i kitchen (已結業)

呢度既lunch set真係好抵食，餐廳位於工廈入邊，唔算好出名，但係食物質素好好，價錢又唔貴，同同事中午嚟食飯就啱晒。我叫佐扒虎蝦龍蝦汁意大利飯 $88，一個餐埋已包湯/沙律同飲品，我就簡佐沙律，田園沙律一份有唔同既沙律菜同車厘茄，加埋少少黑醋，好fresh好開胃，做前菜小小地一份就岩晒啦。主食既飯真係好抵食，大大隻開邊虎蝦，煎到好香，蝦肉又好新鮮，好爽口好彈牙，意大利飯有啲蝦膏放埋一齊煮，再加上龍蝦汁，好香，食到啖啖都好鮮味，啲飯唔會太林又唔會太硬，成碟都好好味。依度嘅凍檸茶都唔普通，檸檬好新鮮，酸酸地，茶又香，好好飲。

午市時段呢間餐廳都好旺場，不過好在餐廳嘅座位都算多，而且幾舒適。 中午set lunch價錢唔算太貴，$88-200左右 有沙律 燉飯 意粉 扒類，都好多選擇。既然係2022年最後嘅午餐我就食好啲，簡左🥩$138 美國肉眼扒五成熟，套餐仲有沙律/🥔湯，餐飲。估唔到🥩擺盤咁有心思，望落好似好高級嘅西餐🤭🤭 食落味道都唔錯，我自己本身鍾意食比較生嘅牛肉，佢真係做到五成熟，而且食得出唔係平價嘅牛扒。另外仲可以選擇配白飯或者蔬菜🥒🥬🥕不過餐廳比較多人明顯人手不足，一個鐘頭lunch time我哋喺餐廳食足一個鐘先至成功埋到單🤣 係幾好食，不過要預鬆動時間先可以再黎食啦🤭

今次要同大家介紹一間係觀塘非常高質而且隱蔽嘅餐廳，如果唔係朋友介紹過我都嚟唔到呢間咁好食嘅餐廳，呢間餐廳位於觀塘工廠大廈入邊，入到去嘅時候職員都非常有線而且好熱情咁招待！食物質素亦都非常好。伯爵茶淡淡地，好清爽好香，好好飲🤤🤤可以解膩都唔錯呀👍🏻👍🏻煙肉拿破崙意大利粉$88煙肉好香脆，意大利粉都好惹味好軟熟，好易咬👅👅😋餐廳門口擺放了一棵聖誕樹和聖誕佈置，店內地方闊落，昏暗的燈光配上適量的聖誕裝飾佈置，再播放著聖誕歌曲，已經充滿濃濃的節日氣氛。🎄🎄🎅🎅環境:⭐️⭐️⭐️⭐️⭐️（5星滿分）食物:⭐️⭐️⭐️⭐️⭐️（5星滿分）服務:⭐️⭐️⭐️⭐️⭐️（5星滿分）

今日打算食西餐，於是就上OpenRice 搵。見到呢間係觀塘近近地，就上網book左。餐廳環境ok幾清靜，食咗個輕煎北海道刺身帶子黑松露墨魚汁意粉，份量偏少，點知到黑豚肉眼扒上菜時 ，直頭震驚，稱唔上係扒，只係豬肉條，而且冇乜配菜，得三pat小汁醬，加多杯熱情果嘢飲，盛惠387元。食完唔知自己食咗乜，完全失望而歸，仲要再搵其他嘢食。建議如果係男士或者係大班朋友可揀另一間餐廳，因為份量必定唔夠食，俾完錢好似食咗空氣咁。

知道book到位，而且可以容納咁多人，地方都算寬敞，我哋坐得好舒服，侍應好快畀我哋入座，仲每人先來一杯暖水，照顧得唔錯。 蝶豆花梳打@簡直係打卡之算選，雖然我分唔出嘅蝶豆花 ，但係呢，都好好味😊玫瑰香桃果茶@ 好香蜜桃味 ，茶果嘅比例啱啱好，聞下去一陣陣嘅玫瑰花香 北海道帶子紅甜椒意大利飯@ 帶子好大粒，好鮮甜，意大利飯軟硬適中，比我想像中好好味，可能係雞湯淆製過，雖然份量唔係好大，非常之飽肚。 煙三文魚牛油梨薄餅@ 雖然望落去個賣相好普通，但係呢原來食落去好好味，煙三文魚同牛油梨估唔到好夾。 香煎美式蟹肉餅伴香梨及田園沙律@ 蟹肉餅好精緻。

今天是冬至，大夥兒去吃西餐，原來在節日吃西餐，真的是不太便宜。挪威煙三文魚伴有機紅菜頭田園沙律 (配意大利陳年黑醋)， 紅菜頭配上黑醋的味道，有些怪怪的，我不懂得欣賞。南瓜栗子濃湯也就不過不失，用濃湯浸淋了餅乾棒棒，味道不錯。澳洲穀飼牛肉眼扒配松露燒汁 (配蔬菜)， 肉眼扒頗為厚身，肉質不太淋、有少許嚼勁，味道還可，牙力佳者可吃。今天的精選甜品是一粒類似朱古力慕絲糯米糍，不太合我的口味。即磨咖啡，沒有什麼特別！

🍗香煎厚切鵝肝牛肝菌意大利飯鵝肝肥美夠厚，大大碟，意大利飯隔入牛肝菌，每一粒飯都有牛肝菌，好好味既意大利飯，好重菇味，鵝肝煎得好香😝，份量大，夠食，成碟味道都好夾 🍗澳洲穀飼牛肉眼配松露燒汁肉眼質感較鬆，沒有牛根，咬落去有少少血汁，混合肉眼係牛味明顯突出，火侯調教得剛剛好，配合松露燒汁，口感好夾，自家製燒汁勁好味，好有飽肚感🌹玫瑰香桃果茶一向鐘情玫瑰，果然無失望，果香玫瑰味，感覺好清新啊，飲咗之後有舒壓效果，心情極好，係一種享受 🌹玫瑰士多啤梨鮮奶好香士多啤梨鮮奶絕對唔係人造加工，清甜重奶味，大人小朋友都鐘意，都係一種享受😎🫡今日專登係觀塘拍拖行街！行到累！有朋友介紹呢間幾浪漫都岩拍拖食飯！無介紹錯！環境好好夠浪漫格調！啲職員都好好招呼，至於格面，餐牌同食物都好乾淨同整潔！份量來講足夠，好大份一定夠食！價錢方面合理，工廈來講好抵食唔貴！咁有質素既工廈地方加上西餐廳感覺，食物一流！而家真係好少有，下次再來二人世界🫡好評⭐️⭐️⭐️⭐️⭐️

教完班，同同事去《i kitchen》食午餐。餐廳位於觀塘巧明街106號冠力工業大廈2樓，餐廳係酒吧及cafe裝修,簡潔乾淨,坐得好舒服。我地叫左一份意粉午餐和沙律午餐share嚟食。午餐包括一道主菜，餐湯，沙律和飲品。🍽主菜- 煙肉拿破崙意大利粉$88- 迷你水牛芝士伴溫室皺皮瓜沙律 $88🥣餐湯- 甘筍湯沙律🥗- 田園沙律🥗🫗飲品- 伯爵茶🫖- 凍檸茶🍹煙肉拿破崙意大利粉$88迷你水牛芝士伴溫室皺皮瓜沙律 $88🥕🥣甘筍湯質地比較稠，甜甜的好易入口，配上忌廉更香更滑，飲落去後身體都很暖和。

觀塘工廈入面呢間I Kitchen真係好多好野食呀！香脆魷魚圈魷魚圈一碟份量都多，炸到金黃色，好香脆，咬落去索索聲，魷魚好新鮮，好彈牙，好正，再點埋雞醬嚟食更加好味😋香煎厚切鵝肝牛肝菌意大利飯鵝肝真係厚切，勁厚勁大舊，放係意大利粉飯面頭中間，一切落去鵝肝嘅油香浸晒落飯入邊，而飯本身都因為有牛肝菌而好香，軟硬又煮得好適中，非常好食，鵝肝配埋飯黎食就唔會太過油膩🤗澳洲穀飼牛肉眼配松露燒汁成碟fine dine咁，三款醬汁上面有三款蔬菜，甘筍汁上面有瓜片，綠色嘅菜汁上面有車厘茄，紅色嘅辣汁上面有粟米仔，整得好靚，擺盤好有心思！而煮個牛扒好厚好大塊，煎得啱啱好，肉汁鎖晒係啲牛肉入邊，好軟腍好好味，牛味亦都好濃，再配埋松露燒汁就更加香口，味道更突出🥰蝶豆花梳打梳打甜甜哋，飲得出蝶豆花新鮮整出嚟嘅味道，加入有氣既Soda，唔會太甜，係天然嘅味道，成杯好好飲，凍凍地好正😗

今日黎呢間i kitchen食嘢真係好豐富好開心。首先好想介紹下✔️西班牙海鮮+辣肉腸+雞肉燉飯。因為啲海鮮真係大嚿好吸睛，真係未食都覺得好飽呀。而每一樣海鮮都真係好鮮甜又啖啖肉，飯又索哂汁軟綿綿咁，成個感覺就係鮮上加鮮。另外如果鍾意食腸嘅人士，就一定要試下✔️扒德國腸拼盤。佢就寫住有巴雷特豬肉腸，維也納腸，芝士雞肉腸，蘇寶力腸。。。其實我都分唔到咩腸打咩腸但係好好食。👻如果無肉不歡嘅當然要試下呢個牛扒啦。✔️澳洲榖飼牛肉眼配松露燒汁。首先個上碟外觀係好靚嘅，其次就係有陣陣香味。不過最精髓之處係個松露燒汁。將軟熟嘅牛肉點上醬汁，係香上加香嘅層次。間中嚟觀塘食呢間下啲豐富大餐都唔錯㗎。

自從半年前Office搬離觀塘之後，已經好耐冇喺呢邊開餐，今日趁同老婆去攞網購貨，當然要係呢度嘆返餐啦😆i kitchen係其中一間我地鍾意去嘅工廈西餐廳，餐廳位於巧明街，由觀塘港鐵站經apm穿過港貿中心就到，餐廳裝修富有情調，加上聖誕裝飾佈置，喺入面完全唔會覺得自己處身工廈之中😍餐廳晚市食物選擇豐富，而且點配任何一款主食都可加$38 轉套餐，非常有彈性，我地各點左一個套餐再加一份甜品share，應該好夠食😁餐湯是日餐湯係甘筍湯，加左忌廉嘅甘筍湯口感香滑，味道清新帶甜👍🏻香煎厚切鵝肝伴紐西蘭牛柳 $248 鵝肝外層煎至微脆，入口油香豐腴，紐西蘭牛柳肉味特別濃，5成熟嘅牛扒肉汁飽滿，一啖鵝肝一啖牛柳，非常滿足😌輕煎北海道刺身帶子，黑松露墨魚汁意粉 $148老婆揀嘅墨魚汁意粉非常抵食，有別於一般墨汁意粉，呢款意粉並唔係用墨魚汁煮，而係用墨魚汁製成嘅意粉再加入特製醬汁烹調，意粉充滿黑松露同蒜香，加上煎帶子，味道鮮甜有層次😋鏡面伯爵茶朱古力凍餅伴雪糕 $58 最後食埋呢款雲尼拿雪糕配伯爵茶朱古力凍餅，呢餐非常完滿☺️

本身諗住隨便一試，覺得都有小驚喜，所以都寫咗食評。今餐係鵝鴨相會😆😛見到有鵝肝就即刻嗌啦，鵝肝係矜貴嘢嚟㗎嘛。“香煎厚切鵝肝+牛肝菌意大利飯”$168，水準唔錯。鵝肝大大塊真係好抵。食落去入口即溶嘅感覺，鵝嘅香氣喺口腔入面久久不散。甘甜厚實嘅牛肝菌，加埋軟綿綿嘅飯，滿足。😛輪到鴨仔出場喇。“油封法國鴨髀伴煙肉煮白豆”$188驚喜之作。鴨髀夠大啖啖肉，鹹鹹地咁加埋煙肉就係鹹加鹹嘅配搭。雖然會鹹咗少少但係ok嘅，因為個白豆啱啱好蓋返呢種太鹹嘅感覺。如果白豆都好有質感，係啱啱好嘅軟度。如果黎開觀塘，呢間都可以係值得一試嘅餐廳，都推薦。

聖誕就到，今晚放工約了朋友去觀塘買聖誕禮物，我地收工時間都比較趕，為勉到商場內食肆排隊，朋友提議到巧明街號冠力工業大廈2樓的 i kitchen食晚餐。餐廳門口擺放了一棵聖誕樹和聖誕佈置，店內地方闊落，昏暗的燈光配上適量的聖誕裝飾佈置，再播放著聖誕歌曲，已經充滿濃濃的節日氣氛。餐牌食物選擇種類多，我點了一客墨魚汁意粉，及一客甜品。主食加$38 轉套餐會有餐湯及餐飲。甘筍湯甘筍湯質地比較稠，甜甜的入口舒適，配上忌廉更滑，飲後身體都很暖和。輕煎北海道刺身帶子，黑松露墨魚汁意粉墨汁意粉上有三粒輕煎帶子，黑松露香氣撲鼻，意粉軟硬度恰到好處，有煙韌口感又不會過硬。每條意粉都掛上醬汁，蒜香味和松露很夾，帶子兩邊經過輕煎焦香了表面而內𥚃仍保留刺身口感，味道鮮甜。鏡面伯爵茶朱古力凍餅伴雪糕 蛋糕以伯爵茶朱古力慕斯和海綿蛋糕組成，一口吃下會感受到濃濃的朱古力味之間滲出淡淡伯爵茶香，口感一半結實一半鬆軟，不會很甜，配雲尼拿雪糕吃更覺特別。食飽飽就出發去選購聖誕禮物。

今日去完APM行街，就到觀塘工業大廈一間I Kitchen 西餐廳食過午餐，入到餐廳已經佈置了聖誕裝飾很有氣氛。餐牌上有多款午市套餐選擇👍南瓜湯熱辣辣南瓜味香濃，飲落好幼滑！烤巴馬火腿美國露筍雞卷配白飯食物擺盤好靚好吸引，雞肉好鮮嫩多汁，夾住好新鮮嘅蘆筍一齊食，口感更加有層次，醬汁調味適中好惹味，配白飯一流👍烤虎蝦香辣蕃茄銀魚柳意粉🍝虎蝦大大隻烤至微焦，肉質爽口彈牙，意粉煙煙韌韌每一條都掛上醬汁，酸酸地帶點微辣，好滋味😋最後飲埋杯凍檸茶，十分滿足。

幾年前係觀塘返工經常幫襯，今日咁啱來開觀塘做嘢所以就再次幫襯，估唔到幾年後再幫襯依然keep住當年的水準👍甚至好食過之前，下次可以約埋幾個朋友一齊試吓其他菜色