i kitchen (已結業)

觀塘打工仔lunch唔好再食茶記啦!!!巧明街呢間樓上CAFE坐得舒服又乾淨衛生，今日ORDER左個SET LUNCH $108, 有沙律或湯、主菜、自家製甜品及即磨咖啡。我感受到廚師的用心烹調，CHORIZO燉雞香濃肉嫩，份量絕不欺場，咖啡香醇，還貼心另外準備熱鮮奶，份量按個人喜好，抵讚! 自家製甜品好好味，熱情果蛋糕為我的午餐畫上完美句號。

今日同男朋友行開觀塘，我哋就去咗工廠大廈搵晚餐食，唔俾我哋見到一間好吸引嘅西餐廳，上網睇都有好多人推介。今次我哋就叫咗三樣嘢食分別就一個蟹肉餅，一個意大利飯同埋一個薄餅。呢個小食係香煎美式蟹肉餅伴香梨及田園沙律🥗佢嘅蟹肉餅得好香蟹肉味，睇得出佢係非常足料，而且加埋佢嘅沙律一齊食就唔會覺得非常之膩。之後我哋仲叫香煎厚切鵝肝，牛肝菌意大利飯，呢個嘅厚切鵝肝真係唔少野，食落去非常多油脂！再食埋佢哋嘅煙三文魚牛油梨薄餅，就超級滿足，佢呢個三文魚牛油嗰個餅非常推介，薄餅非常之香脆！

今日同男朋友專登出咗觀塘食西餐慶祝，呢間餐廳嘅裝修環境非常有特色，而且佢啲嘢食質素非常高，非常值得推介👍🏻👍🏻首先我就好鍾意食火腿，所以就叫咗一個冷盤，意大利火腿伴溫室皺皮瓜。呢個火腿同個皺皮掛非常之夾，食落去就好似甜甜地咁樣味道非常豐富和多層次。之後因為好想食炸雞球我哋就叫咗一個韓式炸雞球伴芝士醬，佢哋原味炸雞配埋呢個芝士醬真係冇得輸，每粒炸雞嘅肉多非常多，而且炸雞嘅皮不會太多😆我哋仲叫咗一個油封法國鴨髀伴煙肉煮白豆，呢個鴨味真係非常推薦，佢真係成隻鴨髀，食得非常過癮🤤而且佢嘅油封做法非常特別！最後仲叫咗煙三文魚牛油梨薄餅，佢呢個薄餅真係非常趣博，食到舔舔脷🤤佢嘅三文魚同埋牛油果都非常之多，加埋趣薄餅一齊食口感非常之好😚

今日同朋友專登去咗工廠大廈搵好晒食，因為觀塘附近嘅工廠大廈都不嬲有好多人細嘅餐廳都好好食，呢間餐廳價錢適中對得住佢嘅嘢食。扒德國腸拼盤 $158首先我哋都好鍾意食腸仔就叫咗一個德國腸拼盤，入面有巴雷特豬肉腸，維也納腸，芝士雞肉腸，蘇寶力腸！每一款腸仔都非常之粗身，仔細品嚐的話可以食得出有不同的分別！香煎厚切鵝肝，牛肝菌意大利飯$168另外我哋都好鍾意食鵝肝就叫咗個鵝肝惹菌意大利飯，佢哋鵝肝非常之肥美，食落口嘅油脂充滿口腔，非常滿足！而且佢嘅意大利飯煮得亦都非常好，飯嘅軟硬程度剛剛適中😆澳洲榖飼牛肉眼配松露燒汁$198然後食西餐點少得牛扒，我哋就叫咗五成熟嘅肉眼扒，佢係配松露燒汁，非常之惹味！而且佢嘅牛肉煎得非常好不會過熟，食落口的肉質非常嫩滑！

今日又嚟到小豬報導嘅時間，聽講觀塘工廈有間西餐幾好食，小豬今日就睇下有冇口福喇。意大利火腿伴溫室皺皮瓜$98先試一試個前菜，皺皮瓜夠曬香甜清爽，似係新鮮切嘅。上面沙律菜ok嘅，入得口。而個火腿唔會話雪咗好耐淡茂茂，都係有淡淡鹹香嘅味道。米蘭海鮮湯 $68食完前菜飲返個湯。一隻大大嘅蝦喺湯上面，非常吸引，所以我覺得好抵。湯暖笠笠好有鮮味。龍蝦海鮮意大利粉$168大大隻龍蝦已經值回票價，而且仲有青口魷魚等海鮮。龍蝦方面夠曬入味似係經過淆製嘅。其他海鮮都算新鮮。意粉已經完全吸收茄汁嘅味道，每一口都係風味，酸酸地甜甜地。油封法國鴨髀伴煙肉煮白豆$188呢個係幾特別嘅菜式，因為出面都好少有白豆。鍾意咸嘅人士要試下呢個。鴨肶已經係夠曬咸，加埋煙肉就咸上加咸，不過呢度又唔說話過分咸嘅，所以我覺得都ok。而特別嘅白豆質感紮實似堅果，綿綿嘅質感幾得意。推介度：8/10菜式推介：海鮮類

今日同男朋友去呢間餐廳食覺得好sweet，除咗係因為同佢食之外, 嗰杯玫瑰士多啤梨鮮奶真係令我一試難忘，真係好sweet想返尋味。🌹🍓🍼玫瑰士多啤梨鮮奶🌹🍓🍼不能不試！無論外觀定係味道都充滿幸福感覺。粉紅色嘅主體，白色cream上有草莓，已經好靚🥰一飲落去係草莓牛奶嘅味同cream嘅味，好香甜。🐃🔪澳洲榖飼牛肉眼配松露燒汁$198🐃🔪伴碟嘅裝飾都好甜美，紅紅綠綠咁樣，令到食塊牛嘅時候都覺得分外甜😚 軟身嘅牛肉充滿肉汁，加上少少香脆嘅邊，口感好正。🐟🦪🐓西班牙海鮮.雞肉燉飯$268🐟🦪🐓大大舊海鮮，望落已覺鮮甜。要享受海鮮啖啖肉，一定要試呢個。而飯亦都充滿鮮味，伴住雞肉、辣肉腸同墨魚等等嘅海鮮，撈飯一流。另外仲叫左香腸小食，不多講，都係好好味，值得一試。

今天跟同事到官塘工作至下午，餓到不得了。想起這餐廳就在不遠處，急急拉着同事走過來。午市套餐也不錯，包括田園沙律/廚師餐湯，主菜和飲品。廚師餐湯：大蒜薯仔蓉湯薯仔蓉湯口感綿滑，味道清甜。拌入了淡忌廉，使薯仔蓉湯口感更幼滑。嚐到清清的新鮮薯仔的甜味，大蒜帶來清香香氣。薯仔本身含富豐澱粉質，這個大蒜薯仔蓉湯給了我一點飽足感覺，即時沒有了餓感❣️ 米蘭式海鮮意粉 $88海鮮意粉賣相吸引。青口、鮮蝦、八爪魚和沾滿醬汁的意大利粉。海鮮沒有過多調味，保留了天然味道，尤以鮮蝦爽口彈牙。意大利粉軟硬度剛好，均勻的混入了濃香的茄醬，清新味道的濃厚醬汁沒有帶來黏膩感，跟海鮮非常搭配。  ❣️ 厚切安格斯肉眼 $168可配蔬菜或白米飯，我就選了蔬菜。厚切安格斯肉眼表面煎得帶焦香，送來時香味飄飄。我最喜歡五成熟的牛扒，肉質與脂肪分佈均勻，肥瘦適中，充滿油花，油脂甜美甘香。肉汁鮮嫩，簡單調味，天然牛肉肉味濃郁。肉質細緻，烹調功夫好，幼嫩中帶點咬口。多種蔬菜新鮮味美。🍹 檸檬茶(凍)同事說他的檸檬茶茶底清香，添加新鮮檸檬片味道清爽。🍹 檸檬蜜(凍)檸檬蜜清甜，嚐到接骨木花蜜味道，滋潤又清新。

今餐有意外驚喜，特別深刻係松露醬著條😚等我首先介紹下🍟🍟炸薯條配松露醬🍟🍟$48。香脆可口係基本，鹽不過多，淡淡香草味。松露醬係秘密武器，薯條點咗佢之後真係好味好多，超香💯意粉我最愛。🍝🍝三文魚籽，墨魚，野菌墨魚汁意粉🍝🍝$128。色彩美觀，味道吸引。先食一住意粉，滑滑又充滿墨汁😆；再將墨魚加埋三文魚籽一齊食，感覺好唔錯。鋸扒之選係🐂🐂澳洲榖飼牛肉眼配松露燒汁🐂🐂$198。配菜好得意三種顏色, 有粟米，蕃茄同埋（應該係）蘿蔔圍住舊牛扒。外觀已經吸引，味道更加吸引。軟淋淋嘅牛扒充滿肉汁，入口非常juicy。近觀塘想食西餐記得嚟呢間，總之一定要食薯條呀。😆

今餐都係諗住輕輕鬆鬆食餐便飯，而今次令我想寫下食評。我哋好鍾意食腸所以就嗌咗呢個🌟扒德國腸拼盤🌟😂😂有齊四種腸，巴雷特豬肉腸，維也納腸，芝士雞肉腸，蘇寶力腸，分量都好大㗎。 而每款唔同腸細心食會發現佢地既口味，咸淡，口感等都有唔同，而我個人既最愛係巴雷特豬肉腸，口感比較實在，而豬肉既香味都好出，正！想濕下口可以試下🌟米蘭海鮮湯🌟。大大隻蝦喺碗湯上已經好吸引。飲落口每一啖都係鮮味，暖暖窩心。🌟西班牙海鮮➕辣肉腸➕雞肉燉飯🌟鍾意食海鮮一定要嗌呢個因為啲海鮮勁大舊，有蠔有帶子有蝦。飯都軟綿綿好易入口，加埋辣辣地嘅肉腸同埋嫩滑嘅雞肉，感覺好溫暖。🌟澳洲榖飼牛肉眼配松露燒汁🌟鍾意食牛扒就梗係要試呢個啦。想讚下個松露燒汁，因為出面通常都係普通燒汁，好少話有松露嘅。呢個真係好香口，配搭影軟軟牛扒就一流。

今日過來觀塘搵朋友，佢介紹我呢間隱藏於工廈嘅西餐廳。我哋嗌咗啲海鮮、肉、小食。主菜之一：🐟三文魚籽、墨魚、野菌墨魚汁意粉。外觀已經相當吸引，最上面係燈燈嘅三文魚籽好搶眼，下面有白色嘅魷魚墊住，而最底部就係黑色嘅墨汁意粉，所以個構圖都幾靚。主菜之二：🐂澳洲榖飼牛肉眼配松露燒汁。好耐冇鋸過扒，呢塊肉眼令到我好心滿意足。一切開軟淋淋，生熟度啱啱好，咬落去煙煙韌韌又香口，加埋個松露汁就更正。小食：🐖扒德國腸拼盤。內有 巴雷特豬肉腸，維也納腸，芝士雞肉腸，蘇寶力腸。鍾意食腸嘅人一定要試，總有一款啱你😂😂甜品：🍫棉花糖朱古力。濃濃嘅朱古力奶上面佈滿面花糖，真係甜甜甜。

估唔到上網搵下搵下，比我哋搵到觀塘有間存在於工廈中的西餐廳，仲要質素幾好喎。🦪輕煎北海道刺身帶子.紅甜椒意大利飯$148首先帶子真係好大隻有三隻，啲飯燈燈地色，上面有啲脆片，所以成個外觀都好吸引。帶子咬落夠鮮，每一啖飯滲入醬汁好入味，連同紅甜椒同脆片食感覺幾好。🍲西班牙海鮮.辣肉腸.雞肉燉飯$268大大舊海鮮真係好吸精。有帶子、蠔、蝦等全部都啖啖肉。燉飯入味不過膩，濕濕地入口好正，連同雞肉食更開心。🦑香脆魷魚圈$68分量都好多，所以都好抵食。炸得真係香口入味，入面真係有好實嘅魷魚肉，整體甜甜地咁樣，點埋醬食就可以消一消炸氣。🍋青檸柚子蜜果茶酸酸甜甜消下滯，感覺幾清新，不俗。

同男朋友拍拖成日都發掘高質餐廳，今次試左間係觀塘性價比極高嘅西餐廳，試完覺得仲會有下次幫襯😆我地叫左個”德國腸拼盤” ($158) share，入面有巴西特豬肉腸，維也納腸，芝士雞肉腸同蘇寶力腸，一個拼盤試到哂多款德國腸😍之後叫左個”油封法國鴨髀伴煙肉煮白豆” ($188)，個鴨髀好好味，肉質唔鞋，煙肉白豆都好好味🤤叫多個”龍蝦海鮮意大利粉” ($168)，海鮮好夠多，仲有大大隻龍蝦好唔客氣，真係好抵食😋見人地杯粉紅飲品咁吸引又叫返杯，”玫瑰士多啤梨鮮奶” 飲落好香士多啤梨味，少少玫瑰花香都幾正🤩

意外同朋友發現呢間隱身係觀塘工廈嘅西餐廳，高質美食不可以錯過‼️🍴米蘭海鮮湯 $68個湯分量岩岩好，好開胃，又唔會話飲完飽哂，蝦都好睇好食😍🍴三文魚籽，墨魚，野菌墨魚汁意粉 $128三文魚籽粒粒爆汁彈牙🤤 墨魚好有咬口，而且墨魚汁意粉都好正😆🍴油封法國鴨髀伴煙肉煮白豆 $188鴨髀好香好滑，可煙肉煮白豆好perfect😋🍴韓式炸雞球伴芝士醬 $78估唔到有韓式炸雞，炸雞點芝士醬絕配🤣👍🏻🍴心太軟真係流心嘅朱古力心太軟，食得好幸福✨呢間餐廳真係隱世美食西餐，下次會再試‼️

今次要同大家介紹一間係觀塘非常高質而且隱蔽嘅餐廳，如果唔係朋友介紹過我都嚟唔到呢間咁好食嘅餐廳，呢間餐廳位於觀塘工廠大廈入邊，入到去嘅時候職員都非常有線而且好熱情咁招待！食物質素亦都非常好。意大利火腿伴溫室皺皮瓜$98今次我哋冷盤就叫咗火腿伴瓜，佢呢個擺盤都非常之有心，而且佢嘅份量都算多，佢嘅瓜亦都非常清甜好配火腿。炸薯條配松露醬 $48之後我哋就叫咗一個松露醬炸薯條，佢呢個黑松露醬非常之香而且食落好creamy。香煎厚切鵝肝，牛肝菌意大利飯$168另外我哋都叫咗個意大利飯，佢呢個飯重點係厚切鵝肝，香我講非常之肥美而且好大塊。同埋意大利飯一齊食非常之正！煙三文魚牛油梨薄餅$148我哋另外都叫左個三文魚薄餅，薄餅整得好脆薄，咬落去卜卜脆。佢上面三文魚非常多份量，加埋牛油味真係好搭！ 

星期六放假當然要食返好，今次同細佬兩個人黎左呢間I kitchen度食西餐，請佢食返餐好既👍😚⭐️扒德國腸拼盤 $158呢個拼盤有巴雷特豬肉腸，維也納腸，芝士雞肉腸，蘇寶力腸，黎到真係好大碟，樣樣都比到足，仲要好大條，味道都好好，好重肉味，仲有肉汁👍😚⭐️龍蝦海鮮意大利粉$168西餐當然唔少得意粉，呢個意粉真係必食，海鮮比到足，龍蝦仲要勁大隻，呢個價錢黎講，真係幾抵食，仲要海鮮係新鮮既，大大隻之餘，唔會柴，好多肉，配埋意粉好鮮甜，意粉都好入味，正☺️🤩⭐️飲品好少見西餐有呢d野飲，當然要試下，我地叫左杯棉花糖朱古力同玫瑰士多啤梨鮮奶，兩杯都幾好飲，唔會太甜，棉花糖朱古力好香朱古力味，士多啤梨鮮奶就好清新，兩樣都好飲👍☺️