Hungry Korean (亞士厘道)

營業中

休息中

行行下尖沙咀見到呢間連鎖韓式快餐，就入去試下啦今次叫左辣雞肉飯同吞拿魚韓式壽司可能係貼近d韓式風味嘅關係，雞肉飯實在太過spicy!! 辣到不停咁飲凍野，希望餐廳可以改善下個辣度啦吞拿魚韓式壽司份量唔錯，幾飽肚，賣相亦都幾唔錯！

之前食過銅鑼灣分店，味道ok，但尖沙咀呢間好似感覺頹d但平平地都可以試下既。我叫左個韓式湯拉麵，湯底太鹹，食食下唔想食，最後淨左三分一冇食。個魚餅就都ok，豬肉得好少，仲要係碎男朋友就叫左個韓式牛肉片飯，佢就話ok，有d似生薑牛肉飯d fd另外，跟餐唔會送野飲，野飲要加錢，叫左罐Coca-Cola，盛惠12大元，多謝哂。餐廳環境普通。我地張檯有粒飯，其實快餐唔應該expect咁多但整體感覺唔抵，唔會再黎食。

好耐好耐無食過Hungry Korean，以前有一排成日都食呢間餐廳，今晚同朋友途經又想食過light dinner,就入左去食份gim bap,重溫下以前ge日子先。我食左份豬肉韓式壽司，味道依舊美味，每次黎都一定會點一份黎食。朋友就叫左水冷麵，有啲瓜、蘿蔔絲、半隻雞蛋作為配料，麵好有咬口，份量十足。另外叫左份原味辣年糕，年糕幾有咬口，配雞蛋、有啲魚糕片，醬汁勁辣，都幾似韓國街頭小食嘅口味。餐廳雖然比起以前少左人食，但係餐廳性價比不俗。

今時今日，香港已經好多地方可以食到韓國紫菜包飯，可惜值回票價同食過翻尋味嘅就幾隻手指數得曬～ 「餓韓人」嘅紫菜包飯唔算貴，所以個size細啲（以前）都還算可以，不過最近食過旺角東火車站嘅Kim's Bowl，個gimbap真係有驚喜，唔貴之餘，size合理之餘，仲要味道係唔錯！ 即刻將「餓韓人」比下去...「餓韓人」由第一間開張到而家連鎖旺區都有分店...希望唔會因為掛住賺錢，就忽略質素啦啦啦啦啦啦啦啦⋯

早一陣子吃了一間很難吃的飯卷，一直有股飯卷癮未滿足。這天在尖沙咀找飯快吃之後趕去做facial，就想起這間我以前常來的快餐店。-叫了前菜3味$15薯仔沙律-比平常吃到的多了洋蔥，很爽脆。泡菜-正常味道啦魚餅-比一般硬小小，味道唔錯，3個都很開胃。-還有魷魚飯卷$36有魷魚煎蛋酸蘿蔔紅蘿蔔絲，口感豐富，仲迫滿了飯卷，飯不多，只有外面薄薄一圈。魷魚小小辣好惹味，帶起了整個飯卷就味道。-很便宜，份量卻不少，平靚正。雖說是fastfood，但我覺得比很多餐廳更美味。

有日同朋友出尖沙咀 想食韓國嘢 但又淨係想食少少 唔想好似正餐咁 所以去咗hungry Korean！入到去就出counter嗌完再坐係到等佢送黎 嗌咗韓式粉絲，牛肉韓式壽司，香蒜蜜糖味雞翼。首先，韓式壽司，份量係平時一條用錫紙卷嘅壽司，切咗係有11舊。味道就正常嘅，同我之前去韓國人主理嘅餐廳食嘅韓國壽司一樣。呢個粉絲，我係俾滿分佢嘅。一開頭，我見到佢嘅樣，勁煮家feel，唔覺得會好食。但點知，係勁夠味，條條粉絲都係入味的，唔會太濕太乾，有啲驚喜。但份量係的確少咗啲，真係當小食咁食。我之前去過韓國食過一次蒜味嘅炸雞，完全係一試難忘，係勁好食。估唔到係hungry korean食到😭，好開心，勁重蒜味。但係冇食到有蜜糖味，仲有食落啲雞翼有少少油膩嘅感覺。整體對我呢啲唔係好大食嘅人黎講，係幾抵食嘅，味道亦唔錯。

韓國快餐店平靚正 入到去職員都唔係韓國人同本地人，好陌生既感覺。小店冷氣好大，去幾次都覺得好凍，要著外套或者食辣野先可以保暖🤣韓式炒粉絲 （小食）$38份量真心少 炒粉絲應該要成為一個餐！ 粉絲帶些咸味，連同配料一齊食就岩岩好，適合配搭濃味食物。雞肉辣炒年糕 $43好多醃料，好濃味，帶有些少金菇洋蔥，雞肉好軟淋淋，年糕要嘴嚼，可以當飯食。餃子 $38好油好油 唔建議食餃子 因為好油..餐同小食既價錢差唔多 會令人想叫餐多啲 可惜

$52雖然Hungry Korean只係一間韓式快餐店但係我一直都覺得佢其實幾好食喎🤣今次啲雞比較多膏不過我仍然係好鍾意佢個甜味🤘🏻啲雞入曬味餸飯好正食食下又想要多碗飯🤤另外我鍾意佢啲椰菜雖然係炒嘅但係無油膩感所以成個鐵板燒都真係食得過👅

尖沙咀呢間hungry korean由幾年前一直食到依家幾年前韓風初起，當時要食一定大排長龍，估唔到依家已經開左咁多間分店一直對呢間餐廳印象很好，一黎係難得係尖沙咀搵到算平價的食店，二黎食物亦具水準及地道韓味最鐘意呢個韓國飯卷，有多款餡可以選擇，今次揀左牛肉，就咁睇已經見到好足料，一碟已經夠飽非常抵食！每次都忍唔住加個ban Chan! 左起薯蓉入面有啲洋蔥，味道香甜，口感結實中間泡菜份量好多！唔太辣，但就咁食有啲鹹，最適合配埋薯蓉食！最右邊既腐皮最好食！甜甜地每次都唔夠喉加埋凍發酵米茶，今次叫左走冰，但走冰後太濃太甜，下次都係要加返冰每次係尖沙咀諗唔到食咩都一定會食佢，鐘諗韓式食物的可以一試！

如果係尖沙咀睇戲前後想食個casual dinner ，但又唔想太頹， 真係超級推介 呢間餐廳 Hungry Korean 韓國野食係香港普遍價錢都偏貴，但呢間就係合理，而且佢份韓國壽司，如果揀魷魚配料，其實同另一間 價錢高好多嘅另弓間餐廳個份烏卒卒，味道差唔多，一樣好味，少左黑色墨汁，份量又差唔多， 而且其實仲可以揀其他配料，牛etc ，彈性好高選擇多。其他嘢食一樣好合理，比如bibibap (石頭鍋飯)， 兩個人食兩、三野食都差不多了

Hungry Korean之前尝试过中环店和铜锣湾店，感觉他们家的口味还是非常好的，虽然是简餐，但是比很多韩国餐厅都要好吃。尖沙咀店离地铁稍微有点远，出来得走个4.5分钟。店内的店员不会中文，但是餐牌简单，服务态度也很好。点了铁板牛肉，豆腐汤，辣年糕，饮料配的米汁和可乐。上菜速度还是挺快的，分量虽然比较小，但是味道很棒。豆腐汤伴着白米饭，铁板牛肉和辣年糕也很好吃。总体而言很喜欢的一家韩国简餐，值得尝试。

係尖沙咀文化中心睇完表演，就去左附近揾野食。兩個女仔唔算太餓，所以就去左Hungry Korea食韓式快餐。先叫左碟辣豬肉鐵板燒配白飯，豬肉唔算太肥，加埋韓式辣汁好惹味。另外，我們驚我們唔夠食，所以就叫多份芝士韓式壽司，食落芝士都幾香。飲品方面，我們叫左一杯熱玉竹茶及凍奶茶。熱茶都幾香，凍奶茶屬一般。

大大話話大概都有三年無黎過甘依排就翻tst既工拉 食飯時間就自然係附近搵野食拉 所以就黎hungry korea試下拉甘岩3點鐘定3點半 真係吾記得左我係排隊甘等左幾分鐘度都未見前面排隊既點菜原來係等下午茶 甘我就一早諗好要炒辣雞蓋飯 飲凍檸茶既 同一個餐 下午茶足足平左15蚊 十分之優惠 份量都無改變到味道黎講辣雞辣雞 食落帶有甜味食到中辣既我就覺得味道欠一點點了反而個凍檸茶同外邊茶記飲既就岩岩好下次會再黎既 但應該會叫另一個茶試試

愈開愈多ge hungry Korean 已經唔係第一次食，開到咁多分店一定有原因ge，快餐、平價、港女甚愛的韓式。唔食辣ge人比較少選擇，但都有好好味ge推介，例如甜雞肉配飯、炒粉絲，而我未食過ge就有牛小排飯、水冷麵等等。話明快餐店，你就唔好預佢有高超ge材料同烹調技巧，味精居多，尤其炒粉絲，但好味。而佢辣味ge菜式，例如辣豬肉、辣雞肉都係同一種辣味，當然配菜同肉ge份量都好足夠，怕唔夠飽ge男士可以叫多飯。紫菜飯卷類，份量較少，唔抵食，當小食兩人分則可。其他類別份量ok多架。另外，叫飲品都相對唔抵，要成10蚊。我食過ge款式不多，便宜好吃就辣雞肉係我至愛，其實到時按個人喜好選擇就得，唔會太伏，但麵類就要慎選...其實款式真係好想試但每次都離不開甜或辣雞肉，唯有待下次開發。

Hungry Korean serves delicious Korean food! Especially the Korean chicken options are fantastic - my favourite chicken in Hong Kong. I highly recommend the honey-garlic fried chicken. Also, the gim bap (sushi-like rolls) are really good and very enjoyable. Hungry Korean is a great take-away option as well.