Hungry Lobster (已結業)

我地三個女仔約左食晚餐大家都懶得諗叫咩食叫個set就最方便，咩都有叫左個"飢餓龍蝦全餐"樣樣野食都有以龍蝦做主題首先有個龍蝦湯，味道好濃，不過得一個，我地每人試兩啖啦之後有龍蝦包，啲龍蝦肉多到湧晒出黎，雖然三個人share，但每人都分到大大舊肉！意粉都係龍蝦，份量略少呢個烤全隻波士頓龍蝦，見到都流口水啊！👍唔會殻多過肉，而且唔難處理，因為搣殻都好麻煩架嘛😂🙈配埋薯條同沙律，繼續食！食！食！食完大家都七、八分飽如果肚餓建議三個人可以叫多個主菜

同美女中同們去食飯，除左野食要睇得，當然係要好食啦😍成個menu係得龍蝦龍蝦同龍蝦😋combo set: 半隻龍蝦與西冷($378)龍蝦偏細隻同比較乾，但都有幾多膏，蝦肉與膏甜既。西冷排(5成)煎完都仲有血水，okay過關啦。不過一個女仔食就是唔係好夠飽，share埋就更加唔夠啦😂😂😂lobster roll ($138)麵包焗得岩岩好，金黃鬆軟，都有兩隻蟹鉗肉，一個人食完都係唔夠飽，可能實在好好食😂😂😂

上網見到介紹hungry table四人餐，$1288四個人唔過份，而且睇相好靚，於是兩個家庭由沙田走去銅鑼灣食，因為有四個小朋友，先叫咗個龍蝦包，依個好好味，真係要讚，仲有龍蝦通粉同飯，同一個味道，都係好香濃。到主菜出場，十分之期待，一盤海鮮倒上枱，加沙律再加沙律醋，完全同我想像中放得整整齊齊兩回事，都無所謂，原來煮法係海鮮大雜燴，全部海鮮一齊煮，食入口全部海鮮一個味道，有d浪費同可惜。配菜就有粟米、西蘭花、薯仔、車厘茄，薯仔太硬，西蘭花太淋，全部通通一個味道，依烚雜菜，一d都唔吸引，而且好多蒜蓉，有d蓋過所有食材味道。食完唔覺得有幾wow，只係成口蒜蓉，散叫其他食物可能會更好食。Hungry Lobster實在有點兒令人失望。埋單二千，真係可以食更好。上網見到依個：最終食依個，有點兒貨不對版。要搵先知有乜食唯一好好食：

是日happy friday，9點鐘收工，去銅鑼灣覓食，來到登龍街頭，頓然患上選擇困難症，思前想後，舉棋不定，從巷尾走回街頭，最終還是決定在這家以龍蝦作招徠的餐廳落腳。安頓以後，點了一份套餐：龍蝦半邊，牛扒一份，沙律少量，薯條一客，不包飲品，盛惠約四百大洋（如上圖）。上菜了，主菜龍蝦倒不怎樣，不過不失罷了，反是牛扒，出乎意料令人眼前一亮，當時點的是七分熟，其煎得外脆內軟，恰到好處，再沾一下自家秘製醬汁，味道配合得天衣無縫。至於配菜方面，薯條新鮮即炸，熱騰可口，沙律一般，但勝在清新減膩。整體來說，雖然主打的龍蝦沒有讓人驚豔，但其餘食物質素尚算不錯。但以此份量和質量，又有點不值這個價錢。

今日去銅鑼灣行街，經過呢間Hungry Lobster，朋友話之前食過覺得唔錯，所以就去試一試。餐廳既裝潢都幾型格，門口仲擺左兩隻龍蝦公仔，可以同啲公仔影相添呀。平時好怕好咸既龍蝦湯呢度既龍蝦湯唔會太咸，仲好creamy~配上脆脆蒜蓉包，好開胃！我地仲叫左一個烤龍蝦牛扒組合share。烤龍蝦牛扒組合有半隻烤龍蝦，無骨小牛扒，配埋薯條同沙律。由於有朋友唔鐘意食太生既肉，我地就叫左無骨小牛扒要七成熟。雖然一黎到既賣相普普通通，但食落就發覺好驚喜。塊牛扒既肉質好細嫩，廚師仲將火侯控制得好好，一啲都唔會烤得太乾或者太老，保留到應有既肉汁，咬落去好juicy好鬆軟，味道仲夾得岩岩好。龍蝦比想像中大隻，份量都唔少。隻龍蝦啖啖肉，啲肉好紮實同彈牙，仲好鮮甜。另外粗切薯條既份量都幾多，有好香既胡椒鹽味，而沙律都好新鮮。

Went here for dinner last night since the place was still pretty lively even though it was late. Service was friendly and quick. The Lobster Roll and Fries were delicious. Interesting selection of craft beers as well. Overall great dining experience, will return.

慶幸今日可以出街透下氣，唔駛全日留係 office 咁悶蛋，yeah！嚟到銅鑼灣登龍街，發現成條街都係拉麵店，咁我就偏偏唔食佢，最後揀咗呢間 Hungry Lobster！🍤 中午 12 點左右到達，我應該係今日第一個人客，變相包場！餐單有意粉，risotto 等等，我都係 order 返佢出名嘅 lobster roll。最後叫咗 Chef’s special 入面嘅 black truffle lobster roll，另加咗一份薯條🍟。（提醒番，signature lobster roll 可以加 $22 配薯條，但係 Chef’s special 只可以另外單點一份 $28 嘅薯條。其實只係差少少都可以接受。） 我覺得佢個包到幾香牛油味，我幾鍾意嘅。主打嘅 lobster 都鮮甜嘅，幾足料仲有個蟹鉗，但蟹鉗避免唔到會有骨，食落會有少少唔方便。配埋入面嘅沙律菜，仲有松露濃郁嘅香味，整體係吸引嘅。薯條都唔錯架，佢嘅調味好惹味。 食完呢個份量啱啱好，我會俾個 like 佢！只係呢餐晏仔連加一食咗我 $166 就有啲貴啦。

心血來潮想試龍蝦包網上見到Hungry Lobster風評甚佳所以馬上訂位到銅鑼灣後找了一會才找到打給餐廳說會遲一點才到他們說沒有問題，會幫我hold耐D服務很不錯到餐廳後見到門外已有人龍幸好預約了，所以很快就能入座餐廳主打是龍蝦和牛扒但既然一心來吃龍蝦包所以也沒有點選牛扒叫了兩個龍蝦包和一個龍蝦意粉龍蝦包很足料味道也很不錯百多元一個啖啖肉的龍蝦包當然不能奢求有很鮮的龍蝦味能夠把麵包、龍蝦肉、醬汁都處理得出色已經很不錯絕對是水準之作吃過龍蝦包再吃龍蝦意粉感覺委實是有點重復了味道雖然不錯但是與龍蝦包的調味十分相似而且意粉有點過稔不太對我的口味總括而言，龍蝦包做得很不錯份量足、味道亦好，價錢也合理絕對推介一試

今日同朋友去銅鑼灣搵野食，見到呢間主打龍蝦嘅餐廳，所以就入去試一試！我地叫咗個烤龍蝦牛扒組合$378，再加龍蝦湯$58！龍蝦湯賣相好靚，非常香濃同creamy，真心不錯！ 加埋塊蒜蓉包黎食，一流！龍蝦一送黎，我地就「哇」咗一聲！ 因為隻龍蝦比想像中大，同埋上面有一大條龍蝦膏！ 龍蝦真係啖啖肉，十分鮮甜，淋埋龍蝦sauce 就真係無得頂！另外，啲粗薯條又炸到外脆內軟，分量亦都唔算少！ 而塊無骨牛小排，都幾厚身，唔會好韌，岩岩好！ 而啲沙律又估唔到會吸收埋啲肉汁，搞到食起黎特別香！ 下次黎銅鑼灣食野又多個選擇!

話說今日放學去搵食，搵到去銅鑼灣登龍街。登龍街五光十色，其中一間裝修幾突出既係叫hungry lobster，見舖面係幾型格，忍唔住睇下食乜既，原來係食龍蝦！咁緊係try try佢啦！入到去，地方唔大，但好夏威夷感覺，因為太肚餓，拿拿聲嗌左幾樣野，包括龍蝦包、龍蝦湯、龍蝦炒飯、同埋黑松露蘑菇意粉。龍蝦包好新鮮，鮮的唔只係龍蝦，仲有配襯既包。食落口有肉汁既鮮味，又有沾左汁既包既絕配唔漏口感！個餐配薯條，係炸薯條呀合利！加埋一齊真係irresistible!!之後上左個湯，係濃龍蝦湯！好濃！濃到好似飲左隻龍蝦入肚咁！加埋個幾令既art work，我俾個湯9分架！龍蝦炒飯都非常有驚喜架！先有原隻龍蝦kim，再有實淨足料龍蝦肉，仲有龍蝦湯汁撈埋，我都俾足9分架！係扣一分因為太好食唔夠我食！最後有個黑松露意粉，黑松露唔搶哂個菇味一讚，個汁唔漏二讚，份最足料三讚！總括是reeatable!!

自從年多前東京乜乜乜出街後，龍蝦包一直受到港人追奉，小妹最喜愛就是吃，當時小妹出埠到日本旅遊時當然也有特意跑去吃過那個龍蝦包，吃過後卻大失所望。不過港人緊貼潮流是非常強勁的，現在不用出走到日本也可以嚐得到美味的龍蝦包。在香港小妹大大話話也試過數間龍蝦包，大部分質素也算不錯，不過這間到目前為止是最讓我最回味的，而且重點是價格不算貴，性價比高。Hungry Lobster坐落於V point 即燈籠街上，v point 這邊的地鋪都是以一大片落地玻璃窗作招架，裝潢設計富有現代感，正正跟新穎的餐廳畫上了等號，年輕消費族正正會被這種格局吸引著。餐廳雖然不大，但很有自己的格調，天花上更掛上了大漁船和捕龍蝦籠作點綴，可以把餐廳的主題更為突出。來到主攻龍蝦的餐廳，餐牌上當然絕大部份也是龍蝦的菜式，就連chef special 的餐牌也不例外。法式龍蝦湯$58平時在家裡定必不會自己熬煮龍蝦湯，所出外一定要喝~~龍蝦湯伴隨著一小塊蒜容包一同而上，湯頭味道夠濃郁，不會太鹹，味道剛好~拌勻上面的忌廉令頭的質感更加細緻，增加了柔滑度。Lobster Risotto $168小妹本應想點龍蝦意粉＋龍蝦risot

最近食龍蝦食上癮，今日再去呢間好出名食龍蝦既Hungry Lobster食龍蝦大餐。我地叫左一個飢餓龍蝦全餐share。有法式龍蝦湯，烤全隻波士頓龍蝦，龍蝦意粉，龍蝦包，配薯條同沙律，好豐富呀。首先上既係龍蝦湯配蒜蓉包，龍蝦湯味道好濃，好creamy，蒜蓉包好香脆，仲搽滿蒜蓉醬，非常香口。烤龍蝦既肉好紮實同有嚼勁，非常鮮甜。最鐘意就係佢既龍蝦包，佢既包係牛油軟包，內外都搽滿左牛油去烘，令到成個包都充滿住牛油香，外脆內軟，入面仲夾左好多龍蝦肉，有成兩隻龍蝦鉗咁多阿。另外薯條係粗切，炸到熱辣辣，仲有好香嘅胡椒味。沙律都幾新鮮。龍蝦長通粉嘅通粉都幾彈牙，個汁味道都幾濃，仲有個龍蝦頭伴碟，入面有好多蝦膏，份量都幾多。食到有少少頸渴，就叫左一樽Pompelmocello啤酒。店員話呢款啤酒襯埋龍蝦包一齊飲就最夾。呢款啤酒有酸酸既西柚味，味道好香好清新，都幾特別。Hungry Lobster果然無令我地失望，等我下次又帶朋友黎食先！

五一勞動節，確實係要謂勞下自己。所以就去咗聞名以久嘅Hungry Lobster, 享受下大啖大啖龍蝦肉嘅快感😋！ 同朋友點咗個飢餓龍蝦全餐 $658 ，先黎嘅就係個龍蝦湯配一片蒜蓉包😯。 龍蝦湯有好靚嘅奶油拉花，唔會好浠，同埋真係好香濃，值得一讚！ 絕對唔係交頹貨👍🏻！ 龍蝦包-- 龍蝦包果然係呢度嘅招牌菜！ 包嘅面頭已經鋪滿咗成兩大隻龍蝦鉗肉，個包又鬆軟，吸哂龍蝦嘅香味，加埋個龍蝦Sauce，真係搞到我而家都好想食！😩龍蝦長通粉-- 大大隻龍蝦頭，仲有好多膏😯！ 啖啖龍蝦肉加埋d 長通粉，真係好入味！ 👍🏻👍🏻原隻焗龍蝦-- 哇！ 真係大啖大啖肉呀！ 肉質鮮甜，彈牙，食得出啲龍蝦真係好新鮮！ 加上啲粗薯條配咗少少粗鹽，加埋茄汁，外脆內軟，令我呢個茄汁薯條控都覺得大滿足！ 另外，聽侍應推介，叫咗支配合龍蝦嘅西柚味啤酒。一啖龍蝦肉，一啖酒，又真係配合得幾特別！點算呀？ 下次行過銅鑼灣都會諗起呢度嘅啖啖龍蝦tim ! 😂😂

登龍街都算係美食街，幾多特色餐廳。呢間餐廳幾特別，好似同龍蝦有仇咁，專食龍蝦（岩曬我！）店入面既裝修行型格風，室內好光猛。天花板既掛飾幾吸睛，好似掛左好多條魚標本。飲品揀左蘋果伯爵茶冷壓果汁。之前有見過呢隻牌子都心思思想試。佢好健康，水果經冷壓處理，保留原始既營養。而且唔會過甜，有蘋果既原味同茶香。龍蝦湯，配一小塊蒜蓉包。龍蝦味極濃！極濃！極濃！很重要所以要講三次。唔知佢煮一碗要用幾多隻龍蝦呢？主打！龍蝦包配薯條。龍蝦包仲配左個龍蝦汁，包你一定有龍蝦味！見到個包上面有兩隻大龍蝦鉗已經好興奮，入面更加係啖啖肉。而且個包好軟好甜，唔係d乾硬既法包，唔怕dry！另外，薯條厚身，實心，咬落有飽足感。新鮮炸起，好香脆，不過唔知要爆幾多粒飛滋了T^T呢一餐，昇華左龍蝦。

今日去左銅鑼灣 因為朋友話呢度間GU大間過尖沙咀個間 所以想黎呢邊行街街血拼完就梗係要去食好西 食個tea啦銅鑼灣好西聚集點 登龍街 美食八方雲集既地方 行晒成條街之後 朋友話買到好多野心情好 要食龍蝦 佢話夠豪氣wor😂入面d位好似都幾好坐 所以就入左呢間Hungry Lobster啦😝之前係日本試過其他餐廳既龍蝦包 雖然香港宜家都開左好幾間 但今次係第一次係香港食餐廳係open kitchen既形式 一入去都聞到好香既味 呢個時候客人唔係好多 侍應既服務態度幾好 會介紹下個menu既野食餐牌都係圍繞住龍蝦龍蝦同龍蝦😂不過都有d set係龍蝦配牛扒既豪華組合我地都係tea姐 又唔係真係好hungry既😂叫左個Signature Lobster roll同 Lobster bruschetta 同支Clod pressed juiceSignature Lobster rollwow 一上枱又係港女影相呃like既時候啦😂就咁睇都feel到個包脹脹 好多料個包feel到搽左好多牛油係外面 烘到真係外脆內軟 真心邪惡入面d龍蝦肉真係唔少 龍蝦肉沾滿左龍蝦汁仲有少少好香既黑椒味 肉質彈牙