水味係意料中事嚟，千祈唔好期望

🍛鐵板辣雞肉飯🍛呢個係超好食😍一上枱已經超級香係好香既豆瓣味 超惹味！雞肉唔韌 食落甜甜地 少少辣 不得了😳真係剩係啲汁都可以食到兩碗飯 好食到想食埋個鐵板呀😝

尖沙咀係香港數一數二嘅購物地點同旅遊勝地，所以尖沙咀大部分嘅餐廳價錢都會偏貴。但今次食嘅呢間韓國餐廳價錢適中，水準亦唔錯，值得一試。Hungry Korean以快餐形式運作，係收銀處點完餐，就可以跟據職員安排嘅位置就座。呢個形式雖然可以促進客人用餐時間，但就不利於朋友間嘅聚餐。因為今次嘅用餐時間係下午茶時段，所以有唔少優惠，價錢就更加相宜，各種石頭鍋飯都係$34！魷魚石頭鍋飯石頭鍋飯材料多樣，有各式各樣嘅泡菜，包括白菜泡菜、菠菜、蘿蔔絲、芽菜同茄子，泡菜味都唔算太辣，唔會好刺激。泡茶嘅上面鋪上大量香辣魷魚，魷魚爽口彈牙。另外，仲有生雞蛋作為小小嘅點綴，豐富咗整個鍋飯。啱啱提到，石頭鍋飯嘅泡菜唔太辣，不過唔緊要，因為餐廳喺上菜嘅時候，會比埋一枝小型韓式辣醬，客人就可以隨自己嘅愛辣程度加添辣醬啦！

今次食呢間餐廳係一間以快餐形式經營嘅韓國餐廳。因為第一次食，所以唔係好了解佢嘅購餐程序，誤以為座位是可以隨便坐。但原來餐廳係要先點餐比錢，然後，再由職員安排座位。所以，每張櫈都會有一個號碼，方便客人揾啱位。搵到位坐抵之後，就可以坐定定等職員送餐啦。今次食嘅係魷魚石頭鍋飯，同一般石頭鍋飯一樣，有泡菜、芽菜、茄子、蘿蔔同菠菜做配料，配料豐富，仲有份量好多嘅魷魚同一隻半熟雞蛋。魷魚微辣爽口，食開辣野嘅人驚唔夠喉，仲可以按自己喜好落韓式辣醬。

每次去海港城一定要經過睇有無可能唔洗排隊有得食，因為10次有8次都排隊嘅。今日經過見到門口無人排隊，緊係要食啦，難得呀😭😭😭雞肉石鍋飯 $44雞肉有調味過，幾惹味，撈埋泡菜，芽菜，紅蘿蔔，菠菜，茄子同生雞蛋，配上韓式辣醬，讚！如果有紫菜同芝士，一定勁正。GIM BAP 豬肉 $36真係好好食呀🤤🤤泡菜炒豬肉，紅蘿蔔，菠菜，醃黃瓜同煎雞蛋，簡簡單單都已經過好好味，每樣嘅調味都啱啱好，好想再叫一個。加配抹茶牛奶 $10完全無抹茶味，奶味好假，可以唔洗叫。

太久沒食韓式料理, 剛巧經過就來到 Hungry Korean 就與同事食晚飯 。食飯時段,要排隊才可入座了。我點的是辣魷魚鐵板燒份量都幾大,最底是泡菜蘿蔔及洋蔥,最上面是魷魚。魷魚非常煙韌彈牙,帶甜辣味,配上什菜, 很開胃惹味,送飯一流 。朋友點的是牛肉鐵板燒份量也是都幾大,椰菜份量多過牛肉,仲有紅蘿蔔。入口牛肉嫩滑,有濃郁牛味,帶甜甜味道, 好夠味, 配上椰菜及蘿蔔, 沒那麼油膩感, 有好多醬汁來送飯呢!

約左朋友去尖沙咀行街，又想平平地食餐飯，記得附近有Hungry Korean, 所以決定去呢間食。去到都要等位，不過好彩等左一陣就入得。豬肉石鍋飯 - 原本以為豬肉係一片片點知原來係免治豬肉。佢都有好多配菜，將韓式辣醬同隻生蛋和啲餸一齊撈埋啲飯食，簡直一流。飯本身冇咩味，要靠個辣醬帶起啲味。同埋佢個鍋好熱，所以keep到啲飯熱，食到最後仲有飯焦添。豆腐鍋 - 睇落好辣，但其實唔辣，不過就偏油。佢有豆腐，蝦同青口，味道一般。炸醬麵 - 麵本身唔夠乾，所以同啲醬撈埋時令佢太濕。醬汁味道尚可，但麵質太淋啦。

一開始見到啲服務員唔係韓國人仲要為啲嘢食唔係好正宗但係經過嘗試後覺得比之前食過嘅韓國店更加好食👍🏻👍🏻👍🏻推介泡菜湯 辣得來又好食 豆腐超滑 而且大大碗好抵食但個人認為韓式炒粉絲有些少不抵食 因為份量唔係好多

昨晚不到七時，路經Hubgry Korean,難得有位，立即入座。我們點了魷魚Tim bap, 豆腐湯，韓式牛肉炒年糕，人參茶，合共145元，超抵！豆腐湯較油，其他味道不錯！值得再試！